शिवस्तोत्रम् (चन्द्रकृतं २ स्कन्दपुराणान्तर्गतम् नास्ति शर्वसमो देवो नास्ति शर्वसमा गतिः) Chandrakritam 2 Shiva Stotram

चन्द्र उवाच ।नास्ति शर्वसमो देवो नास्ति शर्वसमा गतिः ।नास्ति शर्वसमो देवो नास्ति शर्वसमा गतिः ॥ १॥

candra uvāca |nāsti śarvasamo devo nāsti śarvasamā gatiḥ |nāsti śarvasamo devo nāsti śarvasamā gatiḥ || 1||

यं पठन्ति सदा साङ्ख्याश्चितयन्ति च योगिनः ।परं प्रधानं पुरुषं तस्मै ज्ञेयात्मने नमः ॥ २॥

yaṃ paṭhanti sadā sāṅkhyāścitayanti ca yoginaḥ |paraṃ pradhānaṃ puruṣaṃ tasmai jñeyātmane namaḥ || 2||

उत्पत्तौ च विनाशे च कारणं यं विदुर्बुधाः ।देवासुरमनुष्याणां तस्मै ज्ञानात्मने नमः ॥ ३॥

utpattau ca vināśe ca kāraṇaṃ yaṃ vidurbudhāḥ |devāsuramanuṣyāṇāṃ tasmai jñānātmane namaḥ || 3||

यमव्ययमनाद्यन्तं यं नित्यं शाश्वतं ध्रुवम् ।निष्कलं परमं ब्रह्म तस्मै योगात्मने नमः ॥ ४॥

yamavyayamanādyantaṃ yaṃ nityaṃ śāśvataṃ dhruvam |niṣkalaṃ paramaṃ brahma tasmai yogātmane namaḥ || 4||

यः पवित्रं पवित्राणामादिदेवो महेश्वरः ।पुनाति दर्शनादेव तस्मै तीर्थात्मने नमः ॥ ५॥

yaḥ pavitraṃ pavitrāṇāmādidevo maheśvaraḥ |punāti darśanādeva tasmai tīrthātmane namaḥ || 5||

यतः प्रवर्त्तते सर्वं यस्मिन्सर्वं विलीयते ।पालयेद्यो जगत्सर्वं तस्मै सर्वात्मने नमः ॥ ६॥

yataḥ pravarttate sarvaṃ yasminsarvaṃ vilīyate |pālayedyo jagatsarvaṃ tasmai sarvātmane namaḥ || 6||

अनिष्टोमादिभिर्यज्ञैर्यं यजन्ति द्विजातयः ।सम्पूर्णदक्षिणैरेव तस्मै यज्ञात्मने नमः ॥ ७॥

aniṣṭomādibhiryajñairyaṃ yajanti dvijātayaḥ |sampūrṇadakṣiṇaireva tasmai yajñātmane namaḥ || 7||

इति श्रीस्कन्दपुराणे प्रभासखण्डे प्रभासक्षेत्रमाहात्म्ये चतुर्विंशाध्यायान्तर्गतंचन्द्रकृतं शिवस्तोत्रं समाप्तम् ।स्कन्दपुराण । प्रभासखण्ड । अध्याय २४/६१२॥स्कन्दपुराण । प्रभासखण्ड । अध्याय २४/६-१२॥

iti śrīskandapurāṇe prabhāsakhaṇḍe prabhāsakṣetramāhātmye caturviṃśādhyāyāntargataṃcandrakṛtaṃ śivastotraṃ samāptam |skandapurāṇa | prabhāsakhaṇḍa | adhyāya 24/612||skandapurāṇa | prabhāsakhaṇḍa | adhyāya 24/6-12||