सरस्वतीगीतिः Shrisarasvatigitih

श्री गणेशाय नमः ।एहि लसत्सितशतदलवासिनि भारति मामकमास्यम् ।देहि च मे त्वदमरनिकरार्चितपादतले निजदास्यम् ॥ ध्रुवम् ॥ ॥ १॥

śrī gaṇeśāya namaḥ |ehi lasatsitaśatadalavāsini bhārati māmakamāsyam |dehi ca me tvadamaranikarārcitapādatale nijadāsyam || dhruvam || || 1||

जगदघहारिणि मधुरिपुजाये हिमगिरिजित्वरसिततमकाये ।श्रुतिततिसंस्कृतपदकमलादृतमिह भुवि नान्यदुपास्यम् ।भारति मामकमास्यम् ॥ २॥

jagadaghahāriṇi madhuripujāye himagirijitvarasitatamakāye |śrutitatisaṃskṛtapadakamalādṛtamiha bhuvi nānyadupāsyam |bhārati māmakamāsyam || 2||

जडतरजीवनमहह मदीयं श्रुतिविरहान्न हि नृषु गणनीयम् ।निरवधि कृपां कुरुष्व दयामयि व्यपगच्छेन्मम दास्यम् ।भारति मामकमास्यम् ॥ ३॥

jaḍatarajīvanamahaha madīyaṃ śrutivirahānna hi nṛṣu gaṇanīyam |niravadhi kṛpāṃ kuruṣva dayāmayi vyapagacchenmama dāsyam |bhārati māmakamāsyam || 3||

विकसितनीलजलजकुलवासे विहितबृहस्पतिसमनिजदासे ।जननि कृशोदरि मम रसनोपरि विरचय शाश्वतहास्यम् ।भारति मामकमास्यम् ॥ ४॥

vikasitanīlajalajakulavāse vihitabṛhaspatisamanijadāse |janani kṛśodari mama rasanopari viracaya śāśvatahāsyam |bhārati māmakamāsyam || 4||

भवमुखभावितभवदवदानं रचयतु मानसमविरतगानम् ।निपततु ते मयि दृगयि दयामयि किमपरमात्मजभाष्यम् ।भारति मामकमास्यम् ॥ ५॥

bhavamukhabhāvitabhavadavadānaṃ racayatu mānasamaviratagānam |nipatatu te mayi dṛgayi dayāmayi kimaparamātmajabhāṣyam |bhārati māmakamāsyam || 5||

॥ इति श्रीसरस्वतीगीतिः सम्पूर्णम् ॥

|| iti śrīsarasvatīgītiḥ sampūrṇam ||