निस्वीयानिशतद्वयनामरूपाणि Dakshaprajapataye Mahalakshmyuktani Sviyani Shatadvayanamarupani

श्रीपुरुषोत्तम उवाच ।शृणु नारायणीश्रि त्वं पुरा दक्षेण वन्दिता ।प्राकट्यानि ललिताया लक्ष्म्योश्चोक्तवती स्वयम् ॥ १॥

śrīpuruṣottama uvāca |śṛṇu nārāyaṇīśri tvaṃ purā dakṣeṇa vanditā |prākaṭyāni lalitāyā lakṣmyoścoktavatī svayam || 1||

दक्षः पप्रच्छ मातस्ते प्राकट्यान्यत्र भूतले ।कानि कुत्र च वर्तन्ते वर्त्स्यन्ते तानि मे वद ॥ २॥

dakṣaḥ papraccha mātaste prākaṭyānyatra bhūtale |kāni kutra ca vartante vartsyante tāni me vada || 2||

यत्पूजाबलतश्चाऽहं विघ्नान् विनाशये सदा ।ग्रहदोषान् कर्मदोषान् विनाशये तवाऽर्हणात् ॥ ३॥

yatpūjābalataścā'haṃ vighnān vināśaye sadā |grahadoṣān karmadoṣān vināśaye tavā'rhaṇāt || 3||

तदा त्वं निजपूजायाः फलं चोक्तवती शुभम् ।ललिताख्यमहालक्ष्म्याः पूजकस्याऽशुभानि वै ॥ ४॥

tadā tvaṃ nijapūjāyāḥ phalaṃ coktavatī śubham |lalitākhyamahālakṣmyāḥ pūjakasyā'śubhāni vai || 4||

विनङ्क्ष्यन्ति न सन्देहो मम पूजाप्रकारिणः ।यानि यानि स्वरूपाणि यत्र यत्र भवन्ति च ॥ ५॥

vinaṅkṣyanti na sandeho mama pūjāprakāriṇaḥ |yāni yāni svarūpāṇi yatra yatra bhavanti ca || 5||

तानि वक्ष्यामि ते दक्षप्रजापते निशामय ।अहं त्वक्षरधामस्था श्रीदेवी पुरुषोत्तमौ ॥ ६॥

tāni vakṣyāmi te dakṣaprajāpate niśāmaya |ahaṃ tvakṣaradhāmasthā śrīdevī puruṣottamau || 6||

अनादिश्रीकृष्णनारायणी श्रीपरमेश्वरी ।ब्रह्ममुक्तानिका ब्राह्मी कार्ष्णी नारायणी रमा ॥ ७॥

anādiśrīkṛṣṇanārāyaṇī śrīparameśvarī |brahmamuktānikā brāhmī kārṣṇī nārāyaṇī ramā || 7||

वासुदेवी च वैराजी हिरण्या हरिणी प्रभा ।महालक्ष्मीः कम्भराश्रीर्ललिता कमला चला ॥ ८॥

vāsudevī ca vairājī hiraṇyā hariṇī prabhā |mahālakṣmīḥ kambharāśrīrlalitā kamalā calā || 8||

ईश्वरी वैष्णवी चान्द्री हिरण्मयी च देवता ।आर्षी सिद्धा योगिनी च साध्वी सती पतिव्रता ॥ ९॥

īśvarī vaiṣṇavī cāndrī hiraṇmayī ca devatā |ārṣī siddhā yoginī ca sādhvī satī pativratā || 9||

प्रभ्वी धामा जया भौमी महेशी भूर्नरायणी ।पाशवती च माणिक्या मारूपा श्रीहरिप्रिया ॥ १०॥

prabhvī dhāmā jayā bhaumī maheśī bhūrnarāyaṇī |pāśavatī ca māṇikyā mārūpā śrīharipriyā || 10||

दुःखहा शिवराज्ञीश्री कृष्णनारायणी सती ।ब्रह्मप्रिया ब्रह्मधाम्नि महालक्ष्मीश्च श्रीपुरे ॥ ११॥

duḥkhahā śivarājñīśrī kṛṣṇanārāyaṇī satī |brahmapriyā brahmadhāmni mahālakṣmīśca śrīpure || 11||

