महाकालभैरवकवचम् २ Shri Mahakalabhairava Kavacham (2)

श्रीगणेशाय नमः ।श्रीभैरव उवाच ।अधुना शृणु वक्ष्यामि कवचं मन्त्रगर्भकम् ।महाकालस्य देवस्य महाभय निबर्हणम् ॥ॐ अस्य श्रीमहाकालभैरवकवचमन्त्रस्य श्रीमहादेव ऋषिः,जगती छन्दः, श्रीमहाकालभैरवो देवता,हूं बीजं, ह्रीं शक्तिः, प्रसीद प्रसीद कीलकम् ।सर्वेष्ट कामना सिध्यर्थे, आत्मनः धर्मार्थकाममोक्षार्थेश्रीमहाकालभैरवप्रीत्यर्थे कवच पाठे विनियोगः ॥अथ करन्यासःॐ ह्रां अङ्गुष्ठाभ्यां नमः ।ॐ ह्रीं तर्जनीभ्यां नमः ।ॐ ह्रूं मध्यमाभ्यां नमः ।ॐ ह्रैं अनामिकाभ्यां नमः ।ॐ ह्रौं कनिष्ठिकाभ्यां नमः ।ॐ ह्रः करतलकरपृष्ठाभ्यां नमः ॥अथाङ्गन्यासःॐ ह्रां हृदयाय नमः ।ॐ ह्रीं शिरसे स्वाहा ।ॐ ह्रूं शिखायै वषट् ।ॐ ह्रैं कवचाय हुम् ।ॐ ह्रौं नेत्रत्रयाय वौषट् ।ॐ ह्रः अस्त्राय फट् ॥अथ ध्यानम् १नीलजीमूतसङ्काशं महाभयत्रिलोचनम् ।नीलकण्ठं खड्गचर्मवराभयधरं भुजैः ॥पिनाक शूल खट्वाङ्गतोमरात्विभ्रतं विभुम् ।प्रास पट्टिस हस्तं वै महाकालं स्मराम्यहम् ॥अथ ध्यानम् २उदिजीमूतसङ्काशं महाकालं त्रिलोचनम् ।कपालखट्वाङ्गधरं वराभयकरं सदा ॥शूलतोमरहस्तञ्चाभयदं साधकेष्टदम् ।प्रास पट्टिस हस्तं वै महाकालं स्मराम्यहम् ॥कूर्चयुग्मं शिरः पातु महाकालोममावतु ।महाकालप्रसीदेतिद्वयं मेव्याल्ललाटकम् ॥ १॥

śrīgaṇeśāya namaḥ |śrībhairava uvāca |adhunā śṛṇu vakṣyāmi kavacaṃ mantragarbhakam |mahākālasya devasya mahābhaya nibarhaṇam ||oṃ asya śrīmahākālabhairavakavacamantrasya śrīmahādeva ṛṣiḥ,jagatī chandaḥ, śrīmahākālabhairavo devatā,hūṃ bījaṃ, hrīṃ śaktiḥ, prasīda prasīda kīlakam |sarveṣṭa kāmanā sidhyarthe, ātmanaḥ dharmārthakāmamokṣārtheśrīmahākālabhairavaprītyarthe kavaca pāṭhe viniyogaḥ ||atha karanyāsaḥoṃ hrāṃ aṅguṣṭhābhyāṃ namaḥ |oṃ hrīṃ tarjanībhyāṃ namaḥ |oṃ hrūṃ madhyamābhyāṃ namaḥ |oṃ hraiṃ anāmikābhyāṃ namaḥ |oṃ hrauṃ kaniṣṭhikābhyāṃ namaḥ |oṃ hraḥ karatalakarapṛṣṭhābhyāṃ namaḥ ||athāṅganyāsaḥoṃ hrāṃ hṛdayāya namaḥ |oṃ hrīṃ śirase svāhā |oṃ hrūṃ śikhāyai vaṣaṭ |oṃ hraiṃ kavacāya hum |oṃ hrauṃ netratrayāya vauṣaṭ |oṃ hraḥ astrāya phaṭ ||atha dhyānam 1nīlajīmūtasaṅkāśaṃ mahābhayatrilocanam |nīlakaṇṭhaṃ khaḍgacarmavarābhayadharaṃ bhujaiḥ ||pināka śūla khaṭvāṅgatomarātvibhrataṃ vibhum |prāsa paṭṭisa hastaṃ vai mahākālaṃ smarāmyaham ||atha dhyānam 2udijīmūtasaṅkāśaṃ mahākālaṃ trilocanam |kapālakhaṭvāṅgadharaṃ varābhayakaraṃ sadā ||śūlatomarahastañcābhayadaṃ sādhakeṣṭadam |prāsa paṭṭisa hastaṃ vai mahākālaṃ smarāmyaham ||kūrcayugmaṃ śiraḥ pātu mahākālomamāvatu |mahākālaprasīdetidvayaṃ mevyāllalāṭakam || 1||

