अष्टदिक्पालस्तुतिः रङ्गनाथसूरिविरचिता) Ashtadikpala Stuti

तत्रादौ विधातारं प्रति प्रणामःआरूढं स्कन्धदेशं मृदुसितविपुलं राजहंसस्य यूनोभारत्यान्वास्यमानं सनकमुखमहायोगिवृन्दैरमन्दैः ।श्रीमत्तत्त्वावबोधे विनिहितमतिभिः सेव्यमानं विरिञ्चिंसेवे प्रस्थानकालोचितनवविजयश्रेयसे भूयसे नः ॥ १॥

tatrādau vidhātāraṃ prati praṇāmaḥārūḍhaṃ skandhadeśaṃ mṛdusitavipulaṃ rājahaṃsasya yūnobhāratyānvāsyamānaṃ sanakamukhamahāyogivṛndairamandaiḥ |śrīmattattvāvabodhe vinihitamatibhiḥ sevyamānaṃ viriñciṃseve prasthānakālocitanavavijayaśreyase bhūyase naḥ || 1||

वासवं प्रति प्रणामःसार्धं शच्याधिरूढं धवलघनतनुं नागमैरावताख्यंदम्भोलिं दैत्यदम्भप्रशमनमुरुदोस्तम्भदेशे दधानम् ।रम्भाद्याधृतवालव्यजनजपवनाङ्कूरलोलांशुकाग्रंसेवे नाकाधिनाथं सपदि बहुविधश्रेयसे भूयसे नः ॥ २॥

vāsavaṃ prati praṇāmaḥsārdhaṃ śacyādhirūḍhaṃ dhavalaghanatanuṃ nāgamairāvatākhyaṃdambholiṃ daityadambhapraśamanamurudostambhadeśe dadhānam |rambhādyādhṛtavālavyajanajapavanāṅkūralolāṃśukāgraṃseve nākādhināthaṃ sapadi bahuvidhaśreyase bhūyase naḥ || 2||

अग्निं प्रति प्रणामःआसीनं लोहितांसे मणिफलकनिभे स्वाहया छाययेवज्वालैः स्वैः सप्तसङ्ख्यैः प्रशमिततिमिरं काममष्टासु दिक्षु ।शक्तिं व्यक्तौजसं स्वां रिपुमददमने धारयन्तं कराग्रेसेवे वैश्वानरं तं सपदि बहुविधश्रेयसे भूयसे नः ॥ ३॥

agniṃ prati praṇāmaḥāsīnaṃ lohitāṃse maṇiphalakanibhe svāhayā chāyayevajvālaiḥ svaiḥ saptasaṅkhyaiḥ praśamitatimiraṃ kāmamaṣṭāsu dikṣu |śaktiṃ vyaktaujasaṃ svāṃ ripumadadamane dhārayantaṃ karāgreseve vaiśvānaraṃ taṃ sapadi bahuvidhaśreyase bhūyase naḥ || 3||

यमं प्रति प्रणामःसाकं प्राकम्पमाने गिरिशिखर इव श्यामला भिख्यदेव्याऽदम्रे विभ्राजमानं महिषकुलपतौ सेव्यमानं च दूतैः ।दण्डं ब्रह्माण्डभाण्डोद्दलनपटुतरं बाहुदण्डे दधानंसेवे धर्माभिधं तं सुरमिह विविधश्रेयसे भूयसे नः ॥ ४॥

yamaṃ prati praṇāmaḥsākaṃ prākampamāne giriśikhara iva śyāmalā bhikhyadevyā'damre vibhrājamānaṃ mahiṣakulapatau sevyamānaṃ ca dūtaiḥ |daṇḍaṃ brahmāṇḍabhāṇḍoddalanapaṭutaraṃ bāhudaṇḍe dadhānaṃseve dharmābhidhaṃ taṃ suramiha vividhaśreyase bhūyase naḥ || 4||

निरृतिं प्रति प्रणामःतुङ्गत्वङ्गत्तुरङ्गं गतिरयविजितस्वान्तवाताण्डजेशंदीर्घादेव्याधिरूढं करभुवि निशितप्रान्तकुन्तं वहन्तम् ।राजानं नैरृतानां परिवृतमभितो यातुधानप्रधानैःसेवे प्रस्थानकालोचितनवविजयश्रेयसे भूयसे नः ॥ ५॥

nirṛtiṃ prati praṇāmaḥtuṅgatvaṅgatturaṅgaṃ gatirayavijitasvāntavātāṇḍajeśaṃdīrghādevyādhirūḍhaṃ karabhuvi niśitaprāntakuntaṃ vahantam |rājānaṃ nairṛtānāṃ parivṛtamabhito yātudhānapradhānaiḥseve prasthānakālocitanavavijayaśreyase bhūyase naḥ || 5||

