निम्बार्ककवचम् Shri Nimbarka Kavacham

निम्बार्ककवचं वक्ष्ये महर्षिगणमध्यतः ।हविर्द्धानं नमस्कृत्य गौरमुख उवाच ह ॥ १॥

nimbārkakavacaṃ vakṣye maharṣigaṇamadhyataḥ |havirddhānaṃ namaskṛtya gauramukha uvāca ha || 1||

निम्बार्ककवचं वक्ष्ये सम्पद्येते यशोजयौ ।संकटे दुर्गमे प्राप्ते प्राणरक्षाकरं नृणाम् ॥ २॥

nimbārkakavacaṃ vakṣye sampadyete yaśojayau |saṃkaṭe durgame prāpte prāṇarakṣākaraṃ nṛṇām || 2||

निम्बार्क कवचस्यास्य सर्वाचार्याद्वयस्य च ।ऋषिगौरमुखश्च् छन्दोऽनुष्टुप् निम्बार्क एव तु ॥ ३॥

nimbārka kavacasyāsya sarvācāryādvayasya ca |ṛṣigauramukhaśc chando'nuṣṭup nimbārka eva tu || 3||

देवः सुदर्शनो बीजं शक्तिः पुराणमेव च ।विततं कीलकं चैव पवित्रं कवचं तथा ॥ ४॥

devaḥ sudarśano bījaṃ śaktiḥ purāṇameva ca |vitataṃ kīlakaṃ caiva pavitraṃ kavacaṃ tathā || 4||

चक्र मस्त्रं मनुस्त्वेवं षडक्षर उदाहृतः ।द्वयनन्तरनराकारमिति ध्यानं प्रकीर्तितम् ॥ ५॥

cakra mastraṃ manustvevaṃ ṣaḍakṣara udāhṛtaḥ |dvayanantaranarākāramiti dhyānaṃ prakīrtitam || 5||

निम्बार्क प्रीत्यर्थे जपे विनियोगः समीरितः ।इति सङ्कल्प्य चर्ष्याद्यान् शीर्षादिषु क्रमान्न्यसेत् ॥ ६॥

nimbārka prītyarthe jape viniyogaḥ samīritaḥ |iti saṅkalpya carṣyādyān śīrṣādiṣu kramānnyaset || 6||

शीर्षमास्यं च हृद् गुह्यं पादौ सर्वाङ्गदिक्षु च ।हार्द्दे बाह्याभ्यन्तरयोश्चतुर्थ्या च नमोऽन्तकाः ॥ ७॥

śīrṣamāsyaṃ ca hṛd guhyaṃ pādau sarvāṅgadikṣu ca |hārdde bāhyābhyantarayoścaturthyā ca namo'ntakāḥ || 7||

नमो निम्बार्काय इति मन्त्रं षडक्षरं विदुः ।अङ्गुलीतलपृष्ठेषु ङेद्विवचनमोऽन्तिषु ॥ ८॥

namo nimbārkāya iti mantraṃ ṣaḍakṣaraṃ viduḥ |aṅgulītalapṛṣṭheṣu ṅedvivacanamo'ntiṣu || 8||

क्रमान्न्यसेदेकैकशो द्वितीयान्तान् षडक्षरान् ।नम आद्यन्तेष्वंगेषु द्वितीयान्तान् षडक्षरान् ॥ ९॥

kramānnyasedekaikaśo dvitīyāntān ṣaḍakṣarān |nama ādyanteṣvaṃgeṣu dvitīyāntān ṣaḍakṣarān || 9||

हृदये शिरसि शिखाकवचेऽक्षित्रयेऽस्त्रतः ।नमः स्वाहा वषट् हुं वौषट् फडेतान् पदान्न्यसेत् ॥ १०॥

hṛdaye śirasi śikhākavace'kṣitraye'strataḥ |namaḥ svāhā vaṣaṭ huṃ vauṣaṭ phaḍetān padānnyaset || 10||

