पद्मावतीकवचम् Padmavati Kavacham

श्रीगणेशाय नमः ।श्रीभैरव उवाच ।अधुना कवचं दिव्यं मन्त्रगर्भं वराभयम् ।वक्ष्ये पार्वति भक्ताते वज्रपञ्जरकाभिधम् ॥ १॥

śrīgaṇeśāya namaḥ |śrībhairava uvāca |adhunā kavacaṃ divyaṃ mantragarbhaṃ varābhayam |vakṣye pārvati bhaktāte vajrapañjarakābhidham || 1||

गुह्यं च परमं गुह्यं सर्वस्वं मे रहस्यकम् ।सर्वमन्त्रमयं तत्त्वं देवी पद्मावती प्रियम् ॥ २॥

guhyaṃ ca paramaṃ guhyaṃ sarvasvaṃ me rahasyakam |sarvamantramayaṃ tattvaṃ devī padmāvatī priyam || 2||

विनाज्ञानेन सिद्धिः स्यात्कवचेन्द्रेण पार्वति ।मन्त्रस्यास्य महादेव्या नाख्येयं यत्रकुत्रचित् ॥ ३॥

vinājñānena siddhiḥ syātkavacendreṇa pārvati |mantrasyāsya mahādevyā nākhyeyaṃ yatrakutracit || 3||

अस्य धारणमात्रेण भैरवोऽहं शिवोऽस्म्यहम् ।विष्णुर्नारायणो लोके ब्रह्मलोक पितामहः ॥ ४॥

asya dhāraṇamātreṇa bhairavo'haṃ śivo'smyaham |viṣṇurnārāyaṇo loke brahmaloka pitāmahaḥ || 4||

इन्द्रो दिवस्पतिर्देवि गुरुर्वागीशताङ्गतः ।शुक्रो दैत्यगुरुर्देवि यः पठेद्श्रावयेदपि ॥ ५॥

indro divaspatirdevi gururvāgīśatāṅgataḥ |śukro daityagururdevi yaḥ paṭhedśrāvayedapi || 5||

धारयेन्मूर्ध्नि वा बाहौ सभवेद्भोगमोक्षभाक् ।कवचस्यास्य देवेशि सदाशिव ऋषिरुढतः ॥ ६॥

dhārayenmūrdhni vā bāhau sabhavedbhogamokṣabhāk |kavacasyāsya deveśi sadāśiva ṛṣiruḍhataḥ || 6||

त्रिष्टुप छन्द इतिख्यातं देवी पद्मावती स्मृता ।रमाबीजं पराशक्तिः कामः कीलकमीश्वरि ॥ ७॥

triṣṭupa chanda itikhyātaṃ devī padmāvatī smṛtā |ramābījaṃ parāśaktiḥ kāmaḥ kīlakamīśvari || 7||

भोगापवर्ग सिध्यर्थं धारयेविनियोगकः ।ॐ अस्य श्रीपद्मावतीवज्रपञ्जरकवचस्य श्रीसदाशिवऋषिःत्रिष्टुपछन्दः श्रीसर्वज्ञेश्वरसहिता श्रीपद्मावतीदेवताश्रीं बीजं ह्रीं शक्तिः क्लीं कीलकं श्रीभोगापवर्गसिद्ध्यर्थंकवचेपाठेधारणे विनियोगः ॥ॐ ह्रीं श्रीं मे शिरः पातु राज्यलक्ष्मीः शिवप्रिया ।क्लीं ब्लूं फट् पातु नेत्रे महालक्ष्मीर्हरिप्रिया ॥ ८॥

bhogāpavarga sidhyarthaṃ dhārayeviniyogakaḥ |oṃ asya śrīpadmāvatīvajrapañjarakavacasya śrīsadāśivaṛṣiḥtriṣṭupachandaḥ śrīsarvajñeśvarasahitā śrīpadmāvatīdevatāśrīṃ bījaṃ hrīṃ śaktiḥ klīṃ kīlakaṃ śrībhogāpavargasiddhyarthaṃkavacepāṭhedhāraṇe viniyogaḥ ||oṃ hrīṃ śrīṃ me śiraḥ pātu rājyalakṣmīḥ śivapriyā |klīṃ blūṃ phaṭ pātu netre mahālakṣmīrharipriyā || 8||

ॐ ऐं क्लीं मे श्रुती पातु सिद्धलक्ष्मी शिवासना ।दयावती पातु नासां पातु सत्यवती मुखम् ॥ ९॥

oṃ aiṃ klīṃ me śrutī pātu siddhalakṣmī śivāsanā |dayāvatī pātu nāsāṃ pātu satyavatī mukham || 9||

कण्ठं यशोवती पातु स्कन्धौपात्वमरावती ।प्रभावती भुजौ पातु पायाद्वनवती करौ ॥ १०॥

kaṇṭhaṃ yaśovatī pātu skandhaupātvamarāvatī |prabhāvatī bhujau pātu pāyādvanavatī karau || 10||

