शिवस्तोत्रम् (राजाश्वेतकृतं कूर्मपुराणान्तर्गतम्) Raja Shvetakritam Shiva Stotram

राजोवाच ।निरीक्ष्य देवमीश्वरं प्रहृष्टमानसो हरम् ।ननाम साम्बमव्ययं स राजपुङ्गवस्तदा ॥ १॥

rājovāca |nirīkṣya devamīśvaraṃ prahṛṣṭamānaso haram |nanāma sāmbamavyayaṃ sa rājapuṅgavastadā || 1||

नमो भवाय हेतवे हराय विश्वसम्भवे ।नमः शिवाय धीमते नमोऽपवर्गदायिने ॥ २॥

namo bhavāya hetave harāya viśvasambhave |namaḥ śivāya dhīmate namo'pavargadāyine || 2||

नमो नमो नमो नमो महाविभूतये नमः ।विभागहीनरूपिणे नमो नराधिपाय ते ॥ ३॥

namo namo namo namo mahāvibhūtaye namaḥ |vibhāgahīnarūpiṇe namo narādhipāya te || 3||

नमोऽस्तु ते गणेश्वर प्रपन्नदुःखनाशन ।अनादिनित्यभूतये वराहशृङ्गधारिणे ॥ ४॥

namo'stu te gaṇeśvara prapannaduḥkhanāśana |anādinityabhūtaye varāhaśṛṅgadhāriṇe || 4||

नमो वृषध्वजाय ते कपालमालिने नमः ।नमो महानटाय ते शिवाय शङ्कराय ते ॥ ५॥

namo vṛṣadhvajāya te kapālamāline namaḥ |namo mahānaṭāya te śivāya śaṅkarāya te || 5||

अथानुगृह्य शङ्करः प्रणामतत्परं नृपम् ।स्वगाणपत्यमव्ययं सरूपतामथो ददौ ॥ ६॥

athānugṛhya śaṅkaraḥ praṇāmatatparaṃ nṛpam |svagāṇapatyamavyayaṃ sarūpatāmatho dadau || 6||

इति कूर्मपुराणे उत्तरभागे षट्त्रिंशाध्यायान्तर्गतंराजा श्वेतकृतं शिवस्तोत्रं समाप्तम् ।कूर्मपुराणे उत्तरभागे ३६/२८३२

iti kūrmapurāṇe uttarabhāge ṣaṭtriṃśādhyāyāntargataṃrājā śvetakṛtaṃ śivastotraṃ samāptam |kūrmapurāṇe uttarabhāge 36/2832