विनियोगःॐ अस्य श्रीनिम्बार्क सर्वाचार्यकवचस्यश्रीगौरमुख ऋषिः, अनुष्टुप् छन्दः, श्री निम्बार्को देवता,सुदर्शनो बीजम्, पुराणं शक्तिः, विततं कीलकम्, पवित्रं कवचम्,चक्रमस्त्रम्, षडक्षरः परमो मन्त्रः, द्व्यनन्तर नराकारमिति ध्यानम्,सर्वाचार्यप्रीत्यर्थे जपे विनियोगः ।ऋष्यादि न्यासाःश्री गौरमुखाय ऋषये नमः शिरसिः ।अनुष्टुप् छन्दसे नमो मुखे ।श्रीनिम्बार्काय देवाय नमो हृदि ।सुदर्शनाय बीजाय नमो गुह्ये ।पुराणशक्तये नमः पादयोः ।वितताय कीलकाय नमः सर्वाङ्गे ।पवित्राय कवचाय नमः सन्धिषु ।चक्राय अस्त्राय नमो दिक्षु ।षडक्षराय परमाय मन्त्राय नमो हृदि ।द्व्यनन्तरनराय ध्यानाय नमो बाह्याभ्यन्तरयोः ।श्रीनिम्बार्कसर्वाचार्यप्रीत्यर्थे जपे विनियोगाय नमः कराञ्जलौ ।करन्यासाःनं अङ्गुष्ठाभ्यां नमः ।मों तर्जनीभ्यां नमः ।निं मध्यमाभ्यां नमः ।बां अनामिकाभ्यां नमः ।र्कां कनिष्ठिकाभ्यां नमः ।यं करतलकरपृष्ठाभ्यां नमः ।हृदयादि न्यासाःनं हृदयाय नमः ।मों शिरसे स्वाहा ।निं शिखायै वषट् ।बां कवचाय हुम् ।र्कां नेत्रत्रयाय वौषट् ।यं अस्त्राय फट् ।('नमो निम्बार्काय' इति षडक्षर मन्त्रः )ध्यानम्ध्यात्वा कालाङ्गसम्पन्नं द्वादशारशिरोऽन्वितम् ।चातुर्मास्यवलयं तु षट्कोणशोभितं तथा ॥ ११॥

viniyogaḥoṃ asya śrīnimbārka sarvācāryakavacasyaśrīgauramukha ṛṣiḥ, anuṣṭup chandaḥ, śrī nimbārko devatā,sudarśano bījam, purāṇaṃ śaktiḥ, vitataṃ kīlakam, pavitraṃ kavacam,cakramastram, ṣaḍakṣaraḥ paramo mantraḥ, dvyanantara narākāramiti dhyānam,sarvācāryaprītyarthe jape viniyogaḥ |ṛṣyādi nyāsāḥśrī gauramukhāya ṛṣaye namaḥ śirasiḥ |anuṣṭup chandase namo mukhe |śrīnimbārkāya devāya namo hṛdi |sudarśanāya bījāya namo guhye |purāṇaśaktaye namaḥ pādayoḥ |vitatāya kīlakāya namaḥ sarvāṅge |pavitrāya kavacāya namaḥ sandhiṣu |cakrāya astrāya namo dikṣu |ṣaḍakṣarāya paramāya mantrāya namo hṛdi |dvyanantaranarāya dhyānāya namo bāhyābhyantarayoḥ |śrīnimbārkasarvācāryaprītyarthe jape viniyogāya namaḥ karāñjalau |karanyāsāḥnaṃ aṅguṣṭhābhyāṃ namaḥ |moṃ tarjanībhyāṃ namaḥ |niṃ madhyamābhyāṃ namaḥ |bāṃ anāmikābhyāṃ namaḥ |rkāṃ kaniṣṭhikābhyāṃ namaḥ |yaṃ karatalakarapṛṣṭhābhyāṃ namaḥ |hṛdayādi nyāsāḥnaṃ hṛdayāya namaḥ |moṃ śirase svāhā |niṃ śikhāyai vaṣaṭ |bāṃ kavacāya hum |rkāṃ netratrayāya vauṣaṭ |yaṃ astrāya phaṭ |('namo nimbārkāya' iti ṣaḍakṣara mantraḥ )dhyānamdhyātvā kālāṅgasampannaṃ dvādaśāraśiro'nvitam |cāturmāsyavalayaṃ tu ṣaṭkoṇaśobhitaṃ tathā || 11||

