गङ्गास्तोत्रम् ०६ Gangastotram 6

श्रीगणेशाय नमः ।विचलकलविहङ्गे विष्णुपादाम्बुसङ्गेतटतरुरतभृङ्गे तीरचञ्चत्कुरङ्गे ।विमलतरतरङ्गे विश्वनाथाञ्चिताङ्गेसकलकलुषभङ्गे पाहि मां देवि गङ्गे ॥ १॥

śrīgaṇeśāya namaḥ |vicalakalavihaṅge viṣṇupādāmbusaṅgetaṭataruratabhṛṅge tīracañcatkuraṅge |vimalatarataraṅge viśvanāthāñcitāṅgesakalakaluṣabhaṅge pāhi māṃ devi gaṅge || 1||

जनेर्दूरे धीरे जननि तव तीरे स्थिरतरंनरं धन्यं मन्ये हिमशिखरिकन्ये सुनिपुणम् ।असौ वारं वारं जननमृतिभारं परिजहत्स्वसंसारं सारं भवजलधिपारं हि भजति ॥ २॥

janerdūre dhīre janani tava tīre sthirataraṃnaraṃ dhanyaṃ manye himaśikharikanye sunipuṇam |asau vāraṃ vāraṃ jananamṛtibhāraṃ parijahatsvasaṃsāraṃ sāraṃ bhavajaladhipāraṃ hi bhajati || 2||

त्वदुत्सङ्गे गङ्गे विहरणविहङ्गे मयि मिलत्कृपापाङ्गे सङ्गे तव वरतङ्गेण सति मे ।कुतः पापं तापं जनयतु समीपं परिजहत्परं द्वीपं दीपं तम इव दुरापं व्रजति हि ॥ ३॥

tvadutsaṅge gaṅge viharaṇavihaṅge mayi milatkṛpāpāṅge saṅge tava varataṅgeṇa sati me |kutaḥ pāpaṃ tāpaṃ janayatu samīpaṃ parijahatparaṃ dvīpaṃ dīpaṃ tama iva durāpaṃ vrajati hi || 3||

गङ्गे भृङ्गाङ्गनालीविरचितकलसङ्गीतभङ्गीविलग्नस्वान्तानन्दानुरूपप्रविततपुलकभ्रान्तिदाल्पाल्पभङ्गे ।अङ्गीकुर्वद्य मां त्वत्सकरुणरुचिरापाङ्गलावण्यगङ्गातुङ्गोर्मिस्नापिताङ्गस्वकपरिजनसङ्घातमध्येऽन्तरङ्गम् ॥ ४॥

gaṅge bhṛṅgāṅganālīviracitakalasaṅgītabhaṅgīvilagnasvāntānandānurūpapravitatapulakabhrāntidālpālpabhaṅge |aṅgīkurvadya māṃ tvatsakaruṇarucirāpāṅgalāvaṇyagaṅgātuṅgormisnāpitāṅgasvakaparijanasaṅghātamadhye'ntaraṅgam || 4||

अम्ब त्वामनुसन्दधेऽहमनिशं चित्तेन वाचापि तेस्वर्भूलोकरसातलेषु विततां कीर्तिं स्तुवे पावनि ।गङ्गे तुङ्गतरङ्गसङ्गिहिमवत्पादे पदाब्जं च तेसाष्टाङ्गं प्रणमामि तारय परं मां देवि दुःखार्णवात् ॥ ५॥

amba tvāmanusandadhe'hamaniśaṃ cittena vācāpi tesvarbhūlokarasātaleṣu vitatāṃ kīrtiṃ stuve pāvani |gaṅge tuṅgataraṅgasaṅgihimavatpāde padābjaṃ ca tesāṣṭāṅgaṃ praṇamāmi tāraya paraṃ māṃ devi duḥkhārṇavāt || 5||

