मणिधामलिङ्गस्तुतिः Ashtadiggajakrita Manidhamalinga Stuti

(शिवरहस्यान्तर्गते भीमाख्ये)ऐरावतः (उवाच)शान्तं शङ्कमतङ्गकान्तकमुमाकान्तं भजाम्यन्तिकस्वान्तानन्तमहान्तकोद्भवभयं किं वोपलक्ष्यं मम ।विश्वाधीश्वर शाश्वतान्धकहरापारव्यथासंहरघोरापारभवोरुसागरगदापारादि दुःखं हर ॥ ९॥

(śivarahasyāntargate bhīmākhye)airāvataḥ (uvāca)śāntaṃ śaṅkamataṅgakāntakamumākāntaṃ bhajāmyantikasvāntānantamahāntakodbhavabhayaṃ kiṃ vopalakṣyaṃ mama |viśvādhīśvara śāśvatāndhakaharāpāravyathāsaṃharaghorāpārabhavorusāgaragadāpārādi duḥkhaṃ hara || 9||

पुण्डरीकः (उवाच)पाहि त्रिणेत्र सुचरित्र पवित्रगात्रंपाह्यब्जमित्रनयनामलभूतिगात्र ।मामीशशङ्खधवलेन्दुकलाललामपाहीश मामकधिया सकलेषु मित्र ॥ १४॥

puṇḍarīkaḥ (uvāca)pāhi triṇetra sucaritra pavitragātraṃpāhyabjamitranayanāmalabhūtigātra |māmīśaśaṅkhadhavalendukalālalāmapāhīśa māmakadhiyā sakaleṣu mitra || 14||

वामन: (उवाच)पाहीन्दिरारमणकारण तारणेड्यचक्षुःश्रवाभरण कारणहीन शम्भो ।माराङ्गसंहरण पापनिवारणेशपाहीन्दुभूषणमहेश गणाग्रगण्य ॥ १९॥

vāmana: (uvāca)pāhīndirāramaṇakāraṇa tāraṇeḍyacakṣuḥśravābharaṇa kāraṇahīna śambho |mārāṅgasaṃharaṇa pāpanivāraṇeśapāhīndubhūṣaṇamaheśa gaṇāgragaṇya || 19||

कुमुदः उवाच ।हे देवदेव जगदीश्वर पञ्चवक्त्रविश्वम्भराधरणभूषण भीषणेश ।गौरीमनोरमण सर्वशरण्य शम्भोआतार्य तारण विभो चरणं नतोऽस्मि ॥ २३॥

kumudaḥ uvāca |he devadeva jagadīśvara pañcavaktraviśvambharādharaṇabhūṣaṇa bhīṣaṇeśa |gaurīmanoramaṇa sarvaśaraṇya śambhoātārya tāraṇa vibho caraṇaṃ nato'smi || 23||

अञ्जनः (उवाच)सरसीरुहनाभवेद(वेत्तृ)वन्द्यंस्फुरशम्बरवैरिलाञ्छनार्कम् ।(वरशम्बरवैरिसंहरं हरं तम्) ।भज भज मनसा शिवाधवां त्वंभवहरमभयाय चेतसा त्वम् ॥ २७॥

añjanaḥ (uvāca)sarasīruhanābhaveda(vettṛ)vandyaṃsphuraśambaravairilāñchanārkam |(varaśambaravairisaṃharaṃ haraṃ tam) |bhaja bhaja manasā śivādhavāṃ tvaṃbhavaharamabhayāya cetasā tvam || 27||

पुष्पदन्तः (उवाच)कुरु कुरु करुणां शशधरशिशुधरअतिभयबहुभीतनागलोकरक्षम् ।शशिहुतवहभानुनेत्रमद्रीशप्रियतनयानयनाब्ज भास्करं वन्दे ॥ ३१॥

puṣpadantaḥ (uvāca)kuru kuru karuṇāṃ śaśadharaśiśudharaatibhayabahubhītanāgalokarakṣam |śaśihutavahabhānunetramadrīśapriyatanayānayanābja bhāskaraṃ vande || 31||

सार्वभौमः उवाच ।शङ्गं सङ्गहरं महेशमनधं मातङ्गचर्माम्बरम् ।गङ्गातुङ्गतरङ्गरङ्गित जटाभारं भुजङ्गाङ्गदम् ॥ ३५॥

sārvabhaumaḥ uvāca |śaṅgaṃ saṅgaharaṃ maheśamanadhaṃ mātaṅgacarmāmbaram |gaṅgātuṅgataraṅgaraṅgita jaṭābhāraṃ bhujaṅgāṅgadam || 35||

मधुमथनाक्षपदाम्बुजं महेशं ।भज शम्भुं भवबन्धविमोचनाय ॥ ३६॥

madhumathanākṣapadāmbujaṃ maheśaṃ |bhaja śambhuṃ bhavabandhavimocanāya || 36||

सुप्रतीकः (उवाच)श्रीकालकाल जितसर्वदितिप्रसूतपातालमूलपदखेलन विश्वलील ।पाह्यब्जजाच्युतशचीधवपूजिताङ्घ्रेगौरीमनोहर विलासनिधानशील ॥ ४०॥

supratīkaḥ (uvāca)śrīkālakāla jitasarvaditiprasūtapātālamūlapadakhelana viśvalīla |pāhyabjajācyutaśacīdhavapūjitāṅghregaurīmanohara vilāsanidhānaśīla || 40||

॥ इति शिवरहस्यान्तर्गते अष्टदिग्गजकृता मणिधामलिङ्गस्तुतिः सम्पूर्णा ॥॥ श्रीशिवरहस्यम् । भीमाख्यः अष्टमांशः । अध्यायः ३० । वावृत्तश्लोकाः ॥– ॥ श्रीशिवरहस्यम् । भीमाख्यः अष्टमांशः । अध्यायः ३० । वावृत्तश्लोकाः ॥

|| iti śivarahasyāntargate aṣṭadiggajakṛtā maṇidhāmaliṅgastutiḥ sampūrṇā |||| śrīśivarahasyam | bhīmākhyaḥ aṣṭamāṃśaḥ | adhyāyaḥ 30 | vāvṛttaślokāḥ ||– || śrīśivarahasyam | bhīmākhyaḥ aṣṭamāṃśaḥ | adhyāyaḥ 30 | vāvṛttaślokāḥ ||