लक्ष्मीः कुङ्कुमवाप्यां च महालक्ष्मीस्तु रैवते ।व्याघ्रेश्वरी माहिषे च गोकर्णे धेनुकर्णिका ॥ १२॥

lakṣmīḥ kuṅkumavāpyāṃ ca mahālakṣmīstu raivate |vyāghreśvarī māhiṣe ca gokarṇe dhenukarṇikā || 12||

सन्तुष्टा चाक्षरे क्षेत्रे चमत्कारे तु माधवी ।वाराणस्यां विशालाक्षी नैमिषे लिङ्गधारिणी ॥ १३॥

santuṣṭā cākṣare kṣetre camatkāre tu mādhavī |vārāṇasyāṃ viśālākṣī naimiṣe liṅgadhāriṇī || 13||

प्रयागे ललिता चास्मि कामाक्षी गन्धमादने ।मानसे कुमुदा देवी विश्वकाया चिदम्बरे ॥ १४॥

prayāge lalitā cāsmi kāmākṣī gandhamādane |mānase kumudā devī viśvakāyā cidambare || 14||

गोमन्ते गोमतीनाम्नी मन्दराद्रौ तु कामगा ।मदोत्कटा चैत्ररथे जयन्ती वारहाह्वये ॥ १५॥

gomante gomatīnāmnī mandarādrau tu kāmagā |madotkaṭā caitrarathe jayantī vārahāhvaye || 15||

गौरीनाम्नी कान्यकुब्जे रम्भा तु मलयाचले ।एकाम्रके कीर्तिमती विश्वा विश्वेश्वरेऽस्मि च ॥ १६॥

gaurīnāmnī kānyakubje rambhā tu malayācale |ekāmrake kīrtimatī viśvā viśveśvare'smi ca || 16||

पुष्करे पुरुहूताऽस्मि केदारे मार्गदाऽस्मि च ।हिमाचले च नन्दाऽस्मि बिल्वके बिल्वपत्रिका ॥ १७॥

puṣkare puruhūtā'smi kedāre mārgadā'smi ca |himācale ca nandā'smi bilvake bilvapatrikā || 17||

स्थानेश्वरे भवान्यस्मि श्रीशैले पद्मिनी सदा ।भद्रा भद्रेश्वरे चास्मि जया वाराहपर्वते ॥ १८॥

sthāneśvare bhavānyasmi śrīśaile padminī sadā |bhadrā bhadreśvare cāsmi jayā vārāhaparvate || 18||

कामला कमलाभूमौ रौद्री च रुद्रकोटिके ।काली कालञ्जरे चाऽस्मि मर्कोटे मुकुटेश्वरी ॥ १९॥

kāmalā kamalābhūmau raudrī ca rudrakoṭike |kālī kālañjare cā'smi markoṭe mukuṭeśvarī || 19||

महालिङ्गे कपिलाऽस्मि शिवलिङ्गे जलप्रिया ।शालग्रामे महादेवी मायापुर्यां कुमारिका ॥ २०॥

mahāliṅge kapilā'smi śivaliṅge jalapriyā |śālagrāme mahādevī māyāpuryāṃ kumārikā || 20||

सन्ताने काञ्चिकापुर्यां ललिता दुर्गपत्तने ।उत्पलाक्षी सहस्राक्षे कलमाक्षे महोत्पला ॥ २१॥

santāne kāñcikāpuryāṃ lalitā durgapattane |utpalākṣī sahasrākṣe kalamākṣe mahotpalā || 21||

गङ्गायां मङ्गला दुर्गा विमला पुरुषोत्तमे ।विपाशायाममोघाक्षी पाटला पुण्ड्रवर्धने ॥ २२॥

gaṅgāyāṃ maṅgalā durgā vimalā puruṣottame |vipāśāyāmamoghākṣī pāṭalā puṇḍravardhane || 22||

