शिवस्तुतिः देवैः कृता ०९ Devaih Krita Shiva Stuti 9

(शिवरहस्यान्तर्गते ईश्वराख्ये)

(śivarahasyāntargate īśvarākhye)

देवा ऊचुः ।शम्भो बालमृगाङ्कशेखर जटाजूटोरुकोटीरधृक्स्फारोर्वीधर धैर्यदारण महागङ्गा तरङेगौघहृत् ।कालान्धान्तक कामदक्षभगदृक्संहार पाह्यद्य नोदेवान् मङ्कणनृत्तभीतिपरमानाश्वासयाद्य प्रभो ॥ ९\।३२॥प्रालेयाचलकन्यकाविलसितश्रीमन्युदेह प्रभोमन्युं संहर दैन्यनाशक हर त्वत्तो हि नान्यः सुरः ।धन्यान्नः कुरु पापजन्यसुरतादुःखं विहन्याः प्रभोस्वर्वापीन्दुकलाललाम भगवन् त्वं चाहनन्यो गतिः ॥ ९\।३३॥भव भूतपते सुरेषु भाव्यंभवदुःखं भुवि नाशयाशु भावैः ।भवभावविभावना भवेन्नोविभवाः सन्तु भवाय ते नमोऽस्तु ॥ ९\।३४॥अभ्यर्णं भव तावकीनचरणं सन्तार्णमेवास्तु नःभावोद्यं भवकार्णवैकतरणे उद्दीर्णमेव प्रभोपाह्यस्माञ्छरणाय पूर्णदयया दीर्णं सुराणां गणंतूर्णं घूर्णितमेतदद्य सुमुनेर्नृत्तं हि निर्वापय ॥ ९\।३५॥हरि शशि शिखि बाल घोणघूर्णत्रिपुरवितारण शेषभूषणाद्य ।फणिमणिघृणिकङ्कणोरुहस्तप्रमथाधीश सनाथयाशु हृद्य ॥ ९\।३६॥गुरुवरगरगौरवोरुबिभ्यत्त्रिदशानां शिव दुर्दशाविनाश ।अविनाशशरीर व्योमकेशजगदाकाशशरीर कोशकाश ॥ ९\।३७॥मुनयः प्रशमायनाः सदा तेशमनाघातपदं हृदाभिधाय ।समुदायमिमं मुदा त्वघानांमदनारे किल नाशयन्ति शम्भो ॥ ९\।३८॥शम्भो त्वदङ्कवसतेः किल मङ्कणोऽयंतुल्यप्रभो भसितभासितनुः सदैषः ।क्रौञ्चान्तकस्य सदृशः सुदृशा तमीक्ष्यतं वारयाशु नटनाज्जगतोऽवनाय ॥ ९\।३९॥गीर्वाणवर्गकृतसंस्तुतिभिः प्रतुष्टःईष्टे हरो मुनिमसावभिद्रष्टुमेव ।यातो दयासुरसया सुरवृन्दवन्द्योमोदाय पर्वतवरात्मजया समेतः ॥ ९\।४०॥कैलासगोपुरवरान्निरगात्पुरारिःपादाम्बुजं तुरगवैरिवहान्तकं स्वम् ।सन्दर्शयन्नुरगवैरिवहादिदेवानालोकयन्हिमगिरौ मुनिलोकनाय ॥ ९\।४१॥देवादिमस्त्वमसि सोमकलाललामस्सामादिसंस्तुतपदः श्रुतिसीमभूमा ।व्योमावकाश महिमा गरिमा त्वमीशस्सर्वेषु हृत्सु सुधियामवनो महेश ॥ १०\।१२॥हेमाचलत्तधनुषा करमुत्कटं तेकामादिदर्पविनिवारकसत्पदं ते ।भामार्धकायमतिसुन्दरमीक्षितं तेत्र्यक्षाधुना सुरगणेषु भवत्कृपा ते ॥ १०\।१३॥