अयनद्वयनिर्माण द्वयमन्यन्नराकृतिम् ।स्वस्तिकासनमध्यस्थमरुणाभं सितांशुकम् ॥ १२॥

ayanadvayanirmāṇa dvayamanyannarākṛtim |svastikāsanamadhyasthamaruṇābhaṃ sitāṃśukam || 12||

सव्यहस्ततले जानुं तत्त्वमुद्रोपशोभितंआयताक्षं महाभालमूर्ध्वपुण्ड्रसुरोचिषम् ॥ १३॥

savyahastatale jānuṃ tattvamudropaśobhitaṃāyatākṣaṃ mahābhālamūrdhvapuṇḍrasurociṣam || 13||

तुलसीमालयायुक्तमाचार्य मुख्यमीश्वरम् ।केशवल्लीसमाविष्टं सम्यक्चूडितमूर्धजम् ॥ १४॥

tulasīmālayāyuktamācārya mukhyamīśvaram |keśavallīsamāviṣṭaṃ samyakcūḍitamūrdhajam || 14||

जपेन्नित्यं भयासन्ने देशे काले रुगागमे ।निम्बार्कनामनिर्माणमिदं वर्माऽऽशु सिद्धिदम् ॥ १५॥

japennityaṃ bhayāsanne deśe kāle rugāgame |nimbārkanāmanirmāṇamidaṃ varmā''śu siddhidam || 15||

कवचम्सुदर्शनस्तमोध्वंसी वातपत्रं शिरोद्धतम् ।सुस्थिरं ध्यायते शम्भुः भ्रुवौ मे कालविग्रहः ॥ १६॥

kavacamsudarśanastamodhvaṃsī vātapatraṃ śiroddhatam |susthiraṃ dhyāyate śambhuḥ bhruvau me kālavigrahaḥ || 16||

निम्बादित्योऽवतान्नेत्रे राधाकृष्ण उरोजसम् ।राधाकृष्णरसाभासी कपोलौ मे कवीश्वरः ॥ १७॥

nimbādityo'vatānnetre rādhākṛṣṇa urojasam |rādhākṛṣṇarasābhāsī kapolau me kavīśvaraḥ || 17||

दन्तान् चक्राकृतिः पातु हविर्द्धानश्च जिह्विकाम् ।ओष्ठं पातु निमानन्दश्चिबुकं चक्रमध्यगः ॥ १८॥

dantān cakrākṛtiḥ pātu havirddhānaśca jihvikām |oṣṭhaṃ pātu nimānandaścibukaṃ cakramadhyagaḥ || 18||

मुखं निम्बरविः पातु नक्तन्यासनभोजकः ।कण्ठे वैकुण्ठहस्तश्च पातु दुष्टविखण्डनः ॥ १९॥

mukhaṃ nimbaraviḥ pātu naktanyāsanabhojakaḥ |kaṇṭhe vaikuṇṭhahastaśca pātu duṣṭavikhaṇḍanaḥ || 19||

वक्षस्थलं सदा पातु निम्बो मे भक्तवत्सलः ।निम्बानन्दो भुजौ पातु तरदद्रिस्वरूपधृक् ॥ २०॥

vakṣasthalaṃ sadā pātu nimbo me bhaktavatsalaḥ |nimbānando bhujau pātu taradadrisvarūpadhṛk || 20||

करावरी सदा पातु चाङ्गुलीर्द्वादशारकः ।तेजोमयः सदा पातु दरं मे दुर्जरौघपाक् ॥ २१॥

karāvarī sadā pātu cāṅgulīrdvādaśārakaḥ |tejomayaḥ sadā pātu daraṃ me durjaraughapāk || 21||

