पार्वतीपञ्चकम् Parvatipanchakam

श्रीगणेशाय नमः ।विनोदमोदमोदिता दयोदयोज्ज्वलान्तरानिशुम्भशुम्भदम्भदारणे सुदारुणाऽरुणा ।अखण्डगण्डदण्डमुण्डमण्डलीविमण्डिताप्रचण्डचण्डरश्मिरश्मिराशिशोभिता शिवा ॥ १॥

śrīgaṇeśāya namaḥ |vinodamodamoditā dayodayojjvalāntarāniśumbhaśumbhadambhadāraṇe sudāruṇā'ruṇā |akhaṇḍagaṇḍadaṇḍamuṇḍamaṇḍalīvimaṇḍitāpracaṇḍacaṇḍaraśmiraśmirāśiśobhitā śivā || 1||

अमन्दनन्दिनन्दिनी धराधरेन्द्रनन्दिनीप्रतीर्णशीर्णतारिणी सदार्यकार्यकारिणी ।तदन्धकान्तकान्तकप्रियेशकान्तकान्तकामुरारिकामचारिकाममारिधारिणी शिवा ॥ २॥

amandanandinandinī dharādharendranandinīpratīrṇaśīrṇatāriṇī sadāryakāryakāriṇī |tadandhakāntakāntakapriyeśakāntakāntakāmurārikāmacārikāmamāridhāriṇī śivā || 2||

अशेषवेषशून्यदेशभर्तृकेशशोभितागणेशदेवतेशशेषनिर्निमेषवीक्षिता ।जितस्वशिञ्जिताऽलिकुञ्जपुञ्जमञ्जुगुञ्जितासमस्तमस्तकस्थिता निरस्तकामकस्तवा ॥ ३॥

aśeṣaveṣaśūnyadeśabhartṛkeśaśobhitāgaṇeśadevateśaśeṣanirnimeṣavīkṣitā |jitasvaśiñjitā'likuñjapuñjamañjuguñjitāsamastamastakasthitā nirastakāmakastavā || 3||

ससम्भ्रमं भ्रमं भ्रमं भ्रमन्ति मूढमानवामुधाऽबुधाः सुधां विहाय धावमानमानसाः ।अधीनदीनहीनवारिहीनमीनजीवनाददातु शंप्रदाऽनिशं वशंवदार्थमाशिषम् ॥ ४॥

sasambhramaṃ bhramaṃ bhramaṃ bhramanti mūḍhamānavāmudhā'budhāḥ sudhāṃ vihāya dhāvamānamānasāḥ |adhīnadīnahīnavārihīnamīnajīvanādadātu śaṃpradā'niśaṃ vaśaṃvadārthamāśiṣam || 4||

विलोललोचनाञ्चितोचितैश्चिता सदा गुणैर्अपास्यदास्यमेवमास्यहास्यलास्यकारिणी ॥निराश्रयाऽऽश्रयाश्रयेश्वरी सदा वरीयसीकरोतु शं शिवाऽनिशं हि शंकरांकशोभिनी ॥ ५॥

vilolalocanāñcitocitaiścitā sadā guṇairapāsyadāsyamevamāsyahāsyalāsyakāriṇī ||nirāśrayā''śrayāśrayeśvarī sadā varīyasīkarotu śaṃ śivā'niśaṃ hi śaṃkarāṃkaśobhinī || 5||

इति पार्वतीपञ्चकं समाप्तम् ॥

iti pārvatīpañcakaṃ samāptam ||