आत्मनाथस्तुतिः २ Atmanathastutih Rudrakrita
ātmanāthastutiḥ 2
Atmanathastutih Rudrakrita (आत्मनाथस्तुतिः २): a hymn of praise (stuti) to Śiva. 12 verses in Sanskrit with Devanagari and IAST.
- Stotra
- Stuti
- Śiva
- Stuti
आत्मनाथस्तुतिः २
1 / 12
चतुर्वेदपुरीशाय शाश्वतायादिमूर्तये ।आत्मनाथाय जगतां गुरवे ब्रह्मणे नमः ॥ १॥
caturvedapurīśāya śāśvatāyādimūrtaye |ātmanāthāya jagatāṃ gurave brahmaṇe namaḥ || 1||
सद्घनानन्दकन्दाय चिदानन्दस्वरूपिणे ।कुन्दभूरुहवासाय गुरवे ब्रह्मणे नमः ॥ २॥
sadghanānandakandāya cidānandasvarūpiṇe |kundabhūruhavāsāya gurave brahmaṇe namaḥ || 2||
विधातृहरिमुख्यानां विश्वेषां जगतामपि ।ज्ञानदात्रे सुमहते गुरवे ब्रह्मणे नमः ॥ ३॥
vidhātṛharimukhyānāṃ viśveṣāṃ jagatāmapi |jñānadātre sumahate gurave brahmaṇe namaḥ || 3||
अणोरणीयसे तस्मै महतश्च महीयसे ।तुर्यातीताय शुद्धाय गुरवे ब्रह्मणे नमः ॥ ४॥
aṇoraṇīyase tasmai mahataśca mahīyase |turyātītāya śuddhāya gurave brahmaṇe namaḥ || 4||
स्रष्टुं विधातृरूपाय रक्षितुं विष्णुरूपिणे ।संहर्तुं कालरूपाय गुरवे ब्रह्मणे नमः ॥ ५॥
sraṣṭuṃ vidhātṛrūpāya rakṣituṃ viṣṇurūpiṇe |saṃhartuṃ kālarūpāya gurave brahmaṇe namaḥ || 5||
विधिविश्वम्भराभीष्टप्रदाब्जचरणाय ते ।विश्वातीताय विश्वस्मै गुरवे ब्रह्मणे नमः ॥ ६॥
vidhiviśvambharābhīṣṭapradābjacaraṇāya te |viśvātītāya viśvasmai gurave brahmaṇe namaḥ || 6||
सहस्रशिरसे तुभ्यं सहस्राक्षिभुजाङ्घ्रये ।सहस्रागमवेद्याय गुरवे ब्रह्मणे नमः ॥ ७॥
sahasraśirase tubhyaṃ sahasrākṣibhujāṅghraye |sahasrāgamavedyāya gurave brahmaṇe namaḥ || 7||
पञ्चाननाय देवाय पञ्चब्रह्मस्वरूपिणे ।पञ्चाक्षरस्वरूपाय गुरवे ब्रह्मणे नमः ॥ ८॥
pañcānanāya devāya pañcabrahmasvarūpiṇe |pañcākṣarasvarūpāya gurave brahmaṇe namaḥ || 8||
मद्भर्त्रे जगतां पित्रे कारणत्रयहेतवे ।नमस्तुभ्यं नमस्तुभ्यं नमस्तुभ्यं नमो नमः ॥ ९॥
madbhartre jagatāṃ pitre kāraṇatrayahetave |namastubhyaṃ namastubhyaṃ namastubhyaṃ namo namaḥ || 9||
अपराधायुतोपेतं महाकल्मषमानसम् ।पाहि मां पाहि मां नित्यं पाहि मामात्मनायक ॥ १०॥
aparādhāyutopetaṃ mahākalmaṣamānasam |pāhi māṃ pāhi māṃ nityaṃ pāhi māmātmanāyaka || 10||
रुद्रेशकथितं स्तोत्रं दशकं यः पठेत् पुमान् ।कालमृत्युमतिक्रम्य स चिरायुः सुखी भवेत् ॥ ११॥
rudreśakathitaṃ stotraṃ daśakaṃ yaḥ paṭhet pumān |kālamṛtyumatikramya sa cirāyuḥ sukhī bhavet || 11||
इति श्रीरुद्रकृता आत्मनाथस्तुतिः समाप्ता ।
iti śrīrudrakṛtā ātmanāthastutiḥ samāptā |
॥ इति आत्मनाथस्तुतिः २ सम्पूर्णम् ॥
Recitation complete
- Meaning
- Grammar
Meanings, sources and related recitations appear here once you finish reading.
Questions
How many verses are in Atmanathastutih Rudrakrita?
Atmanathastutih Rudrakrita has 12 verses on this page, each shown with its number, Devanagari text and transliteration, and meaning where available.
Can I read Atmanathastutih Rudrakrita in Telugu, Kannada or Tamil?
Yes. Use the script buttons at the top of the text (देवनागरी, తెలుగు, ಕನ್ನಡ, தமிழ்) to read the same verses in Telugu, Kannada or Tamil script. Turn on IAST for Roman letters with pronunciation marks. Your choice is remembered on this device.
Is there a PDF of Atmanathastutih Rudrakrita?
You do not need a PDF: this page has the complete text, kept up to date when corrections are made, in every script and with meanings. Tap Save to keep it in your library and open it any time.
