विष्णुस्तुतिः (गर्गसंहितान्तर्गता) Vishnustutih

गर्गसंहिताततःकक्षीवानुवाचवासुदेव नमस्तेऽस्तु गोविन्द पुरुषोत्तम ।दीनवत्सल दीनेश द्वारकेश परेश्वर ॥ १॥

gargasaṃhitātataḥkakṣīvānuvācavāsudeva namaste'stu govinda puruṣottama |dīnavatsala dīneśa dvārakeśa pareśvara || 1||

ध्रुवे ध्रुवपदं दात्रे प्रह्लादस्यार्तिहारिणे ।गजस्योद्धारिणे तुभ्यं बलेर्बलिविदे नमः ॥ २॥

dhruve dhruvapadaṃ dātre prahlādasyārtihāriṇe |gajasyoddhāriṇe tubhyaṃ balerbalivide namaḥ || 2||

द्रौपदीचीरसन्तानकारिणे हरये नमः ।गराग्निवनवासेभ्यः पाण्डवानां सहायिने ॥ ३॥

draupadīcīrasantānakāriṇe haraye namaḥ |garāgnivanavāsebhyaḥ pāṇḍavānāṃ sahāyine || 3||

यादवत्राणकर्त्रे च शक्रादाभीररक्षिणे ।गुरुमातृद्विजानां च पुत्रदात्रे नमो नमः ॥ ४॥

yādavatrāṇakartre ca śakrādābhīrarakṣiṇe |gurumātṛdvijānāṃ ca putradātre namo namaḥ || 4||

जरासन्धनिरोधार्तनृपाणां मोक्षकारिणे ।नृगस्योद्धारिणे साक्षात्सुदाम्नो दैन्यहारिणे ॥ ५॥

jarāsandhanirodhārtanṛpāṇāṃ mokṣakāriṇe |nṛgasyoddhāriṇe sākṣātsudāmno dainyahāriṇe || 5||

वासुदेवाय कृष्णाय नमः सङ्कर्षणाय च ।प्रद्युम्नायानिरुद्धाय चतुर्व्यूहाय ते नमः ॥ ६॥

vāsudevāya kṛṣṇāya namaḥ saṅkarṣaṇāya ca |pradyumnāyāniruddhāya caturvyūhāya te namaḥ || 6||

त्वमेव माता च पिता त्वमेव त्वमेव बन्धुश्च सखा त्वमेव ।त्वमेव विद्या द्रविणं त्वमेव त्वमेव सर्वं मम देवदेव ॥ ७॥

tvameva mātā ca pitā tvameva tvameva bandhuśca sakhā tvameva |tvameva vidyā draviṇaṃ tvameva tvameva sarvaṃ mama devadeva || 7||

इति गर्गसंहितायां द्वारकाखण्डे द्वादशाध्यायान्तर्गतात्रितमुनिशिष्येन कक्षीवता कृता विष्णुस्तुतिः समाप्ता ॥

iti gargasaṃhitāyāṃ dvārakākhaṇḍe dvādaśādhyāyāntargatātritamuniśiṣyena kakṣīvatā kṛtā viṣṇustutiḥ samāptā ||