वृद्धाचलक्षेत्रवर्णनम् शिवप्रोक्तं Shivaproktam Vriddhachalakshetravarnanam

(शिवरहस्यान्तर्गते उग्राख्ये)शिवे वृद्धाचलं नाम क्षेत्रमस्ति मदात्मकम् ।तस्य स्मरणमात्रेण मुच्यते पापकोटिभिः ॥ १॥

(śivarahasyāntargate ugrākhye)śive vṛddhācalaṃ nāma kṣetramasti madātmakam |tasya smaraṇamātreṇa mucyate pāpakoṭibhiḥ || 1||

तद्ब्रह्मोपेन्द्रचन्द्रेन्द्रप्रमुखैः सेव्यते सदा ।मणिमुक्ता नदी तत्र प्रवहत्यतिनिर्मला ॥ २॥

tadbrahmopendracandrendrapramukhaiḥ sevyate sadā |maṇimuktā nadī tatra pravahatyatinirmalā || 2||

तत्तीरे कोटिशः सन्ति मुनयो ब्रह्मवादिनः ।तत्तीरे सन्त्यसङ्ख्याता बिल्ववृक्षाश्च शोभने ॥ ३॥

tattīre koṭiśaḥ santi munayo brahmavādinaḥ |tattīre santyasaṅkhyātā bilvavṛkṣāśca śobhane || 3||

स्नात्वादौ मणिमुक्तायां श्रीमद्वृद्धाचलेश्वरम् ।यः पूजयति बिल्वाद्यैः स मद्रूपं प्रयास्यति ॥ ४॥

snātvādau maṇimuktāyāṃ śrīmadvṛddhācaleśvaram |yaḥ pūjayati bilvādyaiḥ sa madrūpaṃ prayāsyati || 4||

पर्वतेन्द्रसुते यो मां मणिमुक्तानदीजलैः ।भिषिच्यार्चयेद्भक्त्या स मद्रूपो भविष्यति ॥ ५॥

parvatendrasute yo māṃ maṇimuktānadījalaiḥ |bhiṣicyārcayedbhaktyā sa madrūpo bhaviṣyati || 5||

वृद्धाचलेश्वरं भक्त्या पूजयित्वा नमन्ति ये ।ते सर्वेऽपि भविष्यन्ति मम पारिषदाः प्रिये ॥ ६॥

vṛddhācaleśvaraṃ bhaktyā pūjayitvā namanti ye |te sarve'pi bhaviṣyanti mama pāriṣadāḥ priye || 6||

॥ इति शिवरहस्यान्तर्गते शिवप्रोक्तं वृद्धाचलक्षेत्रवर्णनं सम्पूर्णम् ॥॥ श्रीशिवरहस्यम् । उग्राख्यः सप्तमांशः । अध्यायः २३। १६॥

|| iti śivarahasyāntargate śivaproktaṃ vṛddhācalakṣetravarṇanaṃ sampūrṇam |||| śrīśivarahasyam | ugrākhyaḥ saptamāṃśaḥ | adhyāyaḥ 23| 16||

– ॥ श्रीशिवरहस्यम् ।उग्राख्यः सप्तमांशः ।अध्यायः २३ ।१-६॥

– || śrīśivarahasyam |ugrākhyaḥ saptamāṃśaḥ |adhyāyaḥ 23 | 1-6||