नारायणी सुपार्श्वेऽस्मि विकूटे भद्रसुन्दरी ।विपुले विपुलानाम्नी कल्याणी मलयाचले ॥ २३॥

nārāyaṇī supārśve'smi vikūṭe bhadrasundarī |vipule vipulānāmnī kalyāṇī malayācale || 23||

कोटितीर्थे कोटवी च सुगन्धा माधवे वने ।कुब्जाम्रके त्रिसन्ध्याऽस्मि गङ्गाद्वारे रतिप्रिया ॥ २४॥

koṭitīrthe koṭavī ca sugandhā mādhave vane |kubjāmrake trisandhyā'smi gaṅgādvāre ratipriyā || 24||

शिवकुण्डे सुनन्दाऽस्मि नन्दिनी देविकातटे ।रुक्मवर्णा द्वारवत्यां राधा वृन्दावनेऽस्मि च ॥ २५॥

śivakuṇḍe sunandā'smi nandinī devikātaṭe |rukmavarṇā dvāravatyāṃ rādhā vṛndāvane'smi ca || 25||

मधुरायां देवकन्या पाताले परमेश्वरी ।चित्रकूटे तु सीताऽस्मि विन्ध्ये विन्ध्याचली तथा ॥ २६॥

madhurāyāṃ devakanyā pātāle parameśvarī |citrakūṭe tu sītā'smi vindhye vindhyācalī tathā || 26||

सह्याद्रावेकवीराऽस्मि हर्मचन्द्रे तु चन्द्रिका ।रमणा रामतीर्थेऽस्मि यमुनायां मृगावती ॥ २७॥

sahyādrāvekavīrā'smi harmacandre tu candrikā |ramaṇā rāmatīrthe'smi yamunāyāṃ mṛgāvatī || 27||

करवीरे महालक्ष्मीरुमादेवी विनायके ।अरोमा वैजनाथेऽस्मि महाकाले महेश्वरी ॥ २८॥

karavīre mahālakṣmīrumādevī vināyake |aromā vaijanāthe'smi mahākāle maheśvarī || 28||

अभयाऽस्मि चोष्णतीर्थे अमृता विन्ध्यकन्दरे ।माण्डव्ये माण्डवीनाम्नी स्वाहा माहेश्वरे पुरे ॥ २९॥

abhayā'smi coṣṇatīrthe amṛtā vindhyakandare |māṇḍavye māṇḍavīnāmnī svāhā māheśvare pure || 29||

छागलेऽस्मि प्रचण्डाऽहं चण्डिका मकरन्दके ।सोमेश्वरे वरारोहा प्रभासे पुष्करावती ॥ ३०॥

chāgale'smi pracaṇḍā'haṃ caṇḍikā makarandake |someśvare varārohā prabhāse puṣkarāvatī || 30||

सरस्वत्यां देवमाता पारा पारातटेऽस्मि च ।महालये महाभागा पयोष्ण्यां पिङ्गलेश्वरी ॥ ३१॥

sarasvatyāṃ devamātā pārā pārātaṭe'smi ca |mahālaye mahābhāgā payoṣṇyāṃ piṅgaleśvarī || 31||

सिंहारण्ये सिंहिकाऽस्मि कार्तिकेये यशस्करी ।उत्पलावर्तके लोला सुभद्रा शोणसङ्गमे ॥ ३२॥

siṃhāraṇye siṃhikā'smi kārtikeye yaśaskarī |utpalāvartake lolā subhadrā śoṇasaṅgame || 32||

माता लक्ष्मीः सिद्धपुरे अङ्गना पुलहाश्रमे ।जालन्धरे विश्वमुखी तारा किष्किन्धपर्वते ॥ ३३॥

mātā lakṣmīḥ siddhapure aṅganā pulahāśrame |jālandhare viśvamukhī tārā kiṣkindhaparvate || 33||