द्वयनान्तर्नराकारो नाभिं मम सदाऽवतु ।सत्परीक्ष एव वर्तिं यष्टिं मेऽङ्गं सदाऽवतु ॥ २२॥

dvayanāntarnarākāro nābhiṃ mama sadā'vatu |satparīkṣa eva vartiṃ yaṣṭiṃ me'ṅgaṃ sadā'vatu || 22||

आशुवेगो भ्रमन्नेमिः पातु मे कटिमण्डले ।नेमिनिजो जघनं मे पातु ऋषिमुनीश्वरः ॥ २३॥

āśuvego bhramannemiḥ pātu me kaṭimaṇḍale |neminijo jaghanaṃ me pātu ṛṣimunīśvaraḥ || 23||

जानुनी विष्णुदूतो मे जङ्घे विश्वस्वरूपधृक् ।चरणौ पातु चक्रं मे व्रजमण्डलभारभृत् ॥ २४॥

jānunī viṣṇudūto me jaṅghe viśvasvarūpadhṛk |caraṇau pātu cakraṃ me vrajamaṇḍalabhārabhṛt || 24||

गुल्फौ मे नियमानन्दः पार्ष्णिं चैव श्वलापयेत् । (श्वलापयेत् श्वल आशुगमने ।)आचार्य प्रपदे पातु विततं पातु भूतले ॥ २५॥

gulphau me niyamānandaḥ pārṣṇiṃ caiva śvalāpayet | (śvalāpayet śvala āśugamane |)ācārya prapade pātu vitataṃ pātu bhūtale || 25||

पूर्वस्य दिशि मां रक्षेत् प्रिया श्रीललितासखी ।पशुहिंसानिवृत्तिर्मामाग्नेय्यां दिशि रक्षतु ॥ २६॥

pūrvasya diśi māṃ rakṣet priyā śrīlalitāsakhī |paśuhiṃsānivṛttirmāmāgneyyāṃ diśi rakṣatu || 26||

दक्षिणे चम्पकलता चित्रा नैरृत्यकेऽवतु ।तापसंस्कारनिर्णेता वारुण्यां दिशि रक्षतु ॥ २७॥

dakṣiṇe campakalatā citrā nairṛtyake'vatu |tāpasaṃskāranirṇetā vāruṇyāṃ diśi rakṣatu || 27||

पादाग्रसरिदोघस्तु वायव्यां दिशि रक्षतु ।गौरमुखमुखावर्तिर्मा मुदङ्ग दिशि रक्षतु ॥ २८॥

pādāgrasaridoghastu vāyavyāṃ diśi rakṣatu |gauramukhamukhāvartirmā mudaṅga diśi rakṣatu || 28||

ब्रह्मपुत्रजनोद्धर्त्ता ऐशान्यां दिशि रक्षतु ।रवीन्दुशत्रुसंवासी ह्यूर्ध्वायां दिशि पातु माम् ॥ २९॥

brahmaputrajanoddharttā aiśānyāṃ diśi rakṣatu |ravīnduśatrusaṃvāsī hyūrdhvāyāṃ diśi pātu mām || 29||

अधस्ताद् दिशि मां पातु शेषपर्यन्तरन्ध्रजित् ।कालात्मको दिवा पातु नक्तं सूर्यस्वरूपधृक् ॥ ३०॥

adhastād diśi māṃ pātu śeṣaparyantarandhrajit |kālātmako divā pātu naktaṃ sūryasvarūpadhṛk || 30||

प्रभाते त्वरुणः पातु मध्याह्ने पातु चारुणिः ।सन्ध्यायामारुणिः पातु निशीथे स्वप्रकाशवान् ॥ ३१॥

prabhāte tvaruṇaḥ pātu madhyāhne pātu cāruṇiḥ |sandhyāyāmāruṇiḥ pātu niśīthe svaprakāśavān || 31||

