निम्बार्काष्टोत्तरशतनामस्तोत्रम् Shri Nimbarka Ashtottarashatanama Stotram

श्रीसदानन्दभट्टप्रणीतंनमस्कृत्य प्रवक्ष्यामि श्रीमदाचार्यसद्गुरुम् ।तन्नाम्नामष्टोत्तरशतं कृष्णभक्तिविवर्द्धनम् ॥ १॥

śrīsadānandabhaṭṭapraṇītaṃnamaskṛtya pravakṣyāmi śrīmadācāryasadgurum |tannāmnāmaṣṭottaraśataṃ kṛṣṇabhaktivivarddhanam || 1||

ॐ आनन्दः परमानन्दः सूत्रभाष्यप्रकाशकः ।जीवोद्धारप्रयत्नामा स्मृतमात्रार्त्तिनाशनः ॥ २॥

oṃ ānandaḥ paramānandaḥ sūtrabhāṣyaprakāśakaḥ |jīvoddhāraprayatnāmā smṛtamātrārttināśanaḥ || 2||

श्री भगावतगुप्तार्थप्रबोधनपरायणः ।साकारब्रह्मवादी च व्यापको ब्रह्मपारगः ॥ ३॥

śrī bhagāvataguptārthaprabodhanaparāyaṇaḥ |sākārabrahmavādī ca vyāpako brahmapāragaḥ || 3||

मायाध्वान्तनिराकर्त्ता व्यर्थवादनिरासकृत् ।भक्तिपङ्कजमार्त्तण्डो निम्बवृक्षविभाकरः ॥ ४॥

māyādhvāntanirākarttā vyarthavādanirāsakṛt |bhaktipaṅkajamārttaṇḍo nimbavṛkṣavibhākaraḥ || 4||

सर्वाचार्यप्रियः कृष्णबल्लवीप्रियमानदः ।लक्ष्मीकान्तो द्विजश्रेष्ठो महाकारुणिकः प्रभुः ॥ ५॥

sarvācāryapriyaḥ kṛṣṇaballavīpriyamānadaḥ |lakṣmīkānto dvijaśreṣṭho mahākāruṇikaḥ prabhuḥ || 5||

अनन्तदानदक्षश्च महादेवचरित्रवान् ।आगमानुकृतिब्याजमोहितासुरमानुषः ॥ ६॥

anantadānadakṣaśca mahādevacaritravān |āgamānukṛtibyājamohitāsuramānuṣaḥ || 6||

आनन्दपूर्णाब्धिदेहो वैष्णवो हितकृत्सताम् ।व्रजभोगार्थसद्रूपभक्तिकृत् परमेश्वरः ॥ ७॥

ānandapūrṇābdhideho vaiṣṇavo hitakṛtsatām |vrajabhogārthasadrūpabhaktikṛt parameśvaraḥ || 7||

सर्ववैष्णवसम्पन्नः श्रीविष्णुज्ञानदो मुनिः ।स्वानन्दचिक्कणः पद्मदलायतविलोचनः ॥ ८॥

sarvavaiṣṇavasampannaḥ śrīviṣṇujñānado muniḥ |svānandacikkaṇaḥ padmadalāyatavilocanaḥ || 8||

कृपापीयूषसञ्जुष्टवेदपद्मप्रभाकरः ।रोष दृष्ट्या च सन्दग्धभक्तशत्रुः स्वसेवितः ॥ ९॥

kṛpāpīyūṣasañjuṣṭavedapadmaprabhākaraḥ |roṣa dṛṣṭyā ca sandagdhabhaktaśatruḥ svasevitaḥ || 9||

सुखपूर्णः सुखाराध्यः शीतलाङ्घ्रिसरोरुहः ।भक्तप्रतापो भक्तादिर्भक्तकामप्रपूरितः ॥ १०॥

sukhapūrṇaḥ sukhārādhyaḥ śītalāṅghrisaroruhaḥ |bhaktapratāpo bhaktādirbhaktakāmaprapūritaḥ || 10||

