सिद्धलिङ्गमहाशिवयोगिनक्षत्रमालिकास्तोत्रम् Shri Siddhalingamahashivayogi Nakshatramalika Stotram

(पण्डित श्री बसवराजशास्त्रिविरचितम्)विभ्राजत्सुजटाधिवास विभजद्गङ्गाविलासावृतम्राराजद्रजताद्रिवास विलसद्गरी भुजालङ्कृतम् ।चन्द्रादित्यधनञ्जयाख्यनयनं सन्त्यज्य निर्मायिकम्सच्चिद्रूपमनादिदेवमतुलं श्री सिद्धलिङ्गं भजे ॥ १॥

(paṇḍita śrī basavarājaśāstriviracitam)vibhrājatsujaṭādhivāsa vibhajadgaṅgāvilāsāvṛtamrārājadrajatādrivāsa vilasadgarī bhujālaṅkṛtam |candrādityadhanañjayākhyanayanaṃ santyajya nirmāyikamsaccidrūpamanādidevamatulaṃ śrī siddhaliṅgaṃ bhaje || 1||

आविर्भूय च भूतले सुमहसा श्री गोसलेशं चरम्संसेव्यामृतसेचनेन ज्वलनं दीपस्यकृत्वा मुदा ।तेनावाप्य सुजङ्गमाधिकरणं सञ्चार्यलोकेचरैःभक्तोद्धारपरं समाधिनिरतं श्री सिद्धलिङ्गं भजे ॥ २॥

āvirbhūya ca bhūtale sumahasā śrī gosaleśaṃ caramsaṃsevyāmṛtasecanena jvalanaṃ dīpasyakṛtvā mudā |tenāvāpya sujaṅgamādhikaraṇaṃ sañcāryalokecaraiḥbhaktoddhāraparaṃ samādhinirataṃ śrī siddhaliṅgaṃ bhaje || 2||

वैराग्यपूर्णं वरकामितार्थम्दातारमानन्दपरं दयालुम् ।सन्तोषरत्नाकर पूर्णचन्द्रम्वन्दे महान्तं गुरुसिद्धलिङ्गम् ॥ ३॥

vairāgyapūrṇaṃ varakāmitārthamdātāramānandaparaṃ dayālum |santoṣaratnākara pūrṇacandramvande mahāntaṃ gurusiddhaliṅgam || 3||

संसेव्य चन्नबसवेश महेश पादौसम्पूर्य शम्बरमहो गुरुदीपपात्रे ।सम्प्राप्य जङ्गमपदं गुरुदेव हस्तात्याचे कृपां गतिरतं गुरुसिद्धलिङ्गम् ॥ ४॥

saṃsevya cannabasaveśa maheśa pādausampūrya śambaramaho gurudīpapātre |samprāpya jaṅgamapadaṃ gurudeva hastātyāce kṛpāṃ gatirataṃ gurusiddhaliṅgam || 4||

मुक्तानां सृजमानिशीथसमये पञ्चावलीनां मुदाशोणाद्रेरधिनाथ हस्तकमलात्सम्प्राप्य तत्रस्थितम् ।दृष्ट्वा योगिवरं तदर्चनपराः सङ्क्रुध्य राज्ञेऽब्रुवन्भूपालेन परीक्ष्य वन्दितपदं श्री सिद्धलिङ्गं भजे ॥ ५॥

muktānāṃ sṛjamāniśīthasamaye pañcāvalīnāṃ mudāśoṇādreradhinātha hastakamalātsamprāpya tatrasthitam |dṛṣṭvā yogivaraṃ tadarcanaparāḥ saṅkrudhya rājñe'bruvanbhūpālena parīkṣya vanditapadaṃ śrī siddhaliṅgaṃ bhaje || 5||

श्री त्र्यम्बकेशवदनेन महेश्वरायदेयं प्रसादमिति जङ्गमभुक्तशेषम् ।सम्बोध्यजङ्गमपदोद्भव तीर्थसेकम्जेतारमात्मनि भजे गुरुसिद्धलिङ्गम् ॥ ६॥

śrī tryambakeśavadanena maheśvarāyadeyaṃ prasādamiti jaṅgamabhuktaśeṣam |sambodhyajaṅgamapadodbhava tīrthasekamjetāramātmani bhaje gurusiddhaliṅgam || 6||

कः संसार विमोचको? गुरुवरः कोऽयं गुरुः? श्री महासिद्धेशो एडेयूरवासनिरतो मग्नस्समादौ सदा ।यत्पादाम्बुजसङ्गमेन महतीगङ्गा समुद्भावितासह्याद्रिस्थ महाबलेश शिरसस्तं सिद्धलिङ्गं भजे ॥ ७॥

kaḥ saṃsāra vimocako? guruvaraḥ ko'yaṃ guruḥ? śrī mahāsiddheśo eḍeyūravāsanirato magnassamādau sadā |yatpādāmbujasaṅgamena mahatīgaṅgā samudbhāvitāsahyādristha mahābaleśa śirasastaṃ siddhaliṅgaṃ bhaje || 7||