भक्तिदो हृदयं पातु चतुष्कं चतुरक्रियः ।बुद्धिं ब्रह्मार्थितः पातु चित्तं विष्णुप्रयोजितः ॥ ३२॥

bhaktido hṛdayaṃ pātu catuṣkaṃ caturakriyaḥ |buddhiṃ brahmārthitaḥ pātu cittaṃ viṣṇuprayojitaḥ || 32||

अनिरुद्धानुवर्ती मे पातु स्वस्त्ययकं मनः ।मोहग्राहक्रियः पातु सर्वचित्तेन्द्रियाणि मे ॥ ३३॥

aniruddhānuvartī me pātu svastyayakaṃ manaḥ |mohagrāhakriyaḥ pātu sarvacittendriyāṇi me || 33||

दुर्बुद्धेर्मे सदा पातु दुर्जनदमनो ध्रुवः ।तापात्मकः सदा पातु महापातकसंचयात् ॥ ३४॥

durbuddherme sadā pātu durjanadamano dhruvaḥ |tāpātmakaḥ sadā pātu mahāpātakasaṃcayāt || 34||

कामदेवमहावेगान्नैष्ठिको ब्रह्मचर्यवान् ।पातु मां सर्वदा धीरः सदाचारपरायणः ॥ ३५॥

kāmadevamahāvegānnaiṣṭhiko brahmacaryavān |pātu māṃ sarvadā dhīraḥ sadācāraparāyaṇaḥ || 35||

सहिष्णुर्मां सदा पातु दृढात् क्रोधौघरंहसः ।पुरुषार्थदो मां पातु महालोभौघरंहसः ॥ ३६॥

sahiṣṇurmāṃ sadā pātu dṛḍhāt krodhaugharaṃhasaḥ |puruṣārthado māṃ pātu mahālobhaugharaṃhasaḥ || 36||

विज्ञानासारवर्षी मां महामोहौघवेगतः ।रक्षतु मां भयान् नित्यं निर्भयश्चक्रबालधृक् ॥ ३७॥

vijñānāsāravarṣī māṃ mahāmohaughavegataḥ |rakṣatu māṃ bhayān nityaṃ nirbhayaścakrabāladhṛk || 37||

पाषण्डषण्डदहनः पातु पाषण्डकर्मणः ।चरणं मे स्थले पातु कृष्णचरणसंज्ञकः ॥ ३८॥

pāṣaṇḍaṣaṇḍadahanaḥ pātu pāṣaṇḍakarmaṇaḥ |caraṇaṃ me sthale pātu kṛṣṇacaraṇasaṃjñakaḥ || 38||

सलिले मां सदा पातु मज्जज्जनैकपारदः ।अग्नेस्तेजस्तेन पातु वायौ खेचरपालकः ॥ ३९॥

salile māṃ sadā pātu majjajjanaikapāradaḥ |agnestejastena pātu vāyau khecarapālakaḥ || 39||

आकाशे वेगवान् पातु ग्रहेभ्यः कालविग्रहः ।अरण्ये मां सदा पातु वृन्दारण्यनिवासकृत् ॥ ४०॥

ākāśe vegavān pātu grahebhyaḥ kālavigrahaḥ |araṇye māṃ sadā pātu vṛndāraṇyanivāsakṛt || 40||

पर्वते मां सदा पातु गोवर्द्धनतटे स्थितः ।दुर्गमे संकटे पातु दुर्गसंकटभेदकः ॥ ४१॥

parvate māṃ sadā pātu govarddhanataṭe sthitaḥ |durgame saṃkaṭe pātu durgasaṃkaṭabhedakaḥ || 41||

साभिलाषः सदा पातु शर्वरीश्वरशीतलः । (साम शिशामयुर्जितः ।)जयन्तीनन्दनः श्रीमान् विप्राशापरिपूरकः ॥ ४२॥

sābhilāṣaḥ sadā pātu śarvarīśvaraśītalaḥ | (sāma śiśāmayurjitaḥ |)jayantīnandanaḥ śrīmān viprāśāparipūrakaḥ || 42||