वक्षः क्रियावती पातु स्तनौ पातुमरावती ।कुक्षिं मे कमला पातु नाभिं मे विमलावतु ॥ ११॥

vakṣaḥ kriyāvatī pātu stanau pātumarāvatī |kukṣiṃ me kamalā pātu nābhiṃ me vimalāvatu || 11||

पार्श्वौममावृतान्माला विशालाक्षीं कटिं मम ।पृष्ठं कपालिनी पातु लिङ्गं मेऽवतु मालिनी ॥ १२॥

pārśvaumamāvṛtānmālā viśālākṣīṃ kaṭiṃ mama |pṛṣṭhaṃ kapālinī pātu liṅgaṃ me'vatu mālinī || 12||

हारिणी पातु मे मेढ्रे गुदं हालाचतान्मम ।ममोरू बालिका पातु जानू मे कोमलावतु ॥ १३॥

hāriṇī pātu me meḍhre gudaṃ hālācatānmama |mamorū bālikā pātu jānū me komalāvatu || 13||

बलाममावताज्जङ्घे गुल्फौ सेव्याद्बलाकिनी ।पादौ मे शाकिनी पातु लाकिनी नखरान्मम ॥ १४॥

balāmamāvatājjaṅghe gulphau sevyādbalākinī |pādau me śākinī pātu lākinī nakharānmama || 14||

पादादिमूर्धपर्यन्तं डाकिनी पातु मेवपुः ।शिरसः पादपर्यन्तं खेचरी सकलं वपुः ॥ १५॥

pādādimūrdhaparyantaṃ ḍākinī pātu mevapuḥ |śirasaḥ pādaparyantaṃ khecarī sakalaṃ vapuḥ || 15||

पूर्वे मां पातु ब्रह्माणी वह्नौ नारायणी च माम् ।पश्चिमे पातु मां नित्यं मङ्गलाख्यापराजिता ॥ १६॥

pūrve māṃ pātu brahmāṇī vahnau nārāyaṇī ca mām |paścime pātu māṃ nityaṃ maṅgalākhyāparājitā || 16||

वायव्ये पातु कौमारी वाराहीचोत्तरेऽवतु ।ऐशान्यां नारसिंही मां पातु सर्वत्र सर्वदा ॥ १७॥

vāyavye pātu kaumārī vārāhīcottare'vatu |aiśānyāṃ nārasiṃhī māṃ pātu sarvatra sarvadā || 17||

असिताङ्गः प्रभातेव्यान्मध्याह्ने रुरुभैरवः ।निशान्तेऽवतुसोन्मत्तः सर्वदामां कपालकः ॥ १८॥

asitāṅgaḥ prabhātevyānmadhyāhne rurubhairavaḥ |niśānte'vatusonmattaḥ sarvadāmāṃ kapālakaḥ || 18||

रात्रिर्दिनं भीषणेशः संहारः सर्वतोऽवतु ।सर्वतः सर्वदा सत्यं रणे राजभयादिषु ॥ १९॥

rātrirdinaṃ bhīṣaṇeśaḥ saṃhāraḥ sarvato'vatu |sarvataḥ sarvadā satyaṃ raṇe rājabhayādiṣu || 19||

पातु मां सकलत्रं च देवी पद्मावती परा ।इन्द्रोमे कमलां पातु पातु वह्नि भयाच्चमाम् ॥ २०॥

pātu māṃ sakalatraṃ ca devī padmāvatī parā |indrome kamalāṃ pātu pātu vahni bhayāccamām || 20||

धर्मराजोऽवताद्वर्मं रक्षोभीतिषुनिन्दतिः ।वरुणः सलिला पातु कल्पान्तपवनान्मरुत् ॥ २१॥

dharmarājo'vatādvarmaṃ rakṣobhītiṣunindatiḥ |varuṇaḥ salilā pātu kalpāntapavanānmarut || 21||

धनं धनपतिः पायादैश्वर्य परमेश्वरः ।ऊर्ध्वं ब्रह्मा सदा पायादधोनारायणोऽवतुः ॥ २२॥

dhanaṃ dhanapatiḥ pāyādaiśvarya parameśvaraḥ |ūrdhvaṃ brahmā sadā pāyādadhonārāyaṇo'vatuḥ || 22||

सर्वतः सकलं सेव्यात्सवज्ञेश्वरभैरवः ।ॐ ॐ ॐ वं वं ॐ विषाद्विषधरात्पद्मावती पातुमाम् ॥ २३॥

sarvataḥ sakalaṃ sevyātsavajñeśvarabhairavaḥ |oṃ oṃ oṃ vaṃ vaṃ oṃ viṣādviṣadharātpadmāvatī pātumām || 23||

ह्रीं ह्रीं ह्रीं ह ह हा ह्सौः हयगजन्त्रासात्परापातु माम् ।श्रीं श्रीं श्रीं श श शा शशाङ्कमुकुटः सर्वज्ञनाथोऽवतु ॥ २४॥

hrīṃ hrīṃ hrīṃ ha ha hā hsauḥ hayagajantrāsātparāpātu mām |śrīṃ śrīṃ śrīṃ śa śa śā śaśāṅkamukuṭaḥ sarvajñanātho'vatu || 24||

