कामराजकीलितोद्धारोपनिषत् Kamaraja Kilitoddhara Upanishad

अथोवाच कामराजम् । तदुपासनात् कुशलं लभेत् । श्रियं लभेत् ।गुर्वीं वाणीं लभेत् । सर्वयुवतीनां प्रियो भवेत् । प्रथमं कामस्ततःशक्तिस्तदनु तुरीयं द्वावेतौ परैतानि पञ्चाक्षराणि भवन्ति ।ततः शून्यं च द्वौ दिवाकरहरौ । तदनु गोत्रभृन्माया ।एतानि षडक्षराणि भवन्ति । ततश्चन्द्रः प्रजापतिशक्रौ ।ततो माया । एतानि चतुरक्षराणि भवन्ति । आद्यं वाग्भवं द्वितीयंकामराजं तृतीयं शक्तिबीजं शुक्लं तरुगदिवाकराभं शशिकान्तंक्रमेण स्मरेत् । कफारादित्वात्कीलिता । कोटिजपात् सिद्धिर्न जायते ।यदा मन्मथकलादिर्भवति तदा निष्कीलिता भवेत् । सिद्धिदा भवेत् ।सा वीर्यवती भवेत् । त्रैलोक्यं वशमानयेत् । पूजनाद्दौर्भाग्यनाशोभवेत् । जपात् सिद्धीश्वरो भवेत् । इति शिवम् ॥ १॥

athovāca kāmarājam | tadupāsanāt kuśalaṃ labhet | śriyaṃ labhet |gurvīṃ vāṇīṃ labhet | sarvayuvatīnāṃ priyo bhavet | prathamaṃ kāmastataḥśaktistadanu turīyaṃ dvāvetau paraitāni pañcākṣarāṇi bhavanti |tataḥ śūnyaṃ ca dvau divākaraharau | tadanu gotrabhṛnmāyā |etāni ṣaḍakṣarāṇi bhavanti | tataścandraḥ prajāpatiśakrau |tato māyā | etāni caturakṣarāṇi bhavanti | ādyaṃ vāgbhavaṃ dvitīyaṃkāmarājaṃ tṛtīyaṃ śaktibījaṃ śuklaṃ tarugadivākarābhaṃ śaśikāntaṃkrameṇa smaret | kaphārāditvātkīlitā | koṭijapāt siddhirna jāyate |yadā manmathakalādirbhavati tadā niṣkīlitā bhavet | siddhidā bhavet |sā vīryavatī bhavet | trailokyaṃ vaśamānayet | pūjanāddaurbhāgyanāśobhavet | japāt siddhīśvaro bhavet | iti śivam || 1||

अथाद्यं शाम्भवं द्वितायं शाक्तं चेति गुरुमुखात् ज्ञातव्यम् ।अन्यथा शापमाप्नुयात् । उपासना द्विविधा । शाम्भवं शाक्तं चेति । एवंलोपनाल्लोपा । प्रथमं शम्भुचन्द्रौ । तदनु दिवाकरेन्द्रौ । ततःपराबीजं वाग्भवम् । ततः कामराजं शिवचन्द्रकामशम्भुहरयः ।पराबीजं शक्तिः । कामपरामध्ये देवराजमेतच्छक्तिकूटम् ।एतेन पञ्चादशाक्षराणि भवन्ति । शम्भुप्रधानत्वाच्छाम्भवम् ।पूर्णोऽहं शिवोऽहमद्वैतरूपोऽहं नित्यानन्दरूपोऽहं इति स्मरेत् । नापिपूजायां व्रतनियमः । सर्वदा जपं चरेत् । विनोदतः कामिनीमध्येकामि नीर्दृष्ट्वा च सदानन्दरूपो भवेत् । दिव्याङ्गरागौर्देहंभृषयेत् सुगन्धमाल्याम्बरालङ्काराद्यैः । मांसाद्यैः शुद्धैःसुमधुरैर्भोजयेत् । भपञ्चकेन पूजा कार्या । सदा कौलिको भवेत् ।कुलाचागत् सर्वसिद्धीश्वरो भवेत् । एकाकी शक्तियुक्तो भवेत् ।मादनं भुक्त्वा शक्तिभुग्भवेत् । शक्तिचक्रं पूजयेत् । भोगेन शिवंमोक्षमाप्नुयात् । शक्तिहर्षोत्पादनाच्छक्तिः प्रीता भवति । इति शिवम् ॥ २॥

athādyaṃ śāmbhavaṃ dvitāyaṃ śāktaṃ ceti gurumukhāt jñātavyam |anyathā śāpamāpnuyāt | upāsanā dvividhā | śāmbhavaṃ śāktaṃ ceti | evaṃlopanāllopā | prathamaṃ śambhucandrau | tadanu divākarendrau | tataḥparābījaṃ vāgbhavam | tataḥ kāmarājaṃ śivacandrakāmaśambhuharayaḥ |parābījaṃ śaktiḥ | kāmaparāmadhye devarājametacchaktikūṭam |etena pañcādaśākṣarāṇi bhavanti | śambhupradhānatvācchāmbhavam |pūrṇo'haṃ śivo'hamadvaitarūpo'haṃ nityānandarūpo'haṃ iti smaret | nāpipūjāyāṃ vrataniyamaḥ | sarvadā japaṃ caret | vinodataḥ kāminīmadhyekāmi nīrdṛṣṭvā ca sadānandarūpo bhavet | divyāṅgarāgaurdehaṃbhṛṣayet sugandhamālyāmbarālaṅkārādyaiḥ | māṃsādyaiḥ śuddhaiḥsumadhurairbhojayet | bhapañcakena pūjā kāryā | sadā kauliko bhavet |kulācāgat sarvasiddhīśvaro bhavet | ekākī śaktiyukto bhavet |mādanaṃ bhuktvā śaktibhugbhavet | śakticakraṃ pūjayet | bhogena śivaṃmokṣamāpnuyāt | śaktiharṣotpādanācchaktiḥ prītā bhavati | iti śivam || 2||

अथ वकुलैरर्चयेत् । रक्तपुष्पैरर्चयेत् । तदभावे जलैस्तदभाबेमानसीं भक्तिमाचरेत् । इति शिवम् ॥ ३॥

atha vakulairarcayet | raktapuṣpairarcayet | tadabhāve jalaistadabhābemānasīṃ bhaktimācaret | iti śivam || 3||

(शाक्तौपनिषदः)इत्याथर्वणशाखायां कामराजकीलितोद्धारोपनिषत् समाप्ता ।

(śāktaupaniṣadaḥ)ityātharvaṇaśākhāyāṃ kāmarājakīlitoddhāropaniṣat samāptā |