विज्ञानानन्दनवकम् Shri Vijnananandanavakam

प्रणमामि महाप्राज्ञं विज्ञानानन्दनामकम् ।ज्ञानविज्ञाननिष्णातं श्रीरामकृष्णपार्षदम् ॥ १॥

praṇamāmi mahāprājñaṃ vijñānānandanāmakam |jñānavijñānaniṣṇātaṃ śrīrāmakṛṣṇapārṣadam || 1||

प्रणमामि महावीरं विज्ञानानन्दनामकम् ।स्वनाथ रामकृष्णेन मल्लक्रीड़ारतं भृशम् ॥ २॥

praṇamāmi mahāvīraṃ vijñānānandanāmakam |svanātha rāmakṛṣṇena mallakrīड़ārataṃ bhṛśam || 2||

प्रणमामि महासत्वं विज्ञानानन्दनामकम् ।सर्वैषणाविनिर्मुक्तं सत्यार्जवादिभूषितम् ॥ ३॥

praṇamāmi mahāsatvaṃ vijñānānandanāmakam |sarvaiṣaṇāvinirmuktaṃ satyārjavādibhūṣitam || 3||

प्रणमामि तपोयुक्तं विज्ञानानन्दनामकम् ।स्त्रीभ्योऽतिसावधानं च प्रयागपुरवासिनम् ॥ ४॥

praṇamāmi tapoyuktaṃ vijñānānandanāmakam |strībhyo'tisāvadhānaṃ ca prayāgapuravāsinam || 4||

प्रणमामि सुतत्त्वज्ञं विज्ञानानन्दनामकम् ।पूर्तशिल्पकलादक्षं मन्दिरादिप्रकल्पकम् ॥ ५॥

praṇamāmi sutattvajñaṃ vijñānānandanāmakam |pūrtaśilpakalādakṣaṃ mandirādiprakalpakam || 5||

प्रणमामि मठाध्यक्षं विज्ञानानन्दनामकम् ।सङ्घगुरुं कृपामूर्तिं संसारार्णवतारकम् ॥ ६॥

praṇamāmi maṭhādhyakṣaṃ vijñānānandanāmakam |saṅghaguruṃ kṛpāmūrtiṃ saṃsārārṇavatārakam || 6||

प्रणमामि गुणातीतं विज्ञानानन्दनामकम् ।मायामोहविजेतारं परमहंसलक्षणम् ॥ ७॥

praṇamāmi guṇātītaṃ vijñānānandanāmakam |māyāmohavijetāraṃ paramahaṃsalakṣaṇam || 7||

प्रणमामि त्रयीमूर्तिं विज्ञानानन्दनामकम् ।मोक्षदं च दयाधारं दिव्यलीलाप्रकाशकम् ॥ ८॥

praṇamāmi trayīmūrtiṃ vijñānānandanāmakam |mokṣadaṃ ca dayādhāraṃ divyalīlāprakāśakam || 8||

अन्वर्थनामाऽसौ यस्मिन् सदा श्रीहरिः प्रसन्नःश्रीरामकृष्णो वै साक्षात् इह श्रीहरिर्नृमूर्तिः ।तस्य प्रसादात् यो नूनं परानन्द युक् प्रबोधेतस्माच्च हेतोः सोऽभूत् विश्रुतौ युक्तपूतनाम्ना ॥ ९॥

anvarthanāmā'sau yasmin sadā śrīhariḥ prasannaḥśrīrāmakṛṣṇo vai sākṣāt iha śrīharirnṛmūrtiḥ |tasya prasādāt yo nūnaṃ parānanda yuk prabodhetasmācca hetoḥ so'bhūt viśrutau yuktapūtanāmnā || 9||

इति प्राध्यापकपाञ्चुगोपालवन्द्योपाध्यायेनविरचितंश्रीमद्विज्ञानानन्द नवकम् सम्पूर्णम् ।प्रणाममन्त्रःआजन्म ज्ञानविज्ञान निष्णाताय महात्मने ।विज्ञानानन्दपादाय भूयो भूयो नमोऽस्तुते॥

iti prādhyāpakapāñcugopālavandyopādhyāyenaviracitaṃśrīmadvijñānānanda navakam sampūrṇam |praṇāmamantraḥājanma jñānavijñāna niṣṇātāya mahātmane |vijñānānandapādāya bhūyo bhūyo namo'stute||