नरसिंहस्तोत्रम् २ Shri Narasimha Stotram 2

जय जय भयहारिन् भक्तचित्ताब्जचारिन्जय जय नयचारिन्दृप्तमत्तारिमारिन् ।जय जय जयशालिन्पाहि नः शूरसिंहजय जय दययार्द्र त्राहि नः श्रीनृसिंह ॥ १॥

jaya jaya bhayahārin bhaktacittābjacārinjaya jaya nayacārindṛptamattārimārin |jaya jaya jayaśālinpāhi naḥ śūrasiṃhajaya jaya dayayārdra trāhi naḥ śrīnṛsiṃha || 1||

असुसमरधीरस्त्वं महात्मासि जिष्णोअमरविसरवीरस्त्वं परात्मासि विष्णो ।सदयहृदय गोप्ता त्वन्न चान्यो विमोहजय जय दययार्द्र त्राहि नः श्रीनृसिंह ॥ २॥

asusamaradhīrastvaṃ mahātmāsi jiṣṇoamaravisaravīrastvaṃ parātmāsi viṣṇo |sadayahṛdaya goptā tvanna cānyo vimohajaya jaya dayayārdra trāhi naḥ śrīnṛsiṃha || 2||

खरतरनखरास्त्रं स्वारिहत्यै विधत्सेपरतरवरहस्तं स्वावनायैव धत्से ।भवभयभयकर्ता कोऽपरास्ताक्ष्र्यवाहजय जय दययार्द्र त्राहि नः श्रीनृसिंह ॥ ३॥

kharataranakharāstraṃ svārihatyai vidhatseparataravarahastaṃ svāvanāyaiva dhatse |bhavabhayabhayakartā ko'parāstākṣryavāhajaya jaya dayayārdra trāhi naḥ śrīnṛsiṃha || 3||

असुरकुलबलारिः स्वेष्टचेतस्तमोऽरिःसकलखलबलारिस्त्वं स्वभक्तारिवैरी ।त्वदित स इनदृक् सत्पक्षपाती न चेहजय जय दययार्द्र त्राहि नः श्रीनृसिंह ॥ ४॥

asurakulabalāriḥ sveṣṭacetastamo'riḥsakalakhalabalāristvaṃ svabhaktārivairī |tvadita sa inadṛk satpakṣapātī na cehajaya jaya dayayārdra trāhi naḥ śrīnṛsiṃha || 4||

सकलसुरबलारिः प्राणिमात्रापकारीतव भजकवरारिर्धर्मविध्वंसकारी ।सुरवरवरदृप्तः सोऽप्यरिस्ते हतो हजय जय दययार्द्र त्राहि नः श्रीनृसिंह ॥ ५॥

sakalasurabalāriḥ prāṇimātrāpakārītava bhajakavarārirdharmavidhvaṃsakārī |suravaravaradṛptaḥ so'pyariste hato hajaya jaya dayayārdra trāhi naḥ śrīnṛsiṃha || 5||

दहनादहहाब्धिपातनाद्गरदानाद्भृगुपातनादपिनिजभक्त इहावितो यथा नरसिंहापि सदाव नस्तथा ॥ ६॥

dahanādahahābdhipātanādgaradānādbhṛgupātanādapinijabhakta ihāvito yathā narasiṃhāpi sadāva nastathā || 6||

निजभृत्यविभाषितं मितं खलु कर्तुं त्वमृतं दयाकरप्रकटीकृतमिध्ममध्यतो निजरूपं नरसिंह धीश्वर ॥ ७॥

nijabhṛtyavibhāṣitaṃ mitaṃ khalu kartuṃ tvamṛtaṃ dayākaraprakaṭīkṛtamidhmamadhyato nijarūpaṃ narasiṃha dhīśvara || 7||

नाराधनं न हवनं न तपो जपो वातीर्थं व्रतं न च कृतं श्रवणादि नो वा ।सेवा कुटुम्बभरणाय कृतादिदीनादीनार्तिहन् नरहरेऽघहरे ह नोऽव ॥ ८॥

nārādhanaṃ na havanaṃ na tapo japo vātīrthaṃ vrataṃ na ca kṛtaṃ śravaṇādi no vā |sevā kuṭumbabharaṇāya kṛtādidīnādīnārtihan narahare'ghahare ha no'va || 8||

इति श्रीवासुदेवानन्दसरस्वतीविरचितं श्रीनरसिंहस्तोत्रं सम्पूर्णम् ।

iti śrīvāsudevānandasarasvatīviracitaṃ śrīnarasiṃhastotraṃ sampūrṇam |