श्रीभागवततात्पर्य्यसमुद्रमथने क्षमः ।वेदान्तसारवाक् सिन्धुतर्पिताखिलसेवकः ॥ ११॥

śrībhāgavatatātparyyasamudramathane kṣamaḥ |vedāntasāravāk sindhutarpitākhilasevakaḥ || 11||

सामीप्यभक्तदत्तश्रीकृष्णप्रेमाऽखिलेष्टदः ।कृष्णक्रीडारतो नित्यं दययैतत्कथाप्रदः ॥ १२॥

sāmīpyabhaktadattaśrīkṛṣṇapremā'khileṣṭadaḥ |kṛṣṇakrīḍārato nityaṃ dayayaitatkathāpradaḥ || 12||

कमलाधवभक्त्यर्थसर्वनामोपदेशकः ।कर्माचारोपदेष्टा च भक्तिमार्गप्रवर्त्तकः ॥ १३॥

kamalādhavabhaktyarthasarvanāmopadeśakaḥ |karmācāropadeṣṭā ca bhaktimārgapravarttakaḥ || 13||

विश्वेन्द्रो धर्मकर्त्ता च धर्मकालो द्विजेश्वरः ।सर्वानन्दः सर्वकामः कालभानुर्मुनीश्वरः ॥ १४॥

viśvendro dharmakarttā ca dharmakālo dvijeśvaraḥ |sarvānandaḥ sarvakāmaḥ kālabhānurmunīśvaraḥ || 14||

गोपिकायशविस्तारवक्ता तत्परसाधनः ।जीवाचारोपदेशार्थभक्तिग्रन्थनिरूपकः ॥ १५॥

gopikāyaśavistāravaktā tatparasādhanaḥ |jīvācāropadeśārthabhaktigranthanirūpakaḥ || 15||

शान्तो जितारिषड्वर्गों यशोदाप्रियचेष्टितः ।स्वशिष्यार्थकृताभ्यासः सर्वविद्याविशारदः ॥ १६॥

śānto jitāriṣaḍvargoṃ yaśodāpriyaceṣṭitaḥ |svaśiṣyārthakṛtābhyāsaḥ sarvavidyāviśāradaḥ || 16||

हरिभक्तिस्वभावो हि कृपासागरयत्नवान् ।व्रजे संस्थापितप्राणो व्रजपालो व्रजाधिपः ॥ १७॥

haribhaktisvabhāvo hi kṛpāsāgarayatnavān |vraje saṃsthāpitaprāṇo vrajapālo vrajādhipaḥ || 17||

दयालुर्भेदभर्त्ता च भेदवादे सहायवान् ।तमालश्यामलाङ्गो हि सिंहग्रीवो महाभुजः ॥ १८॥

dayālurbhedabharttā ca bhedavāde sahāyavān |tamālaśyāmalāṅgo hi siṃhagrīvo mahābhujaḥ || 18||

उपासनादिकर्त्ता च मुग्धमोहविनाशकः ।वाजपेयसोमयज्ञचातुर्मास्यानुभूतिकृत् ॥ १९॥

upāsanādikarttā ca mugdhamohavināśakaḥ |vājapeyasomayajñacāturmāsyānubhūtikṛt || 19||

बकारिपदसेवोपदेष्टा श्रीगोपिकाप्रियः ।सुलक्षणनिकुञ्जस्थो गोपीशरसपूरितः ॥ २०॥

bakāripadasevopadeṣṭā śrīgopikāpriyaḥ |sulakṣaṇanikuñjastho gopīśarasapūritaḥ || 20||

भक्तगम्यो हितप्रियो विस्मृतान्यो जनार्दनः ।जनार्दनस्थितिः शुद्धलीलाकर्त्ता गतस्मयः ॥ २१॥

bhaktagamyo hitapriyo vismṛtānyo janārdanaḥ |janārdanasthitiḥ śuddhalīlākarttā gatasmayaḥ || 21||

गोपीनाथप्रियो गोपीज्ञानदाता विमोहनः ।रामेषुप्राणाक्षरोक्त्या सद्यः पतितपावनः ॥ २२॥

gopīnāthapriyo gopījñānadātā vimohanaḥ |rāmeṣuprāṇākṣaroktyā sadyaḥ patitapāvanaḥ || 22||

