दुर्गास्तोत्रम् ०९ Dharmashilakritam Durga Stotram

धर्मशील उवाच ।एका तु प्रकृतिर्नित्या सर्ववर्णस्वरूपिणी ॥ ६॥

dharmaśīla uvāca |ekā tu prakṛtirnityā sarvavarṇasvarūpiṇī || 6||

सा त्वं भगवती साक्षात्त्वया सर्वमिदं ततम् ।त्वदाज्ञया सुरश्रेष्ठो रचित्वा लोकमुत्तमम् ॥ ७॥

sā tvaṃ bhagavatī sākṣāttvayā sarvamidaṃ tatam |tvadājñayā suraśreṣṭho racitvā lokamuttamam || 7||

महालक्ष्म्या त्वया सार्द्धं बुभुजे निर्मलं सुखम् ।त्वद्भक्त्या भगवान्विष्णुस्त्रैलोक्यं ब्रह्मनिर्मितम् ॥ ८॥

mahālakṣmyā tvayā sārddhaṃ bubhuje nirmalaṃ sukham |tvadbhaktyā bhagavānviṣṇustrailokyaṃ brahmanirmitam || 8||

पालयंश्च महालक्ष्म्या त्वया सार्द्धं सनातनि ।त्वद्बलेन महादेवि त्रैलोक्यं विष्णुपालितम् ॥ ९॥

pālayaṃśca mahālakṣmyā tvayā sārddhaṃ sanātani |tvadbalena mahādevi trailokyaṃ viṣṇupālitam || 9||

महाकाल्या त्वया सार्द्धं भस्म कृत्वा विराजते ।सर्वे देवास्तथा दैत्याः पितरो मनुजाः खगाः ॥ १०॥

mahākālyā tvayā sārddhaṃ bhasma kṛtvā virājate |sarve devāstathā daityāḥ pitaro manujāḥ khagāḥ || 10||

त्वल्लीलया च ते जाता जगन्मातर्नमोऽस्तु ते ।इत्युक्तवन्तं नृपतिं वागुवाचाशरीरिणी ॥ ११॥

tvallīlayā ca te jātā jaganmātarnamo'stu te |ityuktavantaṃ nṛpatiṃ vāguvācāśarīriṇī || 11||

इति भविष्यपुराणे प्रतिसर्गपर्वणि द्वितीयखण्डे षष्ठाध्यायान्तर्गतंधरमशीलकृतं दुर्गास्तत्रं समाप्तम् ।भविष्यपुराण । प्रतिसर्गपर्व । द्वितीयखण्ड । अध्याय ६/६१०॥भविष्यपुराण । प्रतिसर्गपर्व । द्वितीयखण्ड । अध्याय ६/६-१०॥

iti bhaviṣyapurāṇe pratisargaparvaṇi dvitīyakhaṇḍe ṣaṣṭhādhyāyāntargataṃdharamaśīlakṛtaṃ durgāstatraṃ samāptam |bhaviṣyapurāṇa | pratisargaparva | dvitīyakhaṇḍa | adhyāya 6/610||bhaviṣyapurāṇa | pratisargaparva | dvitīyakhaṇḍa | adhyāya 6/6-10||