श्री माहेशव्रतयुतं वरसिद्धनाथम्वादप्रसक्तमनिशं विमुखं च कृत्वा ।उत्तुङ्गयोगिनमलं परिरक्षितारम्योगीश्वरं खलु भजे गुरु सिद्धलिङ्गम् ॥ ८॥

śrī māheśavratayutaṃ varasiddhanāthamvādaprasaktamaniśaṃ vimukhaṃ ca kṛtvā |uttuṅgayoginamalaṃ parirakṣitāramyogīśvaraṃ khalu bhaje guru siddhaliṅgam || 8||

क्षेत्रेवसानमुळवीति महाप्रसिद्धेदुर्वादसक्त हृदयस्य जनार्दनस्य ।वाग्बन्धनं विदधतं श्रुति शास्त्रवाक्यैःसिद्धेन्द्रयोगिनमहं सततं नमामि ॥ ९॥

kṣetrevasānamuḷavīti mahāprasiddhedurvādasakta hṛdayasya janārdanasya |vāgbandhanaṃ vidadhataṃ śruti śāstravākyaiḥsiddhendrayoginamahaṃ satataṃ namāmi || 9||

दुर्वादस्थान् जिनमतजनान् वाद भूमौ नितान्तम्श्रुत्याधारैर्विजयिनमलं भूरिदृष्टान्तपूर्वम् ।नानारीत्या सरसवचनैर्भङ्गयन्तं महान्तम्सिद्धेन्द्राख्यं यतिकुल गुरुं चन्द्रचूडं नमामि ॥ १०॥

durvādasthān jinamatajanān vāda bhūmau nitāntamśrutyādhārairvijayinamalaṃ bhūridṛṣṭāntapūrvam |nānārītyā sarasavacanairbhaṅgayantaṃ mahāntamsiddhendrākhyaṃ yatikula guruṃ candracūḍaṃ namāmi || 10||

कन्दर्पदर्पहरमानतरक्षितारम्वात्सल्यपूर्णहृदयं करुणासमुद्रम् ।श्रीमल्लिनाथ वरजङ्गम सत्कृतं चयोगीश्वरं हृदि भजे गुरुसिद्धलिङ्गम् ॥ ११॥

kandarpadarpaharamānatarakṣitāramvātsalyapūrṇahṛdayaṃ karuṇāsamudram |śrīmallinātha varajaṅgama satkṛtaṃ cayogīśvaraṃ hṛdi bhaje gurusiddhaliṅgam || 11||

गिरिशजङ्गमपूजितमादरात्सरसभाषण तोषित मानसम् ।वरसमाधिरतं चरपुङ्गवम्हृदि भजे गुरुसिद्धयतीश्वरम् ॥ १२॥

giriśajaṅgamapūjitamādarātsarasabhāṣaṇa toṣita mānasam |varasamādhirataṃ carapuṅgavamhṛdi bhaje gurusiddhayatīśvaram || 12||

वल्मीकस्थितयोगिराजमनघं नम्बेण्ण भक्तस्य वैगोदोहेन विबोध्य साधु जनता क्षीरेणसंलीयतम् ।कुम्भेष्वेव शतेषु सञ्चितवता शान्तं महान्तं यतिम्सम्प्राप्याति तुतोष तं गुरुवरं वन्दे सदा सौख्यदम् ॥ १३॥

valmīkasthitayogirājamanaghaṃ nambeṇṇa bhaktasya vaigodohena vibodhya sādhu janatā kṣīreṇasaṃlīyatam |kumbheṣveva śateṣu sañcitavatā śāntaṃ mahāntaṃ yatimsamprāpyāti tutoṣa taṃ guruvaraṃ vande sadā saukhyadam || 13||

सिद्धेन्द्रं वरकग्गेरीयजनतासंसेव्यमानं मुदासन्दश्याशु मृतं करालभुजगं सञ्जीवयन्तं यतिम् ।भूताभ्यां वरमुक्तिदं हि सहसा नम्बेण्णभक्तस्य वैदासीदत्तमहो पिबन्तमनघं क्षीरं सदा प्रार्थये ॥ १४॥

siddhendraṃ varakaggerīyajanatāsaṃsevyamānaṃ mudāsandaśyāśu mṛtaṃ karālabhujagaṃ sañjīvayantaṃ yatim |bhūtābhyāṃ varamuktidaṃ hi sahasā nambeṇṇabhaktasya vaidāsīdattamaho pibantamanaghaṃ kṣīraṃ sadā prārthaye || 14||

