नटराजराजपञ्चावरणस्तोत्रम् Shri Natarajarajapanchavarana Stotram

श्रीगणेशाय नमः ।श्रीचित्सभेशाय नमः ।॥ श्रीचित्सभाध्यानम् ॥वामाद्या नवशक्तयो यदुपरि श्रीस्वर्णकुम्भानवैवास्यां चिन्मयसंसदि प्रतनुते नृत्तं नटेशः सदा ।तद्वामे नगजा रहस्यमपि तद्दक्षेऽस्ति चैदम्बरंश्रीव्याघ्राङ्घ्रिपतञ्जली मुनिवरौ तत्पार्श्वयोः संस्थितौ ॥ १॥

śrīgaṇeśāya namaḥ |śrīcitsabheśāya namaḥ ||| śrīcitsabhādhyānam ||vāmādyā navaśaktayo yadupari śrīsvarṇakumbhānavaivāsyāṃ cinmayasaṃsadi pratanute nṛttaṃ naṭeśaḥ sadā |tadvāme nagajā rahasyamapi taddakṣe'sti caidambaraṃśrīvyāghrāṅghripatañjalī munivarau tatpārśvayoḥ saṃsthitau || 1||

॥ श्रीरहस्यध्यानम् ॥श्रीचक्रादिविशेषयन्त्रघटितं भित्तिस्वरूपं सदाऽऽनन्दज्ञानमयं नटेशशिवयोः सम्मेलनं बोधयत् ।श्रीजाम्बूनदबिल्वपत्ररचितैर्मालागणैर्लक्षितंकस्तूरीमसृणं चिदम्बरमिदं स्थानं रहस्यं नुमः ॥ २॥

|| śrīrahasyadhyānam ||śrīcakrādiviśeṣayantraghaṭitaṃ bhittisvarūpaṃ sadā''nandajñānamayaṃ naṭeśaśivayoḥ sammelanaṃ bodhayat |śrījāmbūnadabilvapatraracitairmālāgaṇairlakṣitaṃkastūrīmasṛṇaṃ cidambaramidaṃ sthānaṃ rahasyaṃ numaḥ || 2||

॥ नव चक्राणि ॥श्रीचक्रं शिवचक्रं च ध्वनिचक्रं च ताण्डवम् ।सम्मेलनं श्रीललिताचक्रं चिन्तामणेस्तथा ।गणेशस्कन्दयोश्चैव चक्रं ज्ञेयं नवात्मकम् ॥ ३॥

|| nava cakrāṇi ||śrīcakraṃ śivacakraṃ ca dhvanicakraṃ ca tāṇḍavam |sammelanaṃ śrīlalitācakraṃ cintāmaṇestathā |gaṇeśaskandayoścaiva cakraṃ jñeyaṃ navātmakam || 3||

॥ श्रीनटराजराजमूर्तिध्यानम् ॥सप्तार्णवपरिक्षेपां द्वीपैस्सप्तभिरावृताम् ।पञ्चाशत्कोटिविस्तीर्णां ध्यायेत्सर्वां सभां महीम् ॥ ४॥

|| śrīnaṭarājarājamūrtidhyānam ||saptārṇavaparikṣepāṃ dvīpaissaptabhirāvṛtām |pañcāśatkoṭivistīrṇāṃ dhyāyetsarvāṃ sabhāṃ mahīm || 4||

तस्याश्च हृदयाम्भोजे मातृकाक्षरकेसरम् ।ध्यायेदष्टदलं धीमान् महीहृदयपङ्कजम् ॥ ५॥

tasyāśca hṛdayāmbhoje mātṛkākṣarakesaram |dhyāyedaṣṭadalaṃ dhīmān mahīhṛdayapaṅkajam || 5||

तस्य मध्ये त्रिकोणे तु तरुणेन्दु शिखामणिम् ।चारुदीर्घजटापाशं चलद्भोगीन्द्रकुण्डलम् ॥ ६॥

tasya madhye trikoṇe tu taruṇendu śikhāmaṇim |cārudīrghajaṭāpāśaṃ caladbhogīndrakuṇḍalam || 6||

त्रिपुण्ड्रविलसत्भालं चन्द्रार्कानललोचनम् ।वामभागे स्थितां देवी लक्षयन्तमपाङ्गतः ॥ ७॥

tripuṇḍravilasatbhālaṃ candrārkānalalocanam |vāmabhāge sthitāṃ devī lakṣayantamapāṅgataḥ || 7||

अधरोल्लङ्घनाकारसन्दिहानस्मिताङ्कुरम् ।कस्तूरिकासितोद्दामकालकूटलसद्गलम् ॥ ८॥

adharollaṅghanākārasandihānasmitāṅkuram |kastūrikāsitoddāmakālakūṭalasadgalam || 8||

महाडमरुकाप्तोर्ध्वदक्षपाणिसरोरुहम् ।तदन्यकरपद्मान्तर्ज्वलदुच्छिखपावकम् ॥ ९॥

mahāḍamarukāptordhvadakṣapāṇisaroruham |tadanyakarapadmāntarjvaladucchikhapāvakam || 9||

दक्षाधः करपद्मेन हरन्तं प्राणिनां भयम् ।विक्षिप्तान्यकरं तिर्यक् कुञ्चितेनाङ्घ्रिणा स्वयम् ॥ १०॥

dakṣādhaḥ karapadmena harantaṃ prāṇināṃ bhayam |vikṣiptānyakaraṃ tiryak kuñcitenāṅghriṇā svayam || 10||

वामेतरप्रकोष्ठान्तनृत्यत्फणधरेश्वरम् ।कल्पब्रह्मकपालानां मालया लम्बमानया ॥ ११॥

vāmetaraprakoṣṭhāntanṛtyatphaṇadhareśvaram |kalpabrahmakapālānāṃ mālayā lambamānayā || 11||

स्वातन्त्र्यमात्मनो रूपं आचक्षाणं स्वभावतः ।व्याघ्र चर्माम्बरधरं कटिसूत्रित पन्नगम् ॥ १२॥

svātantryamātmano rūpaṃ ācakṣāṇaṃ svabhāvataḥ |vyāghra carmāmbaradharaṃ kaṭisūtrita pannagam || 12||

दक्षपादाब्जविन्यासात् अधः कृततमोगुणम् ।भस्मोद्धूलितसर्वाङ्गं परमानन्दताण्डवम् ।एवं ध्यायेत् परेशानं पुण्डरीकपुरेश्वरम् ॥ १३॥

dakṣapādābjavinyāsāt adhaḥ kṛtatamoguṇam |bhasmoddhūlitasarvāṅgaṃ paramānandatāṇḍavam |evaṃ dhyāyet pareśānaṃ puṇḍarīkapureśvaram || 13||

॥ श्रीशिवकामसुन्दरीध्यानम् ॥ततस्स्वर्णनिभां देवीं विद्युल्लेखेव भास्वराम् ।नीवारशूकवत्तन्वीं पीतां भास्वत्तनूपमाम् ॥ १४॥

|| śrīśivakāmasundarīdhyānam ||tatassvarṇanibhāṃ devīṃ vidyullekheva bhāsvarām |nīvāraśūkavattanvīṃ pītāṃ bhāsvattanūpamām || 14||

स्वेच्छापङ्कजमध्यस्थां स्वेच्छाकल्पितविग्रहाम् ।सद्विनेत्रां चतुर्हस्तां मध्ये सूक्ष्मां स्तनोन्नताम् ॥ १५॥

svecchāpaṅkajamadhyasthāṃ svecchākalpitavigrahām |sadvinetrāṃ caturhastāṃ madhye sūkṣmāṃ stanonnatām || 15||

नितम्बतटविस्तीर्णां श्यामां नीलालकान्विताम् ।हारकेयूररशनामेखलाद्युपशोभिताम् ॥ १६॥

nitambataṭavistīrṇāṃ śyāmāṃ nīlālakānvitām |hārakeyūraraśanāmekhalādyupaśobhitām || 16||

स्फुरन्मकुटमाणिक्यकिङ्किणीरवशोभिताम् ।दुकूलवसनोपेतां किञ्चित्प्रहसिताननाम् ॥ १७॥

sphuranmakuṭamāṇikyakiṅkiṇīravaśobhitām |dukūlavasanopetāṃ kiñcitprahasitānanām || 17||

अनौपम्यगुणां सौम्यां महासात्विकरूपिणीम् ।दक्षिणोर्ध्वकराब्जेन चाक्षमालाधरां शिवाम् ॥ १८॥

anaupamyaguṇāṃ saumyāṃ mahāsātvikarūpiṇīm |dakṣiṇordhvakarābjena cākṣamālādharāṃ śivām || 18||

वामेनोर्ध्वकराब्जेन शुकवत्सधरां पराम् ।दक्षाधःकरपद्मेन फुल्लकल्हारधारिणीम् ॥ १९॥

vāmenordhvakarābjena śukavatsadharāṃ parām |dakṣādhaḥkarapadmena phullakalhāradhāriṇīm || 19||