devā ūcuḥ |śambho bālamṛgāṅkaśekhara jaṭājūṭorukoṭīradhṛksphārorvīdhara dhairyadāraṇa mahāgaṅgā taraṅegaughahṛt |kālāndhāntaka kāmadakṣabhagadṛksaṃhāra pāhyadya nodevān maṅkaṇanṛttabhītiparamānāśvāsayādya prabho || 9\|32||prāleyācalakanyakāvilasitaśrīmanyudeha prabhomanyuṃ saṃhara dainyanāśaka hara tvatto hi nānyaḥ suraḥ |dhanyānnaḥ kuru pāpajanyasuratāduḥkhaṃ vihanyāḥ prabhosvarvāpīndukalālalāma bhagavan tvaṃ cāhananyo gatiḥ || 9\|33||bhava bhūtapate sureṣu bhāvyaṃbhavaduḥkhaṃ bhuvi nāśayāśu bhāvaiḥ |bhavabhāvavibhāvanā bhavennovibhavāḥ santu bhavāya te namo'stu || 9\|34||abhyarṇaṃ bhava tāvakīnacaraṇaṃ santārṇamevāstu naḥbhāvodyaṃ bhavakārṇavaikataraṇe uddīrṇameva prabhopāhyasmāñcharaṇāya pūrṇadayayā dīrṇaṃ surāṇāṃ gaṇaṃtūrṇaṃ ghūrṇitametadadya sumunernṛttaṃ hi nirvāpaya || 9\|35||hari śaśi śikhi bāla ghoṇaghūrṇatripuravitāraṇa śeṣabhūṣaṇādya |phaṇimaṇighṛṇikaṅkaṇoruhastapramathādhīśa sanāthayāśu hṛdya || 9\|36||guruvaragaragauravorubibhyattridaśānāṃ śiva durdaśāvināśa |avināśaśarīra vyomakeśajagadākāśaśarīra kośakāśa || 9\|37||munayaḥ praśamāyanāḥ sadā teśamanāghātapadaṃ hṛdābhidhāya |samudāyamimaṃ mudā tvaghānāṃmadanāre kila nāśayanti śambho || 9\|38||śambho tvadaṅkavasateḥ kila maṅkaṇo'yaṃtulyaprabho bhasitabhāsitanuḥ sadaiṣaḥ |krauñcāntakasya sadṛśaḥ sudṛśā tamīkṣyataṃ vārayāśu naṭanājjagato'vanāya || 9\|39||gīrvāṇavargakṛtasaṃstutibhiḥ pratuṣṭaḥīṣṭe haro munimasāvabhidraṣṭumeva |yāto dayāsurasayā suravṛndavandyomodāya parvatavarātmajayā sametaḥ || 9\|40||kailāsagopuravarānniragātpurāriḥpādāmbujaṃ turagavairivahāntakaṃ svam |sandarśayannuragavairivahādidevānālokayanhimagirau munilokanāya || 9\|41||devādimastvamasi somakalālalāmassāmādisaṃstutapadaḥ śrutisīmabhūmā |vyomāvakāśa mahimā garimā tvamīśassarveṣu hṛtsu sudhiyāmavano maheśa || 10\|12||hemācalattadhanuṣā karamutkaṭaṃ tekāmādidarpavinivārakasatpadaṃ te |bhāmārdhakāyamatisundaramīkṣitaṃ tetryakṣādhunā suragaṇeṣu bhavatkṛpā te || 10\|13||

॥ इति शिवरहस्यान्तर्गते देवैः कृता शिवस्तुतिः ९ सम्पूर्णा ॥

|| iti śivarahasyāntargate devaiḥ kṛtā śivastutiḥ 9 sampūrṇā ||

॥ श्रीशिवरहस्यम् ।ईश्वराख्यः दशमांशः ।अध्यायः ९१० ।वावृत्तश्लोकाः ॥

|| śrīśivarahasyam |īśvarākhyaḥ daśamāṃśaḥ |adhyāyaḥ 910 |vāvṛttaślokāḥ ||

– ॥ श्रीशिवरहस्यम् ।ईश्वराख्यः दशमांशः ।अध्यायः ९-१० ।वावृत्तश्लोकाः ॥

– || śrīśivarahasyam |īśvarākhyaḥ daśamāṃśaḥ |adhyāyaḥ 9-10 |vāvṛttaślokāḥ ||