मलहानिकरेश्वरस्तुतिः Shri Malahanikareshvarastutih

(श्रीशृङ्गगिरौ श्रीभवानीमलहानिकरेश्वरकल्याणोत्सवे)स्वग्रामगमनवाच्छा सर्वेषां प्रकृतिसिद्धा हि ।काशीयात्रा तस्मात्काशीश तवैव खलु युक्ता ॥ १॥

(śrīśṛṅgagirau śrībhavānīmalahānikareśvarakalyāṇotsave)svagrāmagamanavācchā sarveṣāṃ prakṛtisiddhā hi |kāśīyātrā tasmātkāśīśa tavaiva khalu yuktā || 1||

शीर्षान्मुक्ताहारव्याजात्स्वर्गापगा शम्भोः ।गङ्गाधर विस्रस्ता नृत्यं किमु कुर्वतस्तवेशान ॥ २॥

śīrṣānmuktāhāravyājātsvargāpagā śambhoḥ |gaṅgādhara visrastā nṛtyaṃ kimu kurvatastaveśāna || 2||

शरदिन्दुसोदरमुखं करनिर्जितपङ्कजं कृपाम्भोधिम् ।त्वां पश्यन्तं मामिह क्षुत्तृष्णे नैव बाधेते ॥ ३॥

śaradindusodaramukhaṃ karanirjitapaṅkajaṃ kṛpāmbhodhim |tvāṃ paśyantaṃ māmiha kṣuttṛṣṇe naiva bādhete || 3||

सर्वाङ्गसुन्दर विभो करुणामृतपूरपूरितापङ्ग ।त्वां चक्षुषी ममेमे न त्यजतः किं करोमि वद शम्भो ॥ ४॥

sarvāṅgasundara vibho karuṇāmṛtapūrapūritāpaṅga |tvāṃ cakṣuṣī mameme na tyajataḥ kiṃ karomi vada śambho || 4||

तस्मात्तवेयमनिशं मूर्तिः प्रस्फुरति चित्तकञ्जाते ।यद्वत्तथा कुरु त्वं करुणां गिरिजाब्जशिशुभानो ॥ ५॥

tasmāttaveyamaniśaṃ mūrtiḥ prasphurati cittakañjāte |yadvattathā kuru tvaṃ karuṇāṃ girijābjaśiśubhāno || 5||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचिता श्रीमलहानिकरेश्वरस्तुतिः सम्पूर्णा ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitā śrīmalahānikareśvarastutiḥ sampūrṇā |