नृसिंहाष्टकम् ३ Shri Nrisimhashtakam 3

ध्यायामि नारसिंहाख्यं ब्रह्मवेदान्तगोचरम् ।भवाब्धितरणोपायं शङ्खचक्रधरं पदम् ॥नीलां रमां च परिभूय कृपारसेनस्तम्भं स्वशक्तिमनघां विनिधाय देवीम् ।प्रह्लादरक्षणविधायवती कृपा तेश्रीनारसिंह परिपालय मां च भक्तम् ॥ १॥

dhyāyāmi nārasiṃhākhyaṃ brahmavedāntagocaram |bhavābdhitaraṇopāyaṃ śaṅkhacakradharaṃ padam ||nīlāṃ ramāṃ ca paribhūya kṛpārasenastambhaṃ svaśaktimanaghāṃ vinidhāya devīm |prahlādarakṣaṇavidhāyavatī kṛpā teśrīnārasiṃha paripālaya māṃ ca bhaktam || 1||

इन्द्रादिदेवनिकरस्य किरीटकोटिप्रत्युप्तरत्नप्रतिबिम्बितपादपद्म ।कल्पान्तकालघनगर्जनतुल्यनादश्रीनारसिंह परिपालय मां च भक्तम् ॥ २॥

indrādidevanikarasya kirīṭakoṭipratyuptaratnapratibimbitapādapadma |kalpāntakālaghanagarjanatulyanādaśrīnārasiṃha paripālaya māṃ ca bhaktam || 2||

प्रह्लाद ईड्य प्रलयार्कसमानवक्त्रहुङ्कारनिर्जितनिशाचरवृन्दनाथ ।श्रीनारदादिमुनिसङ्घसुगीयमानश्रीनारसिंह परिपालय मां च भक्तम् ॥ ३॥

prahlāda īḍya pralayārkasamānavaktrahuṅkāranirjitaniśācaravṛndanātha |śrīnāradādimunisaṅghasugīyamānaśrīnārasiṃha paripālaya māṃ ca bhaktam || 3||

रात्रिञ्चराद्रिजठरात्परिस्रंस्यमानंरक्तं निपीय परिकल्पितसान्त्रमाल ।विद्राविताखिलासुरोग्रनृसिंहरूपश्रीनारसिंह परिपालय मां च भक्तम् ॥ ४॥

rātriñcarādrijaṭharātparisraṃsyamānaṃraktaṃ nipīya parikalpitasāntramāla |vidrāvitākhilāsurogranṛsiṃharūpaśrīnārasiṃha paripālaya māṃ ca bhaktam || 4||

योगीन्द्र योगपरीरक्षक देवदेवदीनार्तिहरि विभवागमगीयमान ।मां वीक्ष्य दीनमशरण्यमगण्यशीलश्रीनारसिंह परिपालय मां च भक्तम् ॥ ५॥

yogīndra yogaparīrakṣaka devadevadīnārtihari vibhavāgamagīyamāna |māṃ vīkṣya dīnamaśaraṇyamagaṇyaśīlaśrīnārasiṃha paripālaya māṃ ca bhaktam || 5||

प्रह्लादशोकविनिवारण भद्रसिंहनक्तञ्चरेन्द्र मदखण्डन वीरसिंह ।इन्द्रादिदेवजनसन्नुतपादपद्मश्रीनारसिंह परिपालय मां च भक्तम् ॥ ६॥

prahlādaśokavinivāraṇa bhadrasiṃhanaktañcarendra madakhaṇḍana vīrasiṃha |indrādidevajanasannutapādapadmaśrīnārasiṃha paripālaya māṃ ca bhaktam || 6||

तापत्रयाब्धिपरिशोषणबाडवाग्नेताराधिपप्रतिनिभानन दानवारे ।श्रीराजराजवरदाखिललोकनाथश्रीनारसिंह परिपालय मां च भक्तम् ॥ ७॥

tāpatrayābdhipariśoṣaṇabāḍavāgnetārādhipapratinibhānana dānavāre |śrīrājarājavaradākhilalokanāthaśrīnārasiṃha paripālaya māṃ ca bhaktam || 7||

ज्ञानेन केचिदवलम्ब्य पदांबुजं तेकेचित्सुकर्मनिकरेण परे च भक्त्या ।मुक्तिं गताः खलु जना कृपया मुरारेश्रीनारसिंह परिपालय मां च भक्तम् ॥ ८॥

jñānena kecidavalambya padāṃbujaṃ tekecitsukarmanikareṇa pare ca bhaktyā |muktiṃ gatāḥ khalu janā kṛpayā murāreśrīnārasiṃha paripālaya māṃ ca bhaktam || 8||

नमस्ते नारसिंहाय नमस्ते मधुवैरिणे ।नमस्ते पद्मनेत्राय नमस्ते दुःखहारिणे ॥इति श्रीनृसिंहाष्टकं सम्पूर्णम् ।

namaste nārasiṃhāya namaste madhuvairiṇe |namaste padmanetrāya namaste duḥkhahāriṇe ||iti śrīnṛsiṃhāṣṭakaṃ sampūrṇam |