शिवानन्दस्तोत्रम् Shri Shivananda Stotram

लीलासहचरं नित्यमीश्वरस्य युगे युगे ।शिवकल्पं शिवानन्दं भूयो भूयो नमाम्यहम् ॥ १॥

līlāsahacaraṃ nityamīśvarasya yuge yuge |śivakalpaṃ śivānandaṃ bhūyo bhūyo namāmyaham || 1||

निर्विकल्पसमाधीप्सा बाल्यादेवाश्रयच्च तम् ।त्यागमूर्तिं तितिक्षुं यं प्राप्य सिद्धिमिताऽचिरम् ॥ २॥

nirvikalpasamādhīpsā bālyādevāśrayacca tam |tyāgamūrtiṃ titikṣuṃ yaṃ prāpya siddhimitā'ciram || 2||

अलौकिकान् गुणान् दृष्ट्वा विवेकानन्दरूपिणा ।महापुरुष इत्याख्या यस्मै दत्ता निजेच्छया ॥ ३॥

alaukikān guṇān dṛṣṭvā vivekānandarūpiṇā |mahāpuruṣa ityākhyā yasmai dattā nijecchayā || 3||

भारतीयानि तीर्थानि परिक्रम्य स्वलीलया ।सर्वत्रैवेश्वरं रूपं दृष्टवन्तं नमामि तम् ॥ ४॥

bhāratīyāni tīrthāni parikramya svalīlayā |sarvatraiveśvaraṃ rūpaṃ dṛṣṭavantaṃ namāmi tam || 4||

बहिर्यद् दृश्यते किं च सर्वं तदीश्वरात्मकम् ।ईशातिरिक्तं नास्तीति मुक्तकण्ठं व्यघोषयत् ॥ ५॥

bahiryad dṛśyate kiṃ ca sarvaṃ tadīśvarātmakam |īśātiriktaṃ nāstīti muktakaṇṭhaṃ vyaghoṣayat || 5||

श्रीरामकृष्णदेवं श्रीशारदां जननीं तथा ।विवेकानन्दमूर्तिं योऽपश्यद् हृदि निरन्तरम् ॥ ६॥

śrīrāmakṛṣṇadevaṃ śrīśāradāṃ jananīṃ tathā |vivekānandamūrtiṃ yo'paśyad hṛdi nirantaram || 6||

मुमुक्षूणामसङ्ख्यानामाध्यात्मिकजलं ददत् ।न्यपूरयन्मनस्तृष्णां शिवानन्दं नमामि तम् ॥ ७॥

mumukṣūṇāmasaṅkhyānāmādhyātmikajalaṃ dadat |nyapūrayanmanastṛṣṇāṃ śivānandaṃ namāmi tam || 7||

अनिर्वाणप्रदीपस्य शिखावत् सत्यविग्रहम् ।शिवानन्दं सदा नौमि धर्ममार्ग प्रदर्शकम् ॥ ८॥

anirvāṇapradīpasya śikhāvat satyavigraham |śivānandaṃ sadā naumi dharmamārga pradarśakam || 8||

श्रीरामकृष्णसङ्घस्य द्वितीयं नायकं विभुम् ।शिवकल्पं शिवानन्दमनन्तं प्रणमामि तम् ॥ ९॥

śrīrāmakṛṣṇasaṅghasya dvitīyaṃ nāyakaṃ vibhum |śivakalpaṃ śivānandamanantaṃ praṇamāmi tam || 9||

शिवानन्दस्य चरितं स्मरन्तः शुद्धमानसाः ।ब्रह्मस्वरूपतामन्ते यान्ति नास्त्यत्र संशयः ॥ १०॥

śivānandasya caritaṃ smarantaḥ śuddhamānasāḥ |brahmasvarūpatāmante yānti nāstyatra saṃśayaḥ || 10||

इति अध्यापकपण्डित श्रीकुमुदरञ्जनगोस्वामीतर्कवेदान्ततीर्थविरचितंश्रीमत्शिवानन्दस्तोत्रम् सम्पूर्णम् ।प्रणाममन्त्रःशिवे यस्य पराभक्तिस्त्यागेऽपि रतिरुत्तमा ।अहेतुककृपासिन्धुं शिवानन्दं नमाम्यहम् ॥

iti adhyāpakapaṇḍita śrīkumudarañjanagosvāmītarkavedāntatīrthaviracitaṃśrīmatśivānandastotram sampūrṇam |praṇāmamantraḥśive yasya parābhaktistyāge'pi ratiruttamā |ahetukakṛpāsindhuṃ śivānandaṃ namāmyaham ||