चण्डिकाष्टकम् Chandikashtakam

सहस्रचन्द्रनित्दकातिकान्तचन्द्रिकाचयैदिशोऽभिपूरयद् विदूरयद् दुराग्रहं कलेः ।कृतामलाऽवलाकलेवरं वरं भजामहेमहेशमानसाश्रयन्वहो महो महोदयम् ॥ १॥

sahasracandranitdakātikāntacandrikācayaidiśo'bhipūrayad vidūrayad durāgrahaṃ kaleḥ |kṛtāmalā'valākalevaraṃ varaṃ bhajāmahemaheśamānasāśrayanvaho maho mahodayam || 1||

विशालशैलकन्दरान्तरालवासशालिनींत्रिलोकपालिनीं कपालिनी मनोरमामिमाम् ।उमामुपासितां सुरैरूपास्महे महेश्वरींपरां गणेश्वरप्रसू नगेश्वरस्य नन्दिनीम् ॥ २॥

viśālaśailakandarāntarālavāsaśālinīṃtrilokapālinīṃ kapālinī manoramāmimām |umāmupāsitāṃ surairūpāsmahe maheśvarīṃparāṃ gaṇeśvaraprasū nageśvarasya nandinīm || 2||

अये महेशि! ते महेन्द्रमुख्यनिर्जराः समेसमानयन्ति मूर्द्धरागत परागमंघ्रिजम् ।महाविरागिशंकराऽनुरागिणीं नुरागिणीस्मरामि चेतसाऽतसीमुमामवाससं नुताम् ॥ ३॥

aye maheśi! te mahendramukhyanirjarāḥ samesamānayanti mūrddharāgata parāgamaṃghrijam |mahāvirāgiśaṃkarā'nurāgiṇīṃ nurāgiṇīsmarāmi cetasā'tasīmumāmavāsasaṃ nutām || 3||

भजेऽमरांगनाकरोच्छलत्सुचाम रोच्चलन्निचोललोलकुन्तलां स्वलोकशोकनाशिनीम् ।अदभ्रसम्भृतातिसम्भ्रमप्रभूतविभ्रमप्रवृतताण्डवप्रकाण्डपण्डितीकृतेश्वराम् ॥ ४॥

bhaje'marāṃganākarocchalatsucāma roccalannicolalolakuntalāṃ svalokaśokanāśinīm |adabhrasambhṛtātisambhramaprabhūtavibhramapravṛtatāṇḍavaprakāṇḍapaṇḍitīkṛteśvarām || 4||

अपीह पामरं विधाय चामरं तथाऽमरंनुपामरं परेशिदृग्विभावितावितत्रिके ।प्रवर्तते प्रतोषरोषखेलन तव स्वदोषमोषहेतवे समृद्धिमेलनं पदन्नुमः ॥ ५॥

apīha pāmaraṃ vidhāya cāmaraṃ tathā'maraṃnupāmaraṃ pareśidṛgvibhāvitāvitatrike |pravartate pratoṣaroṣakhelana tava svadoṣamoṣahetave samṛddhimelanaṃ padannumaḥ || 5||

भभूव्भभव्भभव्भभाभितोविभासि भास्वरप्रभाभरप्रभासितागगह्वराधिभासिनीम् ।मिलत्तरज्वलत्तरोद्वलत्तरक्षपाकरप्रमूतभाभरप्रभासिभालपट्टिकां भजे ॥ ६॥

bhabhūvbhabhavbhabhavbhabhābhitovibhāsi bhāsvaraprabhābharaprabhāsitāgagahvarādhibhāsinīm |milattarajvalattarodvalattarakṣapākarapramūtabhābharaprabhāsibhālapaṭṭikāṃ bhaje || 6||

कपोतकम्बुकाम्यकण्ठकण्ठयकंकणांगदादिकान्तकाश्चिकाश्चितां कपालिकामिनीमहम् ।वरांघ्रिनूपुरध्वनिप्रवृत्तिसम्भवद् विशेषकाव्यकल्पकौशलां कपालकुण्डलां भजे ॥ ७॥

kapotakambukāmyakaṇṭhakaṇṭhayakaṃkaṇāṃgadādikāntakāścikāścitāṃ kapālikāminīmaham |varāṃghrinūpuradhvanipravṛttisambhavad viśeṣakāvyakalpakauśalāṃ kapālakuṇḍalāṃ bhaje || 7||

भवाभयप्रभावितद्भवोत्तरप्रभावि भव्यभूमिभूतिभावन प्रभूतिभावुकं भवे ।भवानि नेति ते भवानि! पादपंकजं भजेभवन्ति तत्र शत्रुवो न यत्र तद्विभावनम् ॥ ८॥

bhavābhayaprabhāvitadbhavottaraprabhāvi bhavyabhūmibhūtibhāvana prabhūtibhāvukaṃ bhave |bhavāni neti te bhavāni! pādapaṃkajaṃ bhajebhavanti tatra śatruvo na yatra tadvibhāvanam || 8||

दुर्गाग्रतोऽतिगरिमप्रभवां भवान्याभव्यामिमां स्तुतिमुमापतिना प्रणीताम् ।यः श्रावयेत् सपुरूहूतपुराधिपत्यभाग्यं लभेत रिपवश्च तृणानि तस्य ॥ ९॥

durgāgrato'tigarimaprabhavāṃ bhavānyābhavyāmimāṃ stutimumāpatinā praṇītām |yaḥ śrāvayet sapurūhūtapurādhipatyabhāgyaṃ labheta ripavaśca tṛṇāni tasya || 9||

रामाष्टांक शशांकेऽब्देऽष्टम्यां शुक्लाश्विने गुरौ ।शाक्तश्रीजगदानन्दशर्मण्युपहृता स्तुतिः ॥ १०॥

rāmāṣṭāṃka śaśāṃke'bde'ṣṭamyāṃ śuklāśvine gurau |śāktaśrījagadānandaśarmaṇyupahṛtā stutiḥ || 10||

॥ इति कविपत्युपनामकश्री उमापतिद्विवेदिविरचितं चण्डिकाष्टकंसम्पूर्णम् ॥

|| iti kavipatyupanāmakaśrī umāpatidvivediviracitaṃ caṇḍikāṣṭakaṃsampūrṇam ||