शूलिनीकवचम् Shrishulinikavacham

श्रीशिवः उवाचअथ वक्ष्ये महागुह्यं कवचं सर्वसिद्धिदम् ।समाहितेन मनसा शृणु कल्याणि तादृशम् ॥ १॥

śrīśivaḥ uvācaatha vakṣye mahāguhyaṃ kavacaṃ sarvasiddhidam |samāhitena manasā śṛṇu kalyāṇi tādṛśam || 1||

शूलिन्याः कवचं दिव्यं जगद्रक्षणवर्धनम् ।सर्वसिद्धिप्रदं श्रेष्ठं सर्वपापप्रणाशनम् ॥ २॥

śūlinyāḥ kavacaṃ divyaṃ jagadrakṣaṇavardhanam |sarvasiddhipradaṃ śreṣṭhaṃ sarvapāpapraṇāśanam || 2||

सर्वमङ्गलमाङ्गल्यं सर्वैश्वर्यप्रदायकम् ।ब्रह्मज्ञानप्रदं हृद्यं भीषणं जयवर्धनम् ॥ ३॥

sarvamaṅgalamāṅgalyaṃ sarvaiśvaryapradāyakam |brahmajñānapradaṃ hṛdyaṃ bhīṣaṇaṃ jayavardhanam || 3||

सर्वरोगहरं शान्तं सर्वरक्षाकरं परम् ।कवचस्य ऋषिर्देव्या मृत्युञ्जय उदाहृतः ॥ ४॥

sarvarogaharaṃ śāntaṃ sarvarakṣākaraṃ param |kavacasya ṛṣirdevyā mṛtyuñjaya udāhṛtaḥ || 4||

उष्णिक् छन्दस्तथा देवि देवता जगदम्बिका ।दुं कारं बीजमित्युक्तं स्वाहा शक्तिस्ततः परम् ॥ ५॥

uṣṇik chandastathā devi devatā jagadambikā |duṃ kāraṃ bījamityuktaṃ svāhā śaktistataḥ param || 5||

सर्वाभीष्टार्थसिध्यर्थे विनियोगो वरानने ।मायार्णैश्च करन्यासं षडङ्गं प्रणवान्वितम् ॥ ६॥

sarvābhīṣṭārthasidhyarthe viniyogo varānane |māyārṇaiśca karanyāsaṃ ṣaḍaṅgaṃ praṇavānvitam || 6||

ॐ अस्य श्री शूलिनीकवचस्य मृत्युञ्जय ऋषिः ।उष्णिक् छन्दः । श्रीजगदम्बिका शूलिनी देवता । दुं बीजम् ।स्वाहा शक्तिः । सर्वाभीष्टार्थसिद्।ह्ध्यर्थे (जपे) विनियोगः ॥ॐ ह्रां ॐ ह्रीमित्यादिभिः कराङ्गन्यासाः ॥ध्यानम्तापिञ्छस्निग्धवर्णां दशशतवदनां चन्द्ररेखावतंसांहर्यक्षस्कन्धरूढां द्विदशशतभुजां हाटवासोवृताङ्गीम् ।ध्यायेऽहं वैरिलोकग्रसनपरिणता क्रीडनालोलजिह्वांदेवीं क्रुद्धां सुमेधां प्रणतभयहरां शिक्षिताशेषलोकाम् ॥जयेश्वर्यग्रतः पातु पृष्ठतो विजयेश्वरी ।अजिता वामतः पातु दक्षिणं मेऽपराजिता ॥ १॥

oṃ asya śrī śūlinīkavacasya mṛtyuñjaya ṛṣiḥ |uṣṇik chandaḥ | śrījagadambikā śūlinī devatā | duṃ bījam |svāhā śaktiḥ | sarvābhīṣṭārthasid|hdhyarthe (jape) viniyogaḥ ||oṃ hrāṃ oṃ hrīmityādibhiḥ karāṅganyāsāḥ ||dhyānamtāpiñchasnigdhavarṇāṃ daśaśatavadanāṃ candrarekhāvataṃsāṃharyakṣaskandharūḍhāṃ dvidaśaśatabhujāṃ hāṭavāsovṛtāṅgīm |dhyāye'haṃ vairilokagrasanapariṇatā krīḍanālolajihvāṃdevīṃ kruddhāṃ sumedhāṃ praṇatabhayaharāṃ śikṣitāśeṣalokām ||jayeśvaryagrataḥ pātu pṛṣṭhato vijayeśvarī |ajitā vāmataḥ pātu dakṣiṇaṃ me'parājitā || 1||