देवदारुवने पुष्टिर्मेधा काश्मिरमण्डले ।हिमाद्रौ भीमिकादेवी पुष्टिर्विश्वेश्वरेऽस्मि च ॥ ३४॥

devadāruvane puṣṭirmedhā kāśmiramaṇḍale |himādrau bhīmikādevī puṣṭirviśveśvare'smi ca || 34||

कपालमोचने शुद्धिर्माता कायावरोहणे ।शङ्खोद्धारे धरादेवी धृतिः पिण्डारकेऽस्मि च ॥ ३५॥

kapālamocane śuddhirmātā kāyāvarohaṇe |śaṅkhoddhāre dharādevī dhṛtiḥ piṇḍārake'smi ca || 35||

माणिक्याऽऽनर्तके नारायणीश्रीरस्मि नागरे ।कालाऽस्मि चन्द्रभागायामच्छोदे शिवकारिणी ॥ ३६॥

māṇikyā''nartake nārāyaṇīśrīrasmi nāgare |kālā'smi candrabhāgāyāmacchode śivakāriṇī || 36||

वेणायाममृतानाम्नी बदर्यामुर्वशी तथा ।ओषधिश्चोत्तरकुरौ कुशद्वीपे कुशोदका ॥ ३७॥

veṇāyāmamṛtānāmnī badaryāmurvaśī tathā |oṣadhiścottarakurau kuśadvīpe kuśodakā || 37||

मन्मथा हेमकूटे तु मुकुटे सत्यवादिनी ।अश्वत्थे वन्दनीयास्मि निधिश्च श्रवणालये ॥ ३८॥

manmathā hemakūṭe tu mukuṭe satyavādinī |aśvatthe vandanīyāsmi nidhiśca śravaṇālaye || 38||

गायत्री ब्रह्मणा साकं पार्वती शिवसन्निधौ ।देवलोके तथेन्द्राणी ब्रह्मास्येऽस्मि सरस्वती ॥ ३९॥

gāyatrī brahmaṇā sākaṃ pārvatī śivasannidhau |devaloke tathendrāṇī brahmāsye'smi sarasvatī || 39||

सूर्यबिम्बे प्रभा धैर्ये पाशवती तु वैष्णवी ।अनादिश्रीकृष्णनारायणेऽस्मि सुखदा रमा ॥ ४०॥

sūryabimbe prabhā dhairye pāśavatī tu vaiṣṇavī |anādiśrīkṛṣṇanārāyaṇe'smi sukhadā ramā || 40||

अरुन्धती सती चास्मि तिलोत्तमाऽप्सरोगणे ।चित्ते ब्रह्मकला चास्मि कान्ता कान्तेषु सर्वशः ॥ ४१॥

arundhatī satī cāsmi tilottamā'psarogaṇe |citte brahmakalā cāsmi kāntā kānteṣu sarvaśaḥ || 41||

भङ्गा नीलगिरावस्मि विजयाऽऽसामभूतले ।कामरूपे च कामाक्ष्या ब्रह्मदेश इराऽस्मि च ॥ ४२॥

bhaṅgā nīlagirāvasmi vijayā''sāmabhūtale |kāmarūpe ca kāmākṣyā brahmadeśa irā'smi ca || 42||

खासीनेषु ब्रह्मपुत्री पतत्काये तु पावनी ।श्यामा श्यामप्रदेशेऽस्मि प्राचीने मेनकाङ्गिनी ॥ ४३॥

khāsīneṣu brahmaputrī patatkāye tu pāvanī |śyāmā śyāmapradeśe'smi prācīne menakāṅginī || 43||

उच्चीने यागशिक्षाङ्गी त्र्यङ्गुलेषु तु कारमी ।काराकारे कृष्णवर्णा एलुने खनिरस्मि च ॥ ४४॥

uccīne yāgaśikṣāṅgī tryaṅguleṣu tu kāramī |kārākāre kṛṣṇavarṇā elune khanirasmi ca || 44||

मूकी मङ्गोलके चास्मि खिङ्गने मञ्च्छिकाऽस्मि च ।स्तेनावासे पारशवी राशिपुत्री तु राशने ॥ ४५॥

mūkī maṅgolake cāsmi khiṅgane mañcchikā'smi ca |stenāvāse pāraśavī rāśiputrī tu rāśane || 45||