प्रसह्ये मां सदा पातु प्रपन्न भयभञ्जनः ।कृष्णतन्त्रचरः शश्वत् मां सदा पातु सर्वतः ॥ ४३॥

prasahye māṃ sadā pātu prapanna bhayabhañjanaḥ |kṛṣṇatantracaraḥ śaśvat māṃ sadā pātu sarvataḥ || 43||

निजनामास्त्रकः पातु सर्वत्र मां हि सर्वगः ।राधाकृष्णप्रिया पातु रङ्गदेवी सखीश्वरी ॥ ४४॥

nijanāmāstrakaḥ pātu sarvatra māṃ hi sarvagaḥ |rādhākṛṣṇapriyā pātu raṅgadevī sakhīśvarī || 44||

राधाकृष्णपदप्राप्तौ विघ्नान्मां विघ्ननाशिनी ।निम्बादित्य ! महाबाहो ! सर्वपाल ! सुदर्शन ! ॥ ४५॥

rādhākṛṣṇapadaprāptau vighnānmāṃ vighnanāśinī |nimbāditya ! mahābāho ! sarvapāla ! sudarśana ! || 45||

आद्याचार्य रङ्गदेवी त्वमेव शरणं मम ।प्रेमदं भक्तिदं रम्यं भुक्तिमुक्तिप्रदं सदा ॥ ४६॥

ādyācārya raṅgadevī tvameva śaraṇaṃ mama |premadaṃ bhaktidaṃ ramyaṃ bhuktimuktipradaṃ sadā || 46||

मालामन्त्रमिदं प्रोक्तं निम्बादित्यस्य वेधसः ।ॐ निम्बार्क ङेन्तमुच्चार्य विद्महे पदमाचरेत् ॥ ४७॥

mālāmantramidaṃ proktaṃ nimbādityasya vedhasaḥ |oṃ nimbārka ṅentamuccārya vidmahe padamācaret || 47||

आद्याचार्य तुरीयान्तं धीमहीतिपदं ततः ।तन्नश्चक्र मिति कृत्वा ब्रूयात्प्रचोदयादिति ॥ ४८॥

ādyācārya turīyāntaṃ dhīmahītipadaṃ tataḥ |tannaścakra miti kṛtvā brūyātpracodayāditi || 48||

श्रीनिम्बार्कं गायत्रीॐ निम्बार्काय विद्महे आद्याचार्याय धीमहि तन्नश्चक्रं प्रचोदयात् ।फलस्तुतिःइदं चक्राह्वसम्पन्नं निम्बार्क कवचं शुभम् ।प्रेमभक्तिकरं रम्यं युग्ममन्त्रौघविग्रहम् ॥४९॥

śrīnimbārkaṃ gāyatrīoṃ nimbārkāya vidmahe ādyācāryāya dhīmahi tannaścakraṃ pracodayāt |phalastutiḥidaṃ cakrāhvasampannaṃ nimbārka kavacaṃ śubham |premabhaktikaraṃ ramyaṃ yugmamantraughavigraham ||49||

सर्वविघ्नहरं शुद्धं बोधदं बुद्धिरक्षकम्।भुक्तिमुक्तिकरं दिव्यं धनधन्यप्रदं परम् ॥५०॥

sarvavighnaharaṃ śuddhaṃ bodhadaṃ buddhirakṣakam|bhuktimuktikaraṃ divyaṃ dhanadhanyapradaṃ param ||50||

ज्ञानदं मानदं श्रेष्ठं महासूत्रयशस्करम् ।तुष्टिदं पुष्टिदं रम्यं दुष्टस्य नाशनं ध्रुवम् ॥ ५१॥

jñānadaṃ mānadaṃ śreṣṭhaṃ mahāsūtrayaśaskaram |tuṣṭidaṃ puṣṭidaṃ ramyaṃ duṣṭasya nāśanaṃ dhruvam || 51||