मायाद्वयं भ्रुवौपातु सदाशिवोममावतु ।ठद्वयम्मेवतान्नेत्रे नीलकण्ठोवतात्सदा ॥ २॥

māyādvayaṃ bhruvaupātu sadāśivomamāvatu |ṭhadvayammevatānnetre nīlakaṇṭhovatātsadā || 2||

सर्वमन्त्रं श्रुतीमेव्यात्कपर्दी सर्वतोवतु ।तारं मे पातु गण्डौ च त्रिलोचनोवतान्मम ॥ ३॥

sarvamantraṃ śrutīmevyātkapardī sarvatovatu |tāraṃ me pātu gaṇḍau ca trilocanovatānmama || 3||

मायायुतश्चमे नासां देवोव्यात् त्रिपुरान्तकः ।लक्ष्मी मुखन्तथौष्टौ मे पायादन्धकनाशकृत् ॥ ४॥

māyāyutaścame nāsāṃ devovyāt tripurāntakaḥ |lakṣmī mukhantathauṣṭau me pāyādandhakanāśakṛt || 4||

वाग्बीजं मोहनं पायाद् हाटकेश्वरभैरवः ।हृज्जबीजं कन्धरन्तु पायात्कालान्तकः सदा ॥ ५॥

vāgbījaṃ mohanaṃ pāyād hāṭakeśvarabhairavaḥ |hṛjjabījaṃ kandharantu pāyātkālāntakaḥ sadā || 5||

शक्तिबीजं गलम्पातु देवः कामान्तको मम ।महाकालभैरवायेत्येतत्स्कन्दौ ममावतु ॥ ६॥

śaktibījaṃ galampātu devaḥ kāmāntako mama |mahākālabhairavāyetyetatskandau mamāvatu || 6||

पृष्ठस्थले सदाव्यान्मे भूतनायक भैरवः ।श्मशानस्थोः पातु नखान्ममाङ्गुलि समन्विताम् ॥ ७॥

pṛṣṭhasthale sadāvyānme bhūtanāyaka bhairavaḥ |śmaśānasthoḥ pātu nakhānmamāṅguli samanvitām || 7||

स्तनौ दिगम्बरः पातु वक्षः पशुपतिर्मम ।कुक्षिं पातु महाकालो शूली पृष्ठं ममावतु ॥ ८॥

stanau digambaraḥ pātu vakṣaḥ paśupatirmama |kukṣiṃ pātu mahākālo śūlī pṛṣṭhaṃ mamāvatu || 8||

शिश्नम्मे शङ्करः पातु गुह्यं गुह्येशवल्लभः ।ज्वलत्पावकमध्यस्थः कटिं पातु सदा मम ॥ ९॥

śiśnamme śaṅkaraḥ pātu guhyaṃ guhyeśavallabhaḥ |jvalatpāvakamadhyasthaḥ kaṭiṃ pātu sadā mama || 9||

ऊरूमेव्याद्भस्मशायी जागर्थकश्च जानुनि ।जङ्घेमेव्यात्कालरुद्रो गुल्फौ जटाधरोवतु ॥ १०॥

ūrūmevyādbhasmaśāyī jāgarthakaśca jānuni |jaṅghemevyātkālarudro gulphau jaṭādharovatu || 10||

