सोमसुन्दरस्तुतिः अथवा सोमसुन्दरेश्वरद्वादशकस्तोत्रम् Shri Somasundara Stutih

इन्द्रःएकं ब्रह्माद्वितीयञ्च परिपूर्णं परापरम् ।इति यो गीयते वेदैस्तं वन्दे सोमसुन्दरम् ॥ १॥

indraḥekaṃ brahmādvitīyañca paripūrṇaṃ parāparam |iti yo gīyate vedaistaṃ vande somasundaram || 1||

ज्ञातृज्ञानज्ञेयरूपं विश्वं व्याप्यं व्यवस्थितम् ।स्वयं सर्वैरदृश्यो यस्तं वन्दे सोमसुन्दरम् ॥ २॥

jñātṛjñānajñeyarūpaṃ viśvaṃ vyāpyaṃ vyavasthitam |svayaṃ sarvairadṛśyo yastaṃ vande somasundaram || 2||

अश्वमेधादियज्ञैश्च यस्समाराध्यते द्विजैः ।ददाति च फलं तेषां तं वन्दे सोमसुन्दरम् ॥ ३॥

aśvamedhādiyajñaiśca yassamārādhyate dvijaiḥ |dadāti ca phalaṃ teṣāṃ taṃ vande somasundaram || 3||

यं विदित्वा बुधास्सर्वे कर्मबन्धविवर्जिताः ।लभन्ते परमां मुक्तिं तं वन्दे सोमसुन्दरम् ॥ ४॥

yaṃ viditvā budhāssarve karmabandhavivarjitāḥ |labhante paramāṃ muktiṃ taṃ vande somasundaram || 4||

देवदेवं यमाराध्य मृकण्डुतनयो मुनिः ।नित्यत्वमगमत्सद्यस्तं वन्दे सोमसुन्दरम् ॥ ५॥

devadevaṃ yamārādhya mṛkaṇḍutanayo muniḥ |nityatvamagamatsadyastaṃ vande somasundaram || 5||

निजनेत्राम्बुजकृतं पूजया परितोष्य यम् ।श्रीपतिर्लभते चक्रं तं वन्दे सोमसुन्दरम् ॥ ६॥

nijanetrāmbujakṛtaṃ pūjayā paritoṣya yam |śrīpatirlabhate cakraṃ taṃ vande somasundaram || 6||

येन सृष्टं जगत्सर्वं रक्षितं संहृतं क्रमात् ।सत्यं विज्ञानमानन्दं तं वन्दे सोमसुन्दरम् ॥ ७॥

yena sṛṣṭaṃ jagatsarvaṃ rakṣitaṃ saṃhṛtaṃ kramāt |satyaṃ vijñānamānandaṃ taṃ vande somasundaram || 7||

यस्मै वेदाश्च चत्वारो नमस्यन्त वपुर्धराः ।ईशानं सर्वविद्यानां तं वन्दे सोमसुन्दरम् ॥ ८॥

yasmai vedāśca catvāro namasyanta vapurdharāḥ |īśānaṃ sarvavidyānāṃ taṃ vande somasundaram || 8||

यस्मात्परञ्चापरञ्च किञ्चिद्वस्तु न विद्यते ।ईश्वरं सर्वभूतानां तं वन्दे सोमसुन्दरम् ॥ ९॥

yasmātparañcāparañca kiñcidvastu na vidyate |īśvaraṃ sarvabhūtānāṃ taṃ vande somasundaram || 9||

यस्य प्रणाममात्रेण सन्ति सर्वाश्च सम्पदः ।सर्वसिद्धिप्रदं शम्भुं तं वन्दे सोमसुन्दरम् ॥ १०॥

yasya praṇāmamātreṇa santi sarvāśca sampadaḥ |sarvasiddhipradaṃ śambhuṃ taṃ vande somasundaram || 10||

यस्य दर्शनमात्रेण ब्रह्महत्यादिपातकम् ।अवश्यं नश्यति क्षिप्रं तं वन्दे सोमसुन्दरम् ॥ ११॥

yasya darśanamātreṇa brahmahatyādipātakam |avaśyaṃ naśyati kṣipraṃ taṃ vande somasundaram || 11||

उत्तमाङ्गं च चरणं ब्रह्मणा विष्णुनापि च ।न दृश्यते यस्य यत्नात् तं वन्दे सोमसुन्दरम् ॥ १२॥

uttamāṅgaṃ ca caraṇaṃ brahmaṇā viṣṇunāpi ca |na dṛśyate yasya yatnāt taṃ vande somasundaram || 12||

त्वया नीपारण्यनाथ त्वदन्यान्समानाहुर्दैवतान् पापिनस्ते ।तदा शम्भो त्वत्समं दैवतं स्याद्यदा योगो वाजिनो रासभस्य ॥ १३॥

tvayā nīpāraṇyanātha tvadanyānsamānāhurdaivatān pāpinaste |tadā śambho tvatsamaṃ daivataṃ syādyadā yogo vājino rāsabhasya || 13||

अणोरणुस्त्वं महतो महांस्त्वंसर्वात्मभावात्परिपूर्ण एकः ।त्वयैव शम्भो महिमा त्वदीयोविज्ञायते वक्तुमिमं क्षमः कः ॥ १४॥

aṇoraṇustvaṃ mahato mahāṃstvaṃsarvātmabhāvātparipūrṇa ekaḥ |tvayaiva śambho mahimā tvadīyovijñāyate vaktumimaṃ kṣamaḥ kaḥ || 14||

इति श्रीस्कान्दे महापुराणे अगस्त्यसंहितायांश्रीहालास्यमाहात्म्ये पञ्चमाध्यायान्तर्गताश्रीसोमसुन्दरस्तुतिः समाप्ता ।आल्सो क्नोव्न् अस्श्रीसोमसुन्दरेश्वरस्तोत्रंश्रीसोमसुन्दरेश्वरस्तुतिदशकम्श्रीसोमसुन्दरेश्वरस्तुतिद्वादशकम्इन्द्रकृतं श्रीसोमसुन्दराष्टकम्(मिस्तकेन्ल्य् चल्लेद् अस् अष्टकम्)

iti śrīskānde mahāpurāṇe agastyasaṃhitāyāṃśrīhālāsyamāhātmye pañcamādhyāyāntargatāśrīsomasundarastutiḥ samāptā |ālso knovn asśrīsomasundareśvarastotraṃśrīsomasundareśvarastutidaśakamśrīsomasundareśvarastutidvādaśakamindrakṛtaṃ śrīsomasundarāṣṭakam(mistakenly called as aṣṭakam)