ललिताष्टकम् अथवा श्रीललिताप्रणामस्तोत्रम् Shri Lalitashtakam

श्रीललिताप्रणामस्तोत्रम्श्रीललिताय नमः ।राधामुकुन्द पदसम्भवघर्मबिन्दुनिर्मञ्छनोपकरणीकृत देहलक्षाम् ।उत्तुङ्गसौहृदविशेषवशात् प्रगल्भांदेवीं गुणैः सुललितां ललितां नमामि ॥ १॥

śrīlalitāpraṇāmastotramśrīlalitāya namaḥ |rādhāmukunda padasambhavagharmabindunirmañchanopakaraṇīkṛta dehalakṣām |uttuṅgasauhṛdaviśeṣavaśāt pragalbhāṃdevīṃ guṇaiḥ sulalitāṃ lalitāṃ namāmi || 1||

राकासुधाकिरणमण्डलकान्तिदण्डिवक्त्रश्रियं चकितचारू चमूरुनेत्राम् ।राधाप्रसाधनविधानकलाप्रसिद्धांदेवीं गुणैः सुललितां ललितां नमामि ॥ २॥

rākāsudhākiraṇamaṇḍalakāntidaṇḍivaktraśriyaṃ cakitacārū camūrunetrām |rādhāprasādhanavidhānakalāprasiddhāṃdevīṃ guṇaiḥ sulalitāṃ lalitāṃ namāmi || 2||

लास्योल्लसद्भुजगशत्रुपतत्रचित्रपट्टांशुकाभरणकञ्चुलिकाञ्चिताङ्गीम् ।गोरोचनारुचिविगर्हण गौरिमाणंदेवीं गुणैः सुललितां ललितां नमामि ॥ ३॥

lāsyollasadbhujagaśatrupatatracitrapaṭṭāṃśukābharaṇakañculikāñcitāṅgīm |gorocanārucivigarhaṇa gaurimāṇaṃdevīṃ guṇaiḥ sulalitāṃ lalitāṃ namāmi || 3||

धूर्ते व्रजेन्द्रतनये तनु सुष्ठुवाम्यंमा दक्षिणा भाव कलङ्किनि लाघवाय ।राधे गिरं शृणु हितामिति शिक्षयन्तींदेवीं गुणैः सुललितां ललितां नमामि ॥ ४॥

dhūrte vrajendratanaye tanu suṣṭhuvāmyaṃmā dakṣiṇā bhāva kalaṅkini lāghavāya |rādhe giraṃ śṛṇu hitāmiti śikṣayantīṃdevīṃ guṇaiḥ sulalitāṃ lalitāṃ namāmi || 4||

राधामभिव्रजपतेः कृतमात्मजेनकूटं मनागपि विलोक्य विलोहिताक्षीम् ।वाग्भङ्गिभिस्तमचिरेण विलज्जयन्तींदेवीं गुणैः सुललितां ललितां नमामि ॥ ५॥

rādhāmabhivrajapateḥ kṛtamātmajenakūṭaṃ manāgapi vilokya vilohitākṣīm |vāgbhaṅgibhistamacireṇa vilajjayantīṃdevīṃ guṇaiḥ sulalitāṃ lalitāṃ namāmi || 5||

वात्सल्यवृन्दवसतिं पशुपालराज्ञ्याःसख्यानुशिक्षणकलासु गुरुं सखीनाम् ।राधाबलावरज जीवितनिर्विशेषांदेवीं गुणैः सुललितां ललितां नमामि ॥ ६॥

vātsalyavṛndavasatiṃ paśupālarājñyāḥsakhyānuśikṣaṇakalāsu guruṃ sakhīnām |rādhābalāvaraja jīvitanirviśeṣāṃdevīṃ guṇaiḥ sulalitāṃ lalitāṃ namāmi || 6||

यां कामपि व्रजकुले वृषभानुजायाःप्रेक्ष्य स्वपक्षपदवीमनुरुद्।ह्ध्यमानाम् ।सद्यस्तदिष्टघटनेन कृतार्थयन्तींदेवीं गुणैः सुललितां ललितां नमामि ॥ ७॥

yāṃ kāmapi vrajakule vṛṣabhānujāyāḥprekṣya svapakṣapadavīmanurud|hdhyamānām |sadyastadiṣṭaghaṭanena kṛtārthayantīṃdevīṃ guṇaiḥ sulalitāṃ lalitāṃ namāmi || 7||

राधाव्रजेन्द्रसुतसङ्गमरङ्गचर्यांवर्यां विनिश्चितवतीमखिलोत्सवेभ्यः ।तां गोकुलप्रियसखीनिकुरम्बमुख्यांदेवीं गुणैः सुललितां ललितां नमामि ॥ ८॥

rādhāvrajendrasutasaṅgamaraṅgacaryāṃvaryāṃ viniścitavatīmakhilotsavebhyaḥ |tāṃ gokulapriyasakhīnikurambamukhyāṃdevīṃ guṇaiḥ sulalitāṃ lalitāṃ namāmi || 8||

नन्दनमूनि ललितागुणलालितानिपद्यानि यः पठति निर्मलदृष्टिरष्टौ ।प्रीत्या विकर्षति जनं निजवृन्दमध्येतं कीर्तिदापतिकुलोज्ज्वलकल्पवल्ली ॥ ९॥

nandanamūni lalitāguṇalālitānipadyāni yaḥ paṭhati nirmaladṛṣṭiraṣṭau |prītyā vikarṣati janaṃ nijavṛndamadhyetaṃ kīrtidāpatikulojjvalakalpavallī || 9||

इति श्रीरूपगोस्वामिविरचितस्तवमालायां श्रीललिताष्टकंश्रीललिताप्रणामस्तोत्रं सम्पूर्णम् ।

iti śrīrūpagosvāmiviracitastavamālāyāṃ śrīlalitāṣṭakaṃśrīlalitāpraṇāmastotraṃ sampūrṇam |