अभिलाषभरं तीव्रक्रोधमोहस्मरापहम् ।दुर्गमे संकटे घोरे राजस्थाने भयावहे ॥ ५२॥

abhilāṣabharaṃ tīvrakrodhamohasmarāpaham |durgame saṃkaṭe ghore rājasthāne bhayāvahe || 52||

संग्रामेऽस्त्रसमूहाग्रे सिंहव्याघ्रभये तथा ।श्मशाने च भयेस्थाने पर्वतेऽग्नौ जले स्थले ॥ ५३॥

saṃgrāme'strasamūhāgre siṃhavyāghrabhaye tathā |śmaśāne ca bhayesthāne parvate'gnau jale sthale || 53||

चौरसर्पभयेऽत्युग्रे भूतप्रेतपिशाचगे ।ब्रह्मराक्षसवेतालकूष्माण्डे भैरवे ग्रहे ॥ ५४॥

caurasarpabhaye'tyugre bhūtapretapiśācage |brahmarākṣasavetālakūṣmāṇḍe bhairave grahe || 54||

आसन्ने संपठेन्नित्यं मुच्यते सर्वतो भयात् ।निम्बार्ककवचं पद्मं विकटे शत्रुसंकटे ॥ ५५॥

āsanne saṃpaṭhennityaṃ mucyate sarvato bhayāt |nimbārkakavacaṃ padmaṃ vikaṭe śatrusaṃkaṭe || 55||

गुरुमभ्यर्च्य मनसा विधिवद्वर्म संपठेत् ।श्रीनिम्बादित्यभक्ताय स्वैतिह्यतत्पराय च ॥ ५६॥

gurumabhyarcya manasā vidhivadvarma saṃpaṭhet |śrīnimbādityabhaktāya svaitihyatatparāya ca || 56||

गुरुभक्तिप्रसिद्धयर्थं श्रीयुग्मोपासकाय च ।पञ्चसंस्कारयुक्ताय विनीताय यशस्विने ॥ ५७॥

gurubhaktiprasiddhayarthaṃ śrīyugmopāsakāya ca |pañcasaṃskārayuktāya vinītāya yaśasvine || 57||

इदं रम्यं महाशुद्धं दातव्यं कवचं बुधैः ।दुर्विनीतायाऽभक्ताय गुरुविमुखमार्गिणे ॥ ५८॥

idaṃ ramyaṃ mahāśuddhaṃ dātavyaṃ kavacaṃ budhaiḥ |durvinītāyā'bhaktāya guruvimukhamārgiṇe || 58||

सम्प्रदायविहीनाय दत्त्वा मृत्युमवाप्नुयात् ।मन्त्रौघा नैव सिद्धयन्ति निम्बार्ककवचं बिना ॥ ५९॥

sampradāyavihīnāya dattvā mṛtyumavāpnuyāt |mantraughā naiva siddhayanti nimbārkakavacaṃ binā || 59||

इदं सत्यमिदं सत्यं सत्यं सत्यं वदाम्यहम् ।निम्बार्ककवचं पाठ्यं सर्वमन्त्रार्थसिद्धये ॥ ६०॥

idaṃ satyamidaṃ satyaṃ satyaṃ satyaṃ vadāmyaham |nimbārkakavacaṃ pāṭhyaṃ sarvamantrārthasiddhaye || 60||

सर्वसिद्धिमवाप्नोति श्रीनिम्बार्क प्रसादतः ।जीवन्मुक्तो भवेत् सोऽपि विष्णुरेव न संशयः ॥ ६१॥

sarvasiddhimavāpnoti śrīnimbārka prasādataḥ |jīvanmukto bhavet so'pi viṣṇureva na saṃśayaḥ || 61||

इति श्रीगौरमुखाचार्यविनिर्मितं सिद्धिदं श्रीनिम्बार्ककवचं सम्पूर्णम् ।

iti śrīgauramukhācāryavinirmitaṃ siddhidaṃ śrīnimbārkakavacaṃ sampūrṇam |