शिवस्तुतिः नारदकृता अथवा शिवप्राकट्य Naradakritashiva Stuti Evam Shivaprakatya

शिव शिव भव हर देवशासन नगशर पाहि दयाकटाक्षसारैः ।भव भवजनितां रुजं हराशु प्रमथाधीश्वर वीर धीर पाहि ॥ ३५॥

śiva śiva bhava hara devaśāsana nagaśara pāhi dayākaṭākṣasāraiḥ |bhava bhavajanitāṃ rujaṃ harāśu pramathādhīśvara vīra dhīra pāhi || 35||

शिव शिव दहनाब्जमित्रसोमप्रकटविलोचन कृत्तिवास शम्भो ।तव शिव कृपया स्मरान्धकारे भव भवशमनाद्भयं न चैव ॥ ३६॥

śiva śiva dahanābjamitrasomaprakaṭavilocana kṛttivāsa śambho |tava śiva kṛpayā smarāndhakāre bhava bhavaśamanādbhayaṃ na caiva || 36||

हरगिरिसुतया सदोपकण्ठ प्रबलगराशन नीलनीलकण्ठ ।हृदिभवयमिनां किलोपकण्ठ प्रथितमहोरगभोगशोभिकण्ठ ॥ ३७॥

haragirisutayā sadopakaṇṭha prabalagarāśana nīlanīlakaṇṭha |hṛdibhavayamināṃ kilopakaṇṭha prathitamahoragabhogaśobhikaṇṭha || 37||

हर हर शमनैकभीतिजातं हर हर भवजातघोरदुःखम् ।हर हर पापमपाकुरुष्व शम्भो हर हर मुरजित्सुपूजिताङ्घ्रे ॥ ३८॥

hara hara śamanaikabhītijātaṃ hara hara bhavajātaghoraduḥkham |hara hara pāpamapākuruṣva śambho hara hara murajitsupūjitāṅghre || 38||

शम्भो शङ्कर चन्द्रशेखर दयासारामराधीश्वरपापापारजलाब्धिशोषणमहाबाडव्यवह्ने शिव ।कान्तार्धाकृतिशोभिताङ्ग कमलाकान्ताक्षिपूज्याङ्घ्रिकविश्वेशानविधिप्रचण्डशिरसालग्नप्रयाणे हर ॥ ३९॥

śambho śaṅkara candraśekhara dayāsārāmarādhīśvarapāpāpārajalābdhiśoṣaṇamahābāḍavyavahne śiva |kāntārdhākṛtiśobhitāṅga kamalākāntākṣipūjyāṅghrikaviśveśānavidhipracaṇḍaśirasālagnaprayāṇe hara || 39||

शूलप्रोत्थितदक्षवक्षहरण त्र्यक्षामराधीश्वरपाहीमञ्जनमर्भकं तव विभो भावैकलभ्यप्रभो ।गानं ते शृणु नारदस्य हि मुखाद्वीणाक्वणन्मञ्जुलम्(गानं संशृणु देव नारदमुखाद्वीणाक्वणन्मञ्जुलम्)भो भो देववर प्रसीद भगवन्दृष्टिं कृपायाः कुरु ॥ ४०॥

śūlaprotthitadakṣavakṣaharaṇa tryakṣāmarādhīśvarapāhīmañjanamarbhakaṃ tava vibho bhāvaikalabhyaprabho |gānaṃ te śṛṇu nāradasya hi mukhādvīṇākvaṇanmañjulam(gānaṃ saṃśṛṇu deva nāradamukhādvīṇākvaṇanmañjulam)bho bho devavara prasīda bhagavandṛṣṭiṃ kṛpāyāḥ kuru || 40||

गानान्ते नारदमुखाद्वीणाक्वणनमञ्जुलम् ।श्रुत्वैवं नन्दिकेशाद्या गणाश्शभोर्महात्मनः ॥ ४१॥

gānānte nāradamukhādvīṇākvaṇanamañjulam |śrutvaivaṃ nandikeśādyā gaṇāśśabhormahātmanaḥ || 41||

