शरभस्तोत्रम् शरभाष्टोत्तरशतनामस्तोत्रम् Sharabhastotram by Shri Nrisimha from Lingapurana

ॐ श्रीगणेशाय नमः ।अथ आकाशतन्त्रे एकोनाशीतितमोऽध्यायःशरभाष्टोत्तरशतनामस्तोत्रम्श्रीशिव उवाचअस्य श्रीशरभाष्टोत्तरशतनाममहामन्त्रस्य योगानन्द ऋषिःअनुष्टुप्छन्दः श्रीमदघोरवीरशरभेश्वरो देवता,खं बीजम्, स्वाहाशक्तिः, फट् कीलकम्,श्रीमच्छरभसालुवाष्टोत्तरशतनाम सिद्ध्यर्थे जपे विनियोगः ।ध्यानम्अष्टाङ्घ्रिश्च सहस्रबाहुरनलच्छाया शिरोयुग्मधृग्यस्त्र्यक्षो द्विखुपुच्छउदितः साक्षान्नृसिंहासनः ।अर्धेनापि मृगाकृतिः पुनरथाप्यर्धेन पक्ष्याकृतिःश्री वीरः शलभः स पातु शलभश्चिन्त्यः सदा मां हृदि ॥श्रीनृसिंह उवाच(सदाशिवोग्ररूपाय पक्षविक्षिप्तभूभृते ।)नमो रुद्राय शर्वाय महाग्रासाय जिष्णवे ॥ १॥ (रौद्राय, महोग्रासाय, विष्णवे)

oṃ śrīgaṇeśāya namaḥ |atha ākāśatantre ekonāśītitamo'dhyāyaḥśarabhāṣṭottaraśatanāmastotramśrīśiva uvācaasya śrīśarabhāṣṭottaraśatanāmamahāmantrasya yogānanda ṛṣiḥanuṣṭupchandaḥ śrīmadaghoravīraśarabheśvaro devatā,khaṃ bījam, svāhāśaktiḥ, phaṭ kīlakam,śrīmaccharabhasāluvāṣṭottaraśatanāma siddhyarthe jape viniyogaḥ |dhyānamaṣṭāṅghriśca sahasrabāhuranalacchāyā śiroyugmadhṛgyastryakṣo dvikhupucchauditaḥ sākṣānnṛsiṃhāsanaḥ |ardhenāpi mṛgākṛtiḥ punarathāpyardhena pakṣyākṛtiḥśrī vīraḥ śalabhaḥ sa pātu śalabhaścintyaḥ sadā māṃ hṛdi ||śrīnṛsiṃha uvāca(sadāśivograrūpāya pakṣavikṣiptabhūbhṛte |)namo rudrāya śarvāya mahāgrāsāya jiṣṇave || 1|| (raudrāya, mahogrāsāya, viṣṇave)

नम उग्राय भीमाय नमः क्रोधाय मन्यवे । (क्रुद्धाय)नमो भवाय शर्वाय शङ्कराय शिवाय ते ॥ २॥

nama ugrāya bhīmāya namaḥ krodhāya manyave | (kruddhāya)namo bhavāya śarvāya śaṅkarāya śivāya te || 2||

कालकालाय कालाय महाकालाय मृत्यवे ।वीराय वीरभद्राय क्षयद्वीराय शूलिने ॥ ३॥

kālakālāya kālāya mahākālāya mṛtyave |vīrāya vīrabhadrāya kṣayadvīrāya śūline || 3||

महादेवाय महते पशूनां पतये नमः ।एकाय नीलकण्ठाय श्रीकण्ठाय पिनाकिने ॥ ४॥

mahādevāya mahate paśūnāṃ pataye namaḥ |ekāya nīlakaṇṭhāya śrīkaṇṭhāya pinākine || 4||

नमोऽनन्ताय सूक्ष्माय नमस्ते मृत्युमृत्यवे । (मृत्युमन्यवे)पराय परमेशाय परात्परतराय ते ॥ ५॥ (तत्पराय परमात्मने)

namo'nantāya sūkṣmāya namaste mṛtyumṛtyave | (mṛtyumanyave)parāya parameśāya parātparatarāya te || 5|| (tatparāya paramātmane)

परापराय विश्वाय नमस्ते विश्वमूर्तये । (परात्पराय, विश्वमूर्त्तये)नमो विष्णुकलत्राय विष्णुक्षेत्राय भानवे ॥ ६॥

parāparāya viśvāya namaste viśvamūrtaye | (parātparāya, viśvamūrttaye)namo viṣṇukalatrāya viṣṇukṣetrāya bhānave || 6||

