शिवप्रार्थना स्वरक्षणार्था Ribhuprokta Svarakshanartha Shiva Prarthana

गन्धद्विपवरवृन्दत्वचिरुचिबन्धोद्यतपट गन्धप्रमुखमदान्धव्रजदलि हरिमुखनखरोद्यत्स्कन्धोद्यन्मुख बन्धक्षुरनिभनिर्यद्रसदसृभिन्दन्नगधर विन्ध्यप्रभशिव मेध्यप्रभुवर ।मेध्योत्तमशिव भेद्याखिलजगदुद्यद्भवगत वेद्यागमशिवगद्यस्तुतपद पद्यप्रकटहृदुद्यद्भवगद वैद्योत्तम पाहि शम्भो ॥ १॥

gandhadvipavaravṛndatvacirucibandhodyatapaṭa gandhapramukhamadāndhavrajadali harimukhanakharodyatskandhodyanmukha bandhakṣuranibhaniryadrasadasṛbhindannagadhara vindhyaprabhaśiva medhyaprabhuvara |medhyottamaśiva bhedyākhilajagadudyadbhavagata vedyāgamaśivagadyastutapada padyaprakaṭahṛdudyadbhavagada vaidyottama pāhi śambho || 1||

चण्डद्विपकर काण्डप्रभभुज दण्डोद्यतनगखण्डत्रिपुर महाण्डस्फुटदुडुपशिखण्ड ।द्युतिवर गण्डद्वय कोदण्डान्तक दण्डितपाद पाहि शम्भो ॥ २॥

caṇḍadvipakara kāṇḍaprabhabhuja daṇḍodyatanagakhaṇḍatripura mahāṇḍasphuṭaduḍupaśikhaṇḍa |dyutivara gaṇḍadvaya kodaṇḍāntaka daṇḍitapāda pāhi śambho || 2||

किञ्चिज्जललव सिञ्चद्द्विजकुल मुञ्चद्वृजिन कुलुञ्चद्विजपतिचञ्चच्छविजट कुञ्चत्पदनख मुञ्चन्नतवर करुणा पाहि शम्भो ॥ ३॥

kiñcijjalalava siñcaddvijakula muñcadvṛjina kuluñcadvijapaticañcacchavijaṭa kuñcatpadanakha muñcannatavara karuṇā pāhi śambho || 3||

देव शङ्कर हरमहेश्वर पापतस्कर अमरमयस्कर ।शिवदशङ्कर पुरमहेश्वर भवहरेश्वर पाहि शम्भो ॥ ४॥

deva śaṅkara haramaheśvara pāpataskara amaramayaskara |śivadaśaṅkara puramaheśvara bhavahareśvara pāhi śambho || 4||

अङ्गजभङ्ग तुरङ्गरथाङ्ग जलधिनिषङ्ग धृतभुजङ्गाङ्ग दृशि सुपतङ्गकरसुकुरङ्ग जटधृतगङ्ग यमिहृदिसङ्ग भजशिवलिङ्ग भवभयभङ्ग ॥ ५॥

aṅgajabhaṅga turaṅgarathāṅga jaladhiniṣaṅga dhṛtabhujaṅgāṅga dṛśi supataṅgakarasukuraṅga jaṭadhṛtagaṅga yamihṛdisaṅga bhajaśivaliṅga bhavabhayabhaṅga || 5||

शम्बरकरशर दम्बरवरचर डम्बरघोषण दुम्बरफलजगनिकुरुम्बभरहर बिम्बितहृदिचिर लम्बितपदयुगलम्बोदरजनकान्तकहर शिव बिन्दुवरासन बिन्दुगहनशरदिन्दुवदनवर कुन्दधवल गणवृन्दविनत भवभयहरपरवर करुणाकर फणिवरभूषण स्मर हर गरधर परिपाहि ॥ ६॥

śambarakaraśara dambaravaracara ḍambaraghoṣaṇa dumbaraphalajaganikurumbabharahara bimbitahṛdicira lambitapadayugalambodarajanakāntakahara śiva binduvarāsana bindugahanaśaradinduvadanavara kundadhavala gaṇavṛndavinata bhavabhayaharaparavara karuṇākara phaṇivarabhūṣaṇa smara hara garadhara paripāhi || 6||