लिङ्गण्णार्यात्परमकुटिलात् धूर्तभावेनप्राप्तम्जानन् योगी परमदयया तस्य दौर्जन्यभावम् ।आमूलाग्रन्निरसनधिया क्ष्वेडरूपात्तमन्नम्स्विकृत्यालं विमलमनसा वर्तमानं भजेहम् ॥ १५॥

liṅgaṇṇāryātparamakuṭilāt dhūrtabhāvenaprāptamjānan yogī paramadayayā tasya daurjanyabhāvam |āmūlāgrannirasanadhiyā kṣveḍarūpāttamannamsvikṛtyālaṃ vimalamanasā vartamānaṃ bhajeham || 15||

भूतिं मुदा स्फटिकलिङ्गमहो विधातावृष्टिं च द्रोणकुसुमैर्महतीं वितन्वन् ।कासारनीरचलितं घटमानयन् मामम्पायात्सदा यतिवरो गुरुसिद्धलिङ्गः ॥ १६॥

bhūtiṃ mudā sphaṭikaliṅgamaho vidhātāvṛṣṭiṃ ca droṇakusumairmahatīṃ vitanvan |kāsāranīracalitaṃ ghaṭamānayan māmampāyātsadā yativaro gurusiddhaliṅgaḥ || 16||

रात्रौद्वारं विघटनपरं कल्लिनाथेन प्रीत्यामायादेवी रचितयजनं सादरं मानयन्तम् ।द्वन्द्वातीतं त्रिदशनमितं सिद्धलिङ्गं यतीन्द्रम्वन्दे भाक्त्यानतसुरतरुं कालकालं महेशम् ॥ १७॥

rātraudvāraṃ vighaṭanaparaṃ kallināthena prītyāmāyādevī racitayajanaṃ sādaraṃ mānayantam |dvandvātītaṃ tridaśanamitaṃ siddhaliṅgaṃ yatīndramvande bhāktyānatasurataruṃ kālakālaṃ maheśam || 17||

जम्बालजाताम्बक नेत्रयुक्तपादारविन्दं शमनान्तकं तम् ।अध्वन्यमाशं परिपूर्णनद्याम्भजेऽहमेतं गुरुसिद्धलिङ्गम् ॥ १८॥

jambālajātāmbaka netrayuktapādāravindaṃ śamanāntakaṃ tam |adhvanyamāśaṃ paripūrṇanadyāmbhaje'hametaṃ gurusiddhaliṅgam || 18||

कामध्वंसी करणविजयी कामितार्थप्रदायीसौवर्णाद्रिं त्रिपुरविजये कार्मुकं संविधानः ।द्वन्द्वातीतो निगमवचनैस्तूयमानो य ईशःतं वन्देऽहं यतिकुलपतिं लिङ्गपूजानिमग्नम् ॥ १९॥

kāmadhvaṃsī karaṇavijayī kāmitārthapradāyīsauvarṇādriṃ tripuravijaye kārmukaṃ saṃvidhānaḥ |dvandvātīto nigamavacanaistūyamāno ya īśaḥtaṃ vande'haṃ yatikulapatiṃ liṅgapūjānimagnam || 19||

तत्त्वं शक्तिविलासमद्वयममुं षद्भाग संशोभितम्लिङ्गाङ्गाभिधभेद भिन्नमतुलं चैकोत्तरावान्तरम् ।श्रुत्यादिप्रतिपाद्यमानमनघं श्रीबोळदेवं प्रतिबोधं तं गुरुसिद्धलिङ्गमनिशं सम्प्रार्थये भक्तये ॥ २०॥

tattvaṃ śaktivilāsamadvayamamuṃ ṣadbhāga saṃśobhitamliṅgāṅgābhidhabheda bhinnamatulaṃ caikottarāvāntaram |śrutyādipratipādyamānamanaghaṃ śrīboḷadevaṃ pratibodhaṃ taṃ gurusiddhaliṅgamaniśaṃ samprārthaye bhaktaye || 20||

तत्त्वं षट्स्थलमार्गयुक्तमनघं श्रीवीरशैवानुगम्संसृष्टिर्जगतः क्रमं च निखिलं वेदागमैरादृतम् ।जिज्ञासुं नितरां हि बोळबसवं सम्बोधयन्तं मुदावन्देऽहं सततं शिलामठगतं श्री सिद्धलिङ्गेश्वरम् ॥ २१॥

tattvaṃ ṣaṭsthalamārgayuktamanaghaṃ śrīvīraśaivānugamsaṃsṛṣṭirjagataḥ kramaṃ ca nikhilaṃ vedāgamairādṛtam |jijñāsuṃ nitarāṃ hi boḷabasavaṃ sambodhayantaṃ mudāvande'haṃ satataṃ śilāmaṭhagataṃ śrī siddhaliṅgeśvaram || 21||