व्यजिज्ञिपंस्तेदेवाय शङ्कराय महात्मने ।प्रणम्प नन्दिकेशोऽपि पिधायास्यं करेण वे ॥उवाच देवं वरदं प्रसन्नास्यं त्रिलोचनम् ॥नन्दिकेश्वरःशम्भो शङ्कर धूर्जेटे त्रिणयनापारव्यथां संहरपारावारमहाप्रभाव जगतां व्यापारसारादर ।त्वन्नामामृतधारया जगदिदं प्राप्तस्तवेशान्तिकम्सम्भाव्य प्रमथाधिनाथ पदवीं द्रष्टुं पदाब्जं तव ॥ ४३॥

vyajijñipaṃstedevāya śaṅkarāya mahātmane |praṇampa nandikeśo'pi pidhāyāsyaṃ kareṇa ve ||uvāca devaṃ varadaṃ prasannāsyaṃ trilocanam ||nandikeśvaraḥśambho śaṅkara dhūrjeṭe triṇayanāpāravyathāṃ saṃharapārāvāramahāprabhāva jagatāṃ vyāpārasārādara |tvannāmāmṛtadhārayā jagadidaṃ prāptastaveśāntikamsambhāvya pramathādhinātha padavīṃ draṣṭuṃ padābjaṃ tava || 43||

द्वारे तिष्ठति वारितस्सहि मया किञ्चाज्ञयाशुप्रभोदेवाज्ञावसरेण तं गमयितुं दिव्यं मुनिं नारदम् ।त्वत्पादाम्बुजलोलमिष्टमनसं सर्वैर्विशिष्टान्तरम्भक्तिज्ञानविरक्तिशालिसुखितः पादो दिदृक्षुः प्रभो ॥ ४४॥

dvāre tiṣṭhati vāritassahi mayā kiñcājñayāśuprabhodevājñāvasareṇa taṃ gamayituṃ divyaṃ muniṃ nāradam |tvatpādāmbujalolamiṣṭamanasaṃ sarvairviśiṣṭāntarambhaktijñānaviraktiśālisukhitaḥ pādo didṛkṣuḥ prabho || 44||

(भक्तिज्ञानपुरस्कृतस्तवपदद्वन्द्वावलोकोत्सुकः) ॥ ४४॥

(bhaktijñānapuraskṛtastavapadadvandvāvalokotsukaḥ) || 44||

नन्दिकेशवचश्श्रुत्वा कटाक्षाग्रेण शङ्करः ।संज्ञां चक्रेऽखिलेश्ञानो नारदागमनं प्रति ॥ ४५॥

nandikeśavacaśśrutvā kaṭākṣāgreṇa śaṅkaraḥ |saṃjñāṃ cakre'khileśñāno nāradāgamanaṃ prati || 45||

नारदोऽपि च देवेशं नता तुष्टाव हिर्षितः ।शिपिविष्टं महादेवमष्टाकृतिमनोहरः ॥ ४६॥

nārado'pi ca deveśaṃ natā tuṣṭāva hirṣitaḥ |śipiviṣṭaṃ mahādevamaṣṭākṛtimanoharaḥ || 46||

नारदःजय जय देव महेश धूर्जटे जयजय विश्वविधान दक्षशिक्ष ।जय जय विश्रुतवेदगीतकीर्ते जय जय भक्तजनार्पितैकभुक्ते ॥ ४७॥

nāradaḥjaya jaya deva maheśa dhūrjaṭe jayajaya viśvavidhāna dakṣaśikṣa |jaya jaya viśrutavedagītakīrte jaya jaya bhaktajanārpitaikabhukte || 47||

