महेशस्तवः देवैः कृतः Devaih Kritah Mahesha Stava

जय जय शङ्कर चन्द्रशेखर प्रमथाधीश्वर चारुचन्द्रचूड ।जय जय निगमादिवन्द्यपादोज्वलितानलभाललोचनाद्य नः(भाललोचनाव नः, भाललोचनाय नः) ॥ १॥

jaya jaya śaṅkara candraśekhara pramathādhīśvara cārucandracūḍa |jaya jaya nigamādivandyapādojvalitānalabhālalocanādya naḥ(bhālalocanāva naḥ, bhālalocanāya naḥ) || 1||

जय जय गजचर्मशोभिताङ्ग जय जय विश्वविधान शूलपाणे ।जय जय त्रिपुरान्तकेश शम्भो जय जय शान्त शशाङ्कचारुमौले ॥ २॥

jaya jaya gajacarmaśobhitāṅga jaya jaya viśvavidhāna śūlapāṇe |jaya jaya tripurāntakeśa śambho jaya jaya śānta śaśāṅkacārumaule || 2||

जय जय तटिनीजटोत्तमाङ्ग जय काकोदरवीरहार शम्भो ।गरकन्धर भूरुहोरुवास त्रिजगत्तापहराव्ययेश देव ॥ ३॥

jaya jaya taṭinījaṭottamāṅga jaya kākodaravīrahāra śambho |garakandhara bhūruhoruvāsa trijagattāpaharāvyayeśa deva || 3||

जय जय जगदीश दीनबन्धो मधुवैरिप्रकटाक्षिपूज्यपाद ।जय जय मारहरात्तशूलपाणे प्रमथाधीश्वर पाहि भीतितोऽद्य नः ॥ ४॥

jaya jaya jagadīśa dīnabandho madhuvairiprakaṭākṣipūjyapāda |jaya jaya māraharāttaśūlapāṇe pramathādhīśvara pāhi bhītito'dya naḥ || 4||

जय जय विबुधार्तिनाशहेतो जय जय भस्मविभूषणेषु तुष्ट ।प्रसभं कष्टमपाकुरुष्व शम्भो गिरिजानाथ सनाथयाशु नः ॥ ५॥

jaya jaya vibudhārtināśaheto jaya jaya bhasmavibhūṣaṇeṣu tuṣṭa |prasabhaṃ kaṣṭamapākuruṣva śambho girijānātha sanāthayāśu naḥ || 5||

(प्रसभं कष्टमपाकुरुष्व शम्भो गिरिजानाथ सनाथ याशु नः) ॥ ५॥

(prasabhaṃ kaṣṭamapākuruṣva śambho girijānātha sanātha yāśu naḥ) || 5||

॥ इति शिवरहस्यान्तर्गते भवाख्ये देवैः कृतः महेशस्तवः ॥॥ श्रीशिवरहस्यम् । भवाख्यः द्वितीयांशः । अध्यायः ८ ॥– ॥ श्रीशिवरहस्यम् । भवाख्यः द्वितीयांशः । अध्यायः ८ ॥

|| iti śivarahasyāntargate bhavākhye devaiḥ kṛtaḥ maheśastavaḥ |||| śrīśivarahasyam | bhavākhyaḥ dvitīyāṃśaḥ | adhyāyaḥ 8 ||– || śrīśivarahasyam | bhavākhyaḥ dvitīyāṃśaḥ | adhyāyaḥ 8 ||