ताण्डवस्तोत्रम् २ Shri Tandava Stotram (2)

चित्रं वटतरोर्मूले वृद्धाः शिष्या गुरुर्युवा ।गुरोस्तु मौनं व्याख्यानं शिष्यास्तु च्छिन्नसंशयाः ॥ १॥

citraṃ vaṭatarormūle vṛddhāḥ śiṣyā gururyuvā |gurostu maunaṃ vyākhyānaṃ śiṣyāstu cchinnasaṃśayāḥ || 1||

पदप्रचुरकिङ्किणीकिणिकिणिध्वनिभ्राजितंहरिप्रमुखदेवतादृतलसन्मृदङ्गादिकम् ।धिधिन्धिमितधैतधैतधरवानुसारिक्रमंसदा तिमिति मङ्गलं दिशतु शाम्भवं ताण्डवम् ॥ २॥

padapracurakiṅkiṇīkiṇikiṇidhvanibhrājitaṃharipramukhadevatādṛtalasanmṛdaṅgādikam |dhidhindhimitadhaitadhaitadharavānusārikramaṃsadā timiti maṅgalaṃ diśatu śāmbhavaṃ tāṇḍavam || 2||

धिन्धिमिधिमिधिमिशब्दैर्बन्धुरपदमन्दरं नटन्तम् ।झञ्झणझणझणरावारञ्जितमणिमण्डनं शिवं सेवे ॥ ३॥

dhindhimidhimidhimiśabdairbandhurapadamandaraṃ naṭantam |jhañjhaṇajhaṇajhaṇarāvārañjitamaṇimaṇḍanaṃ śivaṃ seve || 3||

तक्कतोधिक्कतोतातथातैतथैतोङ्गदद्माङ्गधिन्नत्तशब्दान्मुहुः ।उच्चरन् हासविन्यासचञ्चन्मुखःसन्ननर्त स्वयं श्रीभवानीपतिः ॥ ४॥

takkatodhikkatotātathātaitathaitoṅgadadmāṅgadhinnattaśabdānmuhuḥ |uccaran hāsavinyāsacañcanmukhaḥsannanarta svayaṃ śrībhavānīpatiḥ || 4||

तापसांस्तापसानन्तरा देवतादेवता देवताश्चान्तरा तापसाः ।एवमादृत्य वागीश्वरादिस्थितौ(धिष्टितः)सन्ननर्त स्वयं श्रीभवानीपतिः ॥ ५॥

tāpasāṃstāpasānantarā devatādevatā devatāścāntarā tāpasāḥ |evamādṛtya vāgīśvarādisthitau(dhiṣṭitaḥ)sannanarta svayaṃ śrībhavānīpatiḥ || 5||

॥ इति श्रीताण्डवस्तोत्रं सम्पूर्णम् ॥

|| iti śrītāṇḍavastotraṃ sampūrṇam ||