लम्बितान्यकराब्जेन कटिदेशे समन्विताम् ।ब्रह्मविष्ण्विन्द्रमकुटैः सन्धर्षितपदाम्बुजाम् ।एवं ध्यायेत् परेशानीं पुण्डरीक पुरेश्वरीम् ॥ २०॥

lambitānyakarābjena kaṭideśe samanvitām |brahmaviṣṇvindramakuṭaiḥ sandharṣitapadāmbujām |evaṃ dhyāyet pareśānīṃ puṇḍarīka pureśvarīm || 20||

॥ श्रीनटेशप्रथमावरणदेवतास्तोत्रम् ॥पञ्च ब्रह्मदेवताःॐ अघोरायनमः । ॐ ईशानाय नमः । ॐ तत्पुरुषाय नमः ।ॐ वामदेवाय नमः । ॐ सद्योजाताय नमः ।ॐ अघोराय नमः ॥अघोरमञ्जनाभासं दधतं वह्निडिण्डिमौ ।वराभयकरं दंष्ट्राभीमवक्त्रं महोज्ज्वलम् ॥ २१॥

|| śrīnaṭeśaprathamāvaraṇadevatāstotram ||pañca brahmadevatāḥoṃ aghorāyanamaḥ | oṃ īśānāya namaḥ | oṃ tatpuruṣāya namaḥ |oṃ vāmadevāya namaḥ | oṃ sadyojātāya namaḥ |oṃ aghorāya namaḥ ||aghoramañjanābhāsaṃ dadhataṃ vahniḍiṇḍimau |varābhayakaraṃ daṃṣṭrābhīmavaktraṃ mahojjvalam || 21||

नीलवस्त्र परिताङ्गं नीलोत्पलविभूषितम् ।ज्वालाकेशोग्ररूपं च सोष्णीषं यज्ञसूत्रकम् ॥ २२॥

nīlavastra paritāṅgaṃ nīlotpalavibhūṣitam |jvālākeśograrūpaṃ ca soṣṇīṣaṃ yajñasūtrakam || 22||

भस्मरुद्राक्षशोभाढ्यं वीरमासनसंस्थितम् ।मौलौचन्द्रधरं श्यामं कुण्डलालङ्कृतं परम् ॥ २३॥

bhasmarudrākṣaśobhāḍhyaṃ vīramāsanasaṃsthitam |maulaucandradharaṃ śyāmaṃ kuṇḍalālaṅkṛtaṃ param || 23||

बभ्रूश्मश्रूशिरोजं च दंष्ट्रालं विकृताननम् ।कपालमालाभरणं सर्पवृश्चिक भूषणम् ॥ २४॥

babhrūśmaśrūśirojaṃ ca daṃṣṭrālaṃ vikṛtānanam |kapālamālābharaṇaṃ sarpavṛścika bhūṣaṇam || 24||

खट्वाङ्गकं कपालं च खेटकं पाशमेव च ।वामहस्त चतुष्के तु दक्षहस्त चतुष्टये ॥ २५॥

khaṭvāṅgakaṃ kapālaṃ ca kheṭakaṃ pāśameva ca |vāmahasta catuṣke tu dakṣahasta catuṣṭaye || 25||

त्रिशूलं परशुं खड्गं दण्डञ्चारिविमर्दनम् ।देवं नवाम्बुदाभासं अघोरं सर्वकामदम् ।यस्मात्परं न घोरोऽन्यः तं नमामि महेश्वरम् ॥ २६॥

triśūlaṃ paraśuṃ khaḍgaṃ daṇḍañcārivimardanam |devaṃ navāmbudābhāsaṃ aghoraṃ sarvakāmadam |yasmātparaṃ na ghoro'nyaḥ taṃ namāmi maheśvaram || 26||

कालाभ्रभ्रमराञ्जनद्युतिनिभं व्यावृत्तपिङ्गेक्षणंकर्णोद्भासितभोगिमस्तकमणिप्रोद्भिन्नदंष्ट्राङ्कुरम् ।सर्पप्रोतकपालशुक्तिशकलव्याकीर्णताशेखरंवन्दे दक्षिणमीश्वरस्य वदनं चाथर्वनादोदयम् ॥ २७॥

kālābhrabhramarāñjanadyutinibhaṃ vyāvṛttapiṅgekṣaṇaṃkarṇodbhāsitabhogimastakamaṇiprodbhinnadaṃṣṭrāṅkuram |sarpaprotakapālaśuktiśakalavyākīrṇatāśekharaṃvande dakṣiṇamīśvarasya vadanaṃ cātharvanādodayam || 27||

कुठारखेटाङ्कुश शूलढक्कारुद्राक्षमालाग्निवरान् दधानः ।चतुर्मुखो नीलरुचिस्त्रिणेत्रः पायादघोरो दिशि दक्षिणस्याम् ॥ २८॥

kuṭhārakheṭāṅkuśa śūlaḍhakkārudrākṣamālāgnivarān dadhānaḥ |caturmukho nīlarucistriṇetraḥ pāyādaghoro diśi dakṣiṇasyām || 28||

२\। ॐ ईशानाय नमः ।शुद्धस्फटिकसङ्काशं शुभवक्त्रं त्रिलोचनम् ।साभयं वरदं चैव वज्रशूलधरं शिवम् ॥ २९॥

2\| oṃ īśānāya namaḥ |śuddhasphaṭikasaṅkāśaṃ śubhavaktraṃ trilocanam |sābhayaṃ varadaṃ caiva vajraśūladharaṃ śivam || 29||

श्वेतवस्रपरीताङ्गं श्वेतमाल्यैर्विभूषितम् ।रुद्राक्षमालाभरणं त्रिपुण्ड्राद्युपशोभितम् ॥ ३०॥

śvetavasraparītāṅgaṃ śvetamālyairvibhūṣitam |rudrākṣamālābharaṇaṃ tripuṇḍrādyupaśobhitam || 30||

यज्ञसूत्रसमायुक्तं श्वेतोष्णीषविराजितम् ।नागाभरणसंयुक्तं ऊर्ध्वमीशानकं स्मरेत् ॥ ३१॥

yajñasūtrasamāyuktaṃ śvetoṣṇīṣavirājitam |nāgābharaṇasaṃyuktaṃ ūrdhvamīśānakaṃ smaret || 31||

स्फटिकाभं जगद्धेतुं त्रिणेत्रं चन्द्रमौलिनम् ।सौम्यं प्रसन्नमीशानं त्रिशूलाभयधारिणम् ।वन्दे समस्तलोकस्य कारणं परमेश्वरम् ॥ ३२॥

sphaṭikābhaṃ jagaddhetuṃ triṇetraṃ candramaulinam |saumyaṃ prasannamīśānaṃ triśūlābhayadhāriṇam |vande samastalokasya kāraṇaṃ parameśvaram || 32||

व्यक्ताव्यक्तनिरूपितं च परमं षट्त्रिंशतत्त्वाधिकंतस्मादुत्तरतत्त्वमक्षरमिति ध्येयं सदा योगिभिः ।ओङ्कारादिसमस्तमन्त्रजनकं सूक्ष्मातिसूक्ष्मं परंवन्दे पञ्चममीश्वरस्य वदनं खव्यापि तेजोमयम् ॥ ३३॥

vyaktāvyaktanirūpitaṃ ca paramaṃ ṣaṭtriṃśatattvādhikaṃtasmāduttaratattvamakṣaramiti dhyeyaṃ sadā yogibhiḥ |oṅkārādisamastamantrajanakaṃ sūkṣmātisūkṣmaṃ paraṃvande pañcamamīśvarasya vadanaṃ khavyāpi tejomayam || 33||

वेदाभयेष्टाङ्कुश टङ्कपाशकपालढक्काक्षरशूलपाणिः ।सितद्युतिः पञ्चमुखोऽवतान्मां ईशान ऊर्ध्वं परमप्रकाशः ॥ ३४॥

vedābhayeṣṭāṅkuśa ṭaṅkapāśakapālaḍhakkākṣaraśūlapāṇiḥ |sitadyutiḥ pañcamukho'vatānmāṃ īśāna ūrdhvaṃ paramaprakāśaḥ || 34||

३\। ॐ तत्पुरुषाय नमः ।पुरुषं कुङ्कुमाकारं वरदाभीतिहस्तकम् ।खड्ग परशुसंयुक्तं जटामकुटशोभितम् ॥ ३५॥

3\| oṃ tatpuruṣāya namaḥ |puruṣaṃ kuṅkumākāraṃ varadābhītihastakam |khaḍga paraśusaṃyuktaṃ jaṭāmakuṭaśobhitam || 35||

रक्तवस्रपरीताङ्गं सोष्णीषयज्ञसूत्रकम् ।प्रसन्नवदनं सौम्यं रक्तपद्मोपशोभितम् ॥ ३६॥

raktavasraparītāṅgaṃ soṣṇīṣayajñasūtrakam |prasannavadanaṃ saumyaṃ raktapadmopaśobhitam || 36||

