वाग्देवीस्तवः Shri Vagdevistavah

वादे शक्तिप्रदात्री प्रणतजनततेः सन्ततं सत्सभायांप्रश्नानां दुस्तराणामपि लघु सुसमाधानमाश्वेव वक्तुम् ।वागीशाद्यैः सुराग्र्यैर्विविधफलकृते सन्ततं पूज्यमानावाग्देवी वाञ्छितं मे वितरतु तरसा शृङ्गभूभृन्निवासा ॥ १॥

vāde śaktipradātrī praṇatajanatateḥ santataṃ satsabhāyāṃpraśnānāṃ dustarāṇāmapi laghu susamādhānamāśveva vaktum |vāgīśādyaiḥ surāgryairvividhaphalakṛte santataṃ pūjyamānāvāgdevī vāñchitaṃ me vitaratu tarasā śṛṅgabhūbhṛnnivāsā || 1||

व्याख्यामुद्राक्षमालाकलशसुलिखितै राजदम्भोजपाणिःकाव्यालङ्कारमुख्येष्वपि निशितधियं सर्वशास्त्रेषु तूर्णम् ।मूकेभ्योऽप्यार्द्रचित्ता दिशति करुणया या जवात्सा कृपाब्धिर्वाग्देवी वाञ्छितं मे वितरतु तरसा शृङ्गभूभृन्निवासा ॥ २॥

vyākhyāmudrākṣamālākalaśasulikhitai rājadambhojapāṇiḥkāvyālaṅkāramukhyeṣvapi niśitadhiyaṃ sarvaśāstreṣu tūrṇam |mūkebhyo'pyārdracittā diśati karuṇayā yā javātsā kṛpābdhirvāgdevī vāñchitaṃ me vitaratu tarasā śṛṅgabhūbhṛnnivāsā || 2||

जाड्यध्वान्तार्कपङ्क्तिस्तनुजितरजनीकान्तगर्वागमानांशीर्षैः संस्तूयमाना मुनिवरनिकरैः सन्ततं भक्तिनम्रैः ।कारुण्यापारवारान्निधिरगतनयासिन्धुकन्याभिवाद्यावाग्देवी वाञ्छितं मे वितरतु तरसा शृङ्गभूभृन्निवासा ॥ ३॥

jāḍyadhvāntārkapaṅktistanujitarajanīkāntagarvāgamānāṃśīrṣaiḥ saṃstūyamānā munivaranikaraiḥ santataṃ bhaktinamraiḥ |kāruṇyāpāravārānnidhiragatanayāsindhukanyābhivādyāvāgdevī vāñchitaṃ me vitaratu tarasā śṛṅgabhūbhṛnnivāsā || 3||

इति शृङ्गेरि श्रीजगद्गुरु श्रीसच्चिदानन्दशिवाभिनवनृसिंहभारतीस्वामिभिः विरचितः श्रीवाग्देवीस्तवः सम्पूर्णः ।

iti śṛṅgeri śrījagadguru śrīsaccidānandaśivābhinavanṛsiṃhabhāratīsvāmibhiḥ viracitaḥ śrīvāgdevīstavaḥ sampūrṇaḥ |