हरिभक्त्योक्तसुहृदः स्वदयाम्बुजविष्टरः ।गदी पद्मी सुयज्ञज्ञो दैत्यशत्रुविमुक्तिदः ॥ २३॥

haribhaktyoktasuhṛdaḥ svadayāmbujaviṣṭaraḥ |gadī padmī suyajñajño daityaśatruvimuktidaḥ || 23||

लीलामृतरसास्वादकृपाजनशरीरभृत् ।गोवर्द्धनकृतोत्साहस्तल्लीलाप्रेममन्दिरः ॥ २४॥

līlāmṛtarasāsvādakṛpājanaśarīrabhṛt |govarddhanakṛtotsāhastallīlāpremamandiraḥ || 24||

मोक्षकर्त्ता मोक्षभोक्ता चतुर्वेदविशारदः ।सत्यस्वभावस्त्रिगुणातीतः सुनयकोविदः ॥ २५॥

mokṣakarttā mokṣabhoktā caturvedaviśāradaḥ |satyasvabhāvastriguṇātītaḥ sunayakovidaḥ || 25||

स्वकीर्त्तिगीताभाष्येन्दुर्वेदभाष्यप्रदर्शकः ।मायावादाख्यतूलाग्निः कृष्णवाक्यनिरूपकः ॥ २६॥

svakīrttigītābhāṣyendurvedabhāṣyapradarśakaḥ |māyāvādākhyatūlāgniḥ kṛṣṇavākyanirūpakaḥ || 26||

अनन्तभक्तसंराध्यचरणाम्बुजकोशभूः ।इत्यानन्दविभोः प्रोक्तं नाम्नामष्टोत्तरं शतम् ॥ २७॥

anantabhaktasaṃrādhyacaraṇāmbujakośabhūḥ |ityānandavibhoḥ proktaṃ nāmnāmaṣṭottaraṃ śatam || 27||

श्रद्धाविदोषबुद्धियो जपत्यनुदिनं बुधम् ।चरणैकमनाः शुद्धमुक्तिं प्राप्नोत्यसंशयः ॥ २८॥

śraddhāvidoṣabuddhiyo japatyanudinaṃ budham |caraṇaikamanāḥ śuddhamuktiṃ prāpnotyasaṃśayaḥ || 28||

यो जपेत्प्रातरुत्थाय निम्बार्कस्य महात्मनः ।श्रद्धया पूरितः प्रोक्तं भक्तिविघ्नविनाशनम् ॥ २९॥

yo japetprātarutthāya nimbārkasya mahātmanaḥ |śraddhayā pūritaḥ proktaṃ bhaktivighnavināśanam || 29||

प्रेमभक्तिर्भवेत्तस्य केशवे नात्र संशयः ।अपारकष्टयुक्तोऽपि मुच्यते कष्टसकटात् ॥ ३०॥

premabhaktirbhavettasya keśave nātra saṃśayaḥ |apārakaṣṭayukto'pi mucyate kaṣṭasakaṭāt || 30||

सदानन्देन भट्टेन विष्णुभक्तियशोऽर्थिना ।प्रियावल्लभदासेन कृतं निम्बार्कसंस्तवम् ॥ ३१॥

sadānandena bhaṭṭena viṣṇubhaktiyaśo'rthinā |priyāvallabhadāsena kṛtaṃ nimbārkasaṃstavam || 31||

स्वान्तान्धकारहन्तारं कर्त्तारं शुभकर्मणाम् ।अभीष्टफलदातारं श्रीनिम्बार्कमहं भजे ॥ ३२॥

svāntāndhakārahantāraṃ karttāraṃ śubhakarmaṇām |abhīṣṭaphaladātāraṃ śrīnimbārkamahaṃ bhaje || 32||

॥ इति श्रीसदानन्दभट्टप्रणीतंश्रीनिम्बार्काष्टोत्तरशतनामस्तोत्रं समाप्तम् ॥

|| iti śrīsadānandabhaṭṭapraṇītaṃśrīnimbārkāṣṭottaraśatanāmastotraṃ samāptam ||