तुरजाभवानीकवचम् अथवा तुळजाभवानीकवचम् Shri Turaja Tulaja Kavacham

श्रीगणेशाय नमः । श्रीसरस्वत्यै नमः । श्री शङ्कराय नमः ।अथ ध्यानम् ।श्यामां पूर्णेन्दुवदनां श्वेताम्बरधरां शिवाम् ।महामेघ निनादातां निर्वाते दीपवत्स्थिताम् ॥ १॥

śrīgaṇeśāya namaḥ | śrīsarasvatyai namaḥ | śrī śaṅkarāya namaḥ |atha dhyānam |śyāmāṃ pūrṇenduvadanāṃ śvetāmbaradharāṃ śivām |mahāmegha ninādātāṃ nirvāte dīpavatsthitām || 1||

भुजाष्टकयुक्ता बाणां चापशूलगदाधराम् ।खड्गशङ्खगदाचक्रवरदाभयधारिणीम् ॥ २॥

bhujāṣṭakayuktā bāṇāṃ cāpaśūlagadādharām |khaḍgaśaṅkhagadācakravaradābhayadhāriṇīm || 2||

अथ तुरजा कवचम् ।श्रीदेव्युवाचदेवेश परमेशान भक्तानुग्रहकारक ।तुरजाकवचं वक्ष्ये मम प्रीत्या महेश्वर ॥श्री ईश्वरोवाचशृणु देवि महागुह्यमतिगुह्यतरं महत् ।तुरजाकवचं वक्ष्ये न देयं कस्यचित् कदा ॥ॐ अस्य श्रीतुरजाकवचमालामन्त्रस्य श्रीरामचन्द्र ऋषिः ।श्रीतुरजा देवता । अनुष्टुप्छन्दः ।श्रीतुरजाप्रसादसिद्ध्यर्थे जपे विनियोगः ।श्रीशङ्कर उवाचतुरजा मे शिरः पातु भाले तु परमेश्वरी ।नेत्रे नारायणी रक्षेत्कर्णमूले तु शाङ्करी ॥ १॥

atha turajā kavacam |śrīdevyuvācadeveśa parameśāna bhaktānugrahakāraka |turajākavacaṃ vakṣye mama prītyā maheśvara ||śrī īśvarovācaśṛṇu devi mahāguhyamatiguhyataraṃ mahat |turajākavacaṃ vakṣye na deyaṃ kasyacit kadā ||oṃ asya śrīturajākavacamālāmantrasya śrīrāmacandra ṛṣiḥ |śrīturajā devatā | anuṣṭupchandaḥ |śrīturajāprasādasiddhyarthe jape viniyogaḥ |śrīśaṅkara uvācaturajā me śiraḥ pātu bhāle tu parameśvarī |netre nārāyaṇī rakṣetkarṇamūle tu śāṅkarī || 1||

मुखम्पातु महामाया कण्ठं भुवनसुन्दरी ।बाहुद्वयं विश्वमाता हृदयं शिववल्लभा ॥ २॥

mukhampātu mahāmāyā kaṇṭhaṃ bhuvanasundarī |bāhudvayaṃ viśvamātā hṛdayaṃ śivavallabhā || 2||

नाभिं कुण्डलिनी पातु जानुनी जाह्नवी तथा ।पादयोः पापनाशीञ्च पादाग्रं सर्वतीर्थवत् ॥ ३॥

nābhiṃ kuṇḍalinī pātu jānunī jāhnavī tathā |pādayoḥ pāpanāśīñca pādāgraṃ sarvatīrthavat || 3||

इन्द्रायणी पातु पूर्वे आग्नेय्यामग्निदेवता ।दक्षिणे नारसिंही च नैरृत्यां खड्गधारिणी ॥ ४॥

indrāyaṇī pātu pūrve āgneyyāmagnidevatā |dakṣiṇe nārasiṃhī ca nairṛtyāṃ khaḍgadhāriṇī || 4||