पादौमेव्यान्महातेजः शूलखड्गधरोव्ययः ।पादादि मूर्धपर्यन्तं पातु कालाग्निभैरवः ॥ ११॥

pādaumevyānmahātejaḥ śūlakhaḍgadharovyayaḥ |pādādi mūrdhaparyantaṃ pātu kālāgnibhairavaḥ || 11||

शिरसः पादपर्यन्तं सद्योजातो ममावतु ।रक्षाहीनं नामहीनं वपुः पातु सदाशिवः ॥ १२॥

śirasaḥ pādaparyantaṃ sadyojāto mamāvatu |rakṣāhīnaṃ nāmahīnaṃ vapuḥ pātu sadāśivaḥ || 12||

पूर्वेवलविकरणो दक्षिणे कालशासनः ।पश्चिमे पार्वतीनाथोश्चुत्तरेमां मनोन्मनः ॥ १३॥

pūrvevalavikaraṇo dakṣiṇe kālaśāsanaḥ |paścime pārvatīnāthoścuttaremāṃ manonmanaḥ || 13||

ऐशान्यामीश्वरः पायादाग्नेयामग्निलोचनः ।नैरृत्यां शम्भुरव्यान्मां वायव्यां वायुवाहनः ॥ १४॥

aiśānyāmīśvaraḥ pāyādāgneyāmagnilocanaḥ |nairṛtyāṃ śambhuravyānmāṃ vāyavyāṃ vāyuvāhanaḥ || 14||

ऊर्ध्वं बलप्रमथनः पाताले परमेश्वरः ।दशदिक्षु सदा पातु महाकालोतिभीषणः ॥ १५॥

ūrdhvaṃ balapramathanaḥ pātāle parameśvaraḥ |daśadikṣu sadā pātu mahākālotibhīṣaṇaḥ || 15||

रणे राजकुले द्यूते विषमे प्राणसंशये ।पायात्कालो महारुद्रो देवदेवो महेश्वरः ॥ १६॥

raṇe rājakule dyūte viṣame prāṇasaṃśaye |pāyātkālo mahārudro devadevo maheśvaraḥ || 16||

प्रभाते पातुमां ब्रह्मा मध्याह्ने भैरवोवतु ।सायं सर्वेश्वरः पातु निशायां नित्यचेतनः ॥ १७॥

prabhāte pātumāṃ brahmā madhyāhne bhairavovatu |sāyaṃ sarveśvaraḥ pātu niśāyāṃ nityacetanaḥ || 17||

अर्धरात्रे महादेवो निशान्तेसु महोदयः ।सर्वदा सर्वथा पातु महाकालः महाप्रभुः ॥ १८॥

ardharātre mahādevo niśāntesu mahodayaḥ |sarvadā sarvathā pātu mahākālaḥ mahāprabhuḥ || 18||

इतीदं कवचं दिव्यं त्रिषु लोकेषु दुर्लभम् ।पुण्यं पुण्यप्रदं दिव्यं महाकालाधिदैवतम् ॥ १९॥

itīdaṃ kavacaṃ divyaṃ triṣu lokeṣu durlabham |puṇyaṃ puṇyapradaṃ divyaṃ mahākālādhidaivatam || 19||

सर्वमन्त्रमयं गुह्यं सर्वतन्त्रेषु गोपितम् ।सर्वसारमयं देवि सर्वकामफलप्रदम् ॥ २०॥

sarvamantramayaṃ guhyaṃ sarvatantreṣu gopitam |sarvasāramayaṃ devi sarvakāmaphalapradam || 20||

य इमं पठेन्मन्त्री कवचं वाचयेत्तथा ।तस्य हस्ते महादेवि त्र्यम्बकस्याष्टसिद्धयः ॥ २१॥

ya imaṃ paṭhenmantrī kavacaṃ vācayettathā |tasya haste mahādevi tryambakasyāṣṭasiddhayaḥ || 21||

रणे धृत्वाचरेद्युद्धं हत्वाशत्रुञ्जयं लभेत् ।धनं हृत्वा जयं देवि सप्राप्स्यति सुखी पुनः ॥ २२॥

raṇe dhṛtvācaredyuddhaṃ hatvāśatruñjayaṃ labhet |dhanaṃ hṛtvā jayaṃ devi saprāpsyati sukhī punaḥ || 22||