वरुणं प्रति प्रणामःदेव्याः श्रीकालिकाया भुजशिखरयुगव्यापृतोदग्रबाहुंयानं मातङ्गयानं मकरमधिगतं वैरिनाशाय पाशम् ।आबिभ्राणं कराग्रे जलचर निवहैः सेव्यमानं जलेशंसेवे प्रस्थानकालोचितनवविविधश्रेयसे भूयसे नः ॥ ६॥

varuṇaṃ prati praṇāmaḥdevyāḥ śrīkālikāyā bhujaśikharayugavyāpṛtodagrabāhuṃyānaṃ mātaṅgayānaṃ makaramadhigataṃ vairināśāya pāśam |ābibhrāṇaṃ karāgre jalacara nivahaiḥ sevyamānaṃ jaleśaṃseve prasthānakālocitanavavividhaśreyase bhūyase naḥ || 6||

वायुदेवं प्रति प्रणामःविद्यामध्येतुकामं किल रभसगतैः सन्निकृष्टं कुरङ्गंसम्प्राप्तं यानमङ्काश्रयणकुतुकिनीमञ्जनां रञ्जयन्तम् ।पाणौ कुर्वाणमुच्चैर्ध्वजमपि च जगत्प्राणभूतं समीरंसेवे प्रस्थानकालोचितनवविजयश्रेयसे भूयसे नः ॥ ७॥

vāyudevaṃ prati praṇāmaḥvidyāmadhyetukāmaṃ kila rabhasagataiḥ sannikṛṣṭaṃ kuraṅgaṃsamprāptaṃ yānamaṅkāśrayaṇakutukinīmañjanāṃ rañjayantam |pāṇau kurvāṇamuccairdhvajamapi ca jagatprāṇabhūtaṃ samīraṃseve prasthānakālocitanavavijayaśreyase bhūyase naḥ || 7||

कुबेरं प्रति प्रणामःसानन्दं चित्रलेखां विविधमणिमयैर्भूषणैर्भूषिताङ्गींनिध्यायन्तं नितान्तं करतलकलितोद्दामकौक्षेयकं च ।आरूढं यानमुच्चैर्नरमपि धनदं किन्नरोपास्यमानंसेवे प्रस्थानकालोचितनवविजयश्रेयसे भूयसे नः ॥ ८॥

kuberaṃ prati praṇāmaḥsānandaṃ citralekhāṃ vividhamaṇimayairbhūṣaṇairbhūṣitāṅgīṃnidhyāyantaṃ nitāntaṃ karatalakalitoddāmakaukṣeyakaṃ ca |ārūḍhaṃ yānamuccairnaramapi dhanadaṃ kinnaropāsyamānaṃseve prasthānakālocitanavavijayaśreyase bhūyase naḥ || 8||

ईशानं प्रति प्रणामःअन्यं सञ्चारशीलं रजतगिरिमिव श्वेतमानं समन्ताद्अध्यारूढं महोक्षं तुहिनगिरिसुताश्लेषदत्तावधानम् ।सेनानीविघ्नराजप्रमथगणशतैः सेवितं शूलपाणिंसेवे प्रस्थानकालोचितनवमहितश्रेयसे भूयसे नः ॥ ९॥

īśānaṃ prati praṇāmaḥanyaṃ sañcāraśīlaṃ rajatagirimiva śvetamānaṃ samantādadhyārūḍhaṃ mahokṣaṃ tuhinagirisutāśleṣadattāvadhānam |senānīvighnarājapramathagaṇaśataiḥ sevitaṃ śūlapāṇiṃseve prasthānakālocitanavamahitaśreyase bhūyase naḥ || 9||

स्तुतिपठनफलंइति कौशिकरङ्गनाथकॢप्तां सुरनाथस्तुतिमन्वहं पठन् सन् ।लभते परमां श्रियं धरायामिह तेषां कृपया विधूतदोषः ॥ १०॥

stutipaṭhanaphalaṃiti kauśikaraṅganāthakḷptāṃ suranāthastutimanvahaṃ paṭhan san |labhate paramāṃ śriyaṃ dharāyāmiha teṣāṃ kṛpayā vidhūtadoṣaḥ || 10||

इति (कौशिक) रङ्गनाथसूरिविरचिता श्री अष्टदिक्पालस्तुतिः समाप्ता ।स्तोत्रसमुच्चयः २ (८९)

iti (kauśika) raṅganāthasūriviracitā śrī aṣṭadikpālastutiḥ samāptā |stotrasamuccayaḥ 2 (89)