रासभवृषभेभ शरभाननगणगुणनन्दितत्रिगुणपथातिगशरवणभवनुत तरणिस्थित वरुणालय कृतपारण मुनिशरणायितपदपद्मारुण पिङ्गजटाधर कुरु करुणां शङ्कर शं कुरु मे ॥ ७॥

rāsabhavṛṣabhebha śarabhānanagaṇaguṇananditatriguṇapathātigaśaravaṇabhavanuta taraṇisthita varuṇālaya kṛtapāraṇa muniśaraṇāyitapadapadmāruṇa piṅgajaṭādhara kuru karuṇāṃ śaṅkara śaṃ kuru me || 7||

जम्भप्रहरण कुम्भोद्भवनुत कुम्भप्रमथ निशुम्भद्युतिहरभिन्दद्रणगण डिम्भायितसुर तारकहरसुत कुम्भ्युद्यतपदविन्ध्यस्थितदितिमान्द्यप्रहर मदान्धद्विपवर कृत्तिप्रवरसुधान्धोनुतपद बुद्।ह्ध्यागमशिव मेध्यातिथिवरदममावन्ध्यं कुरु दिवसं तव पूजनतः परिपाहि शम्भो ॥ ८॥

jambhapraharaṇa kumbhodbhavanuta kumbhapramatha niśumbhadyutiharabhindadraṇagaṇa ḍimbhāyitasura tārakaharasuta kumbhyudyatapadavindhyasthitaditimāndyaprahara madāndhadvipavara kṛttipravarasudhāndhonutapada bud|hdhyāgamaśiva medhyātithivaradamamāvandhyaṃ kuru divasaṃ tava pūjanataḥ paripāhi śambho || 8||

कुन्दसदृश मकरन्दनिभसुरवृन्दविनुत कुरुविन्दमणिगणवृन्दनिभाङ्घ्रिजमन्दर वसदिन्दुमकुटशरदम्बुजकृश गरनिन्दनगल सुन्दरगिरितनयाकृतिदेहवराङ्गबिन्दुकलित शिवलिङ्गगहन सुतसिन्दुरवरमुखबन्धुरवरसिन्धुनदीतट लिङ्गनिवहवरदिग्वस पाहि शम्भो ॥ ९॥

kundasadṛśa makarandanibhasuravṛndavinuta kuruvindamaṇigaṇavṛndanibhāṅghrijamandara vasadindumakuṭaśaradambujakṛśa garanindanagala sundaragiritanayākṛtidehavarāṅgabindukalita śivaliṅgagahana sutasinduravaramukhabandhuravarasindhunadītaṭa liṅganivahavaradigvasa pāhi śambho || 9||

पन्नगाभरण मारमारण विभूतिभूषण शैलजारमण ।आपदुद्धरण यामिनीरमणशेखर सुखद पाहि शम्भो ॥ १०॥

pannagābharaṇa māramāraṇa vibhūtibhūṣaṇa śailajāramaṇa |āpaduddharaṇa yāminīramaṇaśekhara sukhada pāhi śambho || 10||

दक्षाध्वरवरशिक्ष प्रभुवर त्र्यक्ष प्रबलमहोक्षस्थितसितवक्षस्स्थलकुलचक्षुःश्रवस वराक्षस्रज हर ।वीक्षानिहताधोक्षजात्मज वरकक्षाश्रय पुरपक्षविदारणलीक्षायितसुर भिक्षाशन हर पद्माक्षार्चनतुष्ट भगाक्षिहराव्ययशङ्कर मोक्षप्रद परिपाहि महेश्वर ॥ ११॥

dakṣādhvaravaraśikṣa prabhuvara tryakṣa prabalamahokṣasthitasitavakṣassthalakulacakṣuḥśravasa varākṣasraja hara |vīkṣānihatādhokṣajātmaja varakakṣāśraya purapakṣavidāraṇalīkṣāyitasura bhikṣāśana hara padmākṣārcanatuṣṭa bhagākṣiharāvyayaśaṅkara mokṣaprada paripāhi maheśvara || 11||

अक्षयफलद शुभाक्ष हराक्षततक्षककरगरभक्ष परिस्फुरदक्ष क्षितिरथ सुरपक्षाव्यय ।पुरहर भव हर हरिशर शिव शिवशङ्कर कुरु कुरु करुणां शशिमौले ॥ १२॥

akṣayaphalada śubhākṣa harākṣatatakṣakakaragarabhakṣa parisphuradakṣa kṣitiratha surapakṣāvyaya |purahara bhava hara hariśara śiva śivaśaṅkara kuru kuru karuṇāṃ śaśimaule || 12||

