अष्टमूर्तिस्तोत्रम् Ashtamurtistotram

श्रीगणेशाय नमः ॥ईशा वास्यमिदं सर्वं चक्षोः सूर्यो अजायत ।इति श्रुतिरुवाचातो महादेवः परावरः ॥ १॥

śrīgaṇeśāya namaḥ ||īśā vāsyamidaṃ sarvaṃ cakṣoḥ sūryo ajāyata |iti śrutiruvācāto mahādevaḥ parāvaraḥ || 1||

अष्टमूर्तेरसौ सूर्यौ मूर्तित्वं परिकल्पितः ।नेत्रत्रिलोचनस्यैकमसौ सूर्यस्तदाश्रितः ॥ २॥

aṣṭamūrterasau sūryau mūrtitvaṃ parikalpitaḥ |netratrilocanasyaikamasau sūryastadāśritaḥ || 2||

यस्य भासा सर्वमिदं विभातीदि श्रुतेरिमे ।तमेव भान्तमीशानमनुभान्ति खगादयः ॥ ३॥

yasya bhāsā sarvamidaṃ vibhātīdi śruterime |tameva bhāntamīśānamanubhānti khagādayaḥ || 3||

ईशानः सर्वविद्यानां भूतानां चेति च श्रुतेः ।वेदादीनामप्यधीशः स ब्रह्मा कैर्न पूज्यते ॥ ४॥

īśānaḥ sarvavidyānāṃ bhūtānāṃ ceti ca śruteḥ |vedādīnāmapyadhīśaḥ sa brahmā kairna pūjyate || 4||

यस्य संहारकाले तु न किञ्चिदवशिष्यते ।सृष्टिकाले पुनः सर्वं स एकः सृजति प्रभुः ॥ ५॥

yasya saṃhārakāle tu na kiñcidavaśiṣyate |sṛṣṭikāle punaḥ sarvaṃ sa ekaḥ sṛjati prabhuḥ || 5||

सूर्याचद्रमसौ धाता यथापूर्वमकल्पयत् ।इति श्रुतेर्महादेवः श्रेष्ठोऽर्यः सकलाश्रितः ॥ ६॥

sūryācadramasau dhātā yathāpūrvamakalpayat |iti śrutermahādevaḥ śreṣṭho'ryaḥ sakalāśritaḥ || 6||

विश्वं भूतं भवद्भयं सर्वं रुद्रात्मकं श्रुतम् ।मृत्युञ्जयस्तारकोऽतः स यज्ञस्य प्रसाधनः ॥ ७॥

viśvaṃ bhūtaṃ bhavadbhayaṃ sarvaṃ rudrātmakaṃ śrutam |mṛtyuñjayastārako'taḥ sa yajñasya prasādhanaḥ || 7||

विषमाक्षोऽपि समदृक् सशिवोऽपि शिवः स च ।वृषसंस्थोऽध्यतिवृषो गुणात्माऽप्यगुगुणोऽमलः ॥ ८॥

viṣamākṣo'pi samadṛk saśivo'pi śivaḥ sa ca |vṛṣasaṃstho'dhyativṛṣo guṇātmā'pyaguguṇo'malaḥ || 8||

यदाज्ञामुद्वहन्त्यत्र शिरसा सासुराः सुराः ।अभ्रं वातो वर्षं इतीषवो यस्य स विश्वपाः ॥ ९॥

yadājñāmudvahantyatra śirasā sāsurāḥ surāḥ |abhraṃ vāto varṣaṃ itīṣavo yasya sa viśvapāḥ || 9||

भिषक्रमं त्वा भिषजां शृणोमीति श्रुतेरवम् ।स्वभक्तसंसारमहारोगहर्ताऽपि शङ्करः ॥ १०॥

bhiṣakramaṃ tvā bhiṣajāṃ śṛṇomīti śruteravam |svabhaktasaṃsāramahārogahartā'pi śaṅkaraḥ || 10||

इत्यष्टमूर्तिस्तोत्रं सम्पूर्णम् ।

ityaṣṭamūrtistotraṃ sampūrṇam |