ब्रह्माणी पातु केशाग्रं शिवा पातु शिरो मम ।अम्बिका मेऽलकं पातु मुखं हैमवती तथा ॥ २॥

brahmāṇī pātu keśāgraṃ śivā pātu śiro mama |ambikā me'lakaṃ pātu mukhaṃ haimavatī tathā || 2||

भवानी पातु नासाग्रं घ्राणं माहेश्वरी तथा ।वाराही नयनं पातु मानस्तोका च दक्षिणम् ॥ ३॥

bhavānī pātu nāsāgraṃ ghrāṇaṃ māheśvarī tathā |vārāhī nayanaṃ pātu mānastokā ca dakṣiṇam || 3||

जिह्वां पातु महाविद्या लम्बिकाग्रं सरस्वती ।सत्यम्बिका ममोर्ध्वोष्ठं लक्ष्मीमेऽर्धरपल्लवम् ॥ ४॥

jihvāṃ pātu mahāvidyā lambikāgraṃ sarasvatī |satyambikā mamordhvoṣṭhaṃ lakṣmīme'rdharapallavam || 4||

श्रुत्यम्बा पातु मे दन्तान् कौमारी चिबुकं तथा ।ज्वाला (कण्ठं) भीमस्वना पातु कपोलौ मे (ऽ)भयङ्करी ॥ ५॥

śrutyambā pātu me dantān kaumārī cibukaṃ tathā |jvālā (kaṇṭhaṃ) bhīmasvanā pātu kapolau me (')bhayaṅkarī || 5||

इन्द्राणी पातु मे कर्णौ इन्द्रनाथा हनू मम ।ग्रीवापार्श्वं महाशक्तिः ग्रीवां मे परमेश्वरी ॥ ६॥

indrāṇī pātu me karṇau indranāthā hanū mama |grīvāpārśvaṃ mahāśaktiḥ grīvāṃ me parameśvarī || 6||

कराली दक्षिणस्कन्धं वैष्णवी पातु वामकम् ।शिवेशी दक्षदोर्मूलं शिवदूती च वामकम् ॥ ७॥

karālī dakṣiṇaskandhaṃ vaiṣṇavī pātu vāmakam |śiveśī dakṣadormūlaṃ śivadūtī ca vāmakam || 7||

अच्युता दक्षदोर्दण्डं अनन्ता पातु वामकम् ।दक्षकूर्परमीशानी त्रिशूली पातु वामकम् ॥ ८॥

acyutā dakṣadordaṇḍaṃ anantā pātu vāmakam |dakṣakūrparamīśānī triśūlī pātu vāmakam || 8||

ज्वालामुखी प्रकोष्ठं मे पातु भद्रा च वामकम् ।भैरवी मणिबन्धं मे वामं पातु महेश्वरी ॥ ९॥

jvālāmukhī prakoṣṭhaṃ me pātu bhadrā ca vāmakam |bhairavī maṇibandhaṃ me vāmaṃ pātu maheśvarī || 9||

करपृष्ठं तु वाराही विकटाङ्गी तु वामकम् ।अघोरा दक्षिणाङ्गुष्ठं घोररूपा तु तर्जनीम् ॥ १०॥

karapṛṣṭhaṃ tu vārāhī vikaṭāṅgī tu vāmakam |aghorā dakṣiṇāṅguṣṭhaṃ ghorarūpā tu tarjanīm || 10||

