सर्वनास्तित्वनिरूपणम् Ribhuproktam Sarvanastitvanirupanam

(सर्वं नास्ति)(निदाघऋभुसंवादे)नास्ति नास्त्येव सङ्कल्पं नास्ति नास्ति जगत्त्रयम् ।नास्ति नास्ति गुरुर्नास्ति नास्ति शिष्योऽपि वस्तुतः ॥ ८\।८१॥नास्ति नास्ति शरीरं च नास्ति नास्ति मनः क्वचित् ।नास्ति नास्त्येव किञ्चिद्वा नास्ति नास्त्यखिलं जगत् ॥ ८\।८२॥नास्ति नास्त्येव भूतं वा सर्वं नास्ति न संशयः ।सर्वं नास्ति प्रकरणं मयोक्तं च निदाघ ते ।यः शृणोति सकृद्वापि ब्रह्मैव भवति स्वयम् ॥ ८\।८३॥वेदान्तैरपि चन्द्रशेखरपदाम्भोजानुरागादरादारोदारकुमारदारनिकरैः प्राणैर्वनैरुज्झितः ।त्यागाद्यो मनसा सकृत्शिवपदध्यानेन यत्प्राप्यतेतन्नैवाप्यति शब्दतर्कनिवहैः शान्तं मनस्तद्भवेत् ॥ ८\।८४॥अशेषदृश्योज्झितदृङ्मयानां सङ्कल्पवर्जेन सदास्थितानाम् ।न जाग्रतः स्वप्नसुषुप्तिभावो न जीवनं नो मरणं च चित्रम् ॥ ८\।८५॥॥ इति शिवरहस्यान्तर्गते ऋभुप्रोक्तं प्रपञ्चस्य सर्वनास्तित्वनिरूपणं सम्पूर्णम् ॥॥ श्रीशिवरहस्यम् । शङ्कराख्यः षष्ठांशः । अध्यायः ८ । ८१८५॥

(sarvaṃ nāsti)(nidāghaṛbhusaṃvāde)nāsti nāstyeva saṅkalpaṃ nāsti nāsti jagattrayam |nāsti nāsti gururnāsti nāsti śiṣyo'pi vastutaḥ || 8\|81||nāsti nāsti śarīraṃ ca nāsti nāsti manaḥ kvacit |nāsti nāstyeva kiñcidvā nāsti nāstyakhilaṃ jagat || 8\|82||nāsti nāstyeva bhūtaṃ vā sarvaṃ nāsti na saṃśayaḥ |sarvaṃ nāsti prakaraṇaṃ mayoktaṃ ca nidāgha te |yaḥ śṛṇoti sakṛdvāpi brahmaiva bhavati svayam || 8\|83||vedāntairapi candraśekharapadāmbhojānurāgādarādārodārakumāradāranikaraiḥ prāṇairvanairujjhitaḥ |tyāgādyo manasā sakṛtśivapadadhyānena yatprāpyatetannaivāpyati śabdatarkanivahaiḥ śāntaṃ manastadbhavet || 8\|84||aśeṣadṛśyojjhitadṛṅmayānāṃ saṅkalpavarjena sadāsthitānām |na jāgrataḥ svapnasuṣuptibhāvo na jīvanaṃ no maraṇaṃ ca citram || 8\|85|||| iti śivarahasyāntargate ṛbhuproktaṃ prapañcasya sarvanāstitvanirūpaṇaṃ sampūrṇam |||| śrīśivarahasyam | śaṅkarākhyaḥ ṣaṣṭhāṃśaḥ | adhyāyaḥ 8 | 8185||

– ॥ श्रीशिवरहस्यम् ।शन्कराख्यः षष्ठांशः ।अध्यायः ८ ।८१-८५॥

– || śrīśivarahasyam |śankarākhyaḥ ṣaṣṭhāṃśaḥ |adhyāyaḥ 8 | 81-85||