जय जय भगवंस्तपःक्रियाणां फलदानोन्मुख पञ्चवक्त्र शम्भो ।तव शिव भगवन्पदाब्जयुग्ममभिपूज्य स्वहृदा तपैकराशिः ॥ ४८॥

jaya jaya bhagavaṃstapaḥkriyāṇāṃ phaladānonmukha pañcavaktra śambho |tava śiva bhagavanpadābjayugmamabhipūjya svahṛdā tapaikarāśiḥ || 48||

मुनिरास्ते हिमवन्नगोर्ध्वमौलौ तव दिव्यामृतदेहलोकतैकतर्षः ।इत्थं नारदवाक्येन जातहर्षो महेश्वरः ।जैगीषव्यं ययो द्रष्टुं नानागणवरैर्वृतः ॥ ४९॥

munirāste himavannagordhvamaulau tava divyāmṛtadehalokataikatarṣaḥ |itthaṃ nāradavākyena jātaharṣo maheśvaraḥ |jaigīṣavyaṃ yayo draṣṭuṃ nānāgaṇavarairvṛtaḥ || 49||

आरुह्य शाक्करं दिव्यं नानालङ्कारभूषितम् ।नानागणमुखोद्गीतवाद्यवृन्दकृतारवम् ॥ ५०॥

āruhya śākkaraṃ divyaṃ nānālaṅkārabhūṣitam |nānāgaṇamukhodgītavādyavṛndakṛtāravam || 50||

छत्रचामरहस्तैश्च पताकाविधृतैर्गणैः ।उमया स्कन्दहेरम्बनन्दिभृङ्गिगणावृतः ॥ ५१॥

chatracāmarahastaiśca patākāvidhṛtairgaṇaiḥ |umayā skandaherambanandibhṛṅgigaṇāvṛtaḥ || 51||

क्षणेन हिमवन्मौलिमाजगाम महेश्वरः ।मुनिभिर्गणमुख्यैश्च मन्दस्मितमनोहरः ॥ ५२॥

kṣaṇena himavanmaulimājagāma maheśvaraḥ |munibhirgaṇamukhyaiśca mandasmitamanoharaḥ || 52||

उद्यच्छाङ्कधवलधावल्याङ्कसमप्रभः ।गङ्गातुङ्गतरङ्गौघमौलिद्युतिविराजितः ॥ ५३॥

udyacchāṅkadhavaladhāvalyāṅkasamaprabhaḥ |gaṅgātuṅgataraṅgaughamaulidyutivirājitaḥ || 53||

दृष्टा तं मुनिमेकाग्रमानस स महेश्वरः ।दयाकटाक्षामृतसिन्धुवर्षैर्वल्मीकभूतम्मुनिमाववर्ष ।स चोत्थितो देववरं प्रणम्य तुष्टाव चाष्टाकृतिमप्रमेयम् ॥ ५४॥

dṛṣṭā taṃ munimekāgramānasa sa maheśvaraḥ |dayākaṭākṣāmṛtasindhuvarṣairvalmīkabhūtammunimāvavarṣa |sa cotthito devavaraṃ praṇamya tuṣṭāva cāṣṭākṛtimaprameyam || 54||

॥ इति शिवरहस्यान्तर्गते माहेश्वराख्ये नारदकृताशिवस्तुतिः एवं शिवप्राकट्य ॥॥ श्रीशिवरहस्यम् । माहेश्वराख्यः प्रथमांशः । अध्यायः ५ जैगीषव्यप्रसादकरणम् । ३५५४॥

|| iti śivarahasyāntargate māheśvarākhye nāradakṛtāśivastutiḥ evaṃ śivaprākaṭya |||| śrīśivarahasyam | māheśvarākhyaḥ prathamāṃśaḥ | adhyāyaḥ 5 jaigīṣavyaprasādakaraṇam | 3554||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः ५ – जैगीषव्यप्रसादकरणम् ।३५-५४॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 5 – jaigīṣavyaprasādakaraṇam | 35-54||