दशावतार नकारादि नरसिंहाष्टोत्तरशतनामस्तोत्रम् Nakaradi Shri Narasimhashtottarashatanamastotram

श्री हयग्रीवाय नमः ।हरिः ॐनरसिंहो नरो नारस्रष्टा नारायणो नवः ।नवेतरो नरपतिर्नरात्मा नरचोदनः ॥ १॥

śrī hayagrīvāya namaḥ |hariḥ oṃnarasiṃho naro nārasraṣṭā nārāyaṇo navaḥ |navetaro narapatirnarātmā naracodanaḥ || 1||

नखभिन्नस्वर्णशय्यो नखदंष्ट्राविभीषणः ।नारभीतदिशानाशो नन्तव्यो नखरायुधः ॥ २॥

nakhabhinnasvarṇaśayyo nakhadaṃṣṭrāvibhīṣaṇaḥ |nārabhītadiśānāśo nantavyo nakharāyudhaḥ || 2||

नादनिर्भिन्नपाद्माण्डो नयनाग्निहुतासुरः ।नटत्केसरसञ्जातवातविक्षिप्तवारिदः ॥ ३॥

nādanirbhinnapādmāṇḍo nayanāgnihutāsuraḥ |naṭatkesarasañjātavātavikṣiptavāridaḥ || 3||

नलिनीशसहस्राभो नतब्रह्मादिदेवतः ।नभोविश्वम्भराभ्यन्तर्व्यापिदुर्वीक्षविग्रहः ॥ ४॥

nalinīśasahasrābho natabrahmādidevataḥ |nabhoviśvambharābhyantarvyāpidurvīkṣavigrahaḥ || 4||

निश्श्वासवातसंरम्भ घूर्णमानपयोनिधिः ।निर्दयाङ्घ्रियुगन्यासदलितक्ष्माहिमस्तकः ॥ ५॥

niśśvāsavātasaṃrambha ghūrṇamānapayonidhiḥ |nirdayāṅghriyuganyāsadalitakṣmāhimastakaḥ || 5||

निजसंरम्भसन्त्रस्तब्रह्मरुद्रादिदेवतः ।निर्दम्भभक्तिमद्रक्षोडिम्भनीतशमोदयः ॥ ६॥

nijasaṃrambhasantrastabrahmarudrādidevataḥ |nirdambhabhaktimadrakṣoḍimbhanītaśamodayaḥ || 6||

नाकपालादिविनुतो नाकिलोककृतप्रियः ।नाकिशत्रूदरान्त्रादिमालाभूषितकन्धरः ॥ ७॥

nākapālādivinuto nākilokakṛtapriyaḥ |nākiśatrūdarāntrādimālābhūṣitakandharaḥ || 7||

नाकेशासिकृतत्रासदंष्ट्राभाधूततामसः ।नाकमर्त्यातलापूर्णनादनिश्शेषितद्विपः ॥ ८॥

nākeśāsikṛtatrāsadaṃṣṭrābhādhūtatāmasaḥ |nākamartyātalāpūrṇanādaniśśeṣitadvipaḥ || 8||

नामविद्राविताशेषभूतरक्षःपिशाचकः ।नामनिश्श्रेणिकारूढनिजलोकनिजव्रजः ॥ ९॥

nāmavidrāvitāśeṣabhūtarakṣaḥpiśācakaḥ |nāmaniśśreṇikārūḍhanijalokanijavrajaḥ || 9||

नालीकनाभो नागारिवन्द्यो नागाधिराड्भुजः ।नगेन्द्रधीरो नेत्रान्तस्ख्सलदग्निकणच्छटः ॥ १०॥

nālīkanābho nāgārivandyo nāgādhirāḍbhujaḥ |nagendradhīro netrāntaskhsaladagnikaṇacchaṭaḥ || 10||

नारीदुरासदो नानालोकभीकरविग्रहः ।निस्तारितात्मीयसन्थो निजैकज्ञेयवैभवः ॥ ११॥

nārīdurāsado nānālokabhīkaravigrahaḥ |nistāritātmīyasantho nijaikajñeyavaibhavaḥ || 11||

निर्व्याजभक्तप्रह्लादपरिपालनतत्परः ।निर्वाणदायी निर्व्याजभक्त्येकप्राप्यतत्पदः ॥ १२॥

nirvyājabhaktaprahlādaparipālanatatparaḥ |nirvāṇadāyī nirvyājabhaktyekaprāpyatatpadaḥ || 12||

निर्ह्रादमयनिर्घातदलितासुरराड्बलः ।निजप्रतापमार्ताण्डखद्योतीकृतभास्करः ॥ १३॥

nirhrādamayanirghātadalitāsurarāḍbalaḥ |nijapratāpamārtāṇḍakhadyotīkṛtabhāskaraḥ || 13||

निरीक्षणक्षतज्योतिर्ग्रहतारोडुमण्डलः ।निष्प्रपञ्चबृहद्भानुज्वालारुणनिरीक्षणः ॥ १४॥

nirīkṣaṇakṣatajyotirgrahatāroḍumaṇḍalaḥ |niṣprapañcabṛhadbhānujvālāruṇanirīkṣaṇaḥ || 14||

