कार्तवीर्य द्वादशनामस्तोत्रम् Kartavirya Dvadashanama Stotram

कार्तवीर्यार्जुनो नाम राजा बाहुसहस्रवान् ।तस्य स्मरणमात्रेण गतं नष्टं च लभ्यते ॥ १॥

kārtavīryārjuno nāma rājā bāhusahasravān |tasya smaraṇamātreṇa gataṃ naṣṭaṃ ca labhyate || 1||

कार्तवीर्यः खलद्वेषी कृतवीर्यसुतो बली ।सहस्रबाहुः शत्रुघ्नो रक्तवासा धनुर्धरः ॥ २॥

kārtavīryaḥ khaladveṣī kṛtavīryasuto balī |sahasrabāhuḥ śatrughno raktavāsā dhanurdharaḥ || 2||

रक्तगन्धो रक्तमाल्यो राजा स्मर्तुरभीष्टदः ।द्वादशैतानि नामानि कार्तवीर्यस्य यः पठेत् ॥ ३॥

raktagandho raktamālyo rājā smarturabhīṣṭadaḥ |dvādaśaitāni nāmāni kārtavīryasya yaḥ paṭhet || 3||

सम्पदस्तत्र जायन्ते जनस्तत्र वशं गतः ।आनयत्याशु दूरस्थं क्षेमलाभयुतं प्रियम् ॥ ४॥

sampadastatra jāyante janastatra vaśaṃ gataḥ |ānayatyāśu dūrasthaṃ kṣemalābhayutaṃ priyam || 4||

कार्तवीर्य महाबाहो सर्वदिष्टविबर्हण ।सर्वं रक्ष सदा तिष्ठ दुष्टान्नाशय पाहि माम् ॥ ५॥

kārtavīrya mahābāho sarvadiṣṭavibarhaṇa |sarvaṃ rakṣa sadā tiṣṭha duṣṭānnāśaya pāhi mām || 5||

सहस्रबाहुसशरं महितंसचापं रक्ताम्बरं रक्तकिरीटकुण्डलम् ।चोरादिदुष्टभयनाशं इष्टदं तंध्यायेत् महाबलविजृम्भितकार्तवीर्यम् ॥ ६॥

sahasrabāhusaśaraṃ mahitaṃsacāpaṃ raktāmbaraṃ raktakirīṭakuṇḍalam |corādiduṣṭabhayanāśaṃ iṣṭadaṃ taṃdhyāyet mahābalavijṛmbhitakārtavīryam || 6||

यस्य स्मरणमात्रेण सर्वदुःखक्षयो भवेत् ।यन्नामानि महावीर्यश्चार्जुनः कृतवीर्यवान् ॥ ७॥

yasya smaraṇamātreṇa sarvaduḥkhakṣayo bhavet |yannāmāni mahāvīryaścārjunaḥ kṛtavīryavān || 7||

हैहयाधिपतेः स्तोत्रं सहस्रावृत्तिकारितम् ।वाञ्चितार्थप्रदं नृणां स्वराज्यं सुकृतं यदि ॥ ८॥

haihayādhipateḥ stotraṃ sahasrāvṛttikāritam |vāñcitārthapradaṃ nṛṇāṃ svarājyaṃ sukṛtaṃ yadi || 8||

॥ इति कार्तवीर्य द्वादशनाम स्तोत्रम् ॥

|| iti kārtavīrya dvādaśanāma stotram ||