मध्यमां रक्तकेशी चाऽनामिकां तु महाबला ।माया कनिष्ठिकां पातु पर्वाणि विषनाशिनी ॥ ११॥

madhyamāṃ raktakeśī cā'nāmikāṃ tu mahābalā |māyā kaniṣṭhikāṃ pātu parvāṇi viṣanāśinī || 11||

नखानि मे करालास्या वामाङ्गुष्ठं महोदरी ।तर्जनीं रक्तचामुण्डी मेघनादा तु मध्यमाम् ॥ १२॥

nakhāni me karālāsyā vāmāṅguṣṭhaṃ mahodarī |tarjanīṃ raktacāmuṇḍī meghanādā tu madhyamām || 12||

अनामिकां रौद्रमुखी काली पातु कनिष्ठिकाम् ।पर्वाणि कालरात्रिर्मे नारसिह्मी नखानि मे ॥ १३॥

anāmikāṃ raudramukhī kālī pātu kaniṣṭhikām |parvāṇi kālarātrirme nārasihmī nakhāni me || 13||

जटिला दक्षिण कक्षं वामकक्षं पयस्विनी ।वक्षो ज्वालामुखी पातु हृदयं कृष्णपिङ्गला ॥ १४॥

jaṭilā dakṣiṇa kakṣaṃ vāmakakṣaṃ payasvinī |vakṣo jvālāmukhī pātu hṛdayaṃ kṛṣṇapiṅgalā || 14||

नारायणी स्तनद्वन्द्वं रुद्राणी मस्तकाग्रकम् ।जठरं भद्रकाली मे चण्डिका उदरं तथा ॥ १५॥

nārāyaṇī stanadvandvaṃ rudrāṇī mastakāgrakam |jaṭharaṃ bhadrakālī me caṇḍikā udaraṃ tathā || 15||

तद्दक्षिणमनन्ता मे तद्वामः ब्रह्मवादिनी ।सावित्री पातु नाभिं मे गायत्री मे कटिद्वयम् ॥ १६॥

taddakṣiṇamanantā me tadvāmaḥ brahmavādinī |sāvitrī pātu nābhiṃ me gāyatrī me kaṭidvayam || 16||

त्वरिता पातु मे गुह्यं पृष्ठभागं शतानना ।योगेश्वरी गुदं पातु जघनं लोकमोहिनी ॥ १७॥

tvaritā pātu me guhyaṃ pṛṣṭhabhāgaṃ śatānanā |yogeśvarī gudaṃ pātu jaghanaṃ lokamohinī || 17||

ऊरुयुग्मं वसुमतीं चण्डमुण्डा तु जानुनी ।जङ्घे कात्यायनी पातु गुल्फे महिषमर्दिनी ॥ १८॥

ūruyugmaṃ vasumatīṃ caṇḍamuṇḍā tu jānunī |jaṅghe kātyāyanī pātu gulphe mahiṣamardinī || 18||

शाकम्भरीं पादपृष्ठे गौरी पादाङ्गुलीर्मम ।सूक्ष्मा पादतलं पातु पादपार्ष्वं धनञ्जया ॥ १९॥

śākambharīṃ pādapṛṣṭhe gaurī pādāṅgulīrmama |sūkṣmā pādatalaṃ pātu pādapārṣvaṃ dhanañjayā || 19||

सर्वाङ्गं पातु मे पुष्टिः सर्वसन्दिं मदप्रिया ।ज्वालिनी रोमकूपाणि वसुधारा त्वचं मम ॥ २०॥

sarvāṅgaṃ pātu me puṣṭiḥ sarvasandiṃ madapriyā |jvālinī romakūpāṇi vasudhārā tvacaṃ mama || 20||

वसुधा चर्म मे पातु रुधिरं मदनावती ।तीव्रा मांसद्वयं पातु भेदो मे विघ्ननाशिनी ॥ २१॥

vasudhā carma me pātu rudhiraṃ madanāvatī |tīvrā māṃsadvayaṃ pātu bhedo me vighnanāśinī || 21||