नखाग्रलग्नारिवक्षस्स्रुतरक्तारुणाम्बरः ।निश्शेषरौद्रनीरन्ध्रो नक्षत्राच्छादितक्षमः ॥ १५॥

nakhāgralagnārivakṣassrutaraktāruṇāmbaraḥ |niśśeṣaraudranīrandhro nakṣatrācchāditakṣamaḥ || 15||

निर्णिद्ररक्तोत्पलाक्षो निरमित्रो निराहवः ।निराकुलीकृतसुरो निर्णिमेयो निरीश्वरः ॥ १६॥

nirṇidraraktotpalākṣo niramitro nirāhavaḥ |nirākulīkṛtasuro nirṇimeyo nirīśvaraḥ || 16||

निरुद्धदशदिग्भागो निरस्ताखिलकल्मषः ।निगमाद्रिगुहामध्यनिर्णिद्राद्भुतकेसरी ॥ १७॥

niruddhadaśadigbhāgo nirastākhilakalmaṣaḥ |nigamādriguhāmadhyanirṇidrādbhutakesarī || 17||

निजानन्दाब्धिनिर्मग्नो निराकारो निरामयः ।निरहङ्कारविबुधचित्तकानन गोचरः ॥ १८॥

nijānandābdhinirmagno nirākāro nirāmayaḥ |nirahaṅkāravibudhacittakānana gocaraḥ || 18||

नित्यो निष्कारणो नेता निरवद्यगुणोदधिः ।निदानं निस्तमश्शक्तिर्नित्यतृप्तो निराश्रयः ॥ १९॥

nityo niṣkāraṇo netā niravadyaguṇodadhiḥ |nidānaṃ nistamaśśaktirnityatṛpto nirāśrayaḥ || 19||

निष्प्रपञ्चो निरालोको निखिलप्रीतिभासकः ।निरूढज्ञानिसचिवो निजावनकृताकृतिः ॥ २०॥

niṣprapañco nirāloko nikhilaprītibhāsakaḥ |nirūḍhajñānisacivo nijāvanakṛtākṛtiḥ || 20||

निखिलायुधनिर्भातभुजानीकशताद्भुतः ।निशितासिज्ज्वलज्जिह्वो निबद्धभृकुटीमुखः ॥ २१॥

nikhilāyudhanirbhātabhujānīkaśatādbhutaḥ |niśitāsijjvalajjihvo nibaddhabhṛkuṭīmukhaḥ || 21||

नगेन्द्रकन्दरव्यात्तवक्त्रो नम्रेतरश्रुतिः ।निशाकरकराङ्कूर गौरसारतनूरुहः ॥ २२॥

nagendrakandaravyāttavaktro namretaraśrutiḥ |niśākarakarāṅkūra gaurasāratanūruhaḥ || 22||

नाथहीनजनत्राणो नारदादिसमीडितः ।नारान्तको नारचित्तिर्नाराज्ञेयो नरोत्तमः ॥ २३॥

nāthahīnajanatrāṇo nāradādisamīḍitaḥ |nārāntako nāracittirnārājñeyo narottamaḥ || 23||

नरात्मा नरलोकांशो नरनारायणो नभः ।नतलोकपरित्राणनिष्णातो नयकोविदः ॥ २४॥

narātmā naralokāṃśo naranārāyaṇo nabhaḥ |natalokaparitrāṇaniṣṇāto nayakovidaḥ || 24||

निगमागमशाखाग्र प्रवालचरणाम्बुजः ।नित्यसिद्धो नित्यजयी नित्यपूज्यो निजप्रभः ॥ २५॥

nigamāgamaśākhāgra pravālacaraṇāmbujaḥ |nityasiddho nityajayī nityapūjyo nijaprabhaḥ || 25||

निष्कृष्टवेदतात्पर्यभूमिर्निर्णीततत्त्वकः ।नित्यानपायिलक्ष्मीको निश्श्रेयसमयाकृतिः ॥ २६॥

niṣkṛṣṭavedatātparyabhūmirnirṇītatattvakaḥ |nityānapāyilakṣmīko niśśreyasamayākṛtiḥ || 26||

निगमश्रीमहामालो निर्दग्धत्रिपुरप्रियः ।निर्मुक्तशेषाहियशा निर्द्वन्द्वो निष्कलो नरी ॥ २७॥

nigamaśrīmahāmālo nirdagdhatripurapriyaḥ |nirmuktaśeṣāhiyaśā nirdvandvo niṣkalo narī || 27||

॥ इति नकारादि श्री नरसिंहाष्टोत्तरशतनामस्तोत्रम् पराभवश्रावण शुद्धैकादश्याम् रामेण लिखिता श्री हयग्रीवाय समर्पित ॥

|| iti nakārādi śrī narasiṃhāṣṭottaraśatanāmastotram parābhavaśrāvaṇa śuddhaikādaśyām rāmeṇa likhitā śrī hayagrīvāya samarpita ||