कैवर्ताय किराताय महाव्याधाय शाश्वते । (वैकर्ताय)भैरवाय शर्वाय शरण्याय महाभैरवरूपिणे ॥ ७॥ (शरव्याय)

kaivartāya kirātāya mahāvyādhāya śāśvate | (vaikartāya)bhairavāya śarvāya śaraṇyāya mahābhairavarūpiṇe || 7|| (śaravyāya)

नमो नृसिंहसंहर्त्रे कामकालपुरारये । (कालकालपुराये)महापाशौघसंहर्त्रे विष्णुमायान्तकारिणे ॥ ८॥ (कर्मपाशौघसंहर्त्रे, नमः पाशौघसंहर्त्रे)

namo nṛsiṃhasaṃhartre kāmakālapurāraye | (kālakālapurāye)mahāpāśaughasaṃhartre viṣṇumāyāntakāriṇe || 8|| (karmapāśaughasaṃhartre, namaḥ pāśaughasaṃhartre)

त्र्यम्बकाय त्र्यक्षराय शिपिविष्टाय मीढुषे । (त्र्यक्षायच)मृत्युञ्जयाय शर्वाय सर्वज्ञाय मखारये ॥ ९॥ (रुद्राय सर्वज्ञाय)

tryambakāya tryakṣarāya śipiviṣṭāya mīḍhuṣe | (tryakṣāyaca)mṛtyuñjayāya śarvāya sarvajñāya makhāraye || 9|| (rudrāya sarvajñāya)

मखेशाय वरेण्याय नमस्ते वह्निरूपिणे । (खखोल्काय, वाग्भिरेतसे, वह्निरेतसे)महाघ्राणाय जिह्वाय प्राणापानप्रवर्त्तिने ॥ १०॥ (महाप्राणाय देवाय)

makheśāya vareṇyāya namaste vahnirūpiṇe | (khakholkāya, vāgbhiretase, vahniretase)mahāghrāṇāya jihvāya prāṇāpānapravarttine || 10|| (mahāprāṇāya devāya)

त्रिगुणाय त्रिशूलाय गुणातीताय योगिने ।संसाराय प्रवाहाय महायन्त्रप्रवर्तिने ॥ ११॥ (संसारचक्रवाहाय, संसारयन्त्रवाहाय)

triguṇāya triśūlāya guṇātītāya yogine |saṃsārāya pravāhāya mahāyantrapravartine || 11|| (saṃsāracakravāhāya, saṃsārayantravāhāya)

नमश्चन्द्राग्निसूर्याय मूर्तिवैचित्र्यहेतवे । (तमस्विद्व्योमसूर्याय, मुक्तिवैचित्रहेतवे , मुक्तिवैचित्र्यहेतवे)वरदायावताराय सर्वकारणहेतवे ॥ १२॥ (वरदाय विकाराय)

namaścandrāgnisūryāya mūrtivaicitryahetave | (tamasvidvyomasūryāya, muktivaicitrahetave , muktivaicitryahetave)varadāyāvatārāya sarvakāraṇahetave || 12|| (varadāya vikārāya)

कपालिने करालाय पतये पुण्यकीर्त्तये । (पुण्यकीर्तये , पुण्यमूर्तये)अघोरायाग्निनेत्राय लकुलीशाय शम्भवे ॥ १३॥ (अमोघायाग्निनेत्राय, नकुलीशाय , अकुलीशाय)

kapāline karālāya pataye puṇyakīrttaye | (puṇyakīrtaye , puṇyamūrtaye)aghorāyāgninetrāya lakulīśāya śambhave || 13|| (amoghāyāgninetrāya, nakulīśāya , akulīśāya)

भिषक्तमाय चण्डाय दण्डिने घोररूपिणे । (भीषाम्बराय मुण्डाय दण्डिने योगरूपिणे)मेघवाहाय देवाय पार्वतीपतये नमः ॥ १४॥

bhiṣaktamāya caṇḍāya daṇḍine ghorarūpiṇe | (bhīṣāmbarāya muṇḍāya daṇḍine yogarūpiṇe)meghavāhāya devāya pārvatīpataye namaḥ || 14||

अव्यक्ताय विशोकाय स्थिराय स्थिरधन्वने । (अव्यक्तायाप्यशोकाय)स्थाणवे कृत्तिवासाय नमः पञ्चार्थहेतवे ॥ १५॥

avyaktāya viśokāya sthirāya sthiradhanvane | (avyaktāyāpyaśokāya)sthāṇave kṛttivāsāya namaḥ pañcārthahetave || 15||

