बुधाष्टोत्तरशतनामस्तोत्रम् Shri Budha Ashtottarashatanama Stotram

बुध बीज मन्त्र ॐ ब्राँ ब्रीं ब्रौं सः बुधाय नमः ॥बुधो बुधार्चितः सौम्यः सौम्यचित्तः शुभप्रदः ।दृढव्रतो दृढबल श्रुतिजालप्रबोधकः ॥ १॥

budha bīja mantra oṃ brām̐ brīṃ brauṃ saḥ budhāya namaḥ ||budho budhārcitaḥ saumyaḥ saumyacittaḥ śubhapradaḥ |dṛḍhavrato dṛḍhabala śrutijālaprabodhakaḥ || 1||

सत्यवासः सत्यवचा श्रेयसाम्पतिरव्ययः ।सोमजः सुखदः श्रीमान् सोमवंशप्रदीपकः ॥ २॥

satyavāsaḥ satyavacā śreyasāmpatiravyayaḥ |somajaḥ sukhadaḥ śrīmān somavaṃśapradīpakaḥ || 2||

वेदविद्वेदतत्त्वज्ञो वेदान्तज्ञानभास्करः ।विद्याविचक्षण विदुर् विद्वत्प्रीतिकरो ऋजः ॥ ३॥

vedavidvedatattvajño vedāntajñānabhāskaraḥ |vidyāvicakṣaṇa vidur vidvatprītikaro ṛjaḥ || 3||

विश्वानुकूलसञ्चारी विशेषविनयान्वितः ।विविधागमसारज्ञो वीर्यवान् विगतज्वरः ॥ ४॥

viśvānukūlasañcārī viśeṣavinayānvitaḥ |vividhāgamasārajño vīryavān vigatajvaraḥ || 4||

त्रिवर्गफलदोऽनन्तः त्रिदशाधिपपूजितः ।बुद्धिमान् बहुशास्त्रज्ञो बली बन्धविमोचकः ॥ ५॥

trivargaphalado'nantaḥ tridaśādhipapūjitaḥ |buddhimān bahuśāstrajño balī bandhavimocakaḥ || 5||

वक्रातिवक्रगमनो वासवो वसुधाधिपः ।प्रसादवदनो वन्द्यो वरेण्यो वाग्विलक्षणः ॥ ६॥

vakrātivakragamano vāsavo vasudhādhipaḥ |prasādavadano vandyo vareṇyo vāgvilakṣaṇaḥ || 6||

सत्यवान् सत्यसंकल्पः सत्यबन्धिः सदादरः ।सर्वरोगप्रशमनः सर्वमृत्युनिवारकः ॥ ७॥

satyavān satyasaṃkalpaḥ satyabandhiḥ sadādaraḥ |sarvarogapraśamanaḥ sarvamṛtyunivārakaḥ || 7||

वाणिज्यनिपुणो वश्यो वातांगी वातरोगहृत् ।स्थूलः स्थैर्यगुणाध्यक्षः स्थूलसूक्ष्मादिकारणः ॥ ८॥

vāṇijyanipuṇo vaśyo vātāṃgī vātarogahṛt |sthūlaḥ sthairyaguṇādhyakṣaḥ sthūlasūkṣmādikāraṇaḥ || 8||

अप्रकाशः प्रकाशात्मा घनो गगनभूषणः ।विधिस्तुत्यो विशालाक्षो विद्वज्जनमनोहरः ॥ ९॥

aprakāśaḥ prakāśātmā ghano gaganabhūṣaṇaḥ |vidhistutyo viśālākṣo vidvajjanamanoharaḥ || 9||

चारुशीलः स्वप्रकाशो चपलश्च जितेन्द्रियः ।उदऽग्मुखो मखासक्तो मगधाधिपतिर्हरः ॥ १०॥

cāruśīlaḥ svaprakāśo capalaśca jitendriyaḥ |uda'gmukho makhāsakto magadhādhipatirharaḥ || 10||

सौम्यवत्सरसञ्जातः सोमप्रियकरः सुखी ।सिंहाधिरूढः सर्वज्ञः शिखिवर्णः शिवंकरः ॥ ११॥

saumyavatsarasañjātaḥ somapriyakaraḥ sukhī |siṃhādhirūḍhaḥ sarvajñaḥ śikhivarṇaḥ śivaṃkaraḥ || 11||

पीताम्बरो पीतवपुः पीतच्छत्रध्वजांकितः ।खड्गचर्मधरः कार्यकर्ता कलुषहारकः ॥ १२॥

pītāmbaro pītavapuḥ pītacchatradhvajāṃkitaḥ |khaḍgacarmadharaḥ kāryakartā kaluṣahārakaḥ || 12||

आत्रेयगोत्रजोऽत्यन्तविनयो विश्वपावनः ।चाम्पेयपुष्पसंकाशः चारणः चारुभूषणः ॥ १३॥

ātreyagotrajo'tyantavinayo viśvapāvanaḥ |cāmpeyapuṣpasaṃkāśaḥ cāraṇaḥ cārubhūṣaṇaḥ || 13||

वीतरागो वीतभयो विशुद्धकनकप्रभः ।बन्धुप्रियो बन्धयुक्तो वनमण्डलसंश्रितः ॥ १४॥

vītarāgo vītabhayo viśuddhakanakaprabhaḥ |bandhupriyo bandhayukto vanamaṇḍalasaṃśritaḥ || 14||

अर्केशानप्रदेषस्थः तर्कशास्त्रविशारदः ।प्रशान्तः प्रीतिसंयुक्तः प्रियकृत् प्रियभाषणः ॥ १५॥

arkeśānapradeṣasthaḥ tarkaśāstraviśāradaḥ |praśāntaḥ prītisaṃyuktaḥ priyakṛt priyabhāṣaṇaḥ || 15||

मेधावी माधवासक्तो मिथुनाधिपतिः सुधीः ।कन्याराशिप्रियः कामप्रदो घनफलाश्रयः ॥ १६॥

medhāvī mādhavāsakto mithunādhipatiḥ sudhīḥ |kanyārāśipriyaḥ kāmaprado ghanaphalāśrayaḥ || 16||

बुधस्येवम्प्रकारेण नाम्नामष्टोत्तरं शतम् ।सम्पूज्य विधिवत्कर्ता सर्वान्कामानवाप्नुयात् ॥ १७॥

budhasyevamprakāreṇa nāmnāmaṣṭottaraṃ śatam |sampūjya vidhivatkartā sarvānkāmānavāpnuyāt || 17||

॥ इति बुध अष्टोत्तरशतनामस्तोत्रम् ॥

|| iti budha aṣṭottaraśatanāmastotram ||