सङ्कटमोचन हनुमानाष्टक Samkatamochana Hanumanashtaka

मत्तगयन्द छन्दबाल समय रबि भक्षि लियो तब तीनहुँ लोक भयो अँधियारो ।ताहि सों त्रास भयो जग को यह संकट काहु सों जात न टारो ।देवन आनि करी बिनती तब छाँड़ि दियो रबि कष्ट निवारो ।को नहिं जानत है जगमें कपि संकटमोचन नाम तिहारो ॥ १ ॥बालि की त्रास कपीस बसै गिरि जात महाप्रभु पंथ निहारो ।चौंकि महा मुनि साप दियो तब चाहिय कौन बिचार बिचारो ।कै द्विज रूप लिवाय महाप्रभु सो तुम दास के सोक निवारो ।को नहिं जानत है जगमें कपि संकटमोचन नाम तिहारो ॥ २ ॥अंगद के सँग लेन गये सिय खोज कपीस यह बैन उचारो ।जीवत ना बचिहौ हम सो जु बिना सुधि लाए इहाँ पगु धारो ।हेरि थके तट सिंधु सबै तब लाय सिया सुधि प्रान उबारो ।को नहिं जानत है जगमें कपि संकटमोचन नाम तिहारो ॥ ३ ॥रावन त्रास दई सिय को सब राक्षसि सों कहि सोक निवारो ।ताहि समय हनुमान महाप्रभु जाय महा रजनीचर मारो ।चाहत सीय असोक सों आगि सु दै प्रभु मुद्रिका सोक निवारो ।को नहिं जानत है जगमें कपि संकटमोचन नाम तिहारो ॥ ४ ॥बान लग्यो उर लछिमन के तब प्रान तजे सुत रावन मारो ।लै गृह बैद्य सुषेन समेत तबै गिरि द्रोन सु बीर उपारो ।आनि सजीवन हाथ दई तब लछिमन के तुम प्रान उबारो ।को नहिं जानत है जगमें कपि संकटमोचन नाम तिहारो ॥ ५ ॥रावन जुद्ध अजान कियो तब नाग कि फाँस सबै सिर डारो ।श्रीरघुनाथ समेत सबै दल मोह भयो यह संकट भारो ।आनि खगेस तबै हनुमान जु बंधन काटि सुत्रास निवारो ।को नहिं जानत है जगमें कपि संकटमोचन नाम तिहारो ॥ ६ ॥बंधु समेत जबै अहिरावन लै रघुनाथ पताल सिधारो ।देबिहिं पूजि भली बिधि सों बलि देउ सबै मिलि मंत्र बिचारो ।जाय सहाय भयो तब ही अहिरावन सैन्य समेत सँहारो ।को नहिं जानत है जगमें कपि संकटमोचन नाम तिहारो ॥ ७ ॥काज किये बड़ देवन के तुम बीर महाप्रभु देखि बिचारो ।कौन सो संकट मोर गरीब को जो तुमसों नहिं जात है टारो ।बेगि हरो हनुमान महाप्रभु जो कछु संकट होय हमारो ।को नहिं जानत है जगमें कपि संकटमोचन नाम तिहारो ॥ ८ ॥दोहालाल देह लाली लसे अरू धरि लाल लँगूर ।बज्र देह दानव दलन जय जय जय कपि सूर ॥सियावर रामचन्द्र पद गहि रहुँ ।उमावर शम्भुनाथ पद गहि रहुँ ।महावीर बजरँगी पद गहि रहुँ ।शरणा गतो हरि ॥॥ इति गोस्वामि तुलसीदास कृत संकटमोचन हनुमानाष्टक सम्पूर्ण ॥

mattagayanda chandabāla samaya rabi bhakṣi liyo taba tīnahum̐ loka bhayo am̐dhiyāro |tāhi soṃ trāsa bhayo jaga ko yaha saṃkaṭa kāhu soṃ jāta na ṭāro |devana āni karī binatī taba chām̐ड़i diyo rabi kaṣṭa nivāro |ko nahiṃ jānata hai jagameṃ kapi saṃkaṭamocana nāma tihāro || 1 ||bāli kī trāsa kapīsa basai giri jāta mahāprabhu paṃtha nihāro |cauṃki mahā muni sāpa diyo taba cāhiya kauna bicāra bicāro |kai dvija rūpa livāya mahāprabhu so tuma dāsa ke soka nivāro |ko nahiṃ jānata hai jagameṃ kapi saṃkaṭamocana nāma tihāro || 2 ||aṃgada ke sam̐ga lena gaye siya khoja kapīsa yaha baina ucāro |jīvata nā bacihau hama so ju binā sudhi lāe ihām̐ pagu dhāro |heri thake taṭa siṃdhu sabai taba lāya siyā sudhi prāna ubāro |ko nahiṃ jānata hai jagameṃ kapi saṃkaṭamocana nāma tihāro || 3 ||rāvana trāsa daī siya ko saba rākṣasi soṃ kahi soka nivāro |tāhi samaya hanumāna mahāprabhu jāya mahā rajanīcara māro |cāhata sīya asoka soṃ āgi su dai prabhu mudrikā soka nivāro |ko nahiṃ jānata hai jagameṃ kapi saṃkaṭamocana nāma tihāro || 4 ||bāna lagyo ura lachimana ke taba prāna taje suta rāvana māro |lai gṛha baidya suṣena sameta tabai giri drona su bīra upāro |āni sajīvana hātha daī taba lachimana ke tuma prāna ubāro |ko nahiṃ jānata hai jagameṃ kapi saṃkaṭamocana nāma tihāro || 5 ||rāvana juddha ajāna kiyo taba nāga ki phām̐sa sabai sira ḍāro |śrīraghunātha sameta sabai dala moha bhayo yaha saṃkaṭa bhāro |āni khagesa tabai hanumāna ju baṃdhana kāṭi sutrāsa nivāro |ko nahiṃ jānata hai jagameṃ kapi saṃkaṭamocana nāma tihāro || 6 ||baṃdhu sameta jabai ahirāvana lai raghunātha patāla sidhāro |debihiṃ pūji bhalī bidhi soṃ bali deu sabai mili maṃtra bicāro |jāya sahāya bhayo taba hī ahirāvana sainya sameta sam̐hāro |ko nahiṃ jānata hai jagameṃ kapi saṃkaṭamocana nāma tihāro || 7 ||kāja kiye baड़ devana ke tuma bīra mahāprabhu dekhi bicāro |kauna so saṃkaṭa mora garība ko jo tumasoṃ nahiṃ jāta hai ṭāro |begi haro hanumāna mahāprabhu jo kachu saṃkaṭa hoya hamāro |ko nahiṃ jānata hai jagameṃ kapi saṃkaṭamocana nāma tihāro || 8 ||dohālāla deha lālī lase arū dhari lāla lam̐gūra |bajra deha dānava dalana jaya jaya jaya kapi sūra ||siyāvara rāmacandra pada gahi rahum̐ |umāvara śambhunātha pada gahi rahum̐ |mahāvīra bajaram̐gī pada gahi rahum̐ |śaraṇā gato hari |||| iti gosvāmi tulasīdāsa kṛta saṃkaṭamocana hanumānāṣṭaka sampūrṇa ||