उरला चोरलाद्रौ च रक्ता चारक्तभूतले ।नारायणी सुदानेऽस्मि चाल्पा चाल्पे च पर्वते ॥ ४६॥

uralā coralādrau ca raktā cāraktabhūtale |nārāyaṇī sudāne'smi cālpā cālpe ca parvate || 46||

इङ्गितज्ञा केतुमाले परी चास्मि बलायते ।हारिती पिङ्गदेशे च अमरी किम्पुमात्मके ॥ ४७॥

iṅgitajñā ketumāle parī cāsmi balāyate |hāritī piṅgadeśe ca amarī kimpumātmake || 47||

राकरी मानकङ्गौ च परीनारी तु दक्षके ।संहारा नजरेऽद्रौ च कामरूपा कमारणे ॥ ४८॥

rākarī mānakaṅgau ca parīnārī tu dakṣake |saṃhārā najare'drau ca kāmarūpā kamāraṇe || 48||

मासाम्बा साम्बशैलेऽस्मि कलिहारा तु मित्रपे ।त्रिहोत्रे होत्रिणी चास्मि झम्बे माञ्झाम्बिकास्मि च ॥ ४९॥

māsāmbā sāmbaśaile'smi kalihārā tu mitrape |trihotre hotriṇī cāsmi jhambe māñjhāmbikāsmi ca || 49||

नवदेशे मणिकान्ता उष्ट्रालये महोर्ध्विका ।कलगरली श्वानायां चालिशी क्वाथपर्वते ॥ ५०॥

navadeśe maṇikāntā uṣṭrālaye mahordhvikā |kalagaralī śvānāyāṃ cāliśī kvāthaparvate || 50||

एवमादिस्वरूपैश्च भूतले संवसाम्यहम् ।दक्ष! सर्वत्र मत्पूजां कुरु भुक्तिप्रमुक्तिदाम् ॥ ५१॥

evamādisvarūpaiśca bhūtale saṃvasāmyaham |dakṣa! sarvatra matpūjāṃ kuru bhuktipramuktidām || 51||

इत्याह श्रीमहालक्ष्मीस्तदा दक्षं प्रजापतिम् ।अतस्ते तु महालक्ष्म्याः पूजनं सर्वशान्तिकृत् ॥ ५२॥

ityāha śrīmahālakṣmīstadā dakṣaṃ prajāpatim |ataste tu mahālakṣmyāḥ pūjanaṃ sarvaśāntikṛt || 52||

पूजायां सर्वनामानि द्वे शते तव यो जपेत् ।सर्वाश्च सिद्धयस्तस्योपतिष्ठन्तु यथेष्टदाः ॥ ५३॥

pūjāyāṃ sarvanāmāni dve śate tava yo japet |sarvāśca siddhayastasyopatiṣṭhantu yatheṣṭadāḥ || 53||

इति श्रीलक्ष्मीनारायणीयसंहितायाः द्वापरयुगसन्तानात्मकस्य तृतीयखण्डे१३५अध्यायान्तर्गतं दक्षप्रजापतये महालक्ष्म्युक्तानि स्वीयानि शतद्वयनामरूपाणि ।लक्ष्मीनारायणीयसंहिता । खण्ड ३। अध्याय १३५/१५३॥लक्ष्मीनारायणीयसंहिता । खण्ड ३। अध्याय १३५/१-५३॥

iti śrīlakṣmīnārāyaṇīyasaṃhitāyāḥ dvāparayugasantānātmakasya tṛtīyakhaṇḍe135adhyāyāntargataṃ dakṣaprajāpataye mahālakṣmyuktāni svīyāni śatadvayanāmarūpāṇi |lakṣmīnārāyaṇīyasaṃhitā | khaṇḍa 3| adhyāya 135/153||lakṣmīnārāyaṇīyasaṃhitā | khaṇḍa 3| adhyāya 135/1-53||