परशुरामाष्टोत्तरनामस्तोत्रम् पकारादि Pakaradi Shri Parashurama Ashtottarashatanama Stotram

पूज्यः पूर्णः प्रदीप्तात्मा पूर्णेन्दुः प्रियभूषणः ।परब्रह्मस्वरूपश्च पराशुभविनाशकः ॥ १॥

pūjyaḥ pūrṇaḥ pradīptātmā pūrṇenduḥ priyabhūṣaṇaḥ |parabrahmasvarūpaśca parāśubhavināśakaḥ || 1||

पितृसन्तोषकर्त्ता च पितृवचनपालकः ।पितृमानप्रदश्चैव पितृरिपुविघातकः ॥ २॥

pitṛsantoṣakarttā ca pitṛvacanapālakaḥ |pitṛmānapradaścaiva pitṛripuvighātakaḥ || 2||

पितृतर्पणसन्तुष्टः पञ्चस्यमन्तकव्रतः ।पितृमोक्षप्रदश्चैव पितृकुलप्रमोदकः ॥ ३॥

pitṛtarpaṇasantuṣṭaḥ pañcasyamantakavrataḥ |pitṛmokṣapradaścaiva pitṛkulapramodakaḥ || 3||

पवित्रः पवनः पारः पुण्यापुण्यफलप्रदः ।पङ्क्तिपावननामापि पिनाकपाणि पाटलः ॥ ४॥

pavitraḥ pavanaḥ pāraḥ puṇyāpuṇyaphalapradaḥ |paṅktipāvananāmāpi pinākapāṇi pāṭalaḥ || 4||

पतितक्षत्रवंशघ्नः पिशुनकुलघातकः ।पितामहः पुरीजेता पशुपाशप्रभेदकः ॥ ५॥

patitakṣatravaṃśaghnaḥ piśunakulaghātakaḥ |pitāmahaḥ purījetā paśupāśaprabhedakaḥ || 5||

पयोव्रती प्रतापी च प्रतिनिधिः प्रसादनः ।पुरोहितः प्रसन्नात्मा पद्मार्चितः पुरन्धरः ॥ ६॥

payovratī pratāpī ca pratinidhiḥ prasādanaḥ |purohitaḥ prasannātmā padmārcitaḥ purandharaḥ || 6||

पश्यकेष्टप्रदाता च पृथ्विदानपरायणः ।पार्थिववृन्दजिष्णुर्वा परब्रह्मस्वरूपकः ॥ ७॥

paśyakeṣṭapradātā ca pṛthvidānaparāyaṇaḥ |pārthivavṛndajiṣṇurvā parabrahmasvarūpakaḥ || 7||

पशुपतिः प्रकृष्टश्च प्रभवः परमेश्वरः ।पुराणः पण्डितः पूतः परमवीरतोषकः ॥ ८॥

paśupatiḥ prakṛṣṭaśca prabhavaḥ parameśvaraḥ |purāṇaḥ paṇḍitaḥ pūtaḥ paramavīratoṣakaḥ || 8||

परन्तपः परीक्षितः परमपददायकः ।परसैन्यदलच्छेत्ता परशस्त्रास्त्रभेदकः ॥ ९॥

parantapaḥ parīkṣitaḥ paramapadadāyakaḥ |parasainyadalacchettā paraśastrāstrabhedakaḥ || 9||

प्रथितयशसामग्र्यः प्रथितः प्रणताश्रयः ।पाटलाक्षः पुरोधा च पतितोद्धारकारकः ॥ १०॥

prathitayaśasāmagryaḥ prathitaḥ praṇatāśrayaḥ |pāṭalākṣaḥ purodhā ca patitoddhārakārakaḥ || 10||

परशुरामः प्रख्यातः परासवविशोषकः ।पृथ्विक्रमणगन्तापि परयोधनतत्परः ॥ ११॥

paraśurāmaḥ prakhyātaḥ parāsavaviśoṣakaḥ |pṛthvikramaṇagantāpi parayodhanatatparaḥ || 11||

पञ्चमः पद्मरेखावान् पक्ष्मलः परमेष्टदः ।प्रभुः पचपचस्तोता परिचयः पराक्रमः ॥ १२॥

pañcamaḥ padmarekhāvān pakṣmalaḥ parameṣṭadaḥ |prabhuḥ pacapacastotā paricayaḥ parākramaḥ || 12||

पिता पञ्चमहायज्ञः पद्यगद्यसुलेखकः ।प्रपङ्क्तिग्रीवदर्पघ्नः पञ्चाननः प्रतिष्ठितः ॥ १३॥

pitā pañcamahāyajñaḥ padyagadyasulekhakaḥ |prapaṅktigrīvadarpaghnaḥ pañcānanaḥ pratiṣṭhitaḥ || 13||

परिपक्वः प्रमाणज्ञः प्रेमाकृष्टः पुरातनः ।प्रणवः परिकाङ्क्षितः पटुः पर्वतवेधकः ॥ १४॥

paripakvaḥ pramāṇajñaḥ premākṛṣṭaḥ purātanaḥ |praṇavaḥ parikāṅkṣitaḥ paṭuḥ parvatavedhakaḥ || 14||

पृथ्विपतिः परिख्यातः प्रगल्भः पारिकाङ्क्षितः ।पञ्चविंशतितत्त्वज्ञः पञ्चवल्कलभूषितः ॥ १५॥

pṛthvipatiḥ parikhyātaḥ pragalbhaḥ pārikāṅkṣitaḥ |pañcaviṃśatitattvajñaḥ pañcavalkalabhūṣitaḥ || 15||

पञ्चनीराजनप्रीतः पूतात्मा पुष्करेक्षणः ।प्रतिवादिमुखस्तम्भः पराचितिप्रसादकः ॥ १६॥

pañcanīrājanaprītaḥ pūtātmā puṣkarekṣaṇaḥ |prativādimukhastambhaḥ parācitiprasādakaḥ || 16||

पीताम्बरः परिज्ञानी परलोकहितावहः ।पाता पुरुषशार्दूलः प्रचण्डः पार्वणप्रियः ॥ १७॥

pītāmbaraḥ parijñānī paralokahitāvahaḥ |pātā puruṣaśārdūlaḥ pracaṇḍaḥ pārvaṇapriyaḥ || 17||

पिशङ्गः पूर्णिमापूज्यः प्रतिनिधिः पिशङ्गकः ।पूज्यपूज्यस्य नामानि पापराशिहराणि च ॥ १८॥

piśaṅgaḥ pūrṇimāpūjyaḥ pratinidhiḥ piśaṅgakaḥ |pūjyapūjyasya nāmāni pāparāśiharāṇi ca || 18||

अष्टोत्तरशतं जप्त्वा ब्रह्मलोके महीयते ।इति हरियाणा प्रदेशे जयन्तपुरीमण्डलान्तर्गत नगूराङ्ग्रामवासिनाकृष्णचन्द्रशास्त्रिणा विरचितं पकारादिश्रीपरशुरामाष्टोत्तरनामस्तोत्रं सम्पूर्णम् ॥

aṣṭottaraśataṃ japtvā brahmaloke mahīyate |iti hariyāṇā pradeśe jayantapurīmaṇḍalāntargata nagūrāṅgrāmavāsinākṛṣṇacandraśāstriṇā viracitaṃ pakārādiśrīparaśurāmāṣṭottaranāmastotraṃ sampūrṇam ||