shivastutiH (12) Shravanamasakrite Shiva Stuti Masa5

(शिवरहस्यान्तर्गते महादेवाख्ये)शिवगौरीसंवादेगङ्गाधरान्तकहर त्रिपुरावमर्दवेदौघवेद्य भगवन् भवरोगवैद्य ।आद्यस्त्वमेव शशिमौलिविशालशीर्षसृष्टिस्थितिप्रलयकारण पाहि दीनम् ॥ ५२॥

(śivarahasyāntargate mahādevākhye)śivagaurīsaṃvādegaṅgādharāntakahara tripurāvamardavedaughavedya bhagavan bhavarogavaidya |ādyastvameva śaśimauliviśālaśīrṣasṛṣṭisthitipralayakāraṇa pāhi dīnam || 52||

विश्वाधिक प्रमथनाथ उमासनाथमन्नाथ मन्मथहरान्तक कालकाल ।शूल प्रोज्ज्वल शरावरकार्मुकज्यापाणे भगाक्षिमथनाव पिनाकपाणे ॥ ५३॥

viśvādhika pramathanātha umāsanāthamannātha manmathaharāntaka kālakāla |śūla projjvala śarāvarakārmukajyāpāṇe bhagākṣimathanāva pinākapāṇe || 53||

गौरिपते शशिकलामलचारुमौलेवन्दारुवृन्दमकुटार्पितपादपद्म ।पद्माक्षपूजितपदाम्बुज कालमूलनिर्वापणान्धकहराव सदैव मां त्वम् ॥ ५४॥

gauripate śaśikalāmalacārumaulevandāruvṛndamakuṭārpitapādapadma |padmākṣapūjitapadāmbuja kālamūlanirvāpaṇāndhakaharāva sadaiva māṃ tvam || 54||

शेषाहिभूष वरयोषकृतार्धकायदोषाधिराजवरचूड वृषाधिरूढ ।वेषायिताखिलजगत्कलनाविशेषकाषायवस्त्रपरिधान नमो नमस्ते ॥ ५५॥

śeṣāhibhūṣa varayoṣakṛtārdhakāyadoṣādhirājavaracūḍa vṛṣādhirūḍha |veṣāyitākhilajagatkalanāviśeṣakāṣāyavastraparidhāna namo namaste || 55||

अलिङ्गस्त्वमात्मा कथं लिङ्गसंस्थःस्फुलिङ्गोपमं त्वत्त एवं प्रसूतम् ।जगन्नश्वरं शश्वदेतद्विचित्रंप्रसीद प्रसीद प्रभो चन्द्रचूड ॥ ५६॥

aliṅgastvamātmā kathaṃ liṅgasaṃsthaḥsphuliṅgopamaṃ tvatta evaṃ prasūtam |jagannaśvaraṃ śaśvadetadvicitraṃprasīda prasīda prabho candracūḍa || 56||

एवं वै श्रवणे मासे पूज्य स्तुत्वा महेश्वरम् ।दद्याद्गोमिथुनं श्वेतं सवत्सं दक्षिणान्वितम् ॥ ५७॥

evaṃ vai śravaṇe māse pūjya stutvā maheśvaram |dadyādgomithunaṃ śvetaṃ savatsaṃ dakṣiṇānvitam || 57||

शाम्भवेभ्यो हुनेद्धोमं पौर्णम्यां भोजयेद् द्विजान् ।स्वयं भुञ्जीत चाप्यन्ते सूपापूपैर्मनोहरैः ॥ ५८॥

śāmbhavebhyo huneddhomaṃ paurṇamyāṃ bhojayed dvijān |svayaṃ bhuñjīta cāpyante sūpāpūpairmanoharaiḥ || 58||

प्रसाद्य देवमीशानमामासं नक्तभोजनः ।एवं यः श्रावणं मासं प्रापयेत्पूजया मम ॥ ५९॥

prasādya devamīśānamāmāsaṃ naktabhojanaḥ |evaṃ yaḥ śrāvaṇaṃ māsaṃ prāpayetpūjayā mama || 59||

॥ इति शिवरहस्यान्तर्गते ईश्वरप्रोक्तं श्रावणमासकृते शिवस्तुतिः सम्पूर्णा ॥॥ श्रीशिवरहस्यम् । महादेवाख्यः एकादशमांशः । अध्यायः १८ श्रावणार्चनम् । ५२५९॥

|| iti śivarahasyāntargate īśvaraproktaṃ śrāvaṇamāsakṛte śivastutiḥ sampūrṇā |||| śrīśivarahasyam | mahādevākhyaḥ ekādaśamāṃśaḥ | adhyāyaḥ 18 śrāvaṇārcanam | 5259||

– ॥ श्रीशिवरहस्यम् ।महादेवाख्यः एकादशमांशः ।अध्यायः १८ श्रावणार्चनम् ।५२-५९॥

– || śrīśivarahasyam |mahādevākhyaḥ ekādaśamāṃśaḥ |adhyāyaḥ 18 śrāvaṇārcanam | 52-59||