दशश्लोकी Shri Dashashloki

यद्यत्प्रसादविमुखेन पुरा न लब्धंलब्धं यदद्य च गुरो भवतः प्रसादात् ।विज्ञापयामि तदिदं कुतुकातिरेकसम्प्रेरितः परशिवाद्वयबोधनाख्यम् ॥ १॥

yadyatprasādavimukhena purā na labdhaṃlabdhaṃ yadadya ca guro bhavataḥ prasādāt |vijñāpayāmi tadidaṃ kutukātirekasampreritaḥ paraśivādvayabodhanākhyam || 1||

न त्वां स्मरामि न भजामि यजामि नान्तर्नो वा बहिर्न च शिवं न च दैवमन्यत् ।नाहं भवामि न च नाहमहं भवामिकिं वा भवामि तदहं न हि वक्तुमीशे ॥ २॥

na tvāṃ smarāmi na bhajāmi yajāmi nāntarno vā bahirna ca śivaṃ na ca daivamanyat |nāhaṃ bhavāmi na ca nāhamahaṃ bhavāmikiṃ vā bhavāmi tadahaṃ na hi vaktumīśe || 2||

साक्षादहं स परमः शिव एव जातोजातोऽधुना स परमोऽपि शिवोऽहमेव ।आवां पुरा चिरमभूव तमःप्रकाशक ?? परस्परयु ?? पयसे इवाद्य ॥ ३॥

sākṣādahaṃ sa paramaḥ śiva eva jātojāto'dhunā sa paramo'pi śivo'hameva |āvāṃ purā ciramabhūva tamaḥprakāśaka ?? parasparayu ?? payase ivādya || 3||

मत्तस्तदेतदखिलं जगदाविरस्तिमत्तश्च जीवति लयं च तथा (तथैव) मत्तः ।मत्तः स्थिरो भवति मुक्तिमुपैति मत्तोमत्तो न चैतदमुतोऽपि च नाहमन्यः ॥ ४॥

mattastadetadakhilaṃ jagadāvirastimattaśca jīvati layaṃ ca tathā (tathaiva) mattaḥ |mattaḥ sthiro bhavati muktimupaiti mattomatto na caitadamuto'pi ca nāhamanyaḥ || 4||

आधारये क्षितिरहं सततं पयोऽहंसम्प्लावये परिपचामि च पावकोऽहम् ।आन्दोलयामि पवनोऽहमिहावकाशंमुञ्चामि चाम्बरमहं स्थितये ममैव ॥ ५॥

ādhāraye kṣitirahaṃ satataṃ payo'haṃsamplāvaye paripacāmi ca pāvako'ham |āndolayāmi pavano'hamihāvakāśaṃmuñcāmi cāmbaramahaṃ sthitaye mamaiva || 5||

मायामरुद्भिरभितः क्षुभितो भवामिब्रह्माण्डखण्डनवबुद्बुदजाललोलः ।संहृत्य सर्वमथ शक्तितरङ्गडोलाकेलिक्षयादहमसौ स्तिमितश्चिदब्धिः ॥ ६॥

māyāmarudbhirabhitaḥ kṣubhito bhavāmibrahmāṇḍakhaṇḍanavabudbudajālalolaḥ |saṃhṛtya sarvamatha śaktitaraṅgaḍolākelikṣayādahamasau stimitaścidabdhiḥ || 6||

लोकास्त्रिविष्टपमुखा निरयावसानाये सर्व एव त (इ) मे मम केलिरेखाः ।नैवाहमेषु मम केतुवशं वदन्तिमद्धाम्नि नार्कशशिनौ न च पावकोऽयम् ॥ ७॥

lokāstriviṣṭapamukhā nirayāvasānāye sarva eva ta (i) me mama kelirekhāḥ |naivāhameṣu mama ketuvaśaṃ vadantimaddhāmni nārkaśaśinau na ca pāvako'yam || 7||

यस्यां वसामि च स किं ननु नैव काशीविश्वेश्वरः स च यमीशधिया स्पृशामि ।यद्व्याहरामि सकलं प्रणवस्तदेवमुक्ताश्च ते सहचरन्ति भया क्षणं ये ॥ ८॥

yasyāṃ vasāmi ca sa kiṃ nanu naiva kāśīviśveśvaraḥ sa ca yamīśadhiyā spṛśāmi |yadvyāharāmi sakalaṃ praṇavastadevamuktāśca te sahacaranti bhayā kṣaṇaṃ ye || 8||

निर्बन्धनोऽपि निजरूपमवेक्ष्य बद्धोमुच्येत् किलैतदथ वीक्ष्य च नित्यमुक्तः ।धामत्रयातिचकितो गतिभोक्तृभोग्यभोगान्वयोऽस्मि स परः शिव एव सोऽहम् ॥ ९॥

nirbandhano'pi nijarūpamavekṣya baddhomucyet kilaitadatha vīkṣya ca nityamuktaḥ |dhāmatrayāticakito gatibhoktṛbhogyabhogānvayo'smi sa paraḥ śiva eva so'ham || 9||

इत्थं भवाब्धिमतिलङ्घ्य भवत्प्रसादात्धन्यस्य मे यदुदभूच्छिवसामरस्यम् ।आपिण्डविच्युति गुरो सुखमेतदीयंदिव्यं त्वदङ्घ्रिसरसीरुहसात्करोति ॥ १०॥

itthaṃ bhavābdhimatilaṅghya bhavatprasādātdhanyasya me yadudabhūcchivasāmarasyam |āpiṇḍavicyuti guro sukhametadīyaṃdivyaṃ tvadaṅghrisarasīruhasātkaroti || 10||

॥ इति श्रीविद्याधर चक्रवर्तिरचिता दशश्लोकी सम्पूर्णा ॥

|| iti śrīvidyādhara cakravartiracitā daśaślokī sampūrṇā ||