ममास्थि भोगदा पातु मज्जां पातु परात्परा ।पञ्चभूतं रतिःपातु शुक्लं मे कामरूपिणी ॥ २२॥

mamāsthi bhogadā pātu majjāṃ pātu parātparā |pañcabhūtaṃ ratiḥpātu śuklaṃ me kāmarūpiṇī || 22||

मूलाधारमुमा पातु स्वाधिष्ठानं चिदङ्कुरा ।अमृता मणिपूरं मेऽनाहतं कमलेक्षणा ॥ २३॥

mūlādhāramumā pātu svādhiṣṭhānaṃ cidaṅkurā |amṛtā maṇipūraṃ me'nāhataṃ kamalekṣaṇā || 23||

विशुद्धि पातु मे नादा(ऽथा) पातु चाज्ञां परा मम ।जातवेदोग्निदुर्गा मे ब्रह्मरन्ध्रं सदावतु ॥ २४॥

viśuddhi pātu me nādā('thā) pātu cājñāṃ parā mama |jātavedognidurgā me brahmarandhraṃ sadāvatu || 24||

शूलिनौ सकलं पातु अनुक्ताङ्गं महाबला ।जागरूकास्ववस्थासु मम पद्मावती तथा ॥ २५॥

śūlinau sakalaṃ pātu anuktāṅgaṃ mahābalā |jāgarūkāsvavasthāsu mama padmāvatī tathā || 25||

शङ्करी पातु मे पुत्रान् पुत्रीं च कमलासना ।सहजान् शाम्भवी पातु सुभगा सुमुखं मम ॥ २६॥

śaṅkarī pātu me putrān putrīṃ ca kamalāsanā |sahajān śāmbhavī pātu subhagā sumukhaṃ mama || 26||

व्योमकेशी कुलद्वन्द्वं इष्टान्दुष्टापहारिणी ।भवनं भुवनाकारा नगरं नगरेश्वरी ॥ २७॥

vyomakeśī kuladvandvaṃ iṣṭānduṣṭāpahāriṇī |bhavanaṃ bhuvanākārā nagaraṃ nagareśvarī || 27||

द्राविणी पातु राज्य मे राजानं क्षोभनाशिनी ।राष्ट्रं च महती पातु प्रजां सर्ववशङ्करी ॥ २८॥

drāviṇī pātu rājya me rājānaṃ kṣobhanāśinī |rāṣṭraṃ ca mahatī pātu prajāṃ sarvavaśaṅkarī || 28||

श्रीदेवी धनधान्यं मे सर्वदा सर्वसम्पदः ।इति गुह्यं महावीर्यं देव्या कवचमद्भुतम् ॥ २९॥

śrīdevī dhanadhānyaṃ me sarvadā sarvasampadaḥ |iti guhyaṃ mahāvīryaṃ devyā kavacamadbhutam || 29||

पावनं सर्वविजयं परमायुष्यवर्धनम् ।अभेद्यमतुलं नानाभूतप्रेतनिबर्हणम् ॥ ३०॥

pāvanaṃ sarvavijayaṃ paramāyuṣyavardhanam |abhedyamatulaṃ nānābhūtapretanibarhaṇam || 30||

किमत्र बहुनोक्तेन चतुर्वर्गफलप्रदम् ।त्रिसन्ध्यं यो जपेन्नित्यं न्यासभावयुतं शिवे ॥ ३१॥

kimatra bahunoktena caturvargaphalapradam |trisandhyaṃ yo japennityaṃ nyāsabhāvayutaṃ śive || 31||

तस्य सर्वभयं नास्ति विजय च करस्थले ।कवचेनाऽऽवृतो विद्वान् स पूज्यः सकलैरपि ।अनेनैव शरीरेण जीवन्मुक्तो भवेच्छिवे ॥ ३२॥

tasya sarvabhayaṃ nāsti vijaya ca karasthale |kavacenā''vṛto vidvān sa pūjyaḥ sakalairapi |anenaiva śarīreṇa jīvanmukto bhavecchive || 32||

इति श्रीशूलिनीकवचं सम्पूर्णम् ॥

iti śrīśūlinīkavacaṃ sampūrṇam ||