क्लीं क्लीं क्लीं कलिपावतोरिपुभयान्नागेन्द्रभूनायकी ।इतीदं कवचं दिव्यं वज्रपञ्जरकाभिधम् ।सर्वमन्त्रमयं सिद्धं सर्वदेवीमयं परम् ॥ २५॥

klīṃ klīṃ klīṃ kalipāvatoripubhayānnāgendrabhūnāyakī |itīdaṃ kavacaṃ divyaṃ vajrapañjarakābhidham |sarvamantramayaṃ siddhaṃ sarvadevīmayaṃ param || 25||

सर्व सम्मोहनं वर्म सर्वासा परिपूरकम् ।धनदं कीर्तिदं देवि सर्वसारस्वतप्रदम् ॥ २६॥

sarva sammohanaṃ varma sarvāsā paripūrakam |dhanadaṃ kīrtidaṃ devi sarvasārasvatapradam || 26||

सर्वपूजारहस्यं च सर्वयज्ञफलप्रदम् ।सर्वैश्वर्यप्रदं तत्त्वं सर्वमन्त्ररहस्यकम् ॥ २७॥

sarvapūjārahasyaṃ ca sarvayajñaphalapradam |sarvaiśvaryapradaṃ tattvaṃ sarvamantrarahasyakam || 27||

यः पठेत्पाठयेद्वापि शृणोति श्रावयेदपि ।सवाग्मीधनवांल्लोके विद्यया गुरूसन्निभः ॥ २८॥

yaḥ paṭhetpāṭhayedvāpi śṛṇoti śrāvayedapi |savāgmīdhanavāṃlloke vidyayā gurūsannibhaḥ || 28||

ऐश्वर्येण महेशस्तु श्रियावैश्रवणोपमः ।बलेन वायुःसदृशोनीत्या भार्गवसन्निभः ॥ २९॥

aiśvaryeṇa maheśastu śriyāvaiśravaṇopamaḥ |balena vāyuḥsadṛśonītyā bhārgavasannibhaḥ || 29||

जयवान् रामसदृशो दययाविष्णुदेवसः ।बहुनोक्तेन किं देवि यः पठेद्धारयेदिदम् ॥ ३०॥

jayavān rāmasadṛśo dayayāviṣṇudevasaḥ |bahunoktena kiṃ devi yaḥ paṭheddhārayedidam || 30||

इहलोके रिपूञ्जित्वा प्राप्नुयान्निश्चलां श्रियम् ।रवौभूर्जे लिखेद्वर्म मूलमन्त्रमयं शिवे ॥ ३१॥

ihaloke ripūñjitvā prāpnuyānniścalāṃ śriyam |ravaubhūrje likhedvarma mūlamantramayaṃ śive || 31||

सयन्त्रं वाष्टगन्धेन मातृकाक्षरवेष्टितम् ।श्वेतसूत्रेण संवेष्ट्य लाक्षयापरिवेष्टयेत् ॥ ३२॥

sayantraṃ vāṣṭagandhena mātṛkākṣaraveṣṭitam |śvetasūtreṇa saṃveṣṭya lākṣayāpariveṣṭayet || 32||

सौवर्णेनाथ संवेष्ट्य पूजयेद्यन्त्रराजवत् ।धारयन् मूर्ध्निवाबाहौयोषिद्वामकरेतथा ॥ ३३॥

sauvarṇenātha saṃveṣṭya pūjayedyantrarājavat |dhārayan mūrdhnivābāhauyoṣidvāmakaretathā || 33||

किं किं न साधयेद्वीरो भवेद्भैरवसन्निभः ।वन्ध्याप्रसूयते पुत्रान् काकवन्ध्याचिरायुषः ॥ ३४॥

kiṃ kiṃ na sādhayedvīro bhavedbhairavasannibhaḥ |vandhyāprasūyate putrān kākavandhyācirāyuṣaḥ || 34||

मृतवत्सापिदेवेशि लभेत्पुत्रकुलोत्तमान् ।रणेरिपूञ्जयेद्वीरः शय्यराज्यमकण्टकम् ॥ ३५॥

mṛtavatsāpideveśi labhetputrakulottamān |raṇeripūñjayedvīraḥ śayyarājyamakaṇṭakam || 35||

भुक्त्वाभोगां लभेदन्ते परं भागवतं पदम् ।इदं रहस्यमेशानि तवभक्त्यामयेरितम् ॥ ३६॥

bhuktvābhogāṃ labhedante paraṃ bhāgavataṃ padam |idaṃ rahasyameśāni tavabhaktyāmayeritam || 36||

अदातव्यमभक्ताय गोपनीयं स्वयोनिवत् ।इति श्रीदेवीयामलतन्त्रे षडाम्नाय प्रदीपिकायांपद्मावतीकवचं सम्पूर्णम् ॥

adātavyamabhaktāya gopanīyaṃ svayonivat |iti śrīdevīyāmalatantre ṣaḍāmnāya pradīpikāyāṃpadmāvatīkavacaṃ sampūrṇam ||