शिवस्तवः देवीकृतः २ Devikritah Shiva Stava (2)

असारसारं प्रवदन्ति वेदास्त्रियः प्रजानां पशवो हिरण्यम् ।गुणत्रयीमध्यगता प्ररोचना गुणानि गत्वा न भजन्ति केऽपि ॥ ४६॥

asārasāraṃ pravadanti vedāstriyaḥ prajānāṃ paśavo hiraṇyam |guṇatrayīmadhyagatā prarocanā guṇāni gatvā na bhajanti ke'pi || 46||

प्रवृत्युन्मुखा बालकाः कामयन्ते सुखापारबुद्ध्या महादुःखजालम् ।यथा भक्ष्यबुद्ध्या महापाशजालैर्गृहीतास्तु मत्स्या जले धीवरैश्च ॥ ४७॥

pravṛtyunmukhā bālakāḥ kāmayante sukhāpārabuddhyā mahāduḥkhajālam |yathā bhakṣyabuddhyā mahāpāśajālairgṛhītāstu matsyā jale dhīvaraiśca || 47||

कथं त्वत्पदाब्जं खनिं वै विमुक्तेस्समायान्ति दुःखाकुलादुर्मुखास्ते ।यथा त्वां चिदानन्दरूपञ्च सत्यमसत्यैकलीला भवन्त्येव बालाः ॥ ४८॥

kathaṃ tvatpadābjaṃ khaniṃ vai vimuktessamāyānti duḥkhākulādurmukhāste |yathā tvāṃ cidānandarūpañca satyamasatyaikalīlā bhavantyeva bālāḥ || 48||

शशेशृङ्गवार्ता यथा स्याद्यथा वा तथा कूर्मदुग्धं मरौ वा यथापः ।तथा विश्वगाः प्रार्थयन्तीह कामान्मनोमूलमेतन्मनो नास्ति यत्र ॥ ४९॥

śaśeśṛṅgavārtā yathā syādyathā vā tathā kūrmadugdhaṃ marau vā yathāpaḥ |tathā viśvagāḥ prārthayantīha kāmānmanomūlametanmano nāsti yatra || 49||

भूमा त्वं गिरिजापतिश्शिवतरस्सोमार्धधारी हरोवामार्धाकृतिरप्रमेयविभवस्त्वं सोमधामाननः ।कामाङ्गारिरकामसक्तहृदयस्त्वं सामचर्माम्बरःत्वामप्राप्य महेश सामरवतस्तोषप्रदं शङ्करम् ॥ ५०॥

bhūmā tvaṃ girijāpatiśśivatarassomārdhadhārī harovāmārdhākṛtiraprameyavibhavastvaṃ somadhāmānanaḥ |kāmāṅgārirakāmasaktahṛdayastvaṃ sāmacarmāmbaraḥtvāmaprāpya maheśa sāmaravatastoṣapradaṃ śaṅkaram || 50||

कामान्प्रार्थयते विमूढहृदयास्तेषां श्रमः केवलंसामागोमनतो रमापतिलसन्नेत्राङ्घ्रिरीशस्सदा ।धूमाकारघनस्थितोऽसि भगवंस्त्वं व्योमकेशस्सदाधौम्याग्न्यार्चितपादपद्मयुगलश्चोमापतिश्शङ्करः ॥ ५१॥

kāmānprārthayate vimūḍhahṛdayāsteṣāṃ śramaḥ kevalaṃsāmāgomanato ramāpatilasannetrāṅghrirīśassadā |dhūmākāraghanasthito'si bhagavaṃstvaṃ vyomakeśassadādhaumyāgnyārcitapādapadmayugalaścomāpatiśśaṅkaraḥ || 51||

कामान्मे दिश गौतमादिमुनिभिर्देस्स्तुतोऽसि प्रभो ॥ ५२॥

kāmānme diśa gautamādimunibhirdesstuto'si prabho || 52||

॥ इति शिवरहस्यान्तर्गते माहेश्वराख्ये देवीकृतं शिवस्तवः ॥॥ श्रीशिवरहस्यम् । माहेश्वराख्यः प्रथमांशः । अध्यायः २१ शिवगौरीसंवादे प्राणिगतिनिरूपणम् । ४६५२॥

|| iti śivarahasyāntargate māheśvarākhye devīkṛtaṃ śivastavaḥ |||| śrīśivarahasyam | māheśvarākhyaḥ prathamāṃśaḥ | adhyāyaḥ 21 śivagaurīsaṃvāde prāṇigatinirūpaṇam | 4652||

– ॥ श्रीशिवरहस्यम् ।माहेश्वराख्यः प्रथमांशः ।अध्यायः २१ – शिवगौरीसंवादे प्राणिगतिनिरूपणम् ।४६-५२॥

– || śrīśivarahasyam |māheśvarākhyaḥ prathamāṃśaḥ |adhyāyaḥ 21 – śivagaurīsaṃvāde prāṇigatinirūpaṇam | 46-52||