वरदायैकपादाय नमश्चन्द्रार्धमौलिने । (विरजायैकपादाय नमश्चन्द्रार्धमौलये)नमस्तेऽध्वरराजाय वचसां पतये नमः ॥ १६॥

varadāyaikapādāya namaścandrārdhamauline | (virajāyaikapādāya namaścandrārdhamaulaye)namaste'dhvararājāya vacasāṃ pataye namaḥ || 16||

योगीश्वराय नित्याय सत्याय परमेष्ठिने । (परमात्मने)सर्वात्मने नमस्तुभ्यं नमः सर्वेश्वराय ते ॥ १७॥ (सर्वस्वराय)

yogīśvarāya nityāya satyāya parameṣṭhine | (paramātmane)sarvātmane namastubhyaṃ namaḥ sarveśvarāya te || 17|| (sarvasvarāya)

एकद्वित्रिचतुः पञ्चचकृत्वस्तेऽस्तु नमो नमः ।दशकृत्वस्तु साहस्रकृत्वस्ते च नमो नमः ॥ १८॥

ekadvitricatuḥ pañcacakṛtvaste'stu namo namaḥ |daśakṛtvastu sāhasrakṛtvaste ca namo namaḥ || 18||

(दशकृत्वः शतकृत्वः सहस्रकृत्वो नमो नमः ॥ (आसहस्रं नमो नमः )नमो परिमितं कृत्वानन्तकृत्वो नमो नमः । (कृत्वोऽनन्तकृत्वो)नमो नमो नमो भूयः पुनर्भूयो नमो नमः ॥ १९॥

(daśakṛtvaḥ śatakṛtvaḥ sahasrakṛtvo namo namaḥ || (āsahasraṃ namo namaḥ )namo parimitaṃ kṛtvānantakṛtvo namo namaḥ | (kṛtvo'nantakṛtvo)namo namo namo bhūyaḥ punarbhūyo namo namaḥ || 19||

(नमो परिमितेकृत्वो नमः कृत्वो नमो नमः ।(नमो भूयो नमो भूयो पुनर्भूयो नमो नमः ॥)सूत उवाचनाम्नामष्टशतेनैव स्तुत्वाऽमृतये न तु ।पुनस्तु प्रार्थयामास नृसिंहं शरभेश्वरम् ॥ २०॥

(namo parimitekṛtvo namaḥ kṛtvo namo namaḥ |(namo bhūyo namo bhūyo punarbhūyo namo namaḥ ||)sūta uvācanāmnāmaṣṭaśatenaiva stutvā'mṛtaye na tu |punastu prārthayāmāsa nṛsiṃhaṃ śarabheśvaram || 20||

यदा यदा ममाज्ञानमत्यहङ्कारदूषितम् ।तदा तदाऽपनेतव्यं त्वयैव परमेश्वरः ॥ २१॥

yadā yadā mamājñānamatyahaṅkāradūṣitam |tadā tadā'panetavyaṃ tvayaiva parameśvaraḥ || 21||

एवं विज्ञापयन्प्रीतः शंङ्करं नरकेसरी ।नन्वशक्तो भवान्विष्णो! जीवितान्तं पराजितः ॥ २२॥

evaṃ vijñāpayanprītaḥ śaṃṅkaraṃ narakesarī |nanvaśakto bhavānviṣṇo! jīvitāntaṃ parājitaḥ || 22||

तद्वक्त्रशेषमात्रान्तं कृत्वा शर्वस्य विग्रहम् ।शुक्तिशित्यं तदामङ्गं वीरभद्रः क्षणात्ततः ॥ २३॥

tadvaktraśeṣamātrāntaṃ kṛtvā śarvasya vigraham |śuktiśityaṃ tadāmaṅgaṃ vīrabhadraḥ kṣaṇāttataḥ || 23||

इति लिङ्गपुराणोक्तं श्रीनृसिंहकृतं शरभस्तोत्रं सम्पूर्णम् ॥॥ लिङपुराणम् । पूर्वभागः । अध्यायः ९६। ७६९४ ॥

iti liṅgapurāṇoktaṃ śrīnṛsiṃhakṛtaṃ śarabhastotraṃ sampūrṇam |||| liṅapurāṇam | pūrvabhāgaḥ | adhyāyaḥ 96| 7694 ||

॥ आकाशभैरवकल्पम् । अध्यायः ७९॥॥ वीरमाहेश्वराचारसङ्ग्रः । द्वितीयभागः । अध्यायः १७। ९४१११ ॥

|| ākāśabhairavakalpam | adhyāyaḥ 79|||| vīramāheśvarācārasaṅgraḥ | dvitīyabhāgaḥ | adhyāyaḥ 17| 94111 ||