नेत्रत्रयसमायुक्तं पूर्वास्यं च चतुर्मुखम् ।सर्वाभीष्टप्रदं वन्दे सर्वदा सुखदायकम् ॥ ३७॥

netratrayasamāyuktaṃ pūrvāsyaṃ ca caturmukham |sarvābhīṣṭapradaṃ vande sarvadā sukhadāyakam || 37||

स्फटिकाभं जगद्धेतुं त्रिनेत्रं चन्द्रमौलिनम् ।भजे तत्पुरुषं कान्तं त्रिशूलाभयधारिणम् ॥ ३८॥

sphaṭikābhaṃ jagaddhetuṃ trinetraṃ candramaulinam |bhaje tatpuruṣaṃ kāntaṃ triśūlābhayadhāriṇam || 38||

संवर्ताग्नितटित्प्रदीप्तकनकप्रस्पर्धितेजोऽरुणंगम्भीरध्वनिसामवेदजनकं ताम्राधरं सुन्दरम् ।अर्धेन्दुद्युतिलोलपिङ्गलजटाभारप्रबद्धोदकंवन्दे सिद्धसुरासुरेन्द्रनमितं पूर्वं मुखं शूलिनः ॥ ३९॥

saṃvartāgnitaṭitpradīptakanakapraspardhitejo'ruṇaṃgambhīradhvanisāmavedajanakaṃ tāmrādharaṃ sundaram |ardhendudyutilolapiṅgalajaṭābhāraprabaddhodakaṃvande siddhasurāsurendranamitaṃ pūrvaṃ mukhaṃ śūlinaḥ || 39||

प्रदीप्तविद्युत्कनकावभासो विद्यावराभीतिकुठारपाणिः ।चतुर्मुखस्तत्पुरुषस्रिणेत्रः प्राच्यां स्थितो रक्षतु मामजस्रम् ॥ ४०॥

pradīptavidyutkanakāvabhāso vidyāvarābhītikuṭhārapāṇiḥ |caturmukhastatpuruṣasriṇetraḥ prācyāṃ sthito rakṣatu māmajasram || 40||

४\। ॐ वामदेवाय नमः ।वामदेव महादेवं वरदाभयहस्तकम् ।नागघण्टारवोपेतं रक्ताङ्गं रक्तलोचनम् ॥ ४१॥

4\| oṃ vāmadevāya namaḥ |vāmadeva mahādevaṃ varadābhayahastakam |nāgaghaṇṭāravopetaṃ raktāṅgaṃ raktalocanam || 41||

भस्मरुद्राक्षशोभाढ्यं यज्ञसूत्रविराजितम् ।तुङ्गनासं च सोष्णीषं मन्दहासमुखान्वितम् ॥ ४२॥

bhasmarudrākṣaśobhāḍhyaṃ yajñasūtravirājitam |tuṅganāsaṃ ca soṣṇīṣaṃ mandahāsamukhānvitam || 42||

रक्तपद्मासनासीनं माल्यवस्रोपशोभितम् ।वन्दे वाञ्छितलाभाय सर्वाभीष्टफलप्रदम् ॥ ४३॥

raktapadmāsanāsīnaṃ mālyavasropaśobhitam |vande vāñchitalābhāya sarvābhīṣṭaphalapradam || 43||

वामदेवं सुरक्ताभं माल्यवस्रोपवीतकम् ।ध्यायेत् शिवं शिवानाथं खड्गखेटकधारिणम् ॥ ४४॥

vāmadevaṃ suraktābhaṃ mālyavasropavītakam |dhyāyet śivaṃ śivānāthaṃ khaḍgakheṭakadhāriṇam || 44||

गौरं कुङ्कुमपङ्किलं सुतिलकं आपाण्डुगण्डस्थलंभ्रूविक्षेपकटाक्षवीक्षणलसत्संसक्तकर्णोत्पलम् ।स्निग्धं बिम्बफलाधरं प्रहसितं नीलालकालङ्कृतंवन्दे याजुषवेदघोषजनकं वक्त्रं हरस्योत्तरम् ॥ ४५॥

gauraṃ kuṅkumapaṅkilaṃ sutilakaṃ āpāṇḍugaṇḍasthalaṃbhrūvikṣepakaṭākṣavīkṣaṇalasatsaṃsaktakarṇotpalam |snigdhaṃ bimbaphalādharaṃ prahasitaṃ nīlālakālaṅkṛtaṃvande yājuṣavedaghoṣajanakaṃ vaktraṃ harasyottaram || 45||

वराक्षमालाऽभयटङ्कहस्तः सरोजकिञ्जल्कसमानवर्णः ।त्रिलोचनः चारु चतुर्मुखो मां पायादुदीच्यां दिशि वामदेवः ॥ ४६॥

varākṣamālā'bhayaṭaṅkahastaḥ sarojakiñjalkasamānavarṇaḥ |trilocanaḥ cāru caturmukho māṃ pāyādudīcyāṃ diśi vāmadevaḥ || 46||

५\। ॥ ॐ सद्योजाताय नमः ॥सद्योजातं च गोक्षीरसङ्काशमतिसुन्दरम् ।वरदाभयहस्तं च पाशाङ्कुशधरं शिवम् ॥ ४७॥

5\| || oṃ sadyojātāya namaḥ ||sadyojātaṃ ca gokṣīrasaṅkāśamatisundaram |varadābhayahastaṃ ca pāśāṅkuśadharaṃ śivam || 47||

यज्ञसूत्रसमायुक्तं भस्मरुद्राक्षभूषितम् ।सितस्रग्गन्धभूषाढ्यं सितोष्णीषं सिताम्बरम् ॥ ४८॥

yajñasūtrasamāyuktaṃ bhasmarudrākṣabhūṣitam |sitasraggandhabhūṣāḍhyaṃ sitoṣṇīṣaṃ sitāmbaram || 48||

सौम्यं मौलीन्दुसम्पन्नं बालाकारं त्रिलोचनम् ।सर्वलक्षणसम्पन्नं सद्योजातं विभावये ॥ ४९॥

saumyaṃ maulīndusampannaṃ bālākāraṃ trilocanam |sarvalakṣaṇasampannaṃ sadyojātaṃ vibhāvaye || 49||

सद्योजातं महादेवं ऋग्वेदप्रियमीश्वरम् ।सर्वलक्षणसम्पन्नं शिवया सहितं भजे ॥ ५०॥

sadyojātaṃ mahādevaṃ ṛgvedapriyamīśvaram |sarvalakṣaṇasampannaṃ śivayā sahitaṃ bhaje || 50||

प्रालेयामलमिन्दुकुन्दधवलं गोक्षीरफेनप्रभंभस्माभ्यङ्गमनङ्गदेहदहनज्वालावलीलोचनम् ।विष्णुब्रह्ममरुद्गणार्चितपदं चर्ग्वेदनादोदयंवन्देऽहं सकलं कलङ्करहितं स्थाणोर्मुखं पश्चिमम् ॥ ५१॥

prāleyāmalamindukundadhavalaṃ gokṣīraphenaprabhaṃbhasmābhyaṅgamanaṅgadehadahanajvālāvalīlocanam |viṣṇubrahmamarudgaṇārcitapadaṃ cargvedanādodayaṃvande'haṃ sakalaṃ kalaṅkarahitaṃ sthāṇormukhaṃ paścimam || 51||

कुन्देन्दुशङ्खस्फटिकावभासो वेदाक्षमालावरदाभयाङ्कः ।त्र्यक्षश्चतुर्वक्त्र उरुप्रतापः सद्योऽधिजातोऽवतु मां प्रतीच्याम् ॥ ५२॥

kundenduśaṅkhasphaṭikāvabhāso vedākṣamālāvaradābhayāṅkaḥ |tryakṣaścaturvaktra urupratāpaḥ sadyo'dhijāto'vatu māṃ pratīcyām || 52||

अङ्गन्यासदेवताःॐ अस्राय नमः । ॐ कवचाय नमः । ॐ नेत्रत्रयाय नमः ।ॐ शिखायै नमः । ॐ शिरसे नमः । ॐ हृदयाय नमः ।१\। ॐ अस्त्राय नमः ।सम्प्रोक्ता असवः प्राणाः त्रायते हि च तान् सदा ।प्राणानां त्राणहेतोश्च अस्त्रमित्यभिधीयते ॥ ५३॥

aṅganyāsadevatāḥoṃ asrāya namaḥ | oṃ kavacāya namaḥ | oṃ netratrayāya namaḥ |oṃ śikhāyai namaḥ | oṃ śirase namaḥ | oṃ hṛdayāya namaḥ | 1\| oṃ astrāya namaḥ |samproktā asavaḥ prāṇāḥ trāyate hi ca tān sadā |prāṇānāṃ trāṇahetośca astramityabhidhīyate || 53||

यज्ञस्य रक्षणार्थाय विघ्नविध्वंसनाय च ।अशुद्ध शुद्धकरणायास्रमद्य नमाम्यहम् ॥ ५४॥

yajñasya rakṣaṇārthāya vighnavidhvaṃsanāya ca |aśuddha śuddhakaraṇāyāsramadya namāmyaham || 54||

शुद्धस्फटिकसङ्काशं पञ्चवक्त्रं ससोमकम् ।वक्त्रे वक्त्रे त्रिणेत्रं च दशबाहुं सुशोभितम् ॥ ५५॥

śuddhasphaṭikasaṅkāśaṃ pañcavaktraṃ sasomakam |vaktre vaktre triṇetraṃ ca daśabāhuṃ suśobhitam || 55||

दुकूलाभरणोपेतं भस्मरुद्राक्षभूषितम् ।लसन्मौक्तिकसङ्काशं जटामकुटशोभितम् ।दन्तपङ्क्तिलसद्वक्त्रं सौम्यमस्त्रं भजाम्यहम् ॥ ५६॥

dukūlābharaṇopetaṃ bhasmarudrākṣabhūṣitam |lasanmauktikasaṅkāśaṃ jaṭāmakuṭaśobhitam |dantapaṅktilasadvaktraṃ saumyamastraṃ bhajāmyaham || 56||

विनास्त्रराजं न शिवस्य यात्रा विनास्त्रराजं न च मज्जनादि ।विनास्त्रराजं न महो भवस्य तमस्त्रराजं प्रणमामि मूर्ध्ना ॥ ५७॥

vināstrarājaṃ na śivasya yātrā vināstrarājaṃ na ca majjanādi |vināstrarājaṃ na maho bhavasya tamastrarājaṃ praṇamāmi mūrdhnā || 57||

२\। ॐ कवचाय नमःकवचं हृदयत्राणं अस्त्रशस्त्रनिवारकम् ।अलङ्काराय सन्धार्यं कवचं समुदाहृतम् ॥ ५८॥

2\| oṃ kavacāya namaḥkavacaṃ hṛdayatrāṇaṃ astraśastranivārakam |alaṅkārāya sandhāryaṃ kavacaṃ samudāhṛtam || 58||

तस्मात्तद्।ह्ध्यानतः सर्वरक्षा भवति सर्वदा ।कवचं शुभ्रवर्णं च एकवक्त्रं चतुर्भुजम् ॥ ५९॥

tasmāttad|hdhyānataḥ sarvarakṣā bhavati sarvadā |kavacaṃ śubhravarṇaṃ ca ekavaktraṃ caturbhujam || 59||

वरं कपालं वामे चाभयं शूलं च दक्षिणे ।बिभ्राणं शूलनेत्रं च भस्मरुद्राक्षभूषितम् ।सर्वाभरणसंयुक्तं वन्दे मालासुशोभितम् ॥ ६०॥

varaṃ kapālaṃ vāme cābhayaṃ śūlaṃ ca dakṣiṇe |bibhrāṇaṃ śūlanetraṃ ca bhasmarudrākṣabhūṣitam |sarvābharaṇasaṃyuktaṃ vande mālāsuśobhitam || 60||

३\। ॐ नेत्रत्रयाय नमःसूर्याचन्द्रमसौ वह्निः शिवनेत्रत्रयं स्मृतम् ।तस्मान्नेत्रत्रयं प्रोक्तं तद्।ह्ध्यानं च प्रकीर्तितम् ॥ ६१॥

3\| oṃ netratrayāya namaḥsūryācandramasau vahniḥ śivanetratrayaṃ smṛtam |tasmānnetratrayaṃ proktaṃ tad|hdhyānaṃ ca prakīrtitam || 61||

तेन नेत्रप्रकाशः स्यात् काणत्वं च निवर्तते ।निर्मलं नेत्ररूपं च नित्यं श्यामाब्जसन्निभम् ॥ ६२॥

tena netraprakāśaḥ syāt kāṇatvaṃ ca nivartate |nirmalaṃ netrarūpaṃ ca nityaṃ śyāmābjasannibham || 62||

एकास्यं च त्रिशूलाही हस्तयोर्दधतं शुभम् ।श्यामवस्त्रपरीधानं नीलोत्पलविभूषितम् ॥ ६३॥

ekāsyaṃ ca triśūlāhī hastayordadhataṃ śubham |śyāmavastraparīdhānaṃ nīlotpalavibhūṣitam || 63||

सौम्यास्यं सौम्यरूपं च सोमवत्प्रियदर्शनम् ।नीलमेघसमाकारं दृक्क्रियेच्छात्मकं विभोः ॥ ६४॥

saumyāsyaṃ saumyarūpaṃ ca somavatpriyadarśanam |nīlameghasamākāraṃ dṛkkriyecchātmakaṃ vibhoḥ || 64||

त्रितत्त्वरूपवह्न्यादिमण्डलत्रितयाक्षयम् ।वन्देऽहमिष्टलाभाय जगन्नेतृत्वलक्षितम् ॥ ६५॥

tritattvarūpavahnyādimaṇḍalatritayākṣayam |vande'hamiṣṭalābhāya jagannetṛtvalakṣitam || 65||

४\। ॐ शिखायै नमः ।वामदेवाधिदैवत्या शिखा प्रोक्ता सदाशिवा ।अलङ्कारशतैर्युक्ता कपर्द इति च स्मृता ॥ ६६॥

4\| oṃ śikhāyai namaḥ |vāmadevādhidaivatyā śikhā proktā sadāśivā |alaṅkāraśatairyuktā kaparda iti ca smṛtā || 66||

सा ब्रह्मणापि न ज्ञाता आकाशगमनेन च ।तस्मात्सर्वोत्तमा ध्येया शिखावान्पुरुषो विभुः ॥ ६७॥

sā brahmaṇāpi na jñātā ākāśagamanena ca |tasmātsarvottamā dhyeyā śikhāvānpuruṣo vibhuḥ || 67||

शिखां सिन्दूरवर्णाभां शुक्लवस्त्रोत्तरीयकाम् ।त्रिनेत्रां जटिलां सव्ये कपालं वरमेव च ॥ ६८॥

śikhāṃ sindūravarṇābhāṃ śuklavastrottarīyakām |trinetrāṃ jaṭilāṃ savye kapālaṃ varameva ca || 68||

शूलाभयं दधानां च वामे रुद्राक्षभूषिताम् ।वन्देऽहं सर्वलाभाय उष्णीषसहितां शिवाम् ॥ ६९॥

śūlābhayaṃ dadhānāṃ ca vāme rudrākṣabhūṣitām |vande'haṃ sarvalābhāya uṣṇīṣasahitāṃ śivām || 69||

५\। ॐ शिरसे नमः ।द्वादशान्तमिति प्रोक्तं शिर एव सनातनम् ।सहस्राधिकनाडीनां समुदायोऽत्र वर्तते ॥ ७०॥

5\| oṃ śirase namaḥ |dvādaśāntamiti proktaṃ śira eva sanātanam |sahasrādhikanāḍīnāṃ samudāyo'tra vartate || 70||

शिरः प्रधानं सर्वेषु अङ्गेषु परिकीर्तितम् ।गङ्गापन्नगचन्द्राश्च शिवस्य शिरसि स्थिताः ॥ ७१॥

śiraḥ pradhānaṃ sarveṣu aṅgeṣu parikīrtitam |gaṅgāpannagacandrāśca śivasya śirasi sthitāḥ || 71||

एवं ध्येयं शिरःस्थानं सर्वाधारं च कीर्तितम् ।महादेवाधिदैवत्यं शिर एतदुदाहृतम् ॥ ७२॥

evaṃ dhyeyaṃ śiraḥsthānaṃ sarvādhāraṃ ca kīrtitam |mahādevādhidaivatyaṃ śira etadudāhṛtam || 72||

शिरः काञ्चनवर्णाभं एकवक्त्रं त्रिलोचनम् ।वरं कपालं वामे च दक्षे शूलाभये वरे ॥ ७३॥

śiraḥ kāñcanavarṇābhaṃ ekavaktraṃ trilocanam |varaṃ kapālaṃ vāme ca dakṣe śūlābhaye vare || 73||

जटामकुटशोभाढ्यं भस्मपाण्डरविग्रहम् ।सर्वाभरणसंयुक्तं सर्वमाल्यैरलङ्कृतम् ।भजे मङ्गलसम्प्राप्त्यै सर्वश्रेष्ठं पुरातनम् ॥ ७४॥

jaṭāmakuṭaśobhāḍhyaṃ bhasmapāṇḍaravigraham |sarvābharaṇasaṃyuktaṃ sarvamālyairalaṅkṛtam |bhaje maṅgalasamprāptyai sarvaśreṣṭhaṃ purātanam || 74||

६\। ॐ हृदयाय नमः ।हृदि अयं इति प्रोक्तः शिव एव सनातनः ।शतं चैका हृदयस्य नाड्यः तासां मूर्धानमभिनिस्सृतैका ॥ ७५॥

6\| oṃ hṛdayāya namaḥ |hṛdi ayaṃ iti proktaḥ śiva eva sanātanaḥ |śataṃ caikā hṛdayasya nāḍyaḥ tāsāṃ mūrdhānamabhinissṛtaikā || 75||

देहमध्यस्थितं ह्येतत् जीवाधारमिति स्मृतम् ।जीवो ब्रह्मैव नापरः परमात्मेत्युदाहृतः ॥ ७६॥

dehamadhyasthitaṃ hyetat jīvādhāramiti smṛtam |jīvo brahmaiva nāparaḥ paramātmetyudāhṛtaḥ || 76||

परमं च रहस्यं च बोधयत् एतदेव हि ।हृदयं शिवदैवत्यं इति मन्त्रेण कीर्तितम् ॥ ७७॥

paramaṃ ca rahasyaṃ ca bodhayat etadeva hi |hṛdayaṃ śivadaivatyaṃ iti mantreṇa kīrtitam || 77||

एवं च हृदयं ध्येयं ध्यानावस्थितचेतसा ।हृदयं शुक्लवर्णाभं त्रिणेत्रं चैकवक्त्रकम् ।शूलाभये सव्यहस्ते दक्षे वरकपालके ॥ ७८॥

evaṃ ca hṛdayaṃ dhyeyaṃ dhyānāvasthitacetasā |hṛdayaṃ śuklavarṇābhaṃ triṇetraṃ caikavaktrakam |śūlābhaye savyahaste dakṣe varakapālake || 78||

कदलीपुष्पसङ्काशं हृदयं सर्वदेहिनाम् ।तस्य मध्यस्थितं पद्मं अष्टपत्रं सकर्णिकम् ॥ ७९॥

kadalīpuṣpasaṅkāśaṃ hṛdayaṃ sarvadehinām |tasya madhyasthitaṃ padmaṃ aṣṭapatraṃ sakarṇikam || 79||

वितस्तिमात्रं हृदयं कमलं चतुरङ्गुलम् ।अष्टाङ्गुलप्रमाणान्तं नाभेरूर्ध्वं व्यवस्थितम् ॥ ८०॥

vitastimātraṃ hṛdayaṃ kamalaṃ caturaṅgulam |aṣṭāṅgulapramāṇāntaṃ nābherūrdhvaṃ vyavasthitam || 80||

पद्मनालं नवद्वारं समन्तात् कण्टकान्वितम् ।अङ्गुष्ठपर्वतुल्याऽत्र कर्णिका सा सकेसरा ॥ ८१॥

padmanālaṃ navadvāraṃ samantāt kaṇṭakānvitam |aṅguṣṭhaparvatulyā'tra karṇikā sā sakesarā || 81||

कर्णिकायां भवेत्सूर्यः तस्य मध्ये तु चन्द्रमाः ।चन्द्रमध्ये भवेद्वह्निः सौरे चानाहतं स्मरेत् ॥ ८२॥

karṇikāyāṃ bhavetsūryaḥ tasya madhye tu candramāḥ |candramadhye bhavedvahniḥ saure cānāhataṃ smaret || 82||

अमनस्कं च सोमे च शिवमग्नौ विभावयेत् ।पूजाहोमसमाधीनां त्रिविधं मूर्तिभेदकम् ॥ ८३॥

amanaskaṃ ca some ca śivamagnau vibhāvayet |pūjāhomasamādhīnāṃ trividhaṃ mūrtibhedakam || 83||

अनाहतशिवे पूजा अमनस्कशिवं हुनेत् ।शिवे विलीनकं कृत्वा समाधिं परिभावयेत् ॥ ८४॥

anāhataśive pūjā amanaskaśivaṃ hunet |śive vilīnakaṃ kṛtvā samādhiṃ paribhāvayet || 84||

॥ द्वितीयावरणदेवताध्यानम् ॥ॐ अनन्ताय नमः । ॐ एकनेत्राय नमः । ॐ एकरुद्राय नमः ।ॐ त्रिमूर्तये नमः । ॐ शिखण्डिने नमः । ॐ शिवोत्तमाय नमः ।ॐ श्रीकण्ठाय नमः । ॐ सूक्ष्माय नमः ।१\। ॐ अनन्ताय नमः ।अनन्तेशं चतुर्वक्त्रं जटामकुटमण्डितम् ।खण्डेन्दुमौलिनं गङ्गाधरं पद्मासनस्थितम् ॥ ८५॥

|| dvitīyāvaraṇadevatādhyānam ||oṃ anantāya namaḥ | oṃ ekanetrāya namaḥ | oṃ ekarudrāya namaḥ |oṃ trimūrtaye namaḥ | oṃ śikhaṇḍine namaḥ | oṃ śivottamāya namaḥ |oṃ śrīkaṇṭhāya namaḥ | oṃ sūkṣmāya namaḥ | 1\| oṃ anantāya namaḥ |ananteśaṃ caturvaktraṃ jaṭāmakuṭamaṇḍitam |khaṇḍendumaulinaṃ gaṅgādharaṃ padmāsanasthitam || 85||

खड्गखेटधनुर्बाणकमण्डल्वक्षसूत्रकान् ।वराभये च बिभ्राणं भस्मरुद्राक्षभूषितम् ॥ ८६॥

khaḍgakheṭadhanurbāṇakamaṇḍalvakṣasūtrakān |varābhaye ca bibhrāṇaṃ bhasmarudrākṣabhūṣitam || 86||

२\। ॐ एकनेत्राय नमः ।भृङ्गाभमेकनेत्रं च साक्षमालाकमण्डलुम् ।खड्गखेटधनुर्बाणवरदाभयशूलकम् ॥ ८७॥

2\| oṃ ekanetrāya namaḥ |bhṛṅgābhamekanetraṃ ca sākṣamālākamaṇḍalum |khaḍgakheṭadhanurbāṇavaradābhayaśūlakam || 87||

इन्दुगङ्गाधरं देवं प्रसन्नवदनान्वितम् ।सर्वाभरणसंयुक्तं पङ्कजोपरि संस्थितम् ॥ ८८॥

indugaṅgādharaṃ devaṃ prasannavadanānvitam |sarvābharaṇasaṃyuktaṃ paṅkajopari saṃsthitam || 88||

३\। ॐ एकरुद्राय नमः ।एकरुद्रं शशाङ्काभं गङ्गाचन्द्रकलाधरम् ।खड्गखेटधनुर्बाणानक्षमालां कमण्डलुम् ॥ ८९॥

3\| oṃ ekarudrāya namaḥ |ekarudraṃ śaśāṅkābhaṃ gaṅgācandrakalādharam |khaḍgakheṭadhanurbāṇānakṣamālāṃ kamaṇḍalum || 89||

पाशं शूलं च बिभ्राणं मन्दस्मितमनोहरम् ।सर्वाभरणसंयुक्तं भस्मरुद्राक्षशोभितम् ॥ ९०॥

pāśaṃ śūlaṃ ca bibhrāṇaṃ mandasmitamanoharam |sarvābharaṇasaṃyuktaṃ bhasmarudrākṣaśobhitam || 90||

४\। ॐ त्रिमूर्तये नमः ।हिमाङ्गञ्च त्रिमूर्तिश्च जटामकुटशोभितम् ।अभयाक्षवरान् खड्गं धनुर्बाणञ्च खेटकम् ।गण्डिकाञ्च तथा शूलं दधानं पद्मसंस्थितम् ॥ ९१॥

4\| oṃ trimūrtaye namaḥ |himāṅgañca trimūrtiśca jaṭāmakuṭaśobhitam |abhayākṣavarān khaḍgaṃ dhanurbāṇañca kheṭakam |gaṇḍikāñca tathā śūlaṃ dadhānaṃ padmasaṃsthitam || 91||

५\। ॐ शिखण्डिने नमः ।शिखण्डिनं शुभ्रवर्णं खड्गखेटकसंयुतम् ।धनुर्बाणसमायुक्तं वराभयसमन्वितम् ।अक्षशूलधरञ्चैव भस्मरुद्राक्षभूषितम् ॥ ९२॥

5\| oṃ śikhaṇḍine namaḥ |śikhaṇḍinaṃ śubhravarṇaṃ khaḍgakheṭakasaṃyutam |dhanurbāṇasamāyuktaṃ varābhayasamanvitam |akṣaśūladharañcaiva bhasmarudrākṣabhūṣitam || 92||

६\। ॐ शिवोत्तमाय नमः ।शिवोत्तमं नीलवर्णं गङ्गाचन्द्रजटाधरम् ।चापबाणवराभीतिखड्गखेटाक्षशूलकान् ॥ ९३॥

6\| oṃ śivottamāya namaḥ |śivottamaṃ nīlavarṇaṃ gaṅgācandrajaṭādharam |cāpabāṇavarābhītikhaḍgakheṭākṣaśūlakān || 93||

पाणिपद्मेष्वादधानं प्रसन्नास्यं त्रिनेत्रकम् ।पद्मासने समासीनं सर्वाभरणभूषितम् ॥ ९४॥

pāṇipadmeṣvādadhānaṃ prasannāsyaṃ trinetrakam |padmāsane samāsīnaṃ sarvābharaṇabhūṣitam || 94||

७\। श्रीकण्ठाय नमः ।श्रीकण्ठं रक्तवर्णञ्च गङ्गासोमजटान्वितम् ।अभयाक्षवरासींश्च खेटकं चापबाणकौ ॥ ९५॥

7\| śrīkaṇṭhāya namaḥ |śrīkaṇṭhaṃ raktavarṇañca gaṅgāsomajaṭānvitam |abhayākṣavarāsīṃśca kheṭakaṃ cāpabāṇakau || 95||

शूलं वहन्तं हस्तेषु कुण्डलाद्युपशोभितम् ।रक्तवस्त्रपरीताङ्गं रक्तपद्मासने स्थितम् ॥ ९६॥

śūlaṃ vahantaṃ hasteṣu kuṇḍalādyupaśobhitam |raktavastraparītāṅgaṃ raktapadmāsane sthitam || 96||

८\। ॐ सूक्ष्माय नमः ।रक्ताङ्गं सूक्ष्मदेहं च वराभयकरान्वितम् ।शूलाक्षगण्डिकां चैव धनुर्बाणासिधारिणम् ।पद्मासने समासीनं पद्ममालाविभूषितम् ॥ ९७॥

8\| oṃ sūkṣmāya namaḥ |raktāṅgaṃ sūkṣmadehaṃ ca varābhayakarānvitam |śūlākṣagaṇḍikāṃ caiva dhanurbāṇāsidhāriṇam |padmāsane samāsīnaṃ padmamālāvibhūṣitam || 97||

॥ तृतीयावरणदेवता ध्यानम् ॥ॐ चण्डेश्वराय नमः । ॐ गौर्यै नमः । ॐ नन्दिने नमः । ॐ भृङ्गिनेनमः । ॐ महाकालाय नमः । ॐ विष्णवे नमः । ॐ वृषभायनमः । ॐ षण्मुखाय नमः ।१\। ॐ चण्डेश्वराय नमः ।चण्डेश्वरः स्थाणुसमानतेजाःरुद्रेण सङ्क्षिप्तसमस्तभारः ।यस्य प्रसादात्सफला शिवार्चातं चण्डिकेशं प्रणमामि देवम् ॥ ९८॥

|| tṛtīyāvaraṇadevatā dhyānam ||oṃ caṇḍeśvarāya namaḥ | oṃ gauryai namaḥ | oṃ nandine namaḥ | oṃ bhṛṅginenamaḥ | oṃ mahākālāya namaḥ | oṃ viṣṇave namaḥ | oṃ vṛṣabhāyanamaḥ | oṃ ṣaṇmukhāya namaḥ | 1\| oṃ caṇḍeśvarāya namaḥ |caṇḍeśvaraḥ sthāṇusamānatejāḥrudreṇa saṅkṣiptasamastabhāraḥ |yasya prasādātsaphalā śivārcātaṃ caṇḍikeśaṃ praṇamāmi devam || 98||

चण्डेश्वरं चतुर्बाहुं चतुर्वक्त्रं त्रिलोचनम् ।दधतं कमण्डलुं शूलं अक्षसूत्रं परश्वधम् ॥ ९९॥

caṇḍeśvaraṃ caturbāhuṃ caturvaktraṃ trilocanam |dadhataṃ kamaṇḍaluṃ śūlaṃ akṣasūtraṃ paraśvadham || 99||

महोरगोपवीताढ्यं तन्निर्वर्तितकङ्कणम् ।वन्दे नवाम्बुदाभासं समयादिनियामकम् ॥ १००॥

mahoragopavītāḍhyaṃ tannirvartitakaṅkaṇam |vande navāmbudābhāsaṃ samayādiniyāmakam || 100||

२\। ॐ गौर्यै नमः ।गौरीं च स्फटिकाभासां पुण्डरीकदलेक्षणाम् ।त्रिणेत्रां चैकवक्त्रां च साभयां वरदान्विताम् ॥ १०१॥

2\| oṃ gauryai namaḥ |gaurīṃ ca sphaṭikābhāsāṃ puṇḍarīkadalekṣaṇām |triṇetrāṃ caikavaktrāṃ ca sābhayāṃ varadānvitām || 101||

मृगशूलसमायुक्तां सर्वाभरणभूषिताम् ।सिंहोपरि स्थितां पीतां करण्डमकुटान्विताम् ।देवीं सदा प्रपद्येऽहं मुक्तामालाविराजिताम् ॥ १०२॥

mṛgaśūlasamāyuktāṃ sarvābharaṇabhūṣitām |siṃhopari sthitāṃ pītāṃ karaṇḍamakuṭānvitām |devīṃ sadā prapadye'haṃ muktāmālāvirājitām || 102||

३\। ॐ नन्दिने नमः ।शूलाक्षमाले दधतं कराभ्यांवामेतराभ्यां जटिलं त्रिणेत्रम् ।द्वार्दक्षिणस्थां समवाप्य शाखांरक्तस्मितं नन्दिनमाश्रयामि ॥ १०३॥

3\| oṃ nandine namaḥ |śūlākṣamāle dadhataṃ karābhyāṃvāmetarābhyāṃ jaṭilaṃ triṇetram |dvārdakṣiṇasthāṃ samavāpya śākhāṃraktasmitaṃ nandinamāśrayāmi || 103||

धर्मस्त्वं वृषरूपेण जगदानन्दकारकम् ।अष्टमूर्तेरधिष्ठानं शिवतुल्यं सनातनम् ॥ १०४॥

dharmastvaṃ vṛṣarūpeṇa jagadānandakārakam |aṣṭamūrteradhiṣṭhānaṃ śivatulyaṃ sanātanam || 104||

चामीकराचलप्रख्यं सर्वाभरणभूषितम् ।बालेन्दुमकुटं सौम्यं त्रिणेत्रं च चतुर्भुजम् ॥ १०५॥

cāmīkarācalaprakhyaṃ sarvābharaṇabhūṣitam |bālendumakuṭaṃ saumyaṃ triṇetraṃ ca caturbhujam || 105||

मृगवेत्रधरं देवं चन्द्रनिम्बसमाननम् ।सुयशापतिमीशस्य ध्यानैकनिरतं शुभम् ।नमामि परया भक्त्या सर्वलोकैरभिष्टुतम् ॥ १०६॥

mṛgavetradharaṃ devaṃ candranimbasamānanam |suyaśāpatimīśasya dhyānaikanirataṃ śubham |namāmi parayā bhaktyā sarvalokairabhiṣṭutam || 106||

४\। ॐ भृङ्गिने नमः ।निर्मांसविग्रहो भृङ्गी श्वेतो दण्डाक्षसूत्रभृत् ।नृत्यन् त्रिणेत्रः सशिखः देवालोकनतत्परः ॥ १०७॥

4\| oṃ bhṛṅgine namaḥ |nirmāṃsavigraho bhṛṅgī śveto daṇḍākṣasūtrabhṛt |nṛtyan triṇetraḥ saśikhaḥ devālokanatatparaḥ || 107||

अर्धनारीश्वरशिवोरुमध्ये भ्रमरीकृतः ।प्रदक्षिणं शिवं कुर्वन् अम्बया शापितः किल ॥ १०८॥

ardhanārīśvaraśivorumadhye bhramarīkṛtaḥ |pradakṣiṇaṃ śivaṃ kurvan ambayā śāpitaḥ kila || 108||

तस्मात् निर्मांसदेहोऽभूत् शिवध्यानैकनिश्चलः ।तं वन्दे परमेशानभक्तवर्यं सनातनम् ॥ १०९॥

tasmāt nirmāṃsadeho'bhūt śivadhyānaikaniścalaḥ |taṃ vande parameśānabhaktavaryaṃ sanātanam || 109||

५\। ॐ महाकालाय नमः ।महेशसव्यस्थितकृष्णवर्णं नागोपवीतं जटिलं त्रिणेत्रम् ।कपालशूलान्वितवामदक्षकरं महाकालमहं प्रपद्ये ॥ ११०॥

5\| oṃ mahākālāya namaḥ |maheśasavyasthitakṛṣṇavarṇaṃ nāgopavītaṃ jaṭilaṃ triṇetram |kapālaśūlānvitavāmadakṣakaraṃ mahākālamahaṃ prapadye || 110||

त्रिणेत्रं पीतकृष्णाङ्गं बभ्रुश्मश्रुशिरोरुहम् ।दण्डखड्गौ खेटशूले दधतं शिवरक्षकम् ।महाकालं महात्मानं प्रणमामि सदा मुदा ॥ १११॥

triṇetraṃ pītakṛṣṇāṅgaṃ babhruśmaśruśiroruham |daṇḍakhaḍgau kheṭaśūle dadhataṃ śivarakṣakam |mahākālaṃ mahātmānaṃ praṇamāmi sadā mudā || 111||

६\। ॐ विष्णवे नमः ।विष्णुं चतुर्भुजं शङ्खगदाचक्राब्जहस्तकम् ।नीलाम्बुधरसङ्काशं भस्मोद्धूलितविग्रहम् ।रमया रममाणं च जगद्रक्षकमाश्रये ॥ ११२॥

6\| oṃ viṣṇave namaḥ |viṣṇuṃ caturbhujaṃ śaṅkhagadācakrābjahastakam |nīlāmbudharasaṅkāśaṃ bhasmoddhūlitavigraham |ramayā ramamāṇaṃ ca jagadrakṣakamāśraye || 112||

श्रीमान् क्षीरार्णवान्तः फणिपति शयने चन्द्रखण्डातिगौरेभूमानीलासमेतः सकलभुवन संरक्षणोपायचिन्तः ।निद्राव्याजेन कुर्वन् निरवधिमहिमा नित्यमुक्ताभिवन्द्यःशेते यः श्रीनिवासः प्रदिशतु सुतरां सन्ततं मङ्गलं नः ॥ ११३॥

śrīmān kṣīrārṇavāntaḥ phaṇipati śayane candrakhaṇḍātigaurebhūmānīlāsametaḥ sakalabhuvana saṃrakṣaṇopāyacintaḥ |nidrāvyājena kurvan niravadhimahimā nityamuktābhivandyaḥśete yaḥ śrīnivāsaḥ pradiśatu sutarāṃ santataṃ maṅgalaṃ naḥ || 113||

७\। ॐ वृषभाय नमः ।रजतनिभशरीरं वेदपादं त्रिणेत्रंअरुणमुदितशोभं श्याममुन्नम्रवक्त्रम् ।विविधमणिविभूषं किङ्किणीशोभिकण्ठंहरिहरविधिरूपं चादिदेवं वृषेशम् ॥ ११४॥

7\| oṃ vṛṣabhāya namaḥ |rajatanibhaśarīraṃ vedapādaṃ triṇetraṃaruṇamuditaśobhaṃ śyāmamunnamravaktram |vividhamaṇivibhūṣaṃ kiṅkiṇīśobhikaṇṭhaṃhariharavidhirūpaṃ cādidevaṃ vṛṣeśam || 114||

वृषं वृषपतिं त्र्यक्षं रुद्रैकगतमानसम् ।साक्षात् धर्मस्वरूपं च शुद्धस्फटिकनिर्मलम् ।वन्दे च शिवसेवायै शिवापरेति विश्रुतम् ॥ ११५॥

vṛṣaṃ vṛṣapatiṃ tryakṣaṃ rudraikagatamānasam |sākṣāt dharmasvarūpaṃ ca śuddhasphaṭikanirmalam |vande ca śivasevāyai śivāpareti viśrutam || 115||

८\। ॐ षण्मुखाय नमः ।षड्वक्त्रं शिखिवाहनं त्रिणयनं चित्राम्बरालङ्कृतंवज्रं शक्तिमसिं त्रिशूलमभयं खेटं धनुश्चक्रकम् ।पाशं कुक्कुटमङ्कुशं च वरदं दोर्भिर्दधानं सदावन्दे सिद्धिदमीश्वरं शिवसुतं स्कन्दं सुराराधितम् ॥ ११६॥

8\| oṃ ṣaṇmukhāya namaḥ |ṣaḍvaktraṃ śikhivāhanaṃ triṇayanaṃ citrāmbarālaṅkṛtaṃvajraṃ śaktimasiṃ triśūlamabhayaṃ kheṭaṃ dhanuścakrakam |pāśaṃ kukkuṭamaṅkuśaṃ ca varadaṃ dorbhirdadhānaṃ sadāvande siddhidamīśvaraṃ śivasutaṃ skandaṃ surārādhitam || 116||

उमाकोमलहस्ताब्ज सम्भावितललाटिकम् ।महादेवगुरुं वन्दे कुमारं पुष्करस्रजम् ॥ ११७॥

umākomalahastābja sambhāvitalalāṭikam |mahādevaguruṃ vande kumāraṃ puṣkarasrajam || 117||

॥ चतुर्थावरणदेवता ध्यानम् ॥ॐ अग्नये नमः । ॐ इन्द्राय नमः । ॐ ईशानाय नमः । ॐ कुबेराय नमः ।ॐ निरृतये नमः । ॐ ब्रह्मणे नमः । ॐ यमाय नमः ।ॐ वरुणाय नमः । ॐ वायवे नमः । ॐ विष्णवे नमः ।१\। ॐ अग्नये नमः ।सप्तार्चिषं च बिभ्राणं अक्षमालां कमण्डलुम् ।ज्वालामालाकुलं रक्तं शक्तिहस्तं अजासनम् ॥ ११८॥

|| caturthāvaraṇadevatā dhyānam ||oṃ agnaye namaḥ | oṃ indrāya namaḥ | oṃ īśānāya namaḥ | oṃ kuberāya namaḥ |oṃ nirṛtaye namaḥ | oṃ brahmaṇe namaḥ | oṃ yamāya namaḥ |oṃ varuṇāya namaḥ | oṃ vāyave namaḥ | oṃ viṣṇave namaḥ | 1\| oṃ agnaye namaḥ |saptārciṣaṃ ca bibhrāṇaṃ akṣamālāṃ kamaṇḍalum |jvālāmālākulaṃ raktaṃ śaktihastaṃ ajāsanam || 118||

स्वाहादेवीसमायुक्तं स्वर्णवर्णमुपास्महे ।२\। ॐ इन्द्राय नमः ।ऐरावतगजारूढं शचीजानिं किरीटिनम् ॥ ११९॥

svāhādevīsamāyuktaṃ svarṇavarṇamupāsmahe | 2\| oṃ indrāya namaḥ |airāvatagajārūḍhaṃ śacījāniṃ kirīṭinam || 119||

सहस्रनयनं शक्रं वज्रपाणिं विभावये ।३\। ॐ ईशानाय नमः ।ईशानं वृषभारूढं त्रिशूलव्यालधारिणम् ॥ १२०॥

sahasranayanaṃ śakraṃ vajrapāṇiṃ vibhāvaye | 3\| oṃ īśānāya namaḥ |īśānaṃ vṛṣabhārūḍhaṃ triśūlavyāladhāriṇam || 120||

पार्वतीस्कन्दविघ्नेशवीरभद्रयुतं शिवम् ।शरचन्द्रनिभं वन्दे चन्द्रमौलिं त्रिलोचनम् ॥ १२१॥

pārvatīskandavighneśavīrabhadrayutaṃ śivam |śaracandranibhaṃ vande candramauliṃ trilocanam || 121||

४\। ॐ कुबेराय नमः ।कुबेरं मनुजासीनं सखर्वं खर्वविग्रहम् ।पार्वतीशसखं देवं चित्रलेखापतिं शुभम् ।स्वर्णच्छायं गदाहस्तं उत्तराशापतिं स्मरेत् ॥ १२२॥

4\| oṃ kuberāya namaḥ |kuberaṃ manujāsīnaṃ sakharvaṃ kharvavigraham |pārvatīśasakhaṃ devaṃ citralekhāpatiṃ śubham |svarṇacchāyaṃ gadāhastaṃ uttarāśāpatiṃ smaret || 122||

५\। ॐ निरृतये नमः ।रक्तनेत्रं शवारूढं नीलोत्पल दलप्रभम् ॥ १२३॥

5\| oṃ nirṛtaye namaḥ |raktanetraṃ śavārūḍhaṃ nīlotpala dalaprabham || 123||

कृपाणपाणिमस्रौघं पिबन्तं राक्षसेश्वरम् ।दीर्घादेवीसमायुक्तं यातुधानमहं भजे ।६\। ॐ ब्रह्मणे नमः ।हंसारूढं चतुर्वक्त्रं सरस्वतीपतिमव्ययम् ।रुद्राक्षपुस्तकाभीतिवरहस्तं विचिन्तये ॥ १२४॥

kṛpāṇapāṇimasraughaṃ pibantaṃ rākṣaseśvaram |dīrghādevīsamāyuktaṃ yātudhānamahaṃ bhaje | 6\| oṃ brahmaṇe namaḥ |haṃsārūḍhaṃ caturvaktraṃ sarasvatīpatimavyayam |rudrākṣapustakābhītivarahastaṃ vicintaye || 124||

७\। ॐ यमाय नमः ।कृतान्तं महिषारूढं दण्डहस्तं भयानकम् ।कालपाशधरं कृष्णं ध्यायेत् दक्षिणदिक्पतिम् ।देव्यां श्यामलया युक्तं धर्मराजं महाबलम् ॥ १२५॥

7\| oṃ yamāya namaḥ |kṛtāntaṃ mahiṣārūḍhaṃ daṇḍahastaṃ bhayānakam |kālapāśadharaṃ kṛṣṇaṃ dhyāyet dakṣiṇadikpatim |devyāṃ śyāmalayā yuktaṃ dharmarājaṃ mahābalam || 125||

८\। ॐ वरुणाय नमः ।नागपाशधरं सृष्टं रत्नौघद्युतिविग्रहम् ।शशाङ्कं धवलं ध्यायेत् वरुणं मकरासनम् ।कालिकापतिमीशानं हृदा ध्यायेत् जलाधिपम् ॥ १२६॥

8\| oṃ varuṇāya namaḥ |nāgapāśadharaṃ sṛṣṭaṃ ratnaughadyutivigraham |śaśāṅkaṃ dhavalaṃ dhyāyet varuṇaṃ makarāsanam |kālikāpatimīśānaṃ hṛdā dhyāyet jalādhipam || 126||

९\। ॐ वायवे नमः ।आपीत हरितच्छायं विलोलध्वजधारिणम् ।प्राणभूतञ्च भूतानां हरिणस्थं समीरणम् ।अञ्जनापतिमीड्यं च सदा सञ्चारिणं भजे ॥ १२७॥

9\| oṃ vāyave namaḥ |āpīta haritacchāyaṃ viloladhvajadhāriṇam |prāṇabhūtañca bhūtānāṃ hariṇasthaṃ samīraṇam |añjanāpatimīḍyaṃ ca sadā sañcāriṇaṃ bhaje || 127||

१०\। ॐ महाविष्णवे नमः ॥गरुडारूढं महाविष्णुं महालक्ष्मीधवं हरिम् ।शङ्ख चक्रगदापद्मधरं वन्दे मनोहरम् ॥ १२८॥

10\| oṃ mahāviṣṇave namaḥ ||garuḍārūḍhaṃ mahāviṣṇuṃ mahālakṣmīdhavaṃ harim |śaṅkha cakragadāpadmadharaṃ vande manoharam || 128||

॥ पञ्चमावरणदेवता ध्यानम् ॥ॐ अङ्कुशाय नमः । ॐ खड्गाय नमः । ॐ गदायै नमः ।ॐ चक्राय नमः । ॐ त्रिशूलाय नमः । ॐ दण्डाय नमः ।ॐ पद्माय नमः । ॐ पाशाय नमः । ॐ वज्राय नमः । ॐ शक्तये नमः ।१\। ॐ अङ्कुशाय नमः ।अङ्कुशं पुरुषं पीतं द्विभुजं च द्विनेत्रकम् ।करण्डमकुटोपेतं ईषद्दंष्ट्रं कृताञ्जलिम् ।पुष्पहस्तं पुनीतं च गजप्रेरकमाश्रये ॥ १२९॥

|| pañcamāvaraṇadevatā dhyānam ||oṃ aṅkuśāya namaḥ | oṃ khaḍgāya namaḥ | oṃ gadāyai namaḥ |oṃ cakrāya namaḥ | oṃ triśūlāya namaḥ | oṃ daṇḍāya namaḥ |oṃ padmāya namaḥ | oṃ pāśāya namaḥ | oṃ vajrāya namaḥ | oṃ śaktaye namaḥ | 1\| oṃ aṅkuśāya namaḥ |aṅkuśaṃ puruṣaṃ pītaṃ dvibhujaṃ ca dvinetrakam |karaṇḍamakuṭopetaṃ īṣaddaṃṣṭraṃ kṛtāñjalim |puṣpahastaṃ punītaṃ ca gajaprerakamāśraye || 129||

२\। ॐ खड्गाय नमः ।खड्गं च पुरुषं श्यामं द्विभुजं च द्विनेत्रकम् ।करण्डमकुटोपेतं किञ्चित् दंष्ट्रासमन्वितम् ।विष्णुहस्ते वीरभद्रकरे संस्थं नमाम्यहम् ॥ १३०॥

2\| oṃ khaḍgāya namaḥ |khaḍgaṃ ca puruṣaṃ śyāmaṃ dvibhujaṃ ca dvinetrakam |karaṇḍamakuṭopetaṃ kiñcit daṃṣṭrāsamanvitam |viṣṇuhaste vīrabhadrakare saṃsthaṃ namāmyaham || 130||

३\। ॐ गदायै नमः ।द्विनेत्रां द्विभुजां नीलां करण्डमकुटान्विताम् ।सर्वाभरणसंयुक्तां गदां कर्णाकृतिं स्मरेत् ।विष्णुहस्ते भीमहस्ते आञ्जनेयकरे स्थिताम् ॥ १३१॥

3\| oṃ gadāyai namaḥ |dvinetrāṃ dvibhujāṃ nīlāṃ karaṇḍamakuṭānvitām |sarvābharaṇasaṃyuktāṃ gadāṃ karṇākṛtiṃ smaret |viṣṇuhaste bhīmahaste āñjaneyakare sthitām || 131||

४\। ॐ चक्राय नमः ।नवीनाम्बुदसङ्काशं इन्दुसुन्दरविग्रहम् ।चक्रं सतारसंयुक्तं मण्डलं हृदि भावये ।विष्णुहस्ते तथा लक्ष्मीहस्ते स्थितं शुभम् ॥ १३२॥

4\| oṃ cakrāya namaḥ |navīnāmbudasaṅkāśaṃ indusundaravigraham |cakraṃ satārasaṃyuktaṃ maṇḍalaṃ hṛdi bhāvaye |viṣṇuhaste tathā lakṣmīhaste sthitaṃ śubham || 132||

५\। ॐ त्रिशूलाय नमः ।त्रिशूलः पुरुषो दिव्यो द्विनेत्रश्च कृताञ्जलिः ।जीमूतसन्निभो रौद्रः किञ्चिद्दंष्ट्रो द्विबाहुकः ।त्रिमूर्तिस्मारको यश्च तं वन्दे शिवहस्तगम् ॥ १३३॥

5\| oṃ triśūlāya namaḥ |triśūlaḥ puruṣo divyo dvinetraśca kṛtāñjaliḥ |jīmūtasannibho raudraḥ kiñciddaṃṣṭro dvibāhukaḥ |trimūrtismārako yaśca taṃ vande śivahastagam || 133||

६\। ॐ दण्डाय नमः ।विद्युत्कान्तिप्रभं सूक्ष्मं दण्डं पुरुषरूपिणम् ।कृताञ्जलिपुटोपेतं करण्डमकुटान्वितम् ।सुब्रह्मण्यकरे संस्थं भजे दुष्टनिवारकम् ॥ १३४॥

6\| oṃ daṇḍāya namaḥ |vidyutkāntiprabhaṃ sūkṣmaṃ daṇḍaṃ puruṣarūpiṇam |kṛtāñjalipuṭopetaṃ karaṇḍamakuṭānvitam |subrahmaṇyakare saṃsthaṃ bhaje duṣṭanivārakam || 134||

७\। ॐ पद्माय नमः ।पद्मं कोशोज्वलं मौलिं शङ्खकुन्देन्दुसन्निभम् ।महात्मशक्तिसंयुक्तं सर्वाभरणभूषितम् ।पद्माकारं महाविष्णुलक्ष्मीहस्तस्थितं भजे ॥ १३५॥

7\| oṃ padmāya namaḥ |padmaṃ kośojvalaṃ mauliṃ śaṅkhakundendusannibham |mahātmaśaktisaṃyuktaṃ sarvābharaṇabhūṣitam |padmākāraṃ mahāviṣṇulakṣmīhastasthitaṃ bhaje || 135||

८\। ॐ पाशाय नमः ।पाशः सप्तफणः सर्पः पुरुषः पुच्छसंयुतः ।कृताञ्जलिपुटोपेतः द्विभुजश्च द्विलोचनः ॥द्विजिह्व धर्मराजस्य यमस्य वरुणस्य च ।करस्थः कीर्त्यते यश्च तं वन्दे देवरूपिणम् ॥ १३६॥

8\| oṃ pāśāya namaḥ |pāśaḥ saptaphaṇaḥ sarpaḥ puruṣaḥ pucchasaṃyutaḥ |kṛtāñjalipuṭopetaḥ dvibhujaśca dvilocanaḥ ||dvijihva dharmarājasya yamasya varuṇasya ca |karasthaḥ kīrtyate yaśca taṃ vande devarūpiṇam || 136||

९\। ॐ वज्राय नमः ।वज्रं तु पुरुषाकारं मृडं कर्कशविग्रहम् ।दधत्त्रिणेत्रं शक्तिं च करण्डमकुटान्वितम् ॥ १३७॥

9\| oṃ vajrāya namaḥ |vajraṃ tu puruṣākāraṃ mṛḍaṃ karkaśavigraham |dadhattriṇetraṃ śaktiṃ ca karaṇḍamakuṭānvitam || 137||

१०\। ॐ शक्तये नमः ।स्त्रीरूपां त्रिगुणाकारां किञ्चिद्दंष्ट्रासमन्विताम् ।द्विनेत्रां द्विभुजां शक्तिं करण्डमकुटान्विताम् ।सुब्रह्मण्यकरे संस्थां वन्दे शक्तिप्रदायिनीम् ॥ १३८॥

10\| oṃ śaktaye namaḥ |strīrūpāṃ triguṇākārāṃ kiñciddaṃṣṭrāsamanvitām |dvinetrāṃ dvibhujāṃ śaktiṃ karaṇḍamakuṭānvitām |subrahmaṇyakare saṃsthāṃ vande śaktipradāyinīm || 138||

इति श्री भृङ्गिरिटिसंहितायां पञ्चावरणस्तोत्रं समाप्तम् ।

iti śrī bhṛṅgiriṭisaṃhitāyāṃ pañcāvaraṇastotraṃ samāptam |