परमेश्वराष्टकम् Shri Parameshvara Ashtakam

पङ्कजासनपद्मलोचनसद्गुरोऽतुलपावनवैभवाश्रितपारिजातक पाहि मां परमेश्वर ।कामितार्थदपादपङ्कज कालकाल जगद्गुरोकुन्दभूरुहमन्दिरेश्वर सन्ददस्व मदीप्सितम् ॥ १॥

paṅkajāsanapadmalocanasadguro'tulapāvanavaibhavāśritapārijātaka pāhi māṃ parameśvara |kāmitārthadapādapaṅkaja kālakāla jagadgurokundabhūruhamandireśvara sandadasva madīpsitam || 1||

कारणत्रयमूल बालशशाङ्कखण्डशिरोमणेकार्मुकीकृतशीतगुम्फधराधरेन्द्र जगन्मणे ।लोचनीकृतशीतरश्मि कृपीटयोनि नभोमणेकुन्दभूरुहमन्दिरेश्वर सन्ददस्व मदीप्सितम् ॥ २॥

kāraṇatrayamūla bālaśaśāṅkakhaṇḍaśiromaṇekārmukīkṛtaśītagumphadharādharendra jaganmaṇe |locanīkṛtaśītaraśmi kṛpīṭayoni nabhomaṇekundabhūruhamandireśvara sandadasva madīpsitam || 2||

कैटभारिशिलीमुखातुलकाश्यपीरथ धूर्जटेकल्पितावस कामितार्थप्रदान गौरनदीतटे ।व्यालभूषणजालशोभित व्याघ्रचर्मलसत्कटेकुन्दभूरुहमन्दिरेश्वर सन्ददस्व मदीप्सितम् ॥ ३॥

kaiṭabhāriśilīmukhātulakāśyapīratha dhūrjaṭekalpitāvasa kāmitārthapradāna gauranadītaṭe |vyālabhūṣaṇajālaśobhita vyāghracarmalasatkaṭekundabhūruhamandireśvara sandadasva madīpsitam || 3||

वीतिहोत्रसुतीर्थतीरविहार विश्वधुरन्धरवीरवर्य विरिञ्चिसन्नुत वृक्षरूपकलेवर ।नीतिपेशलमानसाम्बुजनित्यवास महाप्रभोकुन्दभूरुहमन्दिरेश्वर सन्ददस्व मदीप्सितम् ॥ ४॥

vītihotrasutīrthatīravihāra viśvadhurandharavīravarya viriñcisannuta vṛkṣarūpakalevara |nītipeśalamānasāmbujanityavāsa mahāprabhokundabhūruhamandireśvara sandadasva madīpsitam || 4||

विध्यदृष्टसुशीर्षशोभित विष्ण्वदृश्यपदाम्बुजनिर्जरद्रुमपुष्पजालसुगन्धितस्वदिगन्तरे ।मित्रवह्निशशीमरुज्जलयज्वखावनिकाकृतेकुन्दभूरुहमन्दिरेश्वर सन्ददस्व मदीप्सितम् ॥ ५॥

vidhyadṛṣṭasuśīrṣaśobhita viṣṇvadṛśyapadāmbujanirjaradrumapuṣpajālasugandhitasvadigantare |mitravahniśaśīmarujjalayajvakhāvanikākṛtekundabhūruhamandireśvara sandadasva madīpsitam || 5||

कालनीरदनीलकन्धर शूलपाशधराद्य मांपालयाखिलवैभवाजकपालभृत्करपङ्कज ।कालगर्वहरान्धकान्तक कृत्तिवासक धूर्जटेकुन्दभूरुहमन्दिरेश्वर सन्ददस्व मदीप्सितम् ॥ ६॥

kālanīradanīlakandhara śūlapāśadharādya māṃpālayākhilavaibhavājakapālabhṛtkarapaṅkaja |kālagarvaharāndhakāntaka kṛttivāsaka dhūrjaṭekundabhūruhamandireśvara sandadasva madīpsitam || 6||

कुन्दभूरुहमूलमृत् तव जन्ममृत्युजराधिहाकोटिजन्मकृताघसंहृतिदीक्षिता भवभेषजी ।तादृगद्भुतकुन्दभूरुहदर्शनादपवर्गकृत्कुन्दभूरुहमन्दिरेश्वर सन्ददस्व मदीप्सितम् ॥ ७॥

kundabhūruhamūlamṛt tava janmamṛtyujarādhihākoṭijanmakṛtāghasaṃhṛtidīkṣitā bhavabheṣajī |tādṛgadbhutakundabhūruhadarśanādapavargakṛtkundabhūruhamandireśvara sandadasva madīpsitam || 7||

नामरूपविहीन निर्गुण निष्कलङ्क महामहःप्राणनाथ परात्पराच्युत कारणत्रयकारण ।नादबिन्दुकलास्वरूप सहस्रपत्रनिकेतनकुन्दभूरुहमन्दिरेश्वर सन्ददस्व मदीप्सितम् ॥ ८॥

nāmarūpavihīna nirguṇa niṣkalaṅka mahāmahaḥprāṇanātha parātparācyuta kāraṇatrayakāraṇa |nādabindukalāsvarūpa sahasrapatraniketanakundabhūruhamandireśvara sandadasva madīpsitam || 8||

पर्वतेन्द्रसुताकृतं परमेश्वराष्टकमद्भुतंपावनं परमार्थदं परमात्मनायकसन्निधौ ।भक्तियुक्तमनाः पठेद्यदि दुर्लभं परमं पदंप्राप्य निर्वृतिमेत्य शाश्वत एव तत्र वसेदसौ ॥ ९॥

parvatendrasutākṛtaṃ parameśvarāṣṭakamadbhutaṃpāvanaṃ paramārthadaṃ paramātmanāyakasannidhau |bhaktiyuktamanāḥ paṭhedyadi durlabhaṃ paramaṃ padaṃprāpya nirvṛtimetya śāśvata eva tatra vasedasau || 9||

इति पार्वतीकृतं श्रीपरमेश्वराष्टकं सम्पूर्णम् ।

iti pārvatīkṛtaṃ śrīparameśvarāṣṭakaṃ sampūrṇam |