द्वादशमूर्तिस्तुतिः १ Dvadashamurtistutih 1

तत्र वैष्णवलोके तु विष्णुः साक्षात्सनातनः ।चतुर्धा दशधा चैव तथा द्वादशधा पुनः ॥ १॥

tatra vaiṣṇavaloke tu viṣṇuḥ sākṣātsanātanaḥ |caturdhā daśadhā caiva tathā dvādaśadhā punaḥ || 1||

विभिन्नमूर्तिः सततं वर्तते माधवः सदा ।जाम्बूनदप्रभश्चक्री पुर्वस्यां दिशि केशवः ॥ २॥

vibhinnamūrtiḥ satataṃ vartate mādhavaḥ sadā |jāmbūnadaprabhaścakrī purvasyāṃ diśi keśavaḥ || 2||

पश्चान्नारायणः शङ्खी नीलजीमूतसन्निभः ।इन्दीवरदलश्यामो मधुमान्माधवेऽवति ॥ ३॥

paścānnārāyaṇaḥ śaṅkhī nīlajīmūtasannibhaḥ |indīvaradalaśyāmo madhumānmādhave'vati || 3||

गोविन्दो दक्षिणे पार्श्वे धन्वी चन्द्रप्रभो महान् ।उत्तरे हलधृग्विष्णुः पद्मकिञ्जल्कसन्निभः ॥ ४॥

govindo dakṣiṇe pārśve dhanvī candraprabho mahān |uttare haladhṛgviṣṇuḥ padmakiñjalkasannibhaḥ || 4||

आग्नेय्यामरविन्दाभो मुसली मधुसूदनः ।त्रिविक्रमः खड्गपाणिः नैरृत्ये ज्वलनप्रभः ॥ ५॥

āgneyyāmaravindābho musalī madhusūdanaḥ |trivikramaḥ khaḍgapāṇiḥ nairṛtye jvalanaprabhaḥ || 5||

वायव्यां वामनो वज्री तरुणादित्यदीप्तिमान् ।ईशान्यां पुण्डरीकाभः श्रीधरः पट्टिशायुधः ॥ ६॥

vāyavyāṃ vāmano vajrī taruṇādityadīptimān |īśānyāṃ puṇḍarīkābhaḥ śrīdharaḥ paṭṭiśāyudhaḥ || 6||

विद्युत्प्रभो हृषीकेशो ह्यवाच्यां दिशि मुद्गरी ।पद्मनाभः शार्ङ्गपाणिः सहस्रार्कसमप्रभः ॥ ७॥

vidyutprabho hṛṣīkeśo hyavācyāṃ diśi mudgarī |padmanābhaḥ śārṅgapāṇiḥ sahasrārkasamaprabhaḥ || 7||

माणिक्यमण्टपस्थानमानुलोम्येन वेष्टते ।सर्वायुधः सर्वशक्तिः सर्वज्ञः सर्वतो मुखः ॥ ८॥

māṇikyamaṇṭapasthānamānulomyena veṣṭate |sarvāyudhaḥ sarvaśaktiḥ sarvajñaḥ sarvato mukhaḥ || 8||

इन्द्रगोपकसङ्काशः पाशहस्तोऽपराजितः ।दामोदरस्तु सर्वात्मा परमानन्दनिर्भरः ॥ ९॥

indragopakasaṅkāśaḥ pāśahasto'parājitaḥ |dāmodarastu sarvātmā paramānandanirbharaḥ || 9||

माणिक्यमण्टपस्थानं विलोमेन विवेष्टते ।इत्थं द्वादशभिर्दे हैः भगवानम्बुजेक्षणः ।माणिक्यमण्टपगतो विष्णुलोके विराजते ॥ १०॥

māṇikyamaṇṭapasthānaṃ vilomena viveṣṭate |itthaṃ dvādaśabhirde haiḥ bhagavānambujekṣaṇaḥ |māṇikyamaṇṭapagato viṣṇuloke virājate || 10||

एतेषां विभवमूर्तीनां केशवादीनां\,समष्टिरूपस्य वासुदेवस्य च शक्तयः पत्न्यः कीर्तिःकान्तिः तुष्टिः पुष्टिः धृतिः क्षान्तिः\,क्रिया\, दया\, मेधा हर्षा\, श्रद्धा लज्जा लक्ष्मीरिति क्रमदीपिकायाम् ।इति ब्रह्माण्डपुराणान्तर्गतं द्वादशमूर्तिस्तुतिः १ सम्पाप्ता ।

eteṣāṃ vibhavamūrtīnāṃ keśavādīnāṃ\,samaṣṭirūpasya vāsudevasya ca śaktayaḥ patnyaḥ kīrtiḥkāntiḥ tuṣṭiḥ puṣṭiḥ dhṛtiḥ kṣāntiḥ\,kriyā\, dayā\, medhā harṣā\, śraddhā lajjā lakṣmīriti kramadīpikāyām |iti brahmāṇḍapurāṇāntargataṃ dvādaśamūrtistutiḥ 1 sampāptā |