भजाम्यगसुताधवं पशुपतिं महोक्षध्वजंवलक्षभसितोज्ज्वलं प्रकटदक्षदाहाक्षिकम् ।भगाक्षिहरणं शिवं प्रमथितोरुदक्षाध्वरंप्रपक्षसुरतामुनिप्रमथशिक्षिताधोक्षजम् ॥ १३॥

bhajāmyagasutādhavaṃ paśupatiṃ mahokṣadhvajaṃvalakṣabhasitojjvalaṃ prakaṭadakṣadāhākṣikam |bhagākṣiharaṇaṃ śivaṃ pramathitorudakṣādhvaraṃprapakṣasuratāmunipramathaśikṣitādhokṣajam || 13||

श्रीनाथाक्षिसरोजराजितपदाम्भोजैकपूजोत्सवैर्नित्यंमानसमेतदस्तु भगवन्सद्राजमौले हर ।भूषाभूतभुजङ्गसङ्गत महाभस्माङ्गनेत्रोज्वलज्ज्वालादग्धमनङ्गपतङ्गदृगुमाकान्ताव गङ्गाधर ॥ १४॥

śrīnāthākṣisarojarājitapadāmbhojaikapūjotsavairnityaṃmānasametadastu bhagavansadrājamaule hara |bhūṣābhūtabhujaṅgasaṅgata mahābhasmāṅganetrojvalajjvālādagdhamanaṅgapataṅgadṛgumākāntāva gaṅgādhara || 14||

स्वात्मानन्दपरायणाम्बुजभवस्तुत्याऽधुना पाहि मां (।)। । । । ?? मिस्सिन्ग् तेक्ष्त् ।गिरिजामुखसख षण्मुख पञ्चमुखोद्यतदुर्मुखमुखहरआखुवहोन्मुख लेखगणोन्मुख शङ्कर खगगमपरिपूज्य ॥ १५॥

svātmānandaparāyaṇāmbujabhavastutyā'dhunā pāhi māṃ (|)| | | | ?? missing tekṣt |girijāmukhasakha ṣaṇmukha pañcamukhodyatadurmukhamukhaharaākhuvahonmukha lekhagaṇonmukha śaṅkara khagagamaparipūjya || 15||

कोटिजन्मविप्रकर्मशुद्धचित्तवर्त्मनां श्रौतसिद्धशुद्धभस्मदग्धसर्ववर्ष्मणाम् ।रुद्रभुक्तमेध्यभुक्तिदग्धसर्वपाप्मनां रुद्रसूक्ति उक्तिभक्तिभुक्तिमुक्तिदायिकाम् ।पुरहर इष्टतुष्टिमुक्तिलास्यवासना भक्तिभासकैलासमीश आशु लभ्यते ॥ १६॥

koṭijanmaviprakarmaśuddhacittavartmanāṃ śrautasiddhaśuddhabhasmadagdhasarvavarṣmaṇām |rudrabhuktamedhyabhuktidagdhasarvapāpmanāṃ rudrasūkti uktibhaktibhuktimuktidāyikām |purahara iṣṭatuṣṭimuktilāsyavāsanā bhaktibhāsakailāsamīśa āśu labhyate || 16||

॥ इति शिवरहस्यान्तर्गते ऋभुप्रोक्ता स्वरक्षणार्थशिवप्रार्थना सम्पूर्णा ॥॥ श्रीशिवरहस्यम् । शङ्कराख्यः षष्ठांशः । अध्यायः ३ । ११९॥

|| iti śivarahasyāntargate ṛbhuproktā svarakṣaṇārthaśivaprārthanā sampūrṇā |||| śrīśivarahasyam | śaṅkarākhyaḥ ṣaṣṭhāṃśaḥ | adhyāyaḥ 3 | 119||

– ॥ श्रीशिवरहस्यम् ।शन्कराख्यः षष्ठांशः ।अध्यायः ३ ।१-१९॥

– || śrīśivarahasyam |śankarākhyaḥ ṣaṣṭhāṃśaḥ |adhyāyaḥ 3 | 1-19||