गङ्गे मङ्गलदायिभव्यचरिते रिङ्गत्तरङ्गोज्ज्वलेसांङ्गो मेऽस्तु मनोरथस्त्वयि सदा स्नानेन पानेन च ।एतावत्तु वृतं मया तव पुनस्तीरे सदा सात्त्विकैवेदान्तार्थविचारतत्परतरो नेष्ये चिरं वासरान् ॥ ६॥

gaṅge maṅgaladāyibhavyacarite riṅgattaraṅgojjvalesāṃṅgo me'stu manorathastvayi sadā snānena pānena ca |etāvattu vṛtaṃ mayā tava punastīre sadā sāttvikaivedāntārthavicāratatparataro neṣye ciraṃ vāsarān || 6||

गङ्गे तावकतीर एव सततं वस्तुं मनो मेऽस्ति चेदअस्त्वेवं ननु दिव्यमङ्गलगुणे किं तावता साधितम् ।मातुः स्तन्यमपेक्ष्य भूरिकरुणालापैः परं बालकोरोदिष्यत्यसकृद् ददाति यदि सा सार्थस्तदा तच्छ्रमः ॥ ७॥

gaṅge tāvakatīra eva satataṃ vastuṃ mano me'sti cedaastvevaṃ nanu divyamaṅgalaguṇe kiṃ tāvatā sādhitam |mātuḥ stanyamapekṣya bhūrikaruṇālāpaiḥ paraṃ bālakorodiṣyatyasakṛd dadāti yadi sā sārthastadā tacchramaḥ || 7||

अम्बाद्याभिमुखीकृतासि सुचिरं जन्मान्तरेष्वर्जितैःपुण्यैरन्यसुदुर्लभैस्तव मया प्राप्तं कटाक्षेक्षणम् ।यत्प्राप्यैव शिवः शिवोऽभवदसौ विष्णुच विष्णुत्ववान्ब्रह्मा ब्रह्मपदं जगाम महिमा गङ्गे तवात्यद्भुतः ॥ ८॥

ambādyābhimukhīkṛtāsi suciraṃ janmāntareṣvarjitaiḥpuṇyairanyasudurlabhaistava mayā prāptaṃ kaṭākṣekṣaṇam |yatprāpyaiva śivaḥ śivo'bhavadasau viṣṇuca viṣṇutvavānbrahmā brahmapadaṃ jagāma mahimā gaṅge tavātyadbhutaḥ || 8||

इति जह्वसुतां जगद्विभूषामभिनन्द्याथ समस्तदेवतास्ताः ।जनुषः फलमद्य जातमित्यालपनं चक्रुरतीव हष्टभावाः ॥ ९॥

iti jahvasutāṃ jagadvibhūṣāmabhinandyātha samastadevatāstāḥ |januṣaḥ phalamadya jātamityālapanaṃ cakruratīva haṣṭabhāvāḥ || 9||

नदनन्तरमत्य तत्प्रतीरं तुलसीं सन्ददृशुसित्रलोक वन्ध्याम् ।स्तुतिभिः सह तत्प्रदक्षिणामुचितं प्रभुक्रमणं वितेनिरे ते ॥ १०॥

nadanantaramatya tatpratīraṃ tulasīṃ sandadṛśusitraloka vandhyām |stutibhiḥ saha tatpradakṣiṇāmucitaṃ prabhukramaṇaṃ vitenire te || 10||

पठन् गङ्गाष्टकमिदं लक्ष्मणाध्वरिनिर्मितम् ।आयुरारोग्यपुत्रार्थ विद्यासिद्धिमवाप्नुयात् ॥ ११॥

paṭhan gaṅgāṣṭakamidaṃ lakṣmaṇādhvarinirmitam |āyurārogyaputrārtha vidyāsiddhimavāpnuyāt || 11||

इति श्रीलक्ष्मणसोमयाजि विरचितं गङ्गास्तोत्रं सम्पूर्णम् ।

iti śrīlakṣmaṇasomayāji viracitaṃ gaṅgāstotraṃ sampūrṇam |