महाभये महारोगे महामारी भये तथा ।दुर्भिक्षे शत्रु सङ्घाते पठेत्कवचमादरात् ॥ २३॥

mahābhaye mahāroge mahāmārī bhaye tathā |durbhikṣe śatru saṅghāte paṭhetkavacamādarāt || 23||

सर्वं तत्प्रशमयाति महाकालप्रसादतः ।पुत्रार्थी लभते पुत्रात्विद्या माप्नोति साधकः ॥ २४॥

sarvaṃ tatpraśamayāti mahākālaprasādataḥ |putrārthī labhate putrātvidyā māpnoti sādhakaḥ || 24||

धनम्पुत्रांसुखंलक्ष्मीमारोग्यं सर्वसम्पदः ।प्राप्नोति साधकः सद्योदेवि सत्यं न संशयः ॥ २५॥

dhanamputrāṃsukhaṃlakṣmīmārogyaṃ sarvasampadaḥ |prāpnoti sādhakaḥ sadyodevi satyaṃ na saṃśayaḥ || 25||

इतीदं कवचं दिव्यं महाकालस्य सर्वदा ।गोप्यं सिद्धिप्रदं गुह्यं गोपनीय स्वयोनिवत् ॥ २६॥

itīdaṃ kavacaṃ divyaṃ mahākālasya sarvadā |gopyaṃ siddhipradaṃ guhyaṃ gopanīya svayonivat || 26||

अशान्ताय च क्रूराय शठाया दीक्षिताय च ।निःश्रद्धायापि धूर्ताय न दातव्यं कदाचन ॥ २७॥

aśāntāya ca krūrāya śaṭhāyā dīkṣitāya ca |niḥśraddhāyāpi dhūrtāya na dātavyaṃ kadācana || 27||

नदद्यात्परशिष्येभ्योः पुत्रेभ्योऽपि विशेषतः ।रहस्यं मम सर्वस्वं गोप्यं गुप्ततरं कलौ ॥ २८॥

nadadyātparaśiṣyebhyoḥ putrebhyo'pi viśeṣataḥ |rahasyaṃ mama sarvasvaṃ gopyaṃ guptataraṃ kalau || 28||

स्कन्दस्यापि मयानोक्तं तवोक्तं भावनावशात् ।दुर्जनाद्रक्षणीय च पठनीय महर्निशम् ॥ २९॥

skandasyāpi mayānoktaṃ tavoktaṃ bhāvanāvaśāt |durjanādrakṣaṇīya ca paṭhanīya maharniśam || 29||

श्रोतव्यं साधकमुखाद्रक्षणीयं स्वपुत्रवत् ।इत्येष पटलो दिव्यो वर्णितोखिलसिद्धिकृत् ॥ ३०॥

śrotavyaṃ sādhakamukhādrakṣaṇīyaṃ svaputravat |ityeṣa paṭalo divyo varṇitokhilasiddhikṛt || 30||

पालनीयः प्रयत्नेन रक्षितव्यः सदाशिवे ।संसारार्णव मग्नानामुपायः परमः स्मृतः ॥ ३१॥

pālanīyaḥ prayatnena rakṣitavyaḥ sadāśive |saṃsārārṇava magnānāmupāyaḥ paramaḥ smṛtaḥ || 31||

भक्तिहीना अपुत्राय न दातव्यं कदाचन ।इति श्रीविश्वनाथसारोद्धारेतन्त्रे उत्तरखण्डे मन्त्रप्रदीपिकायांश्रीकामेश्वररहस्ये षडाम्नायनिर्णये श्रीमहाकालपङ्चाङ्गेश्रीमहाकालभैरव मन्त्रगर्भकवचं समाप्तम् ॥

bhaktihīnā aputrāya na dātavyaṃ kadācana |iti śrīviśvanāthasāroddhāretantre uttarakhaṇḍe mantrapradīpikāyāṃśrīkāmeśvararahasye ṣaḍāmnāyanirṇaye śrīmahākālapaṅcāṅgeśrīmahākālabhairava mantragarbhakavacaṃ samāptam ||