भवानीमङ्गळाष्टकस्तोत्रम् Suryakritam Bhavanimangalashtaka Stotram

रविरुवाच ।देवि त्वदीयचरणाम्बुजरेणुगौरींभालस्थलीं वहति यः प्रणतिप्रवीणः ।जन्मान्तरेऽपि रजनीकरचारुलेखातां गौरयत्यतितरां किल तस्य पुंसः ॥ ५५॥

raviruvāca |devi tvadīyacaraṇāmbujareṇugaurīṃbhālasthalīṃ vahati yaḥ praṇatipravīṇaḥ |janmāntare'pi rajanīkaracārulekhātāṃ gaurayatyatitarāṃ kila tasya puṃsaḥ || 55||

श्रीमङ्गले सकलमङ्गलजन्मभूमेश्रीमङ्गले सकलकल्मषतूलवह्ने ।श्रीमङ्गले सकलदानवदर्पहन्त्रिश्रीमङ्गलेऽखिलमिदं परिपाहि विश्वम् ॥ ५६॥

śrīmaṅgale sakalamaṅgalajanmabhūmeśrīmaṅgale sakalakalmaṣatūlavahne |śrīmaṅgale sakaladānavadarpahantriśrīmaṅgale'khilamidaṃ paripāhi viśvam || 56||

विश्वेश्वरि त्वमसि विश्वजनस्य कर्त्रीत्वं पालयित्र्यसि तथा प्रलयेऽपिहन्त्री ।त्वन्नामकीर्तनसमुल्लसदच्छपुण्यास्रोतस्विनी हरति पातककूलवृक्षान् ॥ ५७॥

viśveśvari tvamasi viśvajanasya kartrītvaṃ pālayitryasi tathā pralaye'pihantrī |tvannāmakīrtanasamullasadacchapuṇyāsrotasvinī harati pātakakūlavṛkṣān || 57||

मातर्भवानि भवती भवतीव्रदुःखसम्भारहारिणि शरण्यमिहास्ति नान्या ।धन्यास्त एव भुवनेषु त एव मान्यायेषु स्फुरेत्तवशुभः करुणाकटाक्षः ॥ ५८॥

mātarbhavāni bhavatī bhavatīvraduḥkhasambhārahāriṇi śaraṇyamihāsti nānyā |dhanyāsta eva bhuvaneṣu ta eva mānyāyeṣu sphurettavaśubhaḥ karuṇākaṭākṣaḥ || 58||

ये त्वां स्मरन्ति सततं सहजप्रकाशांकाशीपुरीस्थितिमतीं नतमोक्षलक्ष्मीम् ।तान्संस्मरेत्स्मरहरो धृतशुद्धबुद्धीन्निर्वाणरक्षणविचक्षणपात्रभूतान् ॥ ५९॥

ye tvāṃ smaranti satataṃ sahajaprakāśāṃkāśīpurīsthitimatīṃ natamokṣalakṣmīm |tānsaṃsmaretsmaraharo dhṛtaśuddhabuddhīnnirvāṇarakṣaṇavicakṣaṇapātrabhūtān || 59||

मातस्तवाङ्घ्रियुगलं विमलं हृदिस्थंयस्यास्ति तस्य भुवनं सकलं करस्थम् ।यो नाम ते जपति मङ्गलगौरि नित्यंसिद्।ह्ध्यष्टकं न परिमुञ्चति तस्य गेहम् ॥ १\।४९\।६०॥त्वं देवि वेदजननी प्रणवस्वरूपागायत्र्यसि त्वमसि वै द्विजकामधेनुः ।त्वं व्याहृतित्रयमिहाऽखिलकर्मसिद्।ह्ध्यैस्वाहास्वधासि सुमनः पितृतृप्तिहेतुः ॥ ६१॥

mātastavāṅghriyugalaṃ vimalaṃ hṛdisthaṃyasyāsti tasya bhuvanaṃ sakalaṃ karastham |yo nāma te japati maṅgalagauri nityaṃsid|hdhyaṣṭakaṃ na parimuñcati tasya geham || 1\|49\|60||tvaṃ devi vedajananī praṇavasvarūpāgāyatryasi tvamasi vai dvijakāmadhenuḥ |tvaṃ vyāhṛtitrayamihā'khilakarmasid|hdhyaisvāhāsvadhāsi sumanaḥ pitṛtṛptihetuḥ || 61||

गौरि त्वमेव शशिमौलिनि वेधसि त्वंसावित्र्यसि त्वमसि चक्रिणि चारुलक्ष्मीः ।काश्यां त्वमस्यमलरूपिणि मोक्षलक्ष्मीस्त्वं मे शरण्यमिह मङ्गलगौरि मातः ॥ ६२॥

gauri tvameva śaśimaulini vedhasi tvaṃsāvitryasi tvamasi cakriṇi cārulakṣmīḥ |kāśyāṃ tvamasyamalarūpiṇi mokṣalakṣmīstvaṃ me śaraṇyamiha maṅgalagauri mātaḥ || 62||

स्तुत्वेति तां स्मरहरार्धशरीरशोभांश्रीमङ्गलाष्टकमहास्तवनेन भानुः ।देवीं च देवमसकृत्परितः प्रणम्यतूष्णीं बभूव सविता शिवयोः पुरस्तात् ॥ ६३॥

stutveti tāṃ smaraharārdhaśarīraśobhāṃśrīmaṅgalāṣṭakamahāstavanena bhānuḥ |devīṃ ca devamasakṛtparitaḥ praṇamyatūṣṇīṃ babhūva savitā śivayoḥ purastāt || 63||

इति श्रीस्कादपुराणे काशीखण्डे पूर्वार्द्धे एकोनपञ्चाशत्तमा ध्यायान्तर्गतंसूर्यकृतं श्रीमङ्गलाष्टकस्तोत्रं समाप्तम् ।स्कन्दपुराण । काशीखण्ड । पूर्वखण्ड । अध्याय ४९/५५६३॥स्कन्दपुराण । काशीखण्ड । पूर्वखण्ड । अध्याय ४९/५५-६३॥

iti śrīskādapurāṇe kāśīkhaṇḍe pūrvārddhe ekonapañcāśattamā dhyāyāntargataṃsūryakṛtaṃ śrīmaṅgalāṣṭakastotraṃ samāptam |skandapurāṇa | kāśīkhaṇḍa | pūrvakhaṇḍa | adhyāya 49/5563||skandapurāṇa | kāśīkhaṇḍa | pūrvakhaṇḍa | adhyāya 49/55-63||