पश्चिमे वारुणी पातु वायव्यां वायुरूपिणी ।उदीच्या पाशहस्ता च ईशान्ये ईश्वरी तथा ॥ ५॥

paścime vāruṇī pātu vāyavyāṃ vāyurūpiṇī |udīcyā pāśahastā ca īśānye īśvarī tathā || 5||

ऊर्ध्वं ब्रह्मणि मे रक्षेदधास्या वैष्णवी तथा ।एवं दशदिशो रक्षेत् सर्वाङ्गे भुवनेश्वरी ॥ ६॥

ūrdhvaṃ brahmaṇi me rakṣedadhāsyā vaiṣṇavī tathā |evaṃ daśadiśo rakṣet sarvāṅge bhuvaneśvarī || 6||

इदं तु कथितं दिव्यं कवचं सर्वदेहिकम् ।भूतग्रहहरं नित्यं ग्रहपीडा तथैव च ॥ ७॥

idaṃ tu kathitaṃ divyaṃ kavacaṃ sarvadehikam |bhūtagrahaharaṃ nityaṃ grahapīḍā tathaiva ca || 7||

सर्वपापहरे देवि अन्ते सायुज्यं प्राप्नुयात् ।यत्र तत्र न वक्तव्यं यदिच्छेदात्मनो हितम् ॥ ८॥

sarvapāpahare devi ante sāyujyaṃ prāpnuyāt |yatra tatra na vaktavyaṃ yadicchedātmano hitam || 8||

शठाय भक्तिहीनाय विष्णुद्वेषाय वै तथा ।शिष्याय भक्तियुक्ताय साधकाय प्रकाशयेत् ॥ ९॥

śaṭhāya bhaktihīnāya viṣṇudveṣāya vai tathā |śiṣyāya bhaktiyuktāya sādhakāya prakāśayet || 9||

दध्यात् कवचमित्युक्तं तत्पुण्यं शृणु पार्वति ।अश्वमेधसहस्राणि कन्याकोटीशचानि च ॥ १०॥

dadhyāt kavacamityuktaṃ tatpuṇyaṃ śṛṇu pārvati |aśvamedhasahasrāṇi kanyākoṭīśacāni ca || 10||

गवां लक्षसहस्राणि तत्पुण्यं लभते नरः ।अष्टम्यां चतुर्दश्यां नवम्यां चैक चेतसा ॥ ११॥

gavāṃ lakṣasahasrāṇi tatpuṇyaṃ labhate naraḥ |aṣṭamyāṃ caturdaśyāṃ navamyāṃ caika cetasā || 11||

सर्वपापविशुद्धात्मा सर्वलोकसनातनम् ।वने रणे महाघोरे भयवादे महाहवे ॥ १२॥

sarvapāpaviśuddhātmā sarvalokasanātanam |vane raṇe mahāghore bhayavāde mahāhave || 12||

जपेत्कवच मा देवि सर्वविघ्नविनाशिनी ।भौमवारे महापुण्ये पठेत्कवचमाहितः ॥ १३॥

japetkavaca mā devi sarvavighnavināśinī |bhaumavāre mahāpuṇye paṭhetkavacamāhitaḥ || 13||

सर्वबाधाप्रशमनं रहस्यं सर्वदेहिनाम् ।किमत्र बहुनोक्तेन देवि सायुज्यं प्राप्नुयात् ॥ १४॥

sarvabādhāpraśamanaṃ rahasyaṃ sarvadehinām |kimatra bahunoktena devi sāyujyaṃ prāpnuyāt || 14||

इति श्रीस्कन्दपुराणे सहयाद्रिखण्डे तुरजामाहात्म्येईश्वरपार्वतीसंवादे श्रीतुरजाकवचं सम्पूर्णम् ।श्रीउमारामेश्वरार्पणमस्तु ।

iti śrīskandapurāṇe sahayādrikhaṇḍe turajāmāhātmyeīśvarapārvatīsaṃvāde śrīturajākavacaṃ sampūrṇam |śrīumārāmeśvarārpaṇamastu |