लिङ्गं वै वरवीरशैवसमये संसार सन्तारकम्षट्स्थानुनुगमं हि बोळबसवं सम्बोधयन्तं मुदा ।सिद्धेन्द्रं वरशैलमण्टपगतं चानन्दपूर्णं सदासद्भक्त्यासततं नमामि परमं वात्सल्यपूर्णं शिवम् ॥ २२॥

liṅgaṃ vai varavīraśaivasamaye saṃsāra santārakamṣaṭsthānunugamaṃ hi boḷabasavaṃ sambodhayantaṃ mudā |siddhendraṃ varaśailamaṇṭapagataṃ cānandapūrṇaṃ sadāsadbhaktyāsatataṃ namāmi paramaṃ vātsalyapūrṇaṃ śivam || 22||

भक्तस्थलं चान्यविभागपूर्णंह्याचारलिङ्गेन सुश्रद्धाया च ।श्री बोळदेवं प्रति बोधयन्तंश्री सिद्धलिङ्गं सहितं भजेऽहम् ॥ २३॥

bhaktasthalaṃ cānyavibhāgapūrṇaṃhyācāraliṅgena suśraddhāyā ca |śrī boḷadevaṃ prati bodhayantaṃśrī siddhaliṅgaṃ sahitaṃ bhaje'ham || 23||

निष्ठाभक्तिसमन्वितं वरगुरोर्लिङ्गाश्रयं सन्ततम्सन्माहेश्वरनामकं स्थलमिदं श्री बोळदेवं प्रति ।बोधं तं शिवलिङ्गयुक्तमवधान भक्ति संशोभितंप्रासादिस्थलमात्मभेदसहितं श्री सिद्धलिङ्गं भजे ॥ २४॥

niṣṭhābhaktisamanvitaṃ varagurorliṅgāśrayaṃ santatamsanmāheśvaranāmakaṃ sthalamidaṃ śrī boḷadevaṃ prati |bodhaṃ taṃ śivaliṅgayuktamavadhāna bhakti saṃśobhitaṃprāsādisthalamātmabhedasahitaṃ śrī siddhaliṅgaṃ bhaje || 24||

श्री बोळदेवं ह्यनुभावभक्तयासंशोभितं जङ्गमलिङ्गकेन ।सम्भोधयन्तं वरप्राणलिङ्गिस्थलंभजेऽहं गुरुसिद्धलिङ्गम् ॥ २५॥

śrī boḷadevaṃ hyanubhāvabhaktayāsaṃśobhitaṃ jaṅgamaliṅgakena |sambhodhayantaṃ varaprāṇaliṅgisthalaṃbhaje'haṃ gurusiddhaliṅgam || 25||

श्री सिद्धलिङ्गयति पञ्चप्रसादलिङ्गानन्दाख्य भक्तिसहितं शरणस्थलं हि ।ऐक्यं च सामरसभक्ति, महात्मलिङ्गंसम्बोधयन्तमनिशं बसवार्यमीडे ॥ २६॥

śrī siddhaliṅgayati pañcaprasādaliṅgānandākhya bhaktisahitaṃ śaraṇasthalaṃ hi |aikyaṃ ca sāmarasabhakti, mahātmaliṅgaṃsambodhayantamaniśaṃ basavāryamīḍe || 26||

श्री सिद्धलिङ्गं यतिवृन्दवन्द्यंभक्तानुरागाब्धि सुधाकरं तम् ।लीलामसङ्ख्यां विरचय्य बाढंशान्तं महान्तं सततं नमामि ॥ २७॥

śrī siddhaliṅgaṃ yativṛndavandyaṃbhaktānurāgābdhi sudhākaraṃ tam |līlāmasaṅkhyāṃ viracayya bāḍhaṃśāntaṃ mahāntaṃ satataṃ namāmi || 27||

इति श्रीबसवराजशास्त्रिविरचितं श्रीमदविरळपरञ्ज्योतिचरकुलचक्रवर्ति श्री जगद्गुरु श्रीसिद्धलिङ्ग महाशिवयोगिनांनक्षत्रमालिकास्तोत्रं सम्पूर्णम् ।

iti śrībasavarājaśāstriviracitaṃ śrīmadaviraḷaparañjyoticarakulacakravarti śrī jagadguru śrīsiddhaliṅga mahāśivayogināṃnakṣatramālikāstotraṃ sampūrṇam |