श्रीनटराजहृदयभावनासप्तकम् Shri Natarajahridayabhavana Shaptakam

ॐ श्रीगणेशाय नमः ।कामशासनमाश्रितार्तिनिवारणैकधुरन्धरंपाकशासनपूर्वलेखगणैः समर्चितपादुकम् ।व्याघ्रपादफणीश्वरादिमुनीशसंघनिषेवितंचित्सभेशमहर्निशं हृदि भावयामि कृपाकरम् ॥ १॥

oṃ śrīgaṇeśāya namaḥ |kāmaśāsanamāśritārtinivāraṇaikadhurandharaṃpākaśāsanapūrvalekhagaṇaiḥ samarcitapādukam |vyāghrapādaphaṇīśvarādimunīśasaṃghaniṣevitaṃcitsabheśamaharniśaṃ hṛdi bhāvayāmi kṛpākaram || 1||

यक्षराक्षसदानवोरगकिन्नरादिभिरन्वहंभक्तिपूर्वकमत्युदारसुगीतवैभवशालिनम् ।चण्डिकामुखपद्मवारिजबान्धवं विभुमव्ययंचित्सभेशमहर्निशं हृदि भावयामि कृपाकरम् ॥ २॥

yakṣarākṣasadānavoragakinnarādibhiranvahaṃbhaktipūrvakamatyudārasugītavaibhavaśālinam |caṇḍikāmukhapadmavārijabāndhavaṃ vibhumavyayaṃcitsabheśamaharniśaṃ hṛdi bhāvayāmi kṛpākaram || 2||

कालपाशनिपीडितं मुनिबालकं स्वपदार्चकंह्यग्रगण्यमशेषभक्तजनौघकस्य सदीडितम् ।रक्षितुं सहसावतीर्य जघान यच्छमनं च तंचित्सभेशमहर्निशं हृदि भावयामि कृपाकरम् ॥ ३॥

kālapāśanipīḍitaṃ munibālakaṃ svapadārcakaṃhyagragaṇyamaśeṣabhaktajanaughakasya sadīḍitam |rakṣituṃ sahasāvatīrya jaghāna yacchamanaṃ ca taṃcitsabheśamaharniśaṃ hṛdi bhāvayāmi kṛpākaram || 3||

भीकरोदकपूरकैर्भुवमर्णवीकरणोद्यतांस्वर्धुनीमभिमानिनीमतिदुश्चरेण समाधिना ।तोषितस्तु भगीरथेन दधार यो शिरसा च तंचित्सभेशमहर्निशं हृदि भावयामि कृपाकरम् ॥ ४॥

bhīkarodakapūrakairbhuvamarṇavīkaraṇodyatāṃsvardhunīmabhimāninīmatiduścareṇa samādhinā |toṣitastu bhagīrathena dadhāra yo śirasā ca taṃcitsabheśamaharniśaṃ hṛdi bhāvayāmi kṛpākaram || 4||

योगिनः सनकादयो मुनिपुंगवा विमलाशयाःदक्षिणाभिमुखं गुरुं समुपास्य यं शिवमादरत् ।सिद्धिमापुरनूपमांतमनन्यभावयुतस्त्वहंचित्सभेशमहर्निशं हृदि भावयामि कृपाकरम् ॥ ५॥

yoginaḥ sanakādayo munipuṃgavā vimalāśayāḥdakṣiṇābhimukhaṃ guruṃ samupāsya yaṃ śivamādarat |siddhimāpuranūpamāṃtamananyabhāvayutastvahaṃcitsabheśamaharniśaṃ hṛdi bhāvayāmi kṛpākaram || 5||

क्षीरसागरमन्थनोद्भवकालकूटमहाविषंनिग्रहीतुमशक्यमन्यसुरासुरैरपिबोऽर्थितः ।रक्षति स्म जगत्त्रयं सविलासमेव निपीय तंचित्सभेशमहर्निशं हृदि भावयामि कृपाकरम् ॥ ६॥

kṣīrasāgaramanthanodbhavakālakūṭamahāviṣaṃnigrahītumaśakyamanyasurāsurairapibo'rthitaḥ |rakṣati sma jagattrayaṃ savilāsameva nipīya taṃcitsabheśamaharniśaṃ hṛdi bhāvayāmi kṛpākaram || 6||

सर्वदेवमयं यमेव भजन्ति वैदिकसत्तमाःज्ञानकर्मविबोधकाः सकलागमाः श्रुतिपूर्वकाः ।आहुरेव यमीशमादरतश्च तं सकलेश्वरंचित्सभेशमहर्निशं हृदि भावयामि कृपाकरम् ॥ ७॥

sarvadevamayaṃ yameva bhajanti vaidikasattamāḥjñānakarmavibodhakāḥ sakalāgamāḥ śrutipūrvakāḥ |āhureva yamīśamādarataśca taṃ sakaleśvaraṃcitsabheśamaharniśaṃ hṛdi bhāvayāmi kṛpākaram || 7||

